လံာ်ပှၤစံၣ်ညီၣ်ကွီၢ်. ၁၄
၁၄
1ဒီးစီၤၡံၣ်ၡိၣ် လဲၤလီၤဆူတံးမနး, ဒီးထံၣ်ပိာ်မုၣ်တ ဂၤလၢ တံမနးအပူၤ, လၢပှၤဖလ့ၡသးဖိ အဖိမုၣ်အ ကျါလီၤ.
2ဒီးဟဲက့ၤ စံၣ်တဲၤတဲလီၤအမိၢ်အပၢ်, ဒီးစံးဝဲဒၣ်, ယထံၣ်လံပိာ်မုၣ်တဂၤလၢ တံမနးအပူၤလၢ ပှၤဖလ့ ၡသးဖိအဖိမုၣ်အကျါလံ, ဒီးခဲကနံၣ်အံၤမၤန့ၢ်အီၤလၢ ယမါတက့ၢ်.
3ဒီးအမိၢ်အပၢ်စံးဘၣ်အီၤ, မ့ၢ်ပိာ်မုၣ်လၢနဒီပုၢ်ဝဲၢ်အ ဖိမုၣ်အကျါ, လၢယပှၤတကလုာ်အကျါန့ၣ် တအိၣ် ဘၣ်ဒီး, နလဲၤမၤန့ၢ်နမါလၢ ပှၤတဒိးဘၣ်တၢ်ကူးတ ရံး, ပှၤဖလ့ၡသးဖိအကျါန့ၣ်ဧါ. ဒီးစီၤၡံၣ်ၡိၣ်စံးဘၣ် အပၢ်, မၤန့ၢ်အီၤလၢယဂီၢ်တက့ၢ်. အဂ့ၢ်ဒ်အံၤ, ဘၣ် မးယသးလၢအီၤလီၤ. 4(ဘၣ်ဆၣ်ဒီး အမိၢ်အပၢ်တ သ့ၣ်ညါဘၣ်လၢ တၢ်တမံၤန့ၣ်ဟဲလၢယွၤ, လၢအဃု အလီၢ်လၢ ပှၤဖလ့ၡသးဖိန့ၣ်ဘၣ်. ဒီးအကတီၢ်ဖဲန့ၣ် ပှၤဖလ့ၡသးဖိ ပၢအံၣ်စရ့လးလီၤ).
5ဒီးစီၤၡံၣ်ၡိၣ် ဒီးအမိၢ်ဒီးအပၢ်လဲၤလီၤဆူတံးမနး, ဒီး လဲၤတုၤလၢ တံးမနးအစပံးအလီၢ်တဖၣ်, ဒီးကွၢ်ကွၢ် ခ့ယုၢ်ဖိကညီၤဝဲလၢအလိၤလီၤ.
6ဒီးယွၤအသးအိၣ်ထီၣ်လၢ အလိၤဆူၣ်ဆူၣ်ကလဲာ်, ဒီးစီၤၡံၣ်ၡိၣ်ဖှီကွံာ်အီၤ, ဒ်အကဖှီမဲာ်တဲးလဲးဖိအသိး, ဒီးတၢ်တအိၣ်လၢအစုပူၤနီတမံၤဘၣ်. ဒီးတၢ်လၢအ မၤဝဲန့ၣ်တစံးဘၣ်တဲဘၣ်အမိၢ်အပၢ်ဘၣ်.
7ဒီးလဲၤလီၤဝဲဒီးကတိၤလိာ် အသးဒီးပိာ်မုၣ်, ဒီးဘၣ် မးစီၤၡံၣ်ၡိၣ်အသးလၢအီၤလီၤ.
8မုၢ်နံၤတဖၣ်အလီၢ်ခံန့ၣ် ဟဲက့ၤဝဲဒ်သိး အကဟံး န့ၢ်အီၤ, ဒီးဃၣ်ကပၤအသး ဒ်သိးအကကွၢ်ခ့ယုၢ်အ စိၣ်လီၤ. ဒီးကွၢ်ကွၢ်, ကနဲတဖု, ဒီးကနဲစီအိၣ်ဝဲလၢ ခ့ယုၢ်အစိၣ်ပူၤလီၤ. 9ဒီးဟံးန့ၢ်ဝဲလၢအစုပူၤ, ဒီးအီၣ် တၢ်ဒီးလဲၤတၢ်, ဒီးဟဲဆူအမိၢ်အပၢ်အအိၣ်, ဒီးဟ့ၣ် ဝဲလၢအီၤ, ဒီးအဝဲသ့ၣ်အီၣ်ဝဲလီၤ. ဘၣ်ဆၣ်ဒီးတစံး ဘၣ်အီၤလၢအဟံးန့ၢ်ကနဲစီလၢခ့ယုၢ်အစိၣ်ပူၤဘၣ်.
10ဒီးအပၢ်လဲၤလီၤဆူပိာ်မုၣ်အအိၣ်, ဒီးစီၤၡံၣ်ၡိၣ်မၤ တလးမူးအမူးလီၤ. အဂ့ၢ်ဒ်အံၤ, ပှၤဖိၣ်သၣ်ခွါတဖၣ် န့ၣ်မၤဝဲဒ်န့ၣ်လီၤ.
11ဒီးတုၤပှၤထံၣ်အီၤဒီး, တၢ်မၤအသးလၢအဟံးန့ၢ်ဟဲ စိာ်အတံၤသကိးသၢဆံ, ဒီးအိၣ်ဝဲဒီးအီၤလီၤ.
12ဒီးစီၤၡံၣ်ၡိၣ်စံးဘၣ်အီၤ, ယကပှိၤပှီၢ်တၢ်ဒီးသုလီၤ. တၢ်အမူးနွံနံၤအတီၢ်ပူၤန့ၣ်သုမ့ၢ်ဖးန့ၢ်ယၤ, ဒီးထံၣ်န့ၢ် အီၤဒီး, ယကဟ့ၣ်သုလၢဆ့ဖှီဝါအဘ့ၣ်သၢဆံဒီးတၢ် ကလံၤသုသးအဂီၢ်အဘျီသၢဆံလီၤ. 13မ့မ့ၢ်သုဖးန့ၢ် ယၤမ့ၢ်တသ့ဘၣ်ဒီး, သုဘၣ်ဟ့ၣ်ယၤလၢဆ့ဖှီဝါအ ဘ့ၣ်သၢဆံဒီးတၢ်ကလံၤယသးအဂီၢ်အဘျီသၢဆံလီၤ. ဒီးအဝဲသ့ၣ်စံးဝဲဒၣ်, ပှိၤပှီၢ်နတၢ်ပှိၤပှီၢ်တက့ၢ်, ဒီးပ ကနၢ်ဟူတၢ်လီၤ.
14ဒီးအဝဲဒၣ်စံးဘၣ်အီၤ,လၢတၢ်အီၣ်တၢ်အပူၤန့ၣ်ဟဲထီၣ်တၢ်အီၣ်,ဒီးလၢတၢ်အဆူၣ်အပူၤန့ၣ်ဟဲထီၣ်တၢ်အဆၢ, ဒီးသၢနံၤအတီၢ်ပူၤန့ၣ် ဖးတၢ်ပှိၤပှီၢ်န့ၣ်တသ့ဘၣ်. 15ဒီး လၢမုၢ်နွံနံၤတနံၤန့ၣ် တၢ်မၤအသးလၢအဝဲသ့ၣ်တဖၣ် န့ၣ်စံးဘၣ်စီၤၡံၣ်ၡိၣ်အမါ, လွဲကဒံလွဲကဒါနဝၤဒ်သိးအ ကဖးန့ၢ်ပှၤလၢတၢ်ပှိၤပှီၢ်န့ၣ်တက့ၢ်. ပကဆူးထီၣ်ကွံာ် ဘၣ်ဖုးနၤဒီးနပၢ်အဟံၣ်လၢမ့ၣ်အူလီၤ. သုကိးန့ၢ်ပှၤဒ် သိးသုကဟံးန့ၢ်ပတၢ်စ့ၢ်ကီးဧါ. မ့ၢ်ဒ်န့ၣ်တမ့ၢ်ဘၣ်ဧါ.
16ဒီးစီၤၡံၣ်ၡိၣ်အမါ အမဲာ်ထံလီၤလၢအဖီခိၣ်ဒီးစံးဝဲဒၣ် ထဲနသးဟ့ယၤလီၤ. နတအဲၣ်ဘၣ်ယၤဘၣ်. နပှိၤပှီၢ် တၢ်ဒီးယပှၤတကလုာ်ဒၣ်ယဲအဖိ, ဒီးနတဖးန့ၢ်ဘၣ် ယၤဘၣ်. ဒီးစံးဝဲဒၣ်, ကွၢ်ကွၢ်, ယတဖးန့ၢ်ဘၣ်ယ မိၢ်ယပၢ်ဘၣ်, ဒီးယကဖးန့ၢ်နၤစ့ၢ်ကီးဧါ.
17ဒီးနွံနံၤလၢအမူးအိၣ်အတီၢ်ပူၤန့ၣ် အမဲာ်ထံလီၤလၢ အဖီခိၣ်, ဒီးမုၢ်နွံနံၤတနံၤန့ၣ် တၢ်မၤအသးလၢအဖး န့ၢ်အီၤလီၤ. အဂ့ၢ်ဒ်အံၤ, သဆၣ်ထီၣ်ဆူၣ်အခံ, ဒီး အဝဲဒၣ်ဖးတၢ်ပှိၤပှီၢ်လၢအပှၤတကလုာ်ဒၣ်ဝဲအဖိလီၤ.
18ဒီးမုၢ်နွံနံၤတနံၤန့ၣ်လၢမုၢ်တချုးလီၤနုာ်ဒံးဘၣ်ဒီး, ဝ့ၢ် အပှၤကညီစံးဘၣ်အီၤ, တၢ်လၢအဆၢန့ၢ်ကနဲစီမ့ၢ်မနုၤ တမံၤလဲၣ်, ဒီးတၢ်လၢအဆူၣ်န့ၢ်ခ့ယုၢ် မ့ၢ်မနုၤတမံၤ လဲၣ်. ဒီးအဝဲဒၣ်စံးဘၣ်အီၤ, သုမ့ၢ်တထဲၣ်တၢ်ဒီးယဂီၤဖံးမိၢ်တဒုဘၣ်ဒီး,သုတထံၣ်န့ၢ်ဘၣ်ယတၢ်ပှိၤပှီၢ်ဘၣ်.
19ဒီးယွၤအသးလီၤဘၣ်လၢအလိၤ, ဒီးလဲၤလီၤဝဲဆူ အၤၡကလိၣ်, ဒီးမၤသံပှၤကညီသၢဆံလၢအကျါ, ဒီး မၤန့ၢ်အတၢ်ဖိတၢ်လံၤ, ဒီးဟ့ၣ်တၢ်ကလံၤအသးအဂီၢ် တဖၣ်လၢ ပှၤလၢအဖးတၢ်ပှိၢ်ပှီၢ်န့ၣ်လီၤ. ဒီးအသး ထီၣ်, ဒီးလဲၤဝဲဆူအပၢ်အဟံၣ်ပူၤလီၤ.
20မ့မ့ၢ်စီၤၡံၣ်ၡိၣ်အမါန့ၣ် တၢ်ဟ့ၣ်လီၤအီၤလၢပှၤလၢ အဝဲဒၣ်မၤတ့ၢ်အီၤလၢအသကိးတဂၤန့ၣ်လီၤ.
Currently Selected:
လံာ်ပှၤစံၣ်ညီၣ်ကွီၢ်. ၁၄: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.
လံာ်ပှၤစံၣ်ညီၣ်ကွီၢ်. ၁၄
၁၄
1ဒီးစီၤၡံၣ်ၡိၣ် လဲၤလီၤဆူတံးမနး, ဒီးထံၣ်ပိာ်မုၣ်တ ဂၤလၢ တံမနးအပူၤ, လၢပှၤဖလ့ၡသးဖိ အဖိမုၣ်အ ကျါလီၤ.
2ဒီးဟဲက့ၤ စံၣ်တဲၤတဲလီၤအမိၢ်အပၢ်, ဒီးစံးဝဲဒၣ်, ယထံၣ်လံပိာ်မုၣ်တဂၤလၢ တံမနးအပူၤလၢ ပှၤဖလ့ ၡသးဖိအဖိမုၣ်အကျါလံ, ဒီးခဲကနံၣ်အံၤမၤန့ၢ်အီၤလၢ ယမါတက့ၢ်.
3ဒီးအမိၢ်အပၢ်စံးဘၣ်အီၤ, မ့ၢ်ပိာ်မုၣ်လၢနဒီပုၢ်ဝဲၢ်အ ဖိမုၣ်အကျါ, လၢယပှၤတကလုာ်အကျါန့ၣ် တအိၣ် ဘၣ်ဒီး, နလဲၤမၤန့ၢ်နမါလၢ ပှၤတဒိးဘၣ်တၢ်ကူးတ ရံး, ပှၤဖလ့ၡသးဖိအကျါန့ၣ်ဧါ. ဒီးစီၤၡံၣ်ၡိၣ်စံးဘၣ် အပၢ်, မၤန့ၢ်အီၤလၢယဂီၢ်တက့ၢ်. အဂ့ၢ်ဒ်အံၤ, ဘၣ် မးယသးလၢအီၤလီၤ. 4(ဘၣ်ဆၣ်ဒီး အမိၢ်အပၢ်တ သ့ၣ်ညါဘၣ်လၢ တၢ်တမံၤန့ၣ်ဟဲလၢယွၤ, လၢအဃု အလီၢ်လၢ ပှၤဖလ့ၡသးဖိန့ၣ်ဘၣ်. ဒီးအကတီၢ်ဖဲန့ၣ် ပှၤဖလ့ၡသးဖိ ပၢအံၣ်စရ့လးလီၤ).
5ဒီးစီၤၡံၣ်ၡိၣ် ဒီးအမိၢ်ဒီးအပၢ်လဲၤလီၤဆူတံးမနး, ဒီး လဲၤတုၤလၢ တံးမနးအစပံးအလီၢ်တဖၣ်, ဒီးကွၢ်ကွၢ် ခ့ယုၢ်ဖိကညီၤဝဲလၢအလိၤလီၤ.
6ဒီးယွၤအသးအိၣ်ထီၣ်လၢ အလိၤဆူၣ်ဆူၣ်ကလဲာ်, ဒီးစီၤၡံၣ်ၡိၣ်ဖှီကွံာ်အီၤ, ဒ်အကဖှီမဲာ်တဲးလဲးဖိအသိး, ဒီးတၢ်တအိၣ်လၢအစုပူၤနီတမံၤဘၣ်. ဒီးတၢ်လၢအ မၤဝဲန့ၣ်တစံးဘၣ်တဲဘၣ်အမိၢ်အပၢ်ဘၣ်.
7ဒီးလဲၤလီၤဝဲဒီးကတိၤလိာ် အသးဒီးပိာ်မုၣ်, ဒီးဘၣ် မးစီၤၡံၣ်ၡိၣ်အသးလၢအီၤလီၤ.
8မုၢ်နံၤတဖၣ်အလီၢ်ခံန့ၣ် ဟဲက့ၤဝဲဒ်သိး အကဟံး န့ၢ်အီၤ, ဒီးဃၣ်ကပၤအသး ဒ်သိးအကကွၢ်ခ့ယုၢ်အ စိၣ်လီၤ. ဒီးကွၢ်ကွၢ်, ကနဲတဖု, ဒီးကနဲစီအိၣ်ဝဲလၢ ခ့ယုၢ်အစိၣ်ပူၤလီၤ. 9ဒီးဟံးန့ၢ်ဝဲလၢအစုပူၤ, ဒီးအီၣ် တၢ်ဒီးလဲၤတၢ်, ဒီးဟဲဆူအမိၢ်အပၢ်အအိၣ်, ဒီးဟ့ၣ် ဝဲလၢအီၤ, ဒီးအဝဲသ့ၣ်အီၣ်ဝဲလီၤ. ဘၣ်ဆၣ်ဒီးတစံး ဘၣ်အီၤလၢအဟံးန့ၢ်ကနဲစီလၢခ့ယုၢ်အစိၣ်ပူၤဘၣ်.
10ဒီးအပၢ်လဲၤလီၤဆူပိာ်မုၣ်အအိၣ်, ဒီးစီၤၡံၣ်ၡိၣ်မၤ တလးမူးအမူးလီၤ. အဂ့ၢ်ဒ်အံၤ, ပှၤဖိၣ်သၣ်ခွါတဖၣ် န့ၣ်မၤဝဲဒ်န့ၣ်လီၤ.
11ဒီးတုၤပှၤထံၣ်အီၤဒီး, တၢ်မၤအသးလၢအဟံးန့ၢ်ဟဲ စိာ်အတံၤသကိးသၢဆံ, ဒီးအိၣ်ဝဲဒီးအီၤလီၤ.
12ဒီးစီၤၡံၣ်ၡိၣ်စံးဘၣ်အီၤ, ယကပှိၤပှီၢ်တၢ်ဒီးသုလီၤ. တၢ်အမူးနွံနံၤအတီၢ်ပူၤန့ၣ်သုမ့ၢ်ဖးန့ၢ်ယၤ, ဒီးထံၣ်န့ၢ် အီၤဒီး, ယကဟ့ၣ်သုလၢဆ့ဖှီဝါအဘ့ၣ်သၢဆံဒီးတၢ် ကလံၤသုသးအဂီၢ်အဘျီသၢဆံလီၤ. 13မ့မ့ၢ်သုဖးန့ၢ် ယၤမ့ၢ်တသ့ဘၣ်ဒီး, သုဘၣ်ဟ့ၣ်ယၤလၢဆ့ဖှီဝါအ ဘ့ၣ်သၢဆံဒီးတၢ်ကလံၤယသးအဂီၢ်အဘျီသၢဆံလီၤ. ဒီးအဝဲသ့ၣ်စံးဝဲဒၣ်, ပှိၤပှီၢ်နတၢ်ပှိၤပှီၢ်တက့ၢ်, ဒီးပ ကနၢ်ဟူတၢ်လီၤ.
14ဒီးအဝဲဒၣ်စံးဘၣ်အီၤ,လၢတၢ်အီၣ်တၢ်အပူၤန့ၣ်ဟဲထီၣ်တၢ်အီၣ်,ဒီးလၢတၢ်အဆူၣ်အပူၤန့ၣ်ဟဲထီၣ်တၢ်အဆၢ, ဒီးသၢနံၤအတီၢ်ပူၤန့ၣ် ဖးတၢ်ပှိၤပှီၢ်န့ၣ်တသ့ဘၣ်. 15ဒီး လၢမုၢ်နွံနံၤတနံၤန့ၣ် တၢ်မၤအသးလၢအဝဲသ့ၣ်တဖၣ် န့ၣ်စံးဘၣ်စီၤၡံၣ်ၡိၣ်အမါ, လွဲကဒံလွဲကဒါနဝၤဒ်သိးအ ကဖးန့ၢ်ပှၤလၢတၢ်ပှိၤပှီၢ်န့ၣ်တက့ၢ်. ပကဆူးထီၣ်ကွံာ် ဘၣ်ဖုးနၤဒီးနပၢ်အဟံၣ်လၢမ့ၣ်အူလီၤ. သုကိးန့ၢ်ပှၤဒ် သိးသုကဟံးန့ၢ်ပတၢ်စ့ၢ်ကီးဧါ. မ့ၢ်ဒ်န့ၣ်တမ့ၢ်ဘၣ်ဧါ.
16ဒီးစီၤၡံၣ်ၡိၣ်အမါ အမဲာ်ထံလီၤလၢအဖီခိၣ်ဒီးစံးဝဲဒၣ် ထဲနသးဟ့ယၤလီၤ. နတအဲၣ်ဘၣ်ယၤဘၣ်. နပှိၤပှီၢ် တၢ်ဒီးယပှၤတကလုာ်ဒၣ်ယဲအဖိ, ဒီးနတဖးန့ၢ်ဘၣ် ယၤဘၣ်. ဒီးစံးဝဲဒၣ်, ကွၢ်ကွၢ်, ယတဖးန့ၢ်ဘၣ်ယ မိၢ်ယပၢ်ဘၣ်, ဒီးယကဖးန့ၢ်နၤစ့ၢ်ကီးဧါ.
17ဒီးနွံနံၤလၢအမူးအိၣ်အတီၢ်ပူၤန့ၣ် အမဲာ်ထံလီၤလၢ အဖီခိၣ်, ဒီးမုၢ်နွံနံၤတနံၤန့ၣ် တၢ်မၤအသးလၢအဖး န့ၢ်အီၤလီၤ. အဂ့ၢ်ဒ်အံၤ, သဆၣ်ထီၣ်ဆူၣ်အခံ, ဒီး အဝဲဒၣ်ဖးတၢ်ပှိၤပှီၢ်လၢအပှၤတကလုာ်ဒၣ်ဝဲအဖိလီၤ.
18ဒီးမုၢ်နွံနံၤတနံၤန့ၣ်လၢမုၢ်တချုးလီၤနုာ်ဒံးဘၣ်ဒီး, ဝ့ၢ် အပှၤကညီစံးဘၣ်အီၤ, တၢ်လၢအဆၢန့ၢ်ကနဲစီမ့ၢ်မနုၤ တမံၤလဲၣ်, ဒီးတၢ်လၢအဆူၣ်န့ၢ်ခ့ယုၢ် မ့ၢ်မနုၤတမံၤ လဲၣ်. ဒီးအဝဲဒၣ်စံးဘၣ်အီၤ, သုမ့ၢ်တထဲၣ်တၢ်ဒီးယဂီၤဖံးမိၢ်တဒုဘၣ်ဒီး,သုတထံၣ်န့ၢ်ဘၣ်ယတၢ်ပှိၤပှီၢ်ဘၣ်.
19ဒီးယွၤအသးလီၤဘၣ်လၢအလိၤ, ဒီးလဲၤလီၤဝဲဆူ အၤၡကလိၣ်, ဒီးမၤသံပှၤကညီသၢဆံလၢအကျါ, ဒီး မၤန့ၢ်အတၢ်ဖိတၢ်လံၤ, ဒီးဟ့ၣ်တၢ်ကလံၤအသးအဂီၢ် တဖၣ်လၢ ပှၤလၢအဖးတၢ်ပှိၢ်ပှီၢ်န့ၣ်လီၤ. ဒီးအသး ထီၣ်, ဒီးလဲၤဝဲဆူအပၢ်အဟံၣ်ပူၤလီၤ.
20မ့မ့ၢ်စီၤၡံၣ်ၡိၣ်အမါန့ၣ် တၢ်ဟ့ၣ်လီၤအီၤလၢပှၤလၢ အဝဲဒၣ်မၤတ့ၢ်အီၤလၢအသကိးတဂၤန့ၣ်လီၤ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.