ဒၫ့ 1
1
1
စဒၫ့နအ့လၭဒဲအထံၩအၥိၭလဖၪအဂဲး.
(ၥ:ၥ-၆:၂၈)
ၦၥၭဘၪ့လဖၪလၧစန့ၭဘူၫခၭန့ဇၫအနီး.
1လၧယုဒၫအစဎွၩယဟီအကံၫ့ ကဲၪစဎွၩအနံၪ့ ၥၧၫ့နံၪ့လနံၪ့နီၪ, ဘၭဘလၧၫ့အစဎွၩန့ၭဘူၫခၭန့ဇၫဂဲၫ 2ထီၩ့ဝ့ၫလၧယရုစလံၫ့တၭ, ဝၩ့ထၬဝ့ၫလီၫ.- ကဆါဖ့ၪ လၫ့ယုဒၫအစဎွၩယဟီအကံၫ့ လၧအစူၪဖၧၩ့တၭ,ယွၩ အဂံၪ့အဎၧၩ့အဎီလနၩ့နီၪ, အဝ့ၫဒၪဆိၬဝ့ၫလၧခးၡဲနၫ အဖၧၩ့လၧအယွၩအဂံၪ့ဖၧၩ့လီၫ. တၭဆိၬဆၧအ ဎၧၩ့အဎီလဖၪနီၪ လၧအယွၩအဂံၪ့အဆၧအီၪက့ၪကီၪ့ အလးဖၧၩ့လီၫ.
3တၭစဎွၩမၪလူၬၦဖၫဆွံၪဖိၪအခိၪ စအၭၡပံၫနၭဘဲၫ ၥိၭအမိဂဲၫဆိၬၦအံၫစရ့လၭဖိၪလနၩ့နၩ့, စဎွၩအ 4ချံၫအၥၪ,ဒဲၦဒိၪဖၭဒိၪအဖိၪး- ဖိၪၥၪခွၫလၧအလၧၫ့အ ဎွ့ၩ,ဒဲအခံးအဂၩ့ဂ့ၩ, ဒဲမၩဆၧၥ့ၪလၧဆၧကိၪ့ဆၧဆၭ ထီးအလူၬ, ဒဲၥ့ၪထၪ့ဆၧၥ့ၪယၫ, ဒဲအၪ့နၩ့ဖၭဆၧၥ့ၪ ယၫအဆၧၫ့ၥ့ၪ, ၦလၧအဆၧၫ့ထုၪ့လၧစဎွၩအနီးဖၧၩ့ ၥ့ၪ,ဘဲၫၥိၭအမိၥီၪ့လိၪအဝ့ၫၥံၪ လၧၦခၫလဒံအၫဖိၪအ 5လံၬအလဲ,ဒဲအလၨဆ့လီၫ.- တၭစဎွၩအီၪက့ၪလၩ့န့ အဝ့ၫၥံၪလၧစဎွၩအဆၧအၪ့အွံၪ လနံၩအဂးလနံၩအ ဂး,ဒဲအစဘံၭထံၫလၧအအီၩဝ့ၫ, ဘဲၫၥိၭၦမိလုအၪ့အ ဝ့ၫၥံၪၥၧၫ့နံၪ့အထးဖၧၩ့တၭ, လၧအလးခဲၫ့နီၪအဝ့ၫၥံၪ မိအီၪဆၧၫ့ထုၪ့လၧစဎွၩအမ့ၬယၫလီၫ.
6လၧၦလဖၪနီၪအကျၩ ၦယုဒၫဖိၪအီၪဝ့ၫလနၩ့,မွဲစ ဒၫ့နအ့လၭ,စဟၫ့အနဲအၫ, စမၡ့ၫအ့လၭ,ဒဲစအၭဇရဲ 7အၫလီၫ.- တၭၦဖၫဆွံၪဖိၪ အခိၪဖျိၬထဲၩ့အမံၩ့လီၫ. စဒၫ့နအ့လၭနီၪဖျိၬထဲၩ့အမံၩ့ လၧစဘ့ၫလၭတၡၭဇၫ, ဒဲစဟၫ့အနဲအၫနီၪ လၧစၡၫဒၭ, ဒဲစမၡ့ၫအ့လၭနီၪ လၧစမံၡ့ၭး ဒဲစအၭဇရဲအၫနီၪလၧစအဘ့ၫဒန့ဂိၫ လီၫ.
8လၧဆၧဘၪဆဲၫ့လၧစဎွၩ အဆၧအၪ့အွံၪ,ဒဲစဘံၭ ထံၫလၧအအီၩဝ့ၫနီၪ, စဒၫ့နအ့လၭအီၪက့ၪဝဲၩလၧအ ၥၭခံဖၧၩ့လၧအမိမၩဘၪၥၭလိၪ အနၫ့ဆါလၧဆၧနီၪဆ့ အ့ၬ. အခိးမွဲဘဲၫနီၪတၭ အၪ့ကံၩ့ဝ့ၫလၧၦဖၫဆွံၪဖိၪအ ခိၪဘဲၫၥိၭအထီးမၩဘၪၥၭလိၪ အနၫ့ဆါလဂ့ၩလီၫ. 9တၭယွၩဖ့ၪလၫ့စဒၫ့နအ့လၭ လၧဆၧအခိးအတၩ,ဒဲ ဆၧၥၭအီၪဆၧ လၧၦဖၫဆွံၪဖိၪအခိၪအမ့ၬယၫလီၫ. 10တၭၦဖၫဆွံၪဖိၪအခိၪနီၪစံၭစဒၫ့နအ့လၭ, ယၥၭမဲၪယ ကဆါစဎွၩလၧအအီၪက့ၪလၩ့ နၥံၪအဆၧအၪ့ဒဲနၥံၪ အဆၧအီၩလီၫ. အဂဲးဘဲၫယီၩမိဒၪဘၪနၥံၪအမ့ၬလၩ့ ၡါနဲၪ့ၦအီၪဖျဲၪဎုၬ လၧနၥံၪဒံၭမွဲဘၪလဲၪး တၭနၥံၪမိ ဒုၭဘၪယခိၪဎွံၪ လၧဆၧဒဲၩဘၭ လၧစဎွၩအစူၪဖၧၩ့ လီၫ.
