လံာ်တၢ်ဂံၢ် 26
26
တၢ်ထၢဖှိၣ်ကွဲးနီၣ်နီၣ်ဂံၢ်ခံဘျီတဘျီ
1ဖဲတၢ်သံသတြိာ်ဝံၤအလီၢ်ခံ, ယွၤစံးဘၣ်စီၤမိၤၡ့, ဒီးစီၤအၤဟရိၣ်အဖိခွါစီၤအလၤဧစၢ်ဒ်အံၤ, 2“မၤတၢ်ထၢဖှိၣ်ကွဲးနီၣ်တမံၤဒ်ကီၢ်အံၣ်စရ့လးအပှၤဂီၢ်မုၢ်ဒီကရူၢ်, အဟံၣ်ဖိဃီဖိတဖၣ်အိၣ်ဝဲအသိး, လၢကယဲၢ်ပှၤလၢအသးအိၣ်အနံၣ် ခံဆံဒီးဆူအဖီခိၣ်လၢအကြၢးဒီးသုးမုၢ်သံၣ်ဘိအတၢ်မၤအဂီၢ်တက့ၢ်.” 3စီၤမိၤၡ့ဒီးစီၤအလၤဧစၢ်စူၢ်တၢ်ဒီးကိးဖှိၣ်ပှၤပိာ်ခွါလၢအသးအိၣ်ထဲန့ၣ် တဖၣ်လီၤ. အဝဲသ့ၣ်ပာ်ဖှိၣ်ထီၣ်အသးလၢထံကျိယၢ်ဒ့ၣ်အဘးခီ, ဖဲကီၢ်မိၤအးအတၢ်ပျီပူၤ, ဝ့ၢ်ယရံၤဃိအမဲာ်ညါန့ၣ်လီၤ.
4ပှၤတဖၣ်အံၤမ့ၢ်ပှၤအံၣ်စရ့လးဖိလၢအဟဲထီၣ်လၢကီၢ်အဲၤကူ ပတူးအပူၤန့ၣ်လီၤ.
5လၢရူၤဘ့ၣ်အဒူၣ်ပူၤ (စီၤရူၤဘ့ၣ်မ့ၢ်စီၤယၤကိာ်အဖိခွါအဒိၣ် ကတၢၢ်), ဒူၣ်ထၢတဖၣ်လၢအဘၣ်ထွဲဒီးစီၤဟနိာ်, စီၤပးလူး, 6-7စီၤဃ့စရိာ်ဒီးစီၤကၢ်မံၤန့ၣ်လီၤ. ဒူၣ်ထၢတဖၣ်အံၤအိၣ်ဒီးပှၤပိာ်ခွါအနီၣ်ဂံၢ်လွံၢ်ကလးသၢကထိနွံကယၤသၢဆံဂၤန့ၣ်လီၤ. 8-9စီၤပးလူးအစၢၤအသွဲၣ်တဖၣ်မ့ၢ်ဝဲ, စီၤအလံအာ်, ဒီးအဖိခွါတဖၣ်လၢအမ့ၢ်စီၤနမူၤအ့လး, စီၤဒၤသၣ်ဒီးစီၤ အဘံရၣ်န့ၣ်လီၤ. (အဝဲအံၤမ့ၢ်ဝဲစီၤဒၤသၣ်ဒီးစီၤအဘံရၣ်လၢ အဘၣ်တၢ်ဃုထၢထီၣ်အီၤလၢပှၤဂီၢ်မုၢ်ဒီကရူၢ်န့ၣ်လီၤ. အဝဲသ့ၣ်တပာ်ကဲဘၣ်စီၤမိၤၡ့ဒီးစီၤအၤဟရိၣ်အတၢ်ကဲခိၣ်ကဲ နၢ်ဘၣ်ဒီးကဲထီၣ်ပှၤတဖၣ်လၢအပိာ်စီၤကိၤရးအခံ, ဖဲအဝဲသ့ၣ်ပူထီၣ်ထီဒါယွၤန့ၣ်လီၤ. 10ဟီၣ်ခိၣ်အိးထီၣ်အသးဒီးယူၢ်လီၤကွံာ်အဝဲသ့ၣ်ဒီးအဝဲသ့ၣ်သံဃုာ် ဒီးစီၤကိၤရးဒီးပှၤပိာ်အခံတဖၣ်, ဖဲမ့ၣ်အူမၤဟးဂီၤကွံာ် ပှၤပိာ်ခွါအဂၤခံကယၤယဲၢ်ဆံ န့ၣ်လီၤ. အဝဲသ့ၣ်ကဲထီၣ်တၢ်ဟ့ၣ်ပလီၢ်တမံၤလၢပှၤဂီၢ်မုၢ်အဂီၢ်န့ၣ်လီၤ. 11ဘၣ်ဆၣ်ဒီးစီၤကိၤရးအဖိခွါတဖၣ်တဘၣ်တၢ်မၤသံအီၤဘၣ်.)
