စံးထီၣ်ပတြၢၤ 38
38
ပှၤဘၣ်နးဘၣ်ဖှီၣ်တဂၤအတၢ်ထုကဖၣ်
1ယွၤဧၢ, သိၣ်ဃီၣ်ယၤလၢ
နတၢ်သးထီၣ်အပူၤန့ၣ်တဂ့ၤ.
ဒီးသိၣ်က့ၤသီက့ၤယၤလၢနတၢ်သးဒိၣ်အပူၤန့ၣ်တဂ့ၤ.
2နပျၢ်တဖၣ်ဆဲးဘၣ်ယၤ
ဒီးနစုဒူၣ်မၤလီၤဃံၤတ့ၢ်လံယၤလံ.
3လၢနတၢ်သးထီၣ်အဃိ,
ယအိၣ်လၢတၢ်ဆါနးနးကလဲာ်အပူၤ,
ယနီၢ်ကစၢ်ဒီတဂၤညါအိၣ်ဒီးတၢ်ဆူးတၢ်ဆါလၢ
ယတၢ်ဒဲးဘးတဖၣ်အဃိန့ၣ်လီၤ.
4ယတၢ်ဒဲးဘးလုၣ်ဘၢကွံာ်ယၤ
ဒီးမ့ၢ်တၢ်ဝံတၢ်ယိးလၢအဃၢကဲၣ်ဆိးလၢ
ယကယိးအီၤအဂီၢ်န့ၣ်လီၤ.
5ယပူၤလီၢ်တဖၣ်နၢအုၣ်ဒီးဒၢဖံဝဲလၢ
ယတၢ်တသ့ၣ်ညါယွၤအဃိန့ၣ်လီၤ.
6ယသကူးလီၤယသးလၢာ်လၢာ်ဆ့ဆ့
ဒီးယထိၣ်လီၤပှီၤယသး,
ယအိၣ်လၢတၢ်မိၣ်တၢ်မးအပူၤသ့သ့တနံၤလီၤ.
7ယယီၢ်ဒ့ကိၢ်အူလၢတၢ်ဆါအဃိ
ဒီးယအိၣ်လၢတၢ်ဆါနးနးကလဲာ်အပူၤလီၤ.
8ယဂံၢ်ယဘါလၢာ်ကွံာ်ဒီးယဘၣ်တၢ်ဆီၣ်တံၢ်သနံးယၤ,
ယကအုကစွါယဲလၢ
ယသးဘၣ်တၢ်ကိၢ်တၢ်ဂီၤအဃိလီၤ.
9ယွၤဧၢ, နသ့ၣ်ညါယတၢ်ဆၢန့ၢ်ဘၣ်ခဲလၢာ်,
ဒီးနနၢ်ဟူယတၢ်ကအုကစွါခဲလၢာ်န့ၣ်လီၤ.
10ယသူၣ်စံၣ်ယသးစံၣ်, ယဂံၢ်ယဘါလၢာ်ကွံာ်
ဒီးယမဲာ်ချံအတၢ်ကပီၤစ့ၢ်ကီး
လီၤမၢ်ကွံာ်န့ၢ်ယၤလံ.
11ယတံၤသကိးတဖၣ်ဒီးပှၤအိၣ်လၢယဃၢၤတဖၣ်
အိၣ်ယံၤဒီးယၤ
မ့ၢ်လၢယပူၤလီၢ်တဖၣ်အဃိ,
ယဟံၣ်ဖိဃီဖိသ့ၣ်တဖၣ်ဒၣ်လဲာ်
အိၣ်ယံၤဒီးယၤလီၤ.
12ပှၤလၢအအဲၣ်ဒိးမၤသံယၤပာ်လီၤပျံၤသကွီၤလၢယဂီၢ်,
ပှၤလၢအအဲၣ်ဒိးမၤဆါယၤကတိၤပျံၤကတိၤဖုးတၢ်လၢကမၤဟး ဂီၤယၤလီၤ.
အဝဲသ့ၣ်ကူၣ်တၢ်အၢထီဒါယၤသ့သ့တနံၤလီၤ.
13ဒီးယလီၤဂာ်ဒီးပှၤနၢ်တအၢတဂၤ,
ယတနၢ်ဟူတၢ်ဘၣ်.
ယလီၤဂာ်ဒီးပှၤတအုၣ်တဂၤလၢ
အတအဲးထီၣ်အထးခိၣ်ဘၣ်န့ၣ်လီၤ.
14မ့ၢ်လီၤ. ယလီၤဂာ်ဒီးပှၤလၢအတနၢ်ဟူတၢ်
ဒီးတကတိၤဆၢတၢ်အၢလၢ
အထးခိၣ်ဘၣ်တဂၤန့ၣ်လီၤ.
15ဘၣ်ဆၣ်ယွၤဧၢ, ယမုၢ်လၢ်တၢ်လၢနၤလီၤ.
