စံးထီၣ်ပတြၢၤ 28
28
တၢ်ထုကဖၣ်လၢတၢ်မၤစၢၤအဂီၢ်
1ယွၤယလၢၢ်ဧၢ, ယကိးထီၣ်နၤလီၤ.
ဒိကနၣ်ယတၢ်ကိးထီၣ်န့ၣ်တက့ၢ်.
နမ့ၢ်တစံးဆၢယၤဘၣ်ဒီး,
ယကလီၤဂာ်ဒီးပှၤလၢအလဲၤလီၤဆူ
တၢ်သံကီၢ်ပူၤန့ၣ်လီၤ.
2ဒိကနၣ်ယတၢ်ထုကဖၣ်အသီၣ်,
ဖဲယကိးထီၣ်နၤလၢတၢ်မၤစၢၤအဂီၢ်,
ဖဲယယူာ်ထီၣ်ယစုဆူ
နတၢ်လီၢ်စီဆှံကတၢၢ်န့ၣ်တက့ၢ်.
3တဘၣ်စံၣ်ညီၣ်ယၤဃုာ်ဒီးပှၤတတီတလိၤ,
ပှၤမၤတၢ်အၢ,
ပှၤလၢအထးခိၣ်ကတိၤတၢ်ဃူတၢ်ဖိး
ဒီးပှၤလၢအဃၢၤ
ဘၣ်ဆၣ်အိၣ်ဒီးတၢ်သးက့ၣ်လၢအပူၤ
သ့ၣ်တဖၣ်န့ၣ်တဂ့ၤ.
4ဟ့ၣ်ဆၢက့ၤအဝဲသ့ၣ်ဒ်တၢ်လၢအမၤတ့ၢ်ဝဲအသိး,
တၢ်ဒဲးဘးလၢအဝဲသ့ၣ်မၤတ့ၢ်ဝဲန့ၣ်တက့ၢ်.
ဟ့ၣ်ဆၢက့ၤအဝဲသ့ၣ်ဒ်
အစုအတၢ်ဖံးတၢ်မၤခဲလၢာ်အသိး,
ဟ့ၣ်အဝဲသ့ၣ်တၢ်လၢ
အကြၢးဒိးန့ၢ်ဘၣ်ဝဲန့ၣ်တက့ၢ်.
5အဝဲသ့ၣ်တပာ်ဒိၣ်ယွၤတၢ်မၤတဖၣ်
ဒီးယွၤအစုအတၢ်ဖံးတၢ်မၤန့ၣ်ဘၣ်.
သတးဒီးယွၤကမၤဟးဂီၤကွံာ်အဝဲသ့ၣ်
ဒီးတသူၣ်ထီၣ်က့ၤလၢၤအီၤနီတဘျီဘၣ်န့ၣ်လီၤ.
6မ်ယွၤဘၣ်တၢ်စံးထီၣ်ပတြၢၤအီၤတက့ၢ်.
အဂ့ၢ်ဒ်အံၤ,
ကနၣ်ထံယတၢ်ထုကဖၣ်အသီၣ်န့ၣ်လံ.
7ယွၤမ့ၢ်ယဂံၢ်ယဘါ, ဒီးယကတီၤတဘ့ၣ်လီၤ.
ယသးသန့ၤအသးလၢအီၤ,
သတးဒီးယဘၣ်တၢ်မၤစၢၤယၤ, ဒီးယသူၣ်ခုယသးခု,
ဒီးယစံးထီၣ်ပတြၢၤအီၤလၢယတၢ်သးဝံၣ်န့ၣ်လီၤ.
8ယွၤမ့ၢ်အပှၤဂီၢ်မုၢ်အဂံၢ်အဘါ
ဒီးတၢ်ပူၤဖျဲးအလီၢ်လၢအစီၤပၤ
လၢအဃုထၢဝဲအဂီၢ်န့ၣ်လီၤ.
9ယွၤဧၢ, မၤပူၤဖျဲးနပှၤဂီၢ်မုၢ်
ဒီးဆိၣ်ဂ့ၤပှၤလၢအမ့ၢ်နတၢ်န့ၣ်တက့ၢ်.
ကဲထီၣ်အပှၤကွၢ်သိ
ဒီးစိာ်ထီၣ်အဝဲသ့ၣ်လီၤစိၤလီၤထီတက့ၢ်.
Currently Selected:
စံးထီၣ်ပတြၢၤ 28: KSWC
Highlight
Copy
Compare
Share
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
စံးထီၣ်ပတြၢၤ 28
28
တၢ်ထုကဖၣ်လၢတၢ်မၤစၢၤအဂီၢ်
1ယွၤယလၢၢ်ဧၢ, ယကိးထီၣ်နၤလီၤ.
ဒိကနၣ်ယတၢ်ကိးထီၣ်န့ၣ်တက့ၢ်.
နမ့ၢ်တစံးဆၢယၤဘၣ်ဒီး,
ယကလီၤဂာ်ဒီးပှၤလၢအလဲၤလီၤဆူ
တၢ်သံကီၢ်ပူၤန့ၣ်လီၤ.
2ဒိကနၣ်ယတၢ်ထုကဖၣ်အသီၣ်,
ဖဲယကိးထီၣ်နၤလၢတၢ်မၤစၢၤအဂီၢ်,
ဖဲယယူာ်ထီၣ်ယစုဆူ
နတၢ်လီၢ်စီဆှံကတၢၢ်န့ၣ်တက့ၢ်.
3တဘၣ်စံၣ်ညီၣ်ယၤဃုာ်ဒီးပှၤတတီတလိၤ,
ပှၤမၤတၢ်အၢ,
ပှၤလၢအထးခိၣ်ကတိၤတၢ်ဃူတၢ်ဖိး
ဒီးပှၤလၢအဃၢၤ
ဘၣ်ဆၣ်အိၣ်ဒီးတၢ်သးက့ၣ်လၢအပူၤ
သ့ၣ်တဖၣ်န့ၣ်တဂ့ၤ.
4ဟ့ၣ်ဆၢက့ၤအဝဲသ့ၣ်ဒ်တၢ်လၢအမၤတ့ၢ်ဝဲအသိး,
တၢ်ဒဲးဘးလၢအဝဲသ့ၣ်မၤတ့ၢ်ဝဲန့ၣ်တက့ၢ်.
ဟ့ၣ်ဆၢက့ၤအဝဲသ့ၣ်ဒ်
အစုအတၢ်ဖံးတၢ်မၤခဲလၢာ်အသိး,
ဟ့ၣ်အဝဲသ့ၣ်တၢ်လၢ
အကြၢးဒိးန့ၢ်ဘၣ်ဝဲန့ၣ်တက့ၢ်.
5အဝဲသ့ၣ်တပာ်ဒိၣ်ယွၤတၢ်မၤတဖၣ်
ဒီးယွၤအစုအတၢ်ဖံးတၢ်မၤန့ၣ်ဘၣ်.
သတးဒီးယွၤကမၤဟးဂီၤကွံာ်အဝဲသ့ၣ်
ဒီးတသူၣ်ထီၣ်က့ၤလၢၤအီၤနီတဘျီဘၣ်န့ၣ်လီၤ.
6မ်ယွၤဘၣ်တၢ်စံးထီၣ်ပတြၢၤအီၤတက့ၢ်.
အဂ့ၢ်ဒ်အံၤ,
ကနၣ်ထံယတၢ်ထုကဖၣ်အသီၣ်န့ၣ်လံ.
7ယွၤမ့ၢ်ယဂံၢ်ယဘါ, ဒီးယကတီၤတဘ့ၣ်လီၤ.
ယသးသန့ၤအသးလၢအီၤ,
သတးဒီးယဘၣ်တၢ်မၤစၢၤယၤ, ဒီးယသူၣ်ခုယသးခု,
ဒီးယစံးထီၣ်ပတြၢၤအီၤလၢယတၢ်သးဝံၣ်န့ၣ်လီၤ.
8ယွၤမ့ၢ်အပှၤဂီၢ်မုၢ်အဂံၢ်အဘါ
ဒီးတၢ်ပူၤဖျဲးအလီၢ်လၢအစီၤပၤ
လၢအဃုထၢဝဲအဂီၢ်န့ၣ်လီၤ.
9ယွၤဧၢ, မၤပူၤဖျဲးနပှၤဂီၢ်မုၢ်
ဒီးဆိၣ်ဂ့ၤပှၤလၢအမ့ၢ်နတၢ်န့ၣ်တက့ၢ်.
ကဲထီၣ်အပှၤကွၢ်သိ
ဒီးစိာ်ထီၣ်အဝဲသ့ၣ်လီၤစိၤလီၤထီတက့ၢ်.
Sgaw Karen Common Bible © Bible Society of Myanmar, 1992.