12လၢစူၤမ့းအိၣ်အဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤနမူၤအ့လး, စီၤယၤမံၣ်, စီၤယၤကံၣ်, 13စီၤစ့ရၤ, ဒီးစီၤၡၤအူလးန့ၣ်လီၤ. 14ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ ခံကထိခံကယၤခံဆံ ဂၤန့ၣ်လီၤ.
15လၢကးအဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤစဖိၣ်, စီၤဃးကံၤ, စီၤၡူနံၤ, 16စီၤအီးစနံၤ, စီၤဧ့ရံၤ,
17စီၤအရိးဒီးစီၤအၤအ့ၤလံန့ၣ်လီၤ.
18ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, လွံၢ်ကလးယဲၢ်ကယၤဂၤန့ၣ်လီၤ.
19-21လၢယူဒၤအဒူၣ်ပူၤ (စီၤယူဒၤအဖိခွါခံဂၤလၢအမ့ၢ်စီၤအ့ၢ် ဒီးစီၤအိၤနၣ်န့ၣ်, သံတ့ၢ်ဝဲလၢကီၢ်ကနၤဧၣ်အပူၤလီၤ.) ဒူၣ်ထၢတဖၣ်လၢအဘၣ်ထွဲဒီးစီၤၡ့လၤ, စီၤစ့ရၤ, စီၤဖ့ၤရ့း, စီၤဃ့စရိၣ်ဒီးစီၤဃမူန့ၣ်လီၤ. 22ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, နွံကလးဃုကထိယဲၢ်ကယၤဂၤန့ၣ်လီၤ.
23လၢယံးစၣ်ကၢ်အဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤတိၤလၤ, စီၤဖူၤဝၤ, 24-25စီၤယၤၡူာ်ဒီးစီၤၡံးမရိၣ်န့ၣ်လီၤ. ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, ဃုကလးလွံၢ်ကထိ သၢကယၤဂၤန့ၣ်လီၤ.
26လၢစဘူလိၣ်အဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤစ့ရ့း, စီၤအ့လိၣ်ဒီးစီၤယၤလအ့လးန့ၣ်လီၤ. 27ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, ဃုကလးယဲၢ်ကယၤ ဂၤန့ၣ်လီၤ.
28ဒူၣ်တဖၣ်လၢအဘၣ်ထွဲဒီးစီၤယိၤသးလၢအမ့ၢ်ဖိခွါခံဂၤအပၢ် န့ၣ်မ့ၢ်မနၤၡ့ၤအဒူၣ်ဒီးအ့ဖရဲၣ်အဒူၣ်န့ၣ်လီၤ.