ဒီးနဲဒၣ်ယွၤယကစၢ်ယွၤဧၢ,
နကစံးဆၢတၢ်လၢယဂီၢ်လီၤ.
16အဂ့ၢ်ဒ်အံၤ, ယဃ့တ့ၢ်ယဲ,
“တဘၣ်ပျဲအဝဲသ့ၣ်သးခုလၢယဖီခိၣ်တဂ့ၤ,
တုၤယခီၣ်လီၤတလံာ်ဒီး
တဘၣ်ပျဲအဝဲသ့ၣ်ပာ်ကဖၢလၢအသးလၢယဖီခိၣ်တဂ့ၤ.”
17အဂ့ၢ်ဒ်အံၤ, ဘူးလၢယကလီၤဃံၤ,
ဒီးယတၢ်ဆူးတၢ်ဆါန့ၣ်အိၣ်ဒီးယၤတထံၣ်ဃီလီၤ.
18ယတဲလီၤကျဲၤလီၤယတၢ်ကမၣ်,
ဒီးယသးအုးလၢယတၢ်ဒဲးဘးအဃိလီၤ.
19ယဒုၣ်ယဒါသ့ၣ်တဖၣ်အိၣ်ဆူၣ်အိၣ်ချ့
ဒီးအဂံၢ်ဆူၣ်ဘါဆူၣ်ဝဲ
ဒီးလၢတၢ်ဂ့ၢ်တအိၣ်နီတမံၤဘၣ်အပူၤန့ၣ်,
ပှၤလၢအသးဟ့ယၤအိၣ်အါဂၤလီၤ.
20ပှၤလၢအဟ့ၣ်ဆၢက့ၤယၤ
တၢ်အၢလၢတၢ်ဂ့ၤအဂီၢ်တဖၣ်န့ၣ်
ထီဒါယၤ, မ့ၢ်လၢယဂုာ်ကျဲးစၢးမၤတၢ်ဂ့ၤအဃိလီၤ.
21ယွၤဧၢ, ညိကွံာ်ယၤတဂ့ၤ.
အိၣ်ယံၤဒီးယၤတဂ့ၤယကစၢ်ယွၤဧၢ.
22မၤချ့ချ့လၢနကဟဲမၤစၢၤယၤအဂီၢ်တက့ၢ်.
တၢ်အုၣ်က့ၤခီၣ်က့ၤယၤယကစၢ်ဧၢ.
Currently Selected:
စံးထီၣ်ပတြၢၤ 38: KSWC
Highlight
Copy
Compare
Share
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
စံးထီၣ်ပတြၢၤ 38
38
ပှၤဘၣ်နးဘၣ်ဖှီၣ်တဂၤအတၢ်ထုကဖၣ်
1ယွၤဧၢ, သိၣ်ဃီၣ်ယၤလၢ
နတၢ်သးထီၣ်အပူၤန့ၣ်တဂ့ၤ.
ဒီးသိၣ်က့ၤသီက့ၤယၤလၢနတၢ်သးဒိၣ်အပူၤန့ၣ်တဂ့ၤ.
2နပျၢ်တဖၣ်ဆဲးဘၣ်ယၤ
ဒီးနစုဒူၣ်မၤလီၤဃံၤတ့ၢ်လံယၤလံ.
3လၢနတၢ်သးထီၣ်အဃိ,
ယအိၣ်လၢတၢ်ဆါနးနးကလဲာ်အပူၤ,
ယနီၢ်ကစၢ်ဒီတဂၤညါအိၣ်ဒီးတၢ်ဆူးတၢ်ဆါလၢ
ယတၢ်ဒဲးဘးတဖၣ်အဃိန့ၣ်လီၤ.
4ယတၢ်ဒဲးဘးလုၣ်ဘၢကွံာ်ယၤ
ဒီးမ့ၢ်တၢ်ဝံတၢ်ယိးလၢအဃၢကဲၣ်ဆိးလၢ
ယကယိးအီၤအဂီၢ်န့ၣ်လီၤ.
5ယပူၤလီၢ်တဖၣ်နၢအုၣ်ဒီးဒၢဖံဝဲလၢ
ယတၢ်တသ့ၣ်ညါယွၤအဃိန့ၣ်လီၤ.
6ယသကူးလီၤယသးလၢာ်လၢာ်ဆ့ဆ့
ဒီးယထိၣ်လီၤပှီၤယသး,
ယအိၣ်လၢတၢ်မိၣ်တၢ်မးအပူၤသ့သ့တနံၤလီၤ.
7ယယီၢ်ဒ့ကိၢ်အူလၢတၢ်ဆါအဃိ
ဒီးယအိၣ်လၢတၢ်ဆါနးနးကလဲာ်အပူၤလီၤ.
8ယဂံၢ်ယဘါလၢာ်ကွံာ်ဒီးယဘၣ်တၢ်ဆီၣ်တံၢ်သနံးယၤ,
ယကအုကစွါယဲလၢ
ယသးဘၣ်တၢ်ကိၢ်တၢ်ဂီၤအဃိလီၤ.
