रोमी 2
2
परमेश्वरजी छेनाले निसाफ लम्
1ओ अरूए फिर छ्याब् ल्हैदिबै म्हि, क्हि खाब् मुँलेया निउँ लबै घ्याँ तोइ आरे, तलेबिस्याँ क्हिइ अरूए फिर खैले छ्याब् ल्हैदिमुँ छाबन् के क्हिज्यै लम्। छतसि खाबइ आगुए फिर छ्याब् ल्हैदिमुँ च ह्रोंसन् दोषि ठर्दिम्।#मत्ती ७:१; लूक ६:३७ 2परमेश्वरजी निसाफ लमा छाबै के लबै म्हिमैं दोषि ठर्दिम् बिबै ताँ ङ्योइ सेइमुँ। 3छाबै आछ्याँबै के लइ बिसि क्हिइ अरूलाइ दोष ल्हैदिमुँ, दिलेया ह्रोंसज्यै च केन् लप्रम् बिस्याँ परमेश्वरजी निसाफ लमा क्हि स्योल् खाँम्मा? आखाँ! 4परमेश्वरजी क्हिए फिर ल्हयो खम्, छतसि युनन् सजैं आपिं, बरु ल्हें समा क्हिलाइ सैदिसि म्हाँया लम्। दिलेया क्हिइ खीलाइ अझै म्हि आल! क्हिए सैं खी ङाँइ एरिगे बिसि परमेश्वरजी क्हिए फिर ल्हयो लम् बिब क्हिइ आसे वा?
5दिलेया क्हिइ सैं सारो लसि परमेश्वर ङाँइ सैं एदा आङ्हाँ। छतसि परमेश्वरजी ठिक निसाफ लबै त्हिंइर क्हिइ अझै थेबै सजैं योंब्मुँ। 6म्हिमैंइ खैबै के लइमुँ छाबन् इनाम परमेश्वरजी पिंब्मुँ।#भज ६२:१२; हितो २४:१२ 7तोन् तलेया छ्याँबै के लसि स्याबासि, इजेत नेरो खोंयोंइ आखाँबै छ्ह म्हैब्मैंलाइ परमेश्वरजी खोंयोंइ आखाँबै छ्ह पिंब्मुँ। 8दिलेया प्होंगि कैगि लब्मैं, क्ह्रोंसेंन्बै ताँ आङिंब्मैं नेरो आछ्याँबै के लब्मैंए फिर बिस्याँ परमेश्वर ह्रिस खसि सजैं पिंब्मुँ। 9आछ्याँबै के लबै ताँन् म्हिमैंए फिर दुःख कष्ट तब्मुँ, ओंसों यहूदी ह्रेंए फिर झाइले अरू ह्रेंमैंए फिर। 10छलेन छ्याँबै के लब्मैंलाइ परमेश्वरजी स्याबासि, इजेत नेरो शान्ति पिंब्मुँ, ओंसों यहूदीमैंलाइ झाइले अरू ह्रेंमैंलाइ। 11तलेबिस्याँ परमेश्वरजी खाबलाज्यै आफेल।#व्य १०:१७
12परमेश्वरजी मोशाने पिंबै ठिम अरू ह्रेंमैंने आरे। छतसि पाप लमा चमैं नास तम्, दिलेया च नास तबै सजैं च ठिमउँइँले आख। दिलेया यहूदीमैंइ बिस्याँ ठिमर्बै ताँ सेइमुँ। छतसि चमैं पाप लमा च ठिमउँइँलेन् दोषि ठर्दिम्। 13तलेबिस्याँ ठिमर प्ह्रिबै ताँमैं थेइरि मत्त्रे परमेश्वरए उँइँरि ठिक आठर्दि, चर प्ह्रिब् धोंले प्रब्मैं मत्त्रे परमेश्वरए उँइँर ठिक ठर्दिम्। 14मोशाने पिंबै ठिम आरेबै म्हिमैं ठिमर प्ह्रिब् धोंलेन् प्रम् बिस्याँ चमैंने ठिम आरेलैया ठिमर बिब् धोंले प्रबइले चमैं ह्रोंसए ल्हागिर ह्रोंसन् ठिम तम्। 15चमैंइ ह्रोंसए सैंर्न ठिमर्बै ताँमैं प्ह्रिथेंइमुँ बिब खेंमैंए चाल चलनउँइँले उँइँम्। चमैंए सैंरै या छाबन् मैंम्, दिलेया चमैंइ खोंयों छ्याँबन् लइमुँ ङ्हाँम्, खोंयों आछ्याँब लइदो ङ्हाँम्। 16छतमा निसाफ लबै त्हिंइर परमेश्वरजी येशू ख्रीष्टउँइँले म्हिमैंए सैं न्होंर्बै ताँमैंए निसाफ लब्मुँ। ङइ बिबै सैं तोंबै ताँइ बिब् धोंलेन् चु ताँ तब्मुँ।
परमेश्वरए ठिमइ यहूदीमैंलाइ तो बिम्?
17दिलेया क्हेमैंए म्हाँजोरि खाब् मुँलेया “ङ यहूदी ग, ङइ परमेश्वरलाइ ङो सेम्, 18परमेश्वरजी बिब् धोंले तो लल् त्हुम् बिब ङइ सेइमुँ,” बिसि ठिमर भर तसि थेब् प्हैंम्। धै ठिमइ लोमिंबै छ्याँब-छ्याँबै ताँमैं या क्हिइ क्वेंइमुँ। 19“क्ह्रोंसेंन्बै ताँ आसेब्मैंलाइ ङइ लोल् खाँम्, झाइले मिछु खैबर प्रब्मैंलाज्यै चारबै ह्वे पिंल् खाँम्, 20बुद्धि आरेब्मैंलाइ ङइ छ्याँबै ताँ लोमिंल् खाँम्, आक्होब्मैंलाइ ङइ छेनाले क्होमिंल् खाँम्। झाइले परमेश्वरए ठिम ङिने बालुन् मुँबइले क्होल् त्हुबै ताँन् ताँ ङइ सेइमुँ,” बिसि क्हि प्हैंसि पोंम्।
21छले अरूलाइ छ्याँबै घ्याँर डोरेल् खाँम् बिबै म्हि ह्रोंसन् आछ्याँबै घ्याँर प्रब् वा? अरूने “ह्योल् आत” बिसि लोमिंबै म्हि ह्रोंसन् ह्योब् आ? 22क्हिइ आगुनेम् “ब्यभिचार लल् आत!” बिब ह्रोंसन् ब्यभिचार लब् वा? क्हिइ कुमैंम् आखो बिब मन्दिरर्बै कुमैंन् ह्योब् आ? 23परमेश्वरजी पिंबै ठिम क्हिने बालु मुँ बिसि क्हि प्हैंमुँ, दिलेया ठिमर मुँबै ताँ क्हिइ आम्हाँदि, धै परमेश्वरलाइ तो धोंइ आङ्हाँ, आङिं वा? 24तलेबिस्याँ परमेश्वर ङो आसेब्मैंए म्हाँजोर परमेश्वरए मिं क्हेमैं यहूदीमैंइन वाइमुँ, बिसि परमेश्वरए छ्वेर प्ह्रिइमुँ।#यशै ५२:५
25परमेश्वरए ठिम म्हाँदिस्याँ ज्युर चिनु#2:25 ज्युर चिनु परमेश्वरजी आब्रहामने बिइ, “क्हेमैं ताँन् मुँयुँमैंइ ज्युर्बै ट्हुबि क्ह्याँसि चिनु लल् त्हुब्मुँ।” (उत १७:१०) लब फायदन् तम्। दिलेया चिनु ललेया क्हिइ परमेश्वरए ठिम छेनाले आम्हाँदिस्याँ ज्युर चिनु आलबै अरू ह्रेंर्बै म्हि धोंन् क्हि तम्। 26बरु ज्युर चिनु आलबै म्हिइ ठिमर्बै ताँ म्हाँदिइ बिस्याँ च परमेश्वरए उँइँर ज्युर चिनु लब् धोंन् तम्। 27छतसि अरू ह्रेंर्बै म्हिमैंइ ज्युर चिनु आललेया ठिम म्हाँदिइ बिस्याँ, क्हेमैं यहूदीमैंलाइ चमैंइन दोषि ठर्दिब्मुँ। तलेबिस्याँ प्ह्रिबै ठिम क्हेमैंने मुँलेया, क्हेमैंइ ज्युर चिनु ललेया क्हेमैंइ ठिम आम्हाँदि। 28यहूदीमैंइ लब् धों ललेया क्हि क्ह्रोंसेंन्बै यहूदी तल् आखाँ। छलेन ज्युर चिनु ललेया क्ह्रोंसेंन्बै यहूदी आत। 29बरु सैं न्होंर परमेश्वरजी चिनु लबै म्हि क्ह्रोंसेंन्बै यहूदी ग। चु सैं न्होंर चिनु लबै के ठिमइ लल् आखाँ, चु परमेश्वरए प्ल्हइ लबै के ग। छाबै म्हिइ म्हिमैंउँइँले आङिं, परमेश्वरउँइँले मान योंम्।#व्य ३०:६
Currently Selected:
रोमी 2: GCMB
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
रोमी 2
2
परमेश्वरजी छेनाले निसाफ लम्
1ओ अरूए फिर छ्याब् ल्हैदिबै म्हि, क्हि खाब् मुँलेया निउँ लबै घ्याँ तोइ आरे, तलेबिस्याँ क्हिइ अरूए फिर खैले छ्याब् ल्हैदिमुँ छाबन् के क्हिज्यै लम्। छतसि खाबइ आगुए फिर छ्याब् ल्हैदिमुँ च ह्रोंसन् दोषि ठर्दिम्।#मत्ती ७:१; लूक ६:३७ 2परमेश्वरजी निसाफ लमा छाबै के लबै म्हिमैं दोषि ठर्दिम् बिबै ताँ ङ्योइ सेइमुँ। 3छाबै आछ्याँबै के लइ बिसि क्हिइ अरूलाइ दोष ल्हैदिमुँ, दिलेया ह्रोंसज्यै च केन् लप्रम् बिस्याँ परमेश्वरजी निसाफ लमा क्हि स्योल् खाँम्मा? आखाँ! 4परमेश्वरजी क्हिए फिर ल्हयो खम्, छतसि युनन् सजैं आपिं, बरु ल्हें समा क्हिलाइ सैदिसि म्हाँया लम्। दिलेया क्हिइ खीलाइ अझै म्हि आल! क्हिए सैं खी ङाँइ एरिगे बिसि परमेश्वरजी क्हिए फिर ल्हयो लम् बिब क्हिइ आसे वा?
5दिलेया क्हिइ सैं सारो लसि परमेश्वर ङाँइ सैं एदा आङ्हाँ। छतसि परमेश्वरजी ठिक निसाफ लबै त्हिंइर क्हिइ अझै थेबै सजैं योंब्मुँ। 6म्हिमैंइ खैबै के लइमुँ छाबन् इनाम परमेश्वरजी पिंब्मुँ।#भज ६२:१२; हितो २४:१२ 7तोन् तलेया छ्याँबै के लसि स्याबासि, इजेत नेरो खोंयोंइ आखाँबै छ्ह म्हैब्मैंलाइ परमेश्वरजी खोंयोंइ आखाँबै छ्ह पिंब्मुँ। 8दिलेया प्होंगि कैगि लब्मैं, क्ह्रोंसेंन्बै ताँ आङिंब्मैं नेरो आछ्याँबै के लब्मैंए फिर बिस्याँ परमेश्वर ह्रिस खसि सजैं पिंब्मुँ। 9आछ्याँबै के लबै ताँन् म्हिमैंए फिर दुःख कष्ट तब्मुँ, ओंसों यहूदी ह्रेंए फिर झाइले अरू ह्रेंमैंए फिर। 10छलेन छ्याँबै के लब्मैंलाइ परमेश्वरजी स्याबासि, इजेत नेरो शान्ति पिंब्मुँ, ओंसों यहूदीमैंलाइ झाइले अरू ह्रेंमैंलाइ। 11तलेबिस्याँ परमेश्वरजी खाबलाज्यै आफेल।#व्य १०:१७
12परमेश्वरजी मोशाने पिंबै ठिम अरू ह्रेंमैंने आरे। छतसि पाप लमा चमैं नास तम्, दिलेया च नास तबै सजैं च ठिमउँइँले आख। दिलेया यहूदीमैंइ बिस्याँ ठिमर्बै ताँ सेइमुँ। छतसि चमैं पाप लमा च ठिमउँइँलेन् दोषि ठर्दिम्। 13तलेबिस्याँ ठिमर प्ह्रिबै ताँमैं थेइरि मत्त्रे परमेश्वरए उँइँरि ठिक आठर्दि, चर प्ह्रिब् धोंले प्रब्मैं मत्त्रे परमेश्वरए उँइँर ठिक ठर्दिम्। 14मोशाने पिंबै ठिम आरेबै म्हिमैं ठिमर प्ह्रिब् धोंलेन् प्रम् बिस्याँ चमैंने ठिम आरेलैया ठिमर बिब् धोंले प्रबइले चमैं ह्रोंसए ल्हागिर ह्रोंसन् ठिम तम्। 15चमैंइ ह्रोंसए सैंर्न ठिमर्बै ताँमैं प्ह्रिथेंइमुँ बिब खेंमैंए चाल चलनउँइँले उँइँम्। चमैंए सैंरै या छाबन् मैंम्, दिलेया चमैंइ खोंयों छ्याँबन् लइमुँ ङ्हाँम्, खोंयों आछ्याँब लइदो ङ्हाँम्। 16छतमा निसाफ लबै त्हिंइर परमेश्वरजी येशू ख्रीष्टउँइँले म्हिमैंए सैं न्होंर्बै ताँमैंए निसाफ लब्मुँ। ङइ बिबै सैं तोंबै ताँइ बिब् धोंलेन् चु ताँ तब्मुँ।
परमेश्वरए ठिमइ यहूदीमैंलाइ तो बिम्?
17दिलेया क्हेमैंए म्हाँजोरि खाब् मुँलेया “ङ यहूदी ग, ङइ परमेश्वरलाइ ङो सेम्, 18परमेश्वरजी बिब् धोंले तो लल् त्हुम् बिब ङइ सेइमुँ,” बिसि ठिमर भर तसि थेब् प्हैंम्। धै ठिमइ लोमिंबै छ्याँब-छ्याँबै ताँमैं या क्हिइ क्वेंइमुँ। 19“क्ह्रोंसेंन्बै ताँ आसेब्मैंलाइ ङइ लोल् खाँम्, झाइले मिछु खैबर प्रब्मैंलाज्यै चारबै ह्वे पिंल् खाँम्, 20बुद्धि आरेब्मैंलाइ ङइ छ्याँबै ताँ लोमिंल् खाँम्, आक्होब्मैंलाइ ङइ छेनाले क्होमिंल् खाँम्। झाइले परमेश्वरए ठिम ङिने बालुन् मुँबइले क्होल् त्हुबै ताँन् ताँ ङइ सेइमुँ,” बिसि क्हि प्हैंसि पोंम्।
21छले अरूलाइ छ्याँबै घ्याँर डोरेल् खाँम् बिबै म्हि ह्रोंसन् आछ्याँबै घ्याँर प्रब् वा? अरूने “ह्योल् आत” बिसि लोमिंबै म्हि ह्रोंसन् ह्योब् आ? 22क्हिइ आगुनेम् “ब्यभिचार लल् आत!” बिब ह्रोंसन् ब्यभिचार लब् वा? क्हिइ कुमैंम् आखो बिब मन्दिरर्बै कुमैंन् ह्योब् आ? 23परमेश्वरजी पिंबै ठिम क्हिने बालु मुँ बिसि क्हि प्हैंमुँ, दिलेया ठिमर मुँबै ताँ क्हिइ आम्हाँदि, धै परमेश्वरलाइ तो धोंइ आङ्हाँ, आङिं वा? 24तलेबिस्याँ परमेश्वर ङो आसेब्मैंए म्हाँजोर परमेश्वरए मिं क्हेमैं यहूदीमैंइन वाइमुँ, बिसि परमेश्वरए छ्वेर प्ह्रिइमुँ।#यशै ५२:५
25परमेश्वरए ठिम म्हाँदिस्याँ ज्युर चिनु#2:25 ज्युर चिनु परमेश्वरजी आब्रहामने बिइ, “क्हेमैं ताँन् मुँयुँमैंइ ज्युर्बै ट्हुबि क्ह्याँसि चिनु लल् त्हुब्मुँ।” (उत १७:१०) लब फायदन् तम्। दिलेया चिनु ललेया क्हिइ परमेश्वरए ठिम छेनाले आम्हाँदिस्याँ ज्युर चिनु आलबै अरू ह्रेंर्बै म्हि धोंन् क्हि तम्। 26बरु ज्युर चिनु आलबै म्हिइ ठिमर्बै ताँ म्हाँदिइ बिस्याँ च परमेश्वरए उँइँर ज्युर चिनु लब् धोंन् तम्। 27छतसि अरू ह्रेंर्बै म्हिमैंइ ज्युर चिनु आललेया ठिम म्हाँदिइ बिस्याँ, क्हेमैं यहूदीमैंलाइ चमैंइन दोषि ठर्दिब्मुँ। तलेबिस्याँ प्ह्रिबै ठिम क्हेमैंने मुँलेया, क्हेमैंइ ज्युर चिनु ललेया क्हेमैंइ ठिम आम्हाँदि। 28यहूदीमैंइ लब् धों ललेया क्हि क्ह्रोंसेंन्बै यहूदी तल् आखाँ। छलेन ज्युर चिनु ललेया क्ह्रोंसेंन्बै यहूदी आत। 29बरु सैं न्होंर परमेश्वरजी चिनु लबै म्हि क्ह्रोंसेंन्बै यहूदी ग। चु सैं न्होंर चिनु लबै के ठिमइ लल् आखाँ, चु परमेश्वरए प्ल्हइ लबै के ग। छाबै म्हिइ म्हिमैंउँइँले आङिं, परमेश्वरउँइँले मान योंम्।#व्य ३०:६
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.