လံာ်ဒၤနံးယ့လး. ၅
၅
1စီၤပၤဘ့ၤလၡါစၢ် မၤတၢ်အီၣ်တၢ်အီဖးဒိၣ် လၢအပ ဒိၣ်ဖးဒိၣ်တကထိအဂီၢ်, ဒီးအီစပံးထံလၢပှၤတကထိန့ၣ် အမဲာ်ညါလီၤ.
2စီၤဘ့ၤလၡါစၢ်အီကွၢ်စပံးထံအဖၢမုၢ်န့ၣ်ဒီး, မၤလိာ် ပှၤစိာ်လီခီထူ, ဒီးလီခီစ့လၢအပၢ်နဘူၤကးန့စၢ်ဟဲစိာ် ထီၣ်ကွံာ်လၢနူၢ်ပူၤလၢယရူၤၡလ့ၣ်အပူၤ, ဒ်သိးစီၤပၤ, ဒီး အပဒိၣ်ဖးဒိၣ်, ဒီးအမါတဖၣ်ဒီးအသံၣ်မါတဖၣ်ကအီ တၢ်လၢအပူၤလီၤ.
3တုၤနုၤတစုတၢ်ဟဲစိာ်လီခီထူလၢ ပှၤစိာ်ထီၣ်ကွံာ်လၢ ယွၤအဟံၣ်အနူၢ်ပူၤ လၢအအိၣ်ဝဲလၢယရူၤၡလ့ၣ်အပူၤ, ဒီးစီၤပၤ, ဒီးအပဒိၣ်ဖးဒိၣ်တဖၣ်, ဒီးအမါတဖၣ်, ဒီး အသံၣ်မါတဖၣ်အီတၢ်လၢအပူၤလီၤ.
4အဝဲသ့ၣ်အီဝဲလၢစပံးထံ, ဒီးစံးထီၣ်ပတြၢၤကစၢ်ထူ, ဒီးကစၢ်စ့, ကစၢ်တိၢ်, ကစၢ်ထး, ကစၢ်သ့ၣ်, ဒီးကစၢ် လၢၢ်လီၤ.
5ပှၤကညီအစုမုၢ်အိၣ်ထီၣ် တကီၢ်ခါ, ဒီးကွဲးဝဲသဃီၤ ဒီးမ့ၣ်အူဒၢလၢစီၤပၤအနူၢ်အဒူၣ် လၢအဖှူအသးအလိၤ, ဒီးစီၤပၤထံၣ်ဘၣ်စုတကူာ်လၢအကွဲးတၢ်လီၤ.
6တုၤနုၤတစုစီၤပၤအမဲာ်ဂီၤဂံၢ်ဂီၤကး, ဒီးအတၢ်ဆိက မိၣ်မၤကိၢ်အသး, ဒီးအယီၢ်ဒ့အဆၢလီၤဖျု, ဒီးအခီၣ် လ့ၢ်ခိၣ်ဘၣ်ထံးလိာ်အသးလီၤ.
7စီၤပၤကိးပသူထီၣ်ဒ်သိး ပှၤကဟဲစိာ်ပှၤသ့တၢ်အူတၢ် သမူ, ပှၤက့ၤစ့းဖိ, ဒီးပှၤကွၢ်ဆၣ်ဧိၤဖီဧိၤသ့လီၤ. ကတိၤ ဝဲဒီးစံးလၢ ဘၤဘူၤလိၣ်အပှၤကူၣ်တၢ်သ့တဖၣ်, ဖဲဒၣ် ပှၤလၢအကဖးတၢ်ကွဲးအသးအံၤ, ဒီးဒုးနဲၣ်ယၤလၢအဒိၣ် အယိာ်တဂၤဂၤန့ၣ် ယကဒုးကူဒုးသိးအီၤလၢတၢ်လုးတ ကုာ်, ဒီးဒုးလံာ်သွဲထူလၢအကိာ်လီၤ. ဒီးကကဲထီၣ်ပှၤ ပၢတၢ်လၢယဘီမုၢ်အပူၤသၢဂၤတဂၤလီၤ.
8တုၤနုၤတစု စီၤပၤအကူၣ်တၢ်သ့ခဲလၢာ်ဟဲဝဲ, ဒီးဖး တၢ်ကွဲးအသး, ဒီးဘိးဘၣ်သ့ၣ်ညါစီၤပၤလၢ အဒိၣ်အ ယိာ်တသ့ဘၣ်.
9တုၤနုၤတစု စီၤပၤဘ့ၤလၡါစၢ် အသူၣ်ကိၢ်အသးဂီၤ ဒိၣ်မး, ဒီးအမဲာ်ဂီၢ်ကံၢ်ဂီၤကး, ဒီးအပဒိၣ်ဖးဒိၣ်တဖၣ် အသးကတုၤလီၤ.
10နီၢ်ပၤမုၣ်ဟဲဝဲဆူတၢ်အီၣ်တၢ်အီအဟံၣ်ပူၤ လၢစီၤပၤ ဒီးအပဒိၣ်ဖးဒိၣ်တဖၣ်အကလုၢ်အဃိလီၤ. နီၢ်ပၤမုၣ်က တိၤတၢ်ဒီးစံးဝဲဒၣ်, စီၤပၤဧၢ,မ်နမူလီၤထူလီၤယိာ်တက့ၢ်. မ်တၢ်ဆိကမိၣ်အသုတမၤကိၢ်နသးတဂ့ၤ. မ်နမဲာ်အသု တဂီၤဂံၢ်ဂီၤကးတဂ့ၤ. 11လၢနဘီနမုၢ်အပူၤန့ၣ်ပှၤလၢက စၢ်စီဆှံတဖၣ်အသးအိၣ်ဝဲလၢအပူၤန့ၣ်အိၣ်ဝဲတဂၤ, ဒီး လၢနပၢ်အမုၢ်နံၤတဖၣ်န့ၣ်တၢ်ကပီၤ, တၢ်ကူၣ်တၢ်ဆး, ဒီးတၢ်ကူၣ်သ့, ဒ်ကစၢ်တဖၣ်အတၢ်ကူၣ်သ့အသိးန့ၣ် အိၣ်ဝဲလၢအပူၤလီၤ. ဒီးနပၢ်စီၤပၤနဘူၤကးန့စၢ်, နပၢ်ဒၣ် လဲာ်ပာ်အီၤလၢပှၤကွဲးလံာ်, ပှၤသ့တၢ်အူတၢ်သမူ, ပှၤ က့ၤစ့းဖိ, ပှၤကွၢ်ဆၣ်ဖိဧိၤဖီဧိၤသ့တဖၣ်အခိၣ်, စီၤပၤဧၢ.
12အဂ့ၢ်ဒ်အံၤမ့ၢ်အသးသ့, ဒီးတၢ်သ့ၣ်ညါ, ဒီးတၢ်ကူၣ် တၢ်ဆးဒ်သိးအကဖးတၢ်မံမီၢ်, ဒီးတၢ်ပှိၤပှီၢ်, ဒီးဒုးနဲၣ် တၢ်ကတိၤကီအဂ့ၢ်န့ၣ် အိၣ်ဝဲလၢ စီၤဒၤနံးယ့လးအပူၤ လၢစီၤပၤယုၢ်အမံၤလၢဘ့ၤလးတၡါစၢ်လီၤ. မၤသးဒ်န့ၣ် ဒီးခဲကနံၣ်အံၤ, မ်ပှၤကိးန့ၢ်စီၤဒၤနံးယ့လးတက့ၢ်. ဒီး ကဖးလၢတၢ်အဒိၣ်အယိာ်လီၤ.
13တုၤနုၤတစု ပှၤဟဲစိာ်စီၤဒၤနံးယ့လးဆူ စီၤပၤအမဲာ် ညါလီၤ. စီၤပၤကတိၤတၢ်, ဒီးစံးဘၣ်စီၤဒၤနံးယ့လး, န မ့ၢ်စီၤဒၤနံးယ့လး လၢပှၤယူဒၤဖိကဲကုၢ်လၢယပၢ်ဟဲစိာ် လၢကီၢ်ယူဒၤတဖၣ်အကျါန့ၣ်ဧါ.
14ယနၢ်ဟူတၢ်လၢ နဂ့ၢ်လၢကစၢ်တဖၣ်အသးအိၣ်လၢ နပူၤ, ဒီးတၢ်ကပီၤ, ဒီးတၢ်ကူၣ်တၢ်ဆး, ဒီးတၢ်ကူၣ်သ့ အါအါကလဲာ်အိၣ်ဝဲဒီးနၤလီၤ.
15ဒီးခဲကနံၣ်အံၤ ပှၤဟဲစိာ်ပှၤကူၣ်တၢ်သ့, ပှၤသ့တၢ်အူ တၢ်သမူလၢယမဲာ်ညါ, ဒ်သိးအကဖးတၢ်ကွဲးအသးအံၤ, ဒီးဘိးဘၣ်သ့ၣ်ညါယၤလၢအဒိၣ်အယိာ်လီၤ. ဘၣ်ဆၣ် ဒီးဒုးနဲၣ်တၢ်အံၤအဒိၣ်အယိာ်တသ့ဘၣ်.
16ဒီးယနၢ်ဟူလၢနဂ့ၢ်လၢနဖးတၢ်သ့, ဒီးဒုးနဲၣ်တၢ်က တိၤကီအဂ့ၢ်သ့လီၤ. ခဲကနံၣ်အံၤနဖးတၢ်ကွဲးအသးအံၤ, ဒီးဘိးဘၣ်သ့ၣ်ညါယၤလၢအဒိၣ်အယိာ်မ့ၢ်သ့ဒီး, ယက ဒုးကူဒုးသိးနၤလၢတၢ်လုးတကုာ်, ဒီးဒုးလံာ်သွဲထူလၢ နကိာ်, ဒီးနကကဲထီၣ်ပှၤပၢတၢ်လၢယဘီမုၢ်အပူၤသၢ ဂၤတဂၤလီၤ.
17တုၤနုၤတစုစီၤဒၤနံးယ့လးစံးဆၢတၢ်, ဒီးစံးလၢစီၤပၤ အမဲာ်ညါ, မ်နတၢ်ဟ့ၣ်တဖၣ်အိၣ်ဝဲဒီး နကစၢ်ဒၣ်နဲတ က့ၢ်. ဒီးမ်နဟ့ၣ်လီၤနဘူးနလဲတဖၣ် လၢပှၤဂၤတက့ၢ်. ဘၣ်ဆၣ်ဒီးယကဖးန့ၢ်စီၤပၤလၢတၢ်ကွဲးအသး, ဒီးယက ဘိးဘၣ်သ့ၣ်ညါအီၤလၢအဒိၣ်အယိာ်လီၤ.
18နဲဒၣ်အံၤစီၤပၤဧၢ, ကစၢ်အထီကတၢၢ် ဟ့ၣ်လီၤနပၢ် စီၤနဘူၤကးန့စၢ်လၢဘီဧိၤမုၢ်ဧိၤ, ဒီးတၢ်အဒိၣ်အထီ, ဒီး တၢ်လၤကပီၤ, ဒီးတၢ်အကဟုကညီၢ်လီၤ.
19ဒီးလၢတၢ်အကဟုကညီၢ်လၢ အဟ့ၣ်လီၤအီၤအဃိ န့ၣ်ကယဲၢ်ပှၤဂီၢ်မုၢ်, ပှၤကလုာ်တဖၣ်, ဒီးပှၤကတိၤတၢ် အကျိာ်အကလုာ်ကလုာ်ခဲလၢာ်န့ၣ်ကနိးဝဲ, ဒီးပျံၤတၢ် လၢအမဲာ်ညါလီၤ. ဖဲဒၣ်နသးဒီးမၤသံပှၤ, ဒီးဖဲဒၣ်အသး ဒီးဒုးမူဒံးပှၤ, ဖဲဒၣ်အသးဒီးပာ်ထီၣ်ထီပှၤ, ဒီးဖဲဒၣ်အ သးဒီးဆီၣ်လီၤပှၤလီၤ.
20ဒီးတုၤအပာ်ထီၣ်ထီအသး, ဒီးအသးကိၤလၢအပာ် ကဖိအသးအဃိဒီး, တၢ်တ့ၢ်လီၤကွံာ်အီၤလၢ အလီၢ်ပ စိာ်စီၤပၤ, ဒီးတၢ်ထုးထီၣ်ကွံာ်အလၤကပီၤ, 21ဒီးတၢ်ဟီ ထီၣ်ကွံာ်အီၤလၢ ပှၤကညီအကျါ, ဒီးအအိၣ်အဆိးအ လီၢ်အိၣ်ဝဲဒီးကသ့ၣ်ယီၤအမံၤလီၤ. တၢ်ဒုးအီၣ်အီၤလၢ နီၣ်ဧိၤမံၤဧိၤဒ်ဂီၤဖံးအသိး, ဒီးဘၣ်စီၣ်ဝဲလၢမူခိၣ်အပစီၤ ထံတုၤအသ့ၣ်ညါလၢကစၢ်, တၢ်ထီကတၢၢ်တဂၤ, ပၢ တၢ်လၢပှၤကညီအဘီအမုၢ်အဖီခိၣ်, ဒီးပာ်ဝဲလၢအဖီခိၣ် ဖဲဒၣ်ပှၤလၢအဘၣ်အသးတဂၤဂၤလီၤ.
22ဒီးနဲဒၣ်အဖိခွါ, စီၤဘ့ၤလၡါစၢ်ဧၢ, နသ့ၣ်ညါတၢ်အံၤ ခဲလၢာ်ဘၣ်ဆၣ်ဒီးနတဆီၣ်လီၤဘၣ်နသးဘၣ်, 23မ့မ့ၢ်န ပာ်ထီၣ်နသးလၢမူခိၣ်အကစၢ်အဖီခိၣ်, ဒီးပှၤဟဲစိာ်အ ဟံၣ်အလီခီဆူနမဲာ်ညါ, ဒီးနဲဒၣ်, ဒီးနပဒိၣ်ဖးဒိၣ်တဖၣ်, နမါတဖၣ်, ဒီးနသံၣ်မါတဖၣ်အီစပံးထံလၢအပူၤ, ဒီးနစံး ထီၣ်ပတြၢၤကစၢ်စ့, ကစၢ်ထူ, ကစၢ်တိၢ်, ကစၢ်ထး, က စၢ်သ့ၣ်, ဒီးကစၢ်လၢၢ်လၢအတထံၣ်ဘၣ်တၢ်ဘၣ်, ဒီးတ နၢ်ဟူဘၣ်တၢ်ဘၣ်, ဒီးတသ့ၣ်ညါဘၣ်တၢ်ဘၣ်လီၤ. မ့ မ့ၢ်ကစၢ်လၢနတၢ်သါအိၣ်လၢအစုပူၤ, ဒီးနကျဲခဲလၢာ် အိၣ်ဝဲဒီးအီၤတဂၤန့ၣ်နတမၤလၤကပီၤဘၣ်အီၤဘၣ်.
24မၤသးဒ်န့ၣ်ဒီးတၢ်မၢလီၤစုတကူာ်လၢအအိၣ်, ဒီးတၢ် ကွဲးအံၤအိၣ်ကွဲးအသးလီၤ. 25ဒီးအအံၤမ့ၢ်တၢ်ကွဲးလၢအ ကွဲးအသး,မန့ၤ, မန့ၤ, တက့လး, အူပၢ်စံၣ်.
26အအံၤမ့ၢ်တၢ်အဒိၣ်အယိာ်,မန့ၤ, ဒ်ပစံးတၢ်အသိး, ကစၢ်န့ၣ်ဂံၢ်တ့ၢ်နဘီနမုၢ်, ဒီးမၤကတၢၢ်ကွံာ်အီၤလီၤ.
27တက့လး, ဒ်ပစံးတၢ်အသိး, တၢ်စီၤနၤလၢစီၤပီၢ်ပူၤ, ဒီးနတအါဘၣ်လီၤ.
28ပရ့ၣ်, ဒ်ပစံးတၢ်အသိး, နဘီနမုၢ်လီၤဖးလိာ်အသး, ဒီးတၢ်ဟ့ၣ်အီၤလၢပှၤမၤဒဲဖိဒီးပှၤပၤရၣ်ဖိလီၤ.
29တုၤနုၤတစုစီၤဘ့ၤလၡါစၢ်မၤလိာ်တၢ်, ဒီးပှၤဒုးကူဒုး သိးစီၤဒၤနံးယ့လးလၢအတၢ်လုးတကုာ်, ဒီးဒုးလံာ်သွဲ ထူလၢအကိာ်, ဒီးပှၤကိးထီၣ်ဝဲလၢအဂ့ၢ် လၢအကကဲ ထီၣ်ပှၤပၢတၢ်လၢဘီဧိၤမုၢ်ဧိၤအပူၤသၢဂၤတဂၤလီၤ.
30တၢ်လၢမုၢ်တနၤန့ၣ် တၢ်မၤသံပှၤက့ၤစ့းဖိအစီၤပၤဘ့ၤ လၡါစၢ်လီၤ. 31ဒီးပှၤမၤဒဲဖိစီၤဒၤရယါဝ့ၣ် အသးပှၢ်အ နံၣ်ဃုဆံခံနံၣ်ဃၣ်ဃၣ်, ဒီးမၤန့ၢ်ဘီဧိၤမုၢ်ဧိၤလီၤ.
Currently Selected:
လံာ်ဒၤနံးယ့လး. ၅: KSWM
Highlight
Copy
Compare
Share
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.
လံာ်ဒၤနံးယ့လး. ၅
၅
1စီၤပၤဘ့ၤလၡါစၢ် မၤတၢ်အီၣ်တၢ်အီဖးဒိၣ် လၢအပ ဒိၣ်ဖးဒိၣ်တကထိအဂီၢ်, ဒီးအီစပံးထံလၢပှၤတကထိန့ၣ် အမဲာ်ညါလီၤ.
2စီၤဘ့ၤလၡါစၢ်အီကွၢ်စပံးထံအဖၢမုၢ်န့ၣ်ဒီး, မၤလိာ် ပှၤစိာ်လီခီထူ, ဒီးလီခီစ့လၢအပၢ်နဘူၤကးန့စၢ်ဟဲစိာ် ထီၣ်ကွံာ်လၢနူၢ်ပူၤလၢယရူၤၡလ့ၣ်အပူၤ, ဒ်သိးစီၤပၤ, ဒီး အပဒိၣ်ဖးဒိၣ်, ဒီးအမါတဖၣ်ဒီးအသံၣ်မါတဖၣ်ကအီ တၢ်လၢအပူၤလီၤ.
3တုၤနုၤတစုတၢ်ဟဲစိာ်လီခီထူလၢ ပှၤစိာ်ထီၣ်ကွံာ်လၢ ယွၤအဟံၣ်အနူၢ်ပူၤ လၢအအိၣ်ဝဲလၢယရူၤၡလ့ၣ်အပူၤ, ဒီးစီၤပၤ, ဒီးအပဒိၣ်ဖးဒိၣ်တဖၣ်, ဒီးအမါတဖၣ်, ဒီး အသံၣ်မါတဖၣ်အီတၢ်လၢအပူၤလီၤ.
4အဝဲသ့ၣ်အီဝဲလၢစပံးထံ, ဒီးစံးထီၣ်ပတြၢၤကစၢ်ထူ, ဒီးကစၢ်စ့, ကစၢ်တိၢ်, ကစၢ်ထး, ကစၢ်သ့ၣ်, ဒီးကစၢ် လၢၢ်လီၤ.
5ပှၤကညီအစုမုၢ်အိၣ်ထီၣ် တကီၢ်ခါ, ဒီးကွဲးဝဲသဃီၤ ဒီးမ့ၣ်အူဒၢလၢစီၤပၤအနူၢ်အဒူၣ် လၢအဖှူအသးအလိၤ, ဒီးစီၤပၤထံၣ်ဘၣ်စုတကူာ်လၢအကွဲးတၢ်လီၤ.
6တုၤနုၤတစုစီၤပၤအမဲာ်ဂီၤဂံၢ်ဂီၤကး, ဒီးအတၢ်ဆိက မိၣ်မၤကိၢ်အသး, ဒီးအယီၢ်ဒ့အဆၢလီၤဖျု, ဒီးအခီၣ် လ့ၢ်ခိၣ်ဘၣ်ထံးလိာ်အသးလီၤ.
7စီၤပၤကိးပသူထီၣ်ဒ်သိး ပှၤကဟဲစိာ်ပှၤသ့တၢ်အူတၢ် သမူ, ပှၤက့ၤစ့းဖိ, ဒီးပှၤကွၢ်ဆၣ်ဧိၤဖီဧိၤသ့လီၤ. ကတိၤ ဝဲဒီးစံးလၢ ဘၤဘူၤလိၣ်အပှၤကူၣ်တၢ်သ့တဖၣ်, ဖဲဒၣ် ပှၤလၢအကဖးတၢ်ကွဲးအသးအံၤ, ဒီးဒုးနဲၣ်ယၤလၢအဒိၣ် အယိာ်တဂၤဂၤန့ၣ် ယကဒုးကူဒုးသိးအီၤလၢတၢ်လုးတ ကုာ်, ဒီးဒုးလံာ်သွဲထူလၢအကိာ်လီၤ. ဒီးကကဲထီၣ်ပှၤ ပၢတၢ်လၢယဘီမုၢ်အပူၤသၢဂၤတဂၤလီၤ.
8တုၤနုၤတစု စီၤပၤအကူၣ်တၢ်သ့ခဲလၢာ်ဟဲဝဲ, ဒီးဖး တၢ်ကွဲးအသး, ဒီးဘိးဘၣ်သ့ၣ်ညါစီၤပၤလၢ အဒိၣ်အ ယိာ်တသ့ဘၣ်.
9တုၤနုၤတစု စီၤပၤဘ့ၤလၡါစၢ် အသူၣ်ကိၢ်အသးဂီၤ ဒိၣ်မး, ဒီးအမဲာ်ဂီၢ်ကံၢ်ဂီၤကး, ဒီးအပဒိၣ်ဖးဒိၣ်တဖၣ် အသးကတုၤလီၤ.
10နီၢ်ပၤမုၣ်ဟဲဝဲဆူတၢ်အီၣ်တၢ်အီအဟံၣ်ပူၤ လၢစီၤပၤ ဒီးအပဒိၣ်ဖးဒိၣ်တဖၣ်အကလုၢ်အဃိလီၤ. နီၢ်ပၤမုၣ်က တိၤတၢ်ဒီးစံးဝဲဒၣ်, စီၤပၤဧၢ,မ်နမူလီၤထူလီၤယိာ်တက့ၢ်. မ်တၢ်ဆိကမိၣ်အသုတမၤကိၢ်နသးတဂ့ၤ. မ်နမဲာ်အသု တဂီၤဂံၢ်ဂီၤကးတဂ့ၤ. 11လၢနဘီနမုၢ်အပူၤန့ၣ်ပှၤလၢက စၢ်စီဆှံတဖၣ်အသးအိၣ်ဝဲလၢအပူၤန့ၣ်အိၣ်ဝဲတဂၤ, ဒီး လၢနပၢ်အမုၢ်နံၤတဖၣ်န့ၣ်တၢ်ကပီၤ, တၢ်ကူၣ်တၢ်ဆး, ဒီးတၢ်ကူၣ်သ့, ဒ်ကစၢ်တဖၣ်အတၢ်ကူၣ်သ့အသိးန့ၣ် အိၣ်ဝဲလၢအပူၤလီၤ. ဒီးနပၢ်စီၤပၤနဘူၤကးန့စၢ်, နပၢ်ဒၣ် လဲာ်ပာ်အီၤလၢပှၤကွဲးလံာ်, ပှၤသ့တၢ်အူတၢ်သမူ, ပှၤ က့ၤစ့းဖိ, ပှၤကွၢ်ဆၣ်ဖိဧိၤဖီဧိၤသ့တဖၣ်အခိၣ်, စီၤပၤဧၢ.
12အဂ့ၢ်ဒ်အံၤမ့ၢ်အသးသ့, ဒီးတၢ်သ့ၣ်ညါ, ဒီးတၢ်ကူၣ် တၢ်ဆးဒ်သိးအကဖးတၢ်မံမီၢ်, ဒီးတၢ်ပှိၤပှီၢ်, ဒီးဒုးနဲၣ် တၢ်ကတိၤကီအဂ့ၢ်န့ၣ် အိၣ်ဝဲလၢ စီၤဒၤနံးယ့လးအပူၤ လၢစီၤပၤယုၢ်အမံၤလၢဘ့ၤလးတၡါစၢ်လီၤ. မၤသးဒ်န့ၣ် ဒီးခဲကနံၣ်အံၤ, မ်ပှၤကိးန့ၢ်စီၤဒၤနံးယ့လးတက့ၢ်. ဒီး ကဖးလၢတၢ်အဒိၣ်အယိာ်လီၤ.
13တုၤနုၤတစု ပှၤဟဲစိာ်စီၤဒၤနံးယ့လးဆူ စီၤပၤအမဲာ် ညါလီၤ. စီၤပၤကတိၤတၢ်, ဒီးစံးဘၣ်စီၤဒၤနံးယ့လး, န မ့ၢ်စီၤဒၤနံးယ့လး လၢပှၤယူဒၤဖိကဲကုၢ်လၢယပၢ်ဟဲစိာ် လၢကီၢ်ယူဒၤတဖၣ်အကျါန့ၣ်ဧါ.
14ယနၢ်ဟူတၢ်လၢ နဂ့ၢ်လၢကစၢ်တဖၣ်အသးအိၣ်လၢ နပူၤ, ဒီးတၢ်ကပီၤ, ဒီးတၢ်ကူၣ်တၢ်ဆး, ဒီးတၢ်ကူၣ်သ့ အါအါကလဲာ်အိၣ်ဝဲဒီးနၤလီၤ.
15ဒီးခဲကနံၣ်အံၤ ပှၤဟဲစိာ်ပှၤကူၣ်တၢ်သ့, ပှၤသ့တၢ်အူ တၢ်သမူလၢယမဲာ်ညါ, ဒ်သိးအကဖးတၢ်ကွဲးအသးအံၤ, ဒီးဘိးဘၣ်သ့ၣ်ညါယၤလၢအဒိၣ်အယိာ်လီၤ. ဘၣ်ဆၣ် ဒီးဒုးနဲၣ်တၢ်အံၤအဒိၣ်အယိာ်တသ့ဘၣ်.
16ဒီးယနၢ်ဟူလၢနဂ့ၢ်လၢနဖးတၢ်သ့, ဒီးဒုးနဲၣ်တၢ်က တိၤကီအဂ့ၢ်သ့လီၤ. ခဲကနံၣ်အံၤနဖးတၢ်ကွဲးအသးအံၤ, ဒီးဘိးဘၣ်သ့ၣ်ညါယၤလၢအဒိၣ်အယိာ်မ့ၢ်သ့ဒီး, ယက ဒုးကူဒုးသိးနၤလၢတၢ်လုးတကုာ်, ဒီးဒုးလံာ်သွဲထူလၢ နကိာ်, ဒီးနကကဲထီၣ်ပှၤပၢတၢ်လၢယဘီမုၢ်အပူၤသၢ ဂၤတဂၤလီၤ.
17တုၤနုၤတစုစီၤဒၤနံးယ့လးစံးဆၢတၢ်, ဒီးစံးလၢစီၤပၤ အမဲာ်ညါ, မ်နတၢ်ဟ့ၣ်တဖၣ်အိၣ်ဝဲဒီး နကစၢ်ဒၣ်နဲတ က့ၢ်. ဒီးမ်နဟ့ၣ်လီၤနဘူးနလဲတဖၣ် လၢပှၤဂၤတက့ၢ်. ဘၣ်ဆၣ်ဒီးယကဖးန့ၢ်စီၤပၤလၢတၢ်ကွဲးအသး, ဒီးယက ဘိးဘၣ်သ့ၣ်ညါအီၤလၢအဒိၣ်အယိာ်လီၤ.
18နဲဒၣ်အံၤစီၤပၤဧၢ, ကစၢ်အထီကတၢၢ် ဟ့ၣ်လီၤနပၢ် စီၤနဘူၤကးန့စၢ်လၢဘီဧိၤမုၢ်ဧိၤ, ဒီးတၢ်အဒိၣ်အထီ, ဒီး တၢ်လၤကပီၤ, ဒီးတၢ်အကဟုကညီၢ်လီၤ.
19ဒီးလၢတၢ်အကဟုကညီၢ်လၢ အဟ့ၣ်လီၤအီၤအဃိ န့ၣ်ကယဲၢ်ပှၤဂီၢ်မုၢ်, ပှၤကလုာ်တဖၣ်, ဒီးပှၤကတိၤတၢ် အကျိာ်အကလုာ်ကလုာ်ခဲလၢာ်န့ၣ်ကနိးဝဲ, ဒီးပျံၤတၢ် လၢအမဲာ်ညါလီၤ. ဖဲဒၣ်နသးဒီးမၤသံပှၤ, ဒီးဖဲဒၣ်အသး ဒီးဒုးမူဒံးပှၤ, ဖဲဒၣ်အသးဒီးပာ်ထီၣ်ထီပှၤ, ဒီးဖဲဒၣ်အ သးဒီးဆီၣ်လီၤပှၤလီၤ.
20ဒီးတုၤအပာ်ထီၣ်ထီအသး, ဒီးအသးကိၤလၢအပာ် ကဖိအသးအဃိဒီး, တၢ်တ့ၢ်လီၤကွံာ်အီၤလၢ အလီၢ်ပ စိာ်စီၤပၤ, ဒီးတၢ်ထုးထီၣ်ကွံာ်အလၤကပီၤ, 21ဒီးတၢ်ဟီ ထီၣ်ကွံာ်အီၤလၢ ပှၤကညီအကျါ, ဒီးအအိၣ်အဆိးအ လီၢ်အိၣ်ဝဲဒီးကသ့ၣ်ယီၤအမံၤလီၤ. တၢ်ဒုးအီၣ်အီၤလၢ နီၣ်ဧိၤမံၤဧိၤဒ်ဂီၤဖံးအသိး, ဒီးဘၣ်စီၣ်ဝဲလၢမူခိၣ်အပစီၤ ထံတုၤအသ့ၣ်ညါလၢကစၢ်, တၢ်ထီကတၢၢ်တဂၤ, ပၢ တၢ်လၢပှၤကညီအဘီအမုၢ်အဖီခိၣ်, ဒီးပာ်ဝဲလၢအဖီခိၣ် ဖဲဒၣ်ပှၤလၢအဘၣ်အသးတဂၤဂၤလီၤ.
22ဒီးနဲဒၣ်အဖိခွါ, စီၤဘ့ၤလၡါစၢ်ဧၢ, နသ့ၣ်ညါတၢ်အံၤ ခဲလၢာ်ဘၣ်ဆၣ်ဒီးနတဆီၣ်လီၤဘၣ်နသးဘၣ်, 23မ့မ့ၢ်န ပာ်ထီၣ်နသးလၢမူခိၣ်အကစၢ်အဖီခိၣ်, ဒီးပှၤဟဲစိာ်အ ဟံၣ်အလီခီဆူနမဲာ်ညါ, ဒီးနဲဒၣ်, ဒီးနပဒိၣ်ဖးဒိၣ်တဖၣ်, နမါတဖၣ်, ဒီးနသံၣ်မါတဖၣ်အီစပံးထံလၢအပူၤ, ဒီးနစံး ထီၣ်ပတြၢၤကစၢ်စ့, ကစၢ်ထူ, ကစၢ်တိၢ်, ကစၢ်ထး, က စၢ်သ့ၣ်, ဒီးကစၢ်လၢၢ်လၢအတထံၣ်ဘၣ်တၢ်ဘၣ်, ဒီးတ နၢ်ဟူဘၣ်တၢ်ဘၣ်, ဒီးတသ့ၣ်ညါဘၣ်တၢ်ဘၣ်လီၤ. မ့ မ့ၢ်ကစၢ်လၢနတၢ်သါအိၣ်လၢအစုပူၤ, ဒီးနကျဲခဲလၢာ် အိၣ်ဝဲဒီးအီၤတဂၤန့ၣ်နတမၤလၤကပီၤဘၣ်အီၤဘၣ်.
24မၤသးဒ်န့ၣ်ဒီးတၢ်မၢလီၤစုတကူာ်လၢအအိၣ်, ဒီးတၢ် ကွဲးအံၤအိၣ်ကွဲးအသးလီၤ. 25ဒီးအအံၤမ့ၢ်တၢ်ကွဲးလၢအ ကွဲးအသး,မန့ၤ, မန့ၤ, တက့လး, အူပၢ်စံၣ်.
26အအံၤမ့ၢ်တၢ်အဒိၣ်အယိာ်,မန့ၤ, ဒ်ပစံးတၢ်အသိး, ကစၢ်န့ၣ်ဂံၢ်တ့ၢ်နဘီနမုၢ်, ဒီးမၤကတၢၢ်ကွံာ်အီၤလီၤ.
27တက့လး, ဒ်ပစံးတၢ်အသိး, တၢ်စီၤနၤလၢစီၤပီၢ်ပူၤ, ဒီးနတအါဘၣ်လီၤ.
28ပရ့ၣ်, ဒ်ပစံးတၢ်အသိး, နဘီနမုၢ်လီၤဖးလိာ်အသး, ဒီးတၢ်ဟ့ၣ်အီၤလၢပှၤမၤဒဲဖိဒီးပှၤပၤရၣ်ဖိလီၤ.
29တုၤနုၤတစုစီၤဘ့ၤလၡါစၢ်မၤလိာ်တၢ်, ဒီးပှၤဒုးကူဒုး သိးစီၤဒၤနံးယ့လးလၢအတၢ်လုးတကုာ်, ဒီးဒုးလံာ်သွဲ ထူလၢအကိာ်, ဒီးပှၤကိးထီၣ်ဝဲလၢအဂ့ၢ် လၢအကကဲ ထီၣ်ပှၤပၢတၢ်လၢဘီဧိၤမုၢ်ဧိၤအပူၤသၢဂၤတဂၤလီၤ.
30တၢ်လၢမုၢ်တနၤန့ၣ် တၢ်မၤသံပှၤက့ၤစ့းဖိအစီၤပၤဘ့ၤ လၡါစၢ်လီၤ. 31ဒီးပှၤမၤဒဲဖိစီၤဒၤရယါဝ့ၣ် အသးပှၢ်အ နံၣ်ဃုဆံခံနံၣ်ဃၣ်ဃၣ်, ဒီးမၤန့ၢ်ဘီဧိၤမုၢ်ဧိၤလီၤ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.