9ယွၤဧၢ, နသ့ၣ်ညါယတၢ်ဆၢန့ၢ်ဘၣ်ခဲလၢာ်,
ဒီးနနၢ်ဟူယတၢ်ကအုကစွါခဲလၢာ်န့ၣ်လီၤ.
10ယသူၣ်စံၣ်ယသးစံၣ်, ယဂံၢ်ယဘါလၢာ်ကွံာ်
ဒီးယမဲာ်ချံအတၢ်ကပီၤစ့ၢ်ကီး
လီၤမၢ်ကွံာ်န့ၢ်ယၤလံ.
11ယတံၤသကိးတဖၣ်ဒီးပှၤအိၣ်လၢယဃၢၤတဖၣ်
အိၣ်ယံၤဒီးယၤ
မ့ၢ်လၢယပူၤလီၢ်တဖၣ်အဃိ,
ယဟံၣ်ဖိဃီဖိသ့ၣ်တဖၣ်ဒၣ်လဲာ်
အိၣ်ယံၤဒီးယၤလီၤ.
12ပှၤလၢအအဲၣ်ဒိးမၤသံယၤပာ်လီၤပျံၤသကွီၤလၢယဂီၢ်,
ပှၤလၢအအဲၣ်ဒိးမၤဆါယၤကတိၤပျံၤကတိၤဖုးတၢ်လၢကမၤဟး ဂီၤယၤလီၤ.
အဝဲသ့ၣ်ကူၣ်တၢ်အၢထီဒါယၤသ့သ့တနံၤလီၤ.
13ဒီးယလီၤဂာ်ဒီးပှၤနၢ်တအၢတဂၤ,
ယတနၢ်ဟူတၢ်ဘၣ်.
ယလီၤဂာ်ဒီးပှၤတအုၣ်တဂၤလၢ
အတအဲးထီၣ်အထးခိၣ်ဘၣ်န့ၣ်လီၤ.
14မ့ၢ်လီၤ. ယလီၤဂာ်ဒီးပှၤလၢအတနၢ်ဟူတၢ်
ဒီးတကတိၤဆၢတၢ်အၢလၢ
အထးခိၣ်ဘၣ်တဂၤန့ၣ်လီၤ.
15ဘၣ်ဆၣ်ယွၤဧၢ, ယမုၢ်လၢ်တၢ်လၢနၤလီၤ.
ဒီးနဲဒၣ်ယွၤယကစၢ်ယွၤဧၢ,
နကစံးဆၢတၢ်လၢယဂီၢ်လီၤ.
16အဂ့ၢ်ဒ်အံၤ, ယဃ့တ့ၢ်ယဲ,
“တဘၣ်ပျဲအဝဲသ့ၣ်သးခုလၢယဖီခိၣ်တဂ့ၤ,
တုၤယခီၣ်လီၤတလံာ်ဒီး
တဘၣ်ပျဲအဝဲသ့ၣ်ပာ်ကဖၢလၢအသးလၢယဖီခိၣ်တဂ့ၤ.”
17အဂ့ၢ်ဒ်အံၤ, ဘူးလၢယကလီၤဃံၤ,
ဒီးယတၢ်ဆူးတၢ်ဆါန့ၣ်အိၣ်ဒီးယၤတထံၣ်ဃီလီၤ.
18ယတဲလီၤကျဲၤလီၤယတၢ်ကမၣ်,
ဒီးယသးအုးလၢယတၢ်ဒဲးဘးအဃိလီၤ.
19ယဒုၣ်ယဒါသ့ၣ်တဖၣ်အိၣ်ဆူၣ်အိၣ်ချ့
ဒီးအဂံၢ်ဆူၣ်ဘါဆူၣ်ဝဲ
ဒီးလၢတၢ်ဂ့ၢ်တအိၣ်နီတမံၤဘၣ်အပူၤန့ၣ်,
ပှၤလၢအသးဟ့ယၤအိၣ်အါဂၤလီၤ.
20ပှၤလၢအဟ့ၣ်ဆၢက့ၤယၤ
တၢ်အၢလၢတၢ်ဂ့ၤအဂီၢ်တဖၣ်န့ၣ်
ထီဒါယၤ, မ့ၢ်လၢယဂုာ်ကျဲးစၢးမၤတၢ်ဂ့ၤအဃိလီၤ.
21ယွၤဧၢ, ညိကွံာ်ယၤတဂ့ၤ.
အိၣ်ယံၤဒီးယၤတဂ့ၤယကစၢ်ယွၤဧၢ.
22မၤချ့ချ့လၢနကဟဲမၤစၢၤယၤအဂီၢ်တက့ၢ်.
တၢ်အုၣ်က့ၤခီၣ်က့ၤယၤယကစၢ်ဧၢ.
Sgaw Karen Common Bible © Bible Society of Myanmar, 1992.