29လၢမနၤၡ့ၤအဒူၣ်ပူၤန့ၣ်, စီၤမနၤၡ့ၤအဖိခွါစီၤမၤကံၢ်လၢ အမ့ၢ်စီၤကံးလဧးအပၢ်ဒီးဒူၣ်ထၢလၢလာ်တဖၣ်အံၤဒွးက့ၤ အတၢ်ဟဲလီၤစၢၤလီၤသွဲၣ်လၢစီၤကံးလဧးန့ၣ်လီၤ. 30ဒူၣ်ထၢတဖၣ်လၢအဘၣ်ထွဲဒီးစီၤအံစ့ၢ်, စီၤဃ့လ့း, 31စီၤအးစရံၤအ့လး, စီၤၡက့ၣ်,
32-33စီၤၡမံဒၤဒီးစီၤဃ့ဖ့ၢ်န့ၣ်လီၤ. စီၤဃ့ဖ့ၢ်အဖိခွါစီၤစလၤဖဃးန့ၣ်အဖိခွါတအိၣ်နီတဂၤဘၣ်. မ့မ့ၢ်အိၣ်ဒၣ်ထဲအဖိမုၣ်တဖၣ်ဒီးအဝဲသ့ၣ်အမံၤမ့ၢ်ဝဲ, နီၢ်မၤလၤ, နီၢ်နိဧၤ, နီၢ်ဃၤကလၤ, နီၢ်မံးလကၤဒီးနီၢ်တံးရစၢ်လီၤ. 34ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, ယဲၢ်ကလးခံကထိနွံကယၤ ဂၤန့ၣ်လီၤ.
35လၢအ့ဖရဲၣ်အဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤၡူၤသ့လၤ, စီၤဘ့က့ၢ်ဒီးစီၤတၤဃၣ်န့ၣ်လီၤ. 36စီၤဧ့ရၣ်အဒူၣ်ထၢဒွးက့ၤအထူအထံးဟဲလၢစီၤၡူၤသ့လၤန့ၣ် လီၤ. 37ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, သၢကလးခံကထိ ယဲၢ်ကယၤဂၤန့ၣ်လီၤ. အဝဲသ့ၣ်တဖၣ်အံၤမ့ၢ်ဒူၣ်ထၢတဖၣ်လၢအဟဲလီၤစၢၤလၢစီၤယိၤသး န့ၣ်လီၤ.
38လၢဘံၣ်ယၤမံၣ်အဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤဘ့လၤ, စီၤအၤၡဘ့လး, စီၤအဃံရၣ်, 39-40စီၤၡူဖၣ်ဒီးစီၤဃူဖၣ်န့ၣ်လီၤ. စီၤအၤရးဒီးစီၤနၤဧမၣ်အဒူၣ်ထၢတဖၣ်ဒွးက့ၤအတၢ်ဟဲလီၤစၢၤ အထူအထံးလၢစီၤဘ့လၤန့ၣ်လီၤ. 41ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, လွံၢ်ကလးယဲၢ်ကထိ ဃုကယၤ ဂၤန့ၣ်လီၤ. 42လၢဒၣ်အဒူၣ်ပူၤ, ဒူၣ်ထၢလၢအဘၣ်ထွဲဒီးစီၤၡူဃၣ်, 43လၢအပှၤပိာ်ခွါအနီၣ်ဂံၢ်အိၣ်ဝဲ, ဃုကလးလွံၢ်ကထိလွံၢ်ကယၤ ဂၤန့ၣ်လီၤ.
44လၢအၤၡ့ၢ်အဒူၣ်ပူၤန့ၣ်, ဒူၣ်ထၢတဖၣ်လၢအဘၣ်ထွဲဒီးစီၤယံးမ နၤ, စီၤယံးၡဝံၤဒီးစီၤဘရံဧၤန့ၣ်လီၤ. 45စီၤဃ့ဘ့ၢ်ဒီးစီၤမးလကံၤအ့လးအဒူၣ်ထၢတဖၣ်ဒွးက့ၤအတၢ်ဟဲ လီၤစၢၤလၢစီၤဘရံဧၤန့ၣ်လီၤ. 46စီၤအၤၡ့ၢ်အိၣ်ဒီးအဖိမုၣ်တဂၤလၢအမံၤမ့ၢ်နီၢ်စၤရါန့ၣ်လီၤ. 47ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, ယဲၢ်ကလးသၢကထိလွံၢ်ကယၤ ဂၤ န့ၣ်လီၤ.
48လၢနးသၤလံအဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤယၤစအ့ လး, စီၤကူနံၤ, 49-50စီၤယ့စ့ၢ်ဒီးစီၤၡံးလ့ၣ်န့ၣ်လီၤ. ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, လွံၢ်ကလးယဲၢ်ကထိလွံၢ်ကယၤ ဂၤ န့ၣ်လီၤ.
51ပှၤအံၣ်စရ့လးဖိပိာ်ခွါအနီၣ်ဂံၢ်ပာ်ဖှိၣ်ခဲလၢာ်မ့ၢ်ဝဲပှၤဃု ကလီၢ်တကထိနွံကယၤသၢဆံဂၤန့ၣ်လီၤ.
52-53ယွၤစံးဘၣ်စီၤမိၤၡ့, “နီၤဖးလီၤထံကီၢ်န့ၣ်လၢပှၤအဒူၣ်တဖၣ်အကျါဒ်ပှၤအဒူၣ်အနီၣ် ဂံၢ်အိၣ်ဝဲအသိးန့ၣ်တက့ၢ်.
54လၢပှၤလၢအနီၣ်ဂံၢ်အါအဂီၢ်န့ၣ်ဟ့ၣ်အီၤတၢ်န့ၢ်သါအလီၢ်ကဝီၤလၢ အလဲၢ်, ဒီးလၢပှၤလၢအနီၣ်ဂံၢ်စှၤတဖုအဂီၢ်န့ၣ်, ဟ့ၣ်အီၤတၢ်န့ၢ်သါအလီၢ်ကဝီၤလၢအအံၣ်တက့ၢ်. ဒူၣ်ခဲလၢာ်န့ၣ်, ကဘၣ်တၢ်ဟ့ၣ်အီၤတၢ်န့ၢ်သါဒ်အနီၣ်ဂံၢ်အိၣ်ဝဲ အသိးန့ၣ်လီၤ. 55မၤလီၤတံၢ်လၢတၢ်နီၤလီၤထံကီၢ်ကဘၣ်မ့ၢ်ခီဖျိတၢ်ဖီၣ်တၢ်ဖး, ဒီးဒ်အဝဲသ့ၣ်အဒူၣ်အတၢ်လီၤစၢၤအမံၤအိၣ်ဝဲန့ၣ်, အဝဲသ့ၣ်ကန့ၢ်သါတၢ်လီၤ. 56အဝဲသ့ၣ်အတၢ်န့ၢ်သါကဘၣ်တၢ်ဟ့ၣ်လီၤအီၤဒ်တၢ်ဖးအိၣ်ဝဲ အသိးလၢပှၤအအါဒီးအစှၤအဘၢၣ်စၢၤန့ၣ်လီၤ.
57ပှၤလ့ၤဝံဖိအဒူၣ်ပၣ်ဃုာ်ဝဲဒီးစီၤက့ရၡိၣ်, စီၤကဃးဒီးစီၤ မရၤရံအဒူၣ်ထၢတဖၣ်န့ၣ်လီၤ. 58အဝဲသ့ၣ်အစၢၤအသွဲၣ်တဖၣ်ပၣ်ဃုာ်ဒီးပှၤအဒူၣ်ထၢအဆံးဖိတဖၣ်လၢ အဘၣ်ထွဲဒီးဒ်စီၤလံးဘနၤ, စီၤဃ့ၤဘြိၣ်, စီၤမူၡံၤဒီးစီၤကိးရးန့ၣ်လီၤ. စီၤကဃးမ့ၢ်စီၤဧၤမရၣ်အပၢ်လီၤ. 