एफिसी 3:16-19
एफिसी 3:16-19 GCMB
क्हेमैंए ल्हागिर ङइ छ बिसि प्राथना लइमुँ: परमेश्वरए बेल्ले थेबै सै न्होर क्हेमैंलाइ पिंसि खीजी ह्रोंसए पबित्र प्ल्हउँइँले क्हेमैंए सैं भोंब् लमिंरिगे। छलसि क्हेमैंइ प्रभु येशू ख्रीष्टए फिर बिश्वास लमा क्हेमैंए सैंर खी बास लरिगे। झाइले सिं धुँए जर च्योंब् धोंले क्हेमैंए म्हाँया बडिदै ह्यारिगे, धै जगए फिर धिं बनेब् धोंले क्हेमैंए म्हाँया भोंब् तरिगे। धै ख्रीष्टए फिर बिश्वास लबै ताँन् म्हिमैंने बालुन् तमा खीजी ङ्योए फिर लबै म्हाँया कति प्ल्हाब, कति ह्रिंब, कति नुब, कति गैरु मुँन बिबै ताँ क्हेमैंइ क्होल् खाँरिगे। क्होसे क्होल् आखाँबै ख्रीष्टजी लबै म्हाँया क्हेमैंइ सेरिगे, धै परमेश्वर खैब मुँ क्हेमैं या छाबन् तरिगे।
Related Videos
Verse Image for एफिसी 3:16-19
Bible App
Bible App for Kids
