१ तिमोथी 4
4
तिमोथीलाइ लोदा सैंदा लब
1तारे खबै त्हेजरे स्योलिबै ताँ क्वेंसि दुष्टए घ्याँर प्रसि को-कोइ बिश्वास लबन् पिवाब्मुँ बिसि पबित्र प्ल्हजी छेनाले बिमिंइमुँ। 2छाबै ताँमैं स्योर तेबै म्हिमैंउँइँले खम्। चमैंए बुद्धि लाबै पैइ ख्रोंवाब् धों तम्। 3छाबै म्हिमैंइ ब्ह्या लल् आत बिम्, धै को-कोइ चबै सै या चल् आत बिम्। दिलेया परमेश्वरजी चु तोन्दोंरि सैमैं चबै ल्हागिर बनेइ। छतसि प्रभुलाइ म्हाँदिब्मैंइ क्ह्रोंसेंन्बै ताँ सेबइले धन्यबाद पिंसि चलेन् तम्। 4परमेश्वरजी बनेबै ताँन् सैमैं चोखो मुँ। छतसि धन्यबाद पिंइरि चस्याँ चल् आतबै सै तोइ आरे। 5तलेबिस्याँ परमेश्वरए बचन नेरो प्राथनाइ ताँन् सै चोखो लम्।
6प्रभु येशूउँइँले खबै सैं तोंबै ताँमैं नेरो क्हिइ कोलो ओंनोंन् म्हाँदिबै क्ह्रोंसेंन्बै ताँमैं लोबइले क्हि प्रभुए फिर बिश्वास लबर भोंब् तसिन्मुँ। छतसि चु ताँमैं क्हिइ अरू अलि-अङाँमैंलाज्यै या लोमिंस्याँ क्हि येशू ख्रीष्टए के लबै छ्याँबै म्हि तब्मुँ। 7छतसि केर आफेबै स्योलिबै ताँमैंउँइँले स्योले टिद्। बरु परमेश्वरए केर फेबै म्हि तबर भों लद्। 8तलेबिस्याँ ज्युए ल्हागिर लबै के तिस्याँदे मत्त्रे फायदा तम्। दिलेया परमेश्वरए घ्याँर प्रबै ल्हागिर तालिम लस्याँ ल्हें सैर फायदा तम्, तलेबिस्याँ चए रो चु छ्हर मत्त्रे आङिं अर्को छ्हरै या योंम्। 9चु ताँ क्ह्रोंसेंन्लेन् क्वेंल् त्हुब नेरो म्हाँदिल् त्हुब मुँ: 10ङ्योइ खाँन् समा भों लसि छेनाले के लसि छ्ह थोल् त्हुम्, तलेबिस्याँ सोगों परमेश्वरए फिर ङ्योइ आशा थेंइमुँ। परमेश्वर ताँन् म्हिमैंलाइ, खासगरि खीए फिर बिश्वास लब्मैंलाइ जोगेमिंबै परमेश्वर ग। 11चु ताँमैंन् बिश्वासीमैंने लद् बिसि लोमिंन्।
12ताँनए फिर म्हाँया लइरि बिश्वासर भोंब् तसि, छ्याँबै ताँमैं पोंसि, छ्याँबै बानि ब्योर उँइँसि, छेनाले छ्ह थोसि बिश्वासीमैंए उँइँर छ्याँबै नमुना तद्। तलेबिस्याँ फ्रेंसि छजोरे बिसि खाबज्यै या क्हिलाइ आक्वेंब आतरिगे। 13ङ आखन् समा म्हिमैंलाइ परमेश्वरए छ्वेर्बै ताँमैं खेमिंदै, सैं तोंबै ताँ बिमिंदै परमेश्वरए ताँ लोमिंसि चमैंए सैं भोंब् लमिंन्। 14अगमबक्तामैंइ पोंब् धोंले चजर्बै एल्डरमैंइ क्हिए क्रर यो थेंसि प्राथना लमा परमेश्वरउँइँले क्हिइ योंबै बरदानए हेल आलद्। 15चु केमैंन् क्हिइ लरिद्। क्हिइ लबै केमैंउँइँले क्हिए छ्ह छ्याँब ततै ह्याब ताँनइ म्रोंरिगे। 16क्हिइ लबै केमैं नेरो पोंबै ताँमैंर ओंसोंन् च्हैंब् मैंब् लद्। छलस्याँ क्हिइ ह्रोंसलाज्यै या जोगेब्मुँ, क्हिए ताँ ङेंब्मैं या जोगेब्मुँ।
Currently Selected:
१ तिमोथी 4: GCMB
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
१ तिमोथी 4
4
तिमोथीलाइ लोदा सैंदा लब
1तारे खबै त्हेजरे स्योलिबै ताँ क्वेंसि दुष्टए घ्याँर प्रसि को-कोइ बिश्वास लबन् पिवाब्मुँ बिसि पबित्र प्ल्हजी छेनाले बिमिंइमुँ। 2छाबै ताँमैं स्योर तेबै म्हिमैंउँइँले खम्। चमैंए बुद्धि लाबै पैइ ख्रोंवाब् धों तम्। 3छाबै म्हिमैंइ ब्ह्या लल् आत बिम्, धै को-कोइ चबै सै या चल् आत बिम्। दिलेया परमेश्वरजी चु तोन्दोंरि सैमैं चबै ल्हागिर बनेइ। छतसि प्रभुलाइ म्हाँदिब्मैंइ क्ह्रोंसेंन्बै ताँ सेबइले धन्यबाद पिंसि चलेन् तम्। 4परमेश्वरजी बनेबै ताँन् सैमैं चोखो मुँ। छतसि धन्यबाद पिंइरि चस्याँ चल् आतबै सै तोइ आरे। 5तलेबिस्याँ परमेश्वरए बचन नेरो प्राथनाइ ताँन् सै चोखो लम्।
6प्रभु येशूउँइँले खबै सैं तोंबै ताँमैं नेरो क्हिइ कोलो ओंनोंन् म्हाँदिबै क्ह्रोंसेंन्बै ताँमैं लोबइले क्हि प्रभुए फिर बिश्वास लबर भोंब् तसिन्मुँ। छतसि चु ताँमैं क्हिइ अरू अलि-अङाँमैंलाज्यै या लोमिंस्याँ क्हि येशू ख्रीष्टए के लबै छ्याँबै म्हि तब्मुँ। 7छतसि केर आफेबै स्योलिबै ताँमैंउँइँले स्योले टिद्। बरु परमेश्वरए केर फेबै म्हि तबर भों लद्। 8तलेबिस्याँ ज्युए ल्हागिर लबै के तिस्याँदे मत्त्रे फायदा तम्। दिलेया परमेश्वरए घ्याँर प्रबै ल्हागिर तालिम लस्याँ ल्हें सैर फायदा तम्, तलेबिस्याँ चए रो चु छ्हर मत्त्रे आङिं अर्को छ्हरै या योंम्। 9चु ताँ क्ह्रोंसेंन्लेन् क्वेंल् त्हुब नेरो म्हाँदिल् त्हुब मुँ: 10ङ्योइ खाँन् समा भों लसि छेनाले के लसि छ्ह थोल् त्हुम्, तलेबिस्याँ सोगों परमेश्वरए फिर ङ्योइ आशा थेंइमुँ। परमेश्वर ताँन् म्हिमैंलाइ, खासगरि खीए फिर बिश्वास लब्मैंलाइ जोगेमिंबै परमेश्वर ग। 11चु ताँमैंन् बिश्वासीमैंने लद् बिसि लोमिंन्।
12ताँनए फिर म्हाँया लइरि बिश्वासर भोंब् तसि, छ्याँबै ताँमैं पोंसि, छ्याँबै बानि ब्योर उँइँसि, छेनाले छ्ह थोसि बिश्वासीमैंए उँइँर छ्याँबै नमुना तद्। तलेबिस्याँ फ्रेंसि छजोरे बिसि खाबज्यै या क्हिलाइ आक्वेंब आतरिगे। 13ङ आखन् समा म्हिमैंलाइ परमेश्वरए छ्वेर्बै ताँमैं खेमिंदै, सैं तोंबै ताँ बिमिंदै परमेश्वरए ताँ लोमिंसि चमैंए सैं भोंब् लमिंन्। 14अगमबक्तामैंइ पोंब् धोंले चजर्बै एल्डरमैंइ क्हिए क्रर यो थेंसि प्राथना लमा परमेश्वरउँइँले क्हिइ योंबै बरदानए हेल आलद्। 15चु केमैंन् क्हिइ लरिद्। क्हिइ लबै केमैंउँइँले क्हिए छ्ह छ्याँब ततै ह्याब ताँनइ म्रोंरिगे। 16क्हिइ लबै केमैं नेरो पोंबै ताँमैंर ओंसोंन् च्हैंब् मैंब् लद्। छलस्याँ क्हिइ ह्रोंसलाज्यै या जोगेब्मुँ, क्हिए ताँ ङेंब्मैं या जोगेब्मुँ।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.