11ထီးနီၪလဖၧၫ့စဒၫ့နအ့လၭ, စံၭစမ့လဇၫလၧၦဖၫ ဆွံၪဖိၪအခိၪအီၪက့ၪယူၭဝ့ၫ လၧစဒၫ့နအ့လၭ,စဟၫ့အ နဲအၫ,စမၡ့ၫအ့လၭ, ဒဲစအၭဇရဲအၫအဖၫ့ခိၪနီၪ, 12မၩခွါနခ့ၫနၡၩနးဆံၫနံၩဘီၪ. တၭဖ့ၪလၫ့လါပၧၩလၧ ဆၧဒိၭဆၧလၪလၧပမိအၪ့, ဒဲထံၫလၧပမိအီၩဆံၭ. 13ထီးနီၪလဖၧၫ့မွဲဆၧယိပမ့ၬ, ဒဲၦဖိၪၥၪခွၫလၧအအၪ့ စဎွၩအဆၧအၪ့အွံၪလဖၪအမ့ၬ လၧနမ့ၬယၫဆံၭ. 14တၭဘဲၫနဒၪဆၧအၥိၭနီၪ မၩနခ့ၫနၡၩဘီၪ.- အဝ့ၫဒၪ ခိၭနၪအလူလၧဆၧနီၪလမံၩ့အကၠီၩ့တၭ, မၩခွါဝ့ၫဆံၫ 15နံၩလီၫ.- တၭလၧဆံၫနံၩအထုၬနီၪ အဝ့ၫၥံၪအခံးအ ဂၩ့ဂ့ၩနဲၪ့, ဒဲအဖံၭအယၪဘီၪ့နဲၪ့ကယဲၦဖိၪၥၪခွၫလၧ 16အအၪ့စဎွၩအဆၧအၪ့အွံၪထီးအလူၬဒံၭလီၫ.- အခိး မွဲစမ့လဇၫမၩန့ခွံၬအဆၧအၪ့အွံၪ, ဒဲအစဘံၭထံၫလၧ အအီၩဝ့ၫတၭ, ဖ့ၪလၫ့အဝ့ၫၥံၪ လၧဆၧဒိၭဆၧလၪ လီၫ.
17ဆၧလၧဖိၪၥၪခွၫလံဂၩနီၪ ယွၩဖ့ၪလၫ့အဝ့ၫၥံၪလၧ ဆၧၥ့ၪယၫ,ဒဲအၥုၪ့ဆၭအၥၭဆၭ လၧကယဲဆၧမၩ လိၪ,ဒဲဆၧကိၪ့ၥ့ၪအကျၩ ထီးအလူၬလီၫ. တၭစဒၫ့န အ့လၭနၪၥ့ၪ ကယဲဆၧဒၪဆၧလၧယၫလခီၫ, ဒဲဆၧမံၫ မးကိၭမံၩ့ဒ့ၭထီးအလူၬလီၫ.
18တၭမုနံၩလဖၪအထုၬ လၧစဎွၩမၪလူၬယူၭလၧၦမိ ဒုၭဂဲၫနုၬဝ့ၫနီၪ, ၦဖၫဆွံၪဖိၪအခိၪဒုၭဂဲၫနုၬအဝ့ၫၥံၪ 19လၧန့ၭဘူၫခၭန့ဇၫအမ့ၬယၫလီၫ.- စဎွၩနီၪအၪ့စိၭ အၪ့စၪ့အဝ့ၫၥံၪတၭ, ၦဘဲၫစဒၫ့နအ့လၭ, စဟၫ့အနဲ အၫ,စမၡ့ၫအ့လၭ, ဒဲစအၭဇရဲအၫအၥိၭအီၪလၧၦ ထီးအလူၬနီၪအကျၩနးဂၩအ့ၬ. တၭအဝ့ၫၥံၪအီၪဆၧၫ့ ထုၪ့လၧစဎွၩအမ့ၬယၫလီၫ.
20တၭကယဲဆၧဘၪဆဲၫ့လၧဆၧကိၪ့ၥ့ၪ, ဆၧကိၪ့ဆၧ ဆၭလၧစဎွၩအၪ့စၪ့အဝ့ၫၥံၪ လၧအဂဲးအကၠီၪ့နီၪ,ဒၪ န့ဝ့ၫလၧအဝ့ၫၥံၪဂ့ၩနဲၪ့ဒံၭကယဲၦကွ့ၭလံၬ, ဒဲၦၥ့ၪဆၧ အူၪဆၧပီၩ အီၪလၧအဘၩ့အမုးအဖၧၩ့ ထီးအလူၬ ဆံၫဘျၩ့နီၪလီၫ.
21တၭစဒၫ့နအ့လၭအီၪဝ့ၫထီးစဎွၩစဲရၧၭအနံၪ့အခၪ့ ထံၭလနံၪ့လီၫ.
Currently Selected:
ဒၫ့ 1: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