59စီၤဧၤမရၣ်ဆီဟံၣ်ဆီဃီဒီးစီၤလ့ၤဝံအဖိမုၣ်နီၢ်ယိကဘ့ၣ်လၢ အအိၣ်ဖျဲၣ်လၢကီၢ်အဲၤကူပတူးအပူၤန့ၣ်လီၤ. အဝဲဆံးစၢ်ထီၣ်န့ၢ်စီၤဧၤမရၣ်လၢဖိခွါခံဂၤ, လၢအမ့ၢ်စီၤအၤဟရိၣ်ဒီးစီၤမိၤၡ့ဒီးဖိမုၣ်တဂၤ, လၢအမ့ၢ်နီၢ်မံးရယၣ်န့ၣ်လီၤ. 60စီၤအၤဟရိၣ်အဖိခွါအိၣ်လွံၢ်ဂၤ, လၢအမ့ၢ်စီၤနၤဒး, စီၤအဘံဟူၤ, စီၤအလၤဧစၢ်ဒီးစီၤအံသမၢ်န့ၣ်လီၤ. 61စီၤနၤဒးဒီးစီၤအဘံဟူၤသံဝဲဒၣ်ဖဲအဝဲသ့ၣ်လုၢ်ထီၣ်တၢ်လုၢ် တစီဆှံဘၣ်ဆူယွၤအအိၣ်န့ၣ်လီၤ. 62ပှၤလ့ၤဝံဖိအပိာ်ခွါလၢအသးအိၣ်တလါဒီးဆူအဖီခိၣ်အနီၣ်ဂံၢ် အိၣ်ဝဲဒၣ် ခံကလးသၢကထိ ဂၤန့ၣ်လီၤ. အဝဲသ့ၣ်ဘၣ်တၢ်ကွဲးနီၣ်အီၤလီၤဆီဒီးပှၤအံၣ်စရ့လးဖိ အဂၤတဖၣ်, မ့ၢ်လၢအဝဲသ့ၣ်တဘၣ်တၢ်ဟ့ၣ်အီၤတၢ်စုလီၢ်ခီၣ်ခိၣ်နီ တမံၤလၢကီၢ်အံၣ်စရ့လးအပူၤအဃိန့ၣ်လီၤ.
63ကယဲၢ်ဒူၣ်ထၢခဲလၢာ်အံၤဘၣ်တၢ်ကွဲးနီၣ်အီၤလၢစီၤမိၤၡ့ဒီး စီၤအလၤဧစၢ်ဖဲအဝဲသ့ၣ်ထၢဖှိၣ်ကွဲးနီၣ်ပှၤအံၣ်စရ့လးဖိတဖၣ် အနီၣ်ဂံၢ်လၢထံကျိယၢ်ဒ့ၣ်အဝၢ်ဘးခီ, ကီၢ်မိၤအးအပျီတဖၣ်အပူၤဖဲဝ့ၢ်ယရံၤဃိအမဲာ်ညါအခါန့ၣ် လီၤ. 64ပှၤတဖၣ်လၢစီၤမိၤၡ့ဒီးစီၤအၤဟရိၣ်ကွဲးလီၤတ့ၢ်အမံၤလၢတၢ် ထၢဖှိၣ်ကွဲးနီၣ်အခီၣ်ထံးတဘျီဖဲစံၤနါအပှၢ်မုၢ်ကနၢန့ၣ် အမံၤတအိၣ်တ့ၢ်လၢတၢ်ကွဲးနီၣ်အံၤအပူၤနီတဂၤလၢၤဒၣ်လဲာ်ဘၣ်. 65ယွၤစံးတ့ၢ်လၢအဝဲသ့ၣ်ကိးဂၤဒဲးန့ၣ်ကဘၣ်သံ ဝဲလၢပှၢ်မုၢ်ကနၢအပူၤဒီးကအိၣ်တ့ၢ်ဝဲထဲစီၤယဖူန့ၤအဖိခွါ စီၤကၤလ့းဒီးစီၤနိၣ်အဖိခွါစီၤယိၤၡူဧိၤန့ၣ်လီၤ.
Currently Selected:
လံာ်တၢ်ဂံၢ် 26: KSWC
Highlight
Share
Compare
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
လံာ်တၢ်ဂံၢ် 26
26
တၢ်ထၢဖှိၣ်ကွဲးနီၣ်နီၣ်ဂံၢ်ခံဘျီတဘျီ
1ဖဲတၢ်သံသတြိာ်ဝံၤအလီၢ်ခံ, ယွၤစံးဘၣ်စီၤမိၤၡ့, ဒီးစီၤအၤဟရိၣ်အဖိခွါစီၤအလၤဧစၢ်ဒ်အံၤ, 2“မၤတၢ်ထၢဖှိၣ်ကွဲးနီၣ်တမံၤဒ်ကီၢ်အံၣ်စရ့လးအပှၤဂီၢ်မုၢ်ဒီကရူၢ်, အဟံၣ်ဖိဃီဖိတဖၣ်အိၣ်ဝဲအသိး, လၢကယဲၢ်ပှၤလၢအသးအိၣ်အနံၣ် ခံဆံဒီးဆူအဖီခိၣ်လၢအကြၢးဒီးသုးမုၢ်သံၣ်ဘိအတၢ်မၤအဂီၢ်တက့ၢ်.” 3စီၤမိၤၡ့ဒီးစီၤအလၤဧစၢ်စူၢ်တၢ်ဒီးကိးဖှိၣ်ပှၤပိာ်ခွါလၢအသးအိၣ်ထဲန့ၣ် တဖၣ်လီၤ. အဝဲသ့ၣ်ပာ်ဖှိၣ်ထီၣ်အသးလၢထံကျိယၢ်ဒ့ၣ်အဘးခီ, ဖဲကီၢ်မိၤအးအတၢ်ပျီပူၤ, ဝ့ၢ်ယရံၤဃိအမဲာ်ညါန့ၣ်လီၤ.
4ပှၤတဖၣ်အံၤမ့ၢ်ပှၤအံၣ်စရ့လးဖိလၢအဟဲထီၣ်လၢကီၢ်အဲၤကူ ပတူးအပူၤန့ၣ်လီၤ.
5လၢရူၤဘ့ၣ်အဒူၣ်ပူၤ (စီၤရူၤဘ့ၣ်မ့ၢ်စီၤယၤကိာ်အဖိခွါအဒိၣ် ကတၢၢ်), ဒူၣ်ထၢတဖၣ်လၢအဘၣ်ထွဲဒီးစီၤဟနိာ်, စီၤပးလူး, 6-7စီၤဃ့စရိာ်ဒီးစီၤကၢ်မံၤန့ၣ်လီၤ. ဒူၣ်ထၢတဖၣ်အံၤအိၣ်ဒီးပှၤပိာ်ခွါအနီၣ်ဂံၢ်လွံၢ်ကလးသၢကထိနွံကယၤသၢဆံဂၤန့ၣ်လီၤ. 8-9စီၤပးလူးအစၢၤအသွဲၣ်တဖၣ်မ့ၢ်ဝဲ, စီၤအလံအာ်, ဒီးအဖိခွါတဖၣ်လၢအမ့ၢ်စီၤနမူၤအ့လး, စီၤဒၤသၣ်ဒီးစီၤ အဘံရၣ်န့ၣ်လီၤ. (အဝဲအံၤမ့ၢ်ဝဲစီၤဒၤသၣ်ဒီးစီၤအဘံရၣ်လၢ အဘၣ်တၢ်ဃုထၢထီၣ်အီၤလၢပှၤဂီၢ်မုၢ်ဒီကရူၢ်န့ၣ်လီၤ. အဝဲသ့ၣ်တပာ်ကဲဘၣ်စီၤမိၤၡ့ဒီးစီၤအၤဟရိၣ်အတၢ်ကဲခိၣ်ကဲ နၢ်ဘၣ်ဒီးကဲထီၣ်ပှၤတဖၣ်လၢအပိာ်စီၤကိၤရးအခံ, ဖဲအဝဲသ့ၣ်ပူထီၣ်ထီဒါယွၤန့ၣ်လီၤ. 10ဟီၣ်ခိၣ်အိးထီၣ်အသးဒီးယူၢ်လီၤကွံာ်အဝဲသ့ၣ်ဒီးအဝဲသ့ၣ်သံဃုာ် ဒီးစီၤကိၤရးဒီးပှၤပိာ်အခံတဖၣ်, ဖဲမ့ၣ်အူမၤဟးဂီၤကွံာ် ပှၤပိာ်ခွါအဂၤခံကယၤယဲၢ်ဆံ န့ၣ်လီၤ. အဝဲသ့ၣ်ကဲထီၣ်တၢ်ဟ့ၣ်ပလီၢ်တမံၤလၢပှၤဂီၢ်မုၢ်အဂီၢ်န့ၣ်လီၤ. 11ဘၣ်ဆၣ်ဒီးစီၤကိၤရးအဖိခွါတဖၣ်တဘၣ်တၢ်မၤသံအီၤဘၣ်.)
12လၢစူၤမ့းအိၣ်အဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤနမူၤအ့လး, စီၤယၤမံၣ်, စီၤယၤကံၣ်, 13စီၤစ့ရၤ, ဒီးစီၤၡၤအူလးန့ၣ်လီၤ. 14ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ ခံကထိခံကယၤခံဆံ ဂၤန့ၣ်လီၤ.
15လၢကးအဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤစဖိၣ်, စီၤဃးကံၤ, စီၤၡူနံၤ, 16စီၤအီးစနံၤ, စီၤဧ့ရံၤ,
17စီၤအရိးဒီးစီၤအၤအ့ၤလံန့ၣ်လီၤ.
18ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, လွံၢ်ကလးယဲၢ်ကယၤဂၤန့ၣ်လီၤ.
19-21လၢယူဒၤအဒူၣ်ပူၤ (စီၤယူဒၤအဖိခွါခံဂၤလၢအမ့ၢ်စီၤအ့ၢ် ဒီးစီၤအိၤနၣ်န့ၣ်, သံတ့ၢ်ဝဲလၢကီၢ်ကနၤဧၣ်အပူၤလီၤ.) ဒူၣ်ထၢတဖၣ်လၢအဘၣ်ထွဲဒီးစီၤၡ့လၤ, စီၤစ့ရၤ, စီၤဖ့ၤရ့း, စီၤဃ့စရိၣ်ဒီးစီၤဃမူန့ၣ်လီၤ. 22ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, နွံကလးဃုကထိယဲၢ်ကယၤဂၤန့ၣ်လီၤ.
23လၢယံးစၣ်ကၢ်အဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤတိၤလၤ, စီၤဖူၤဝၤ, 24-25စီၤယၤၡူာ်ဒီးစီၤၡံးမရိၣ်န့ၣ်လီၤ. ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, ဃုကလးလွံၢ်ကထိ သၢကယၤဂၤန့ၣ်လီၤ.
26လၢစဘူလိၣ်အဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤစ့ရ့း, စီၤအ့လိၣ်ဒီးစီၤယၤလအ့လးန့ၣ်လီၤ. 27ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, ဃုကလးယဲၢ်ကယၤ ဂၤန့ၣ်လီၤ.
28ဒူၣ်တဖၣ်လၢအဘၣ်ထွဲဒီးစီၤယိၤသးလၢအမ့ၢ်ဖိခွါခံဂၤအပၢ် န့ၣ်မ့ၢ်မနၤၡ့ၤအဒူၣ်ဒီးအ့ဖရဲၣ်အဒူၣ်န့ၣ်လီၤ.
29လၢမနၤၡ့ၤအဒူၣ်ပူၤန့ၣ်, စီၤမနၤၡ့ၤအဖိခွါစီၤမၤကံၢ်လၢ အမ့ၢ်စီၤကံးလဧးအပၢ်ဒီးဒူၣ်ထၢလၢလာ်တဖၣ်အံၤဒွးက့ၤ အတၢ်ဟဲလီၤစၢၤလီၤသွဲၣ်လၢစီၤကံးလဧးန့ၣ်လီၤ. 30ဒူၣ်ထၢတဖၣ်လၢအဘၣ်ထွဲဒီးစီၤအံစ့ၢ်, စီၤဃ့လ့း, 31စီၤအးစရံၤအ့လး, စီၤၡက့ၣ်,
32-33စီၤၡမံဒၤဒီးစီၤဃ့ဖ့ၢ်န့ၣ်လီၤ. စီၤဃ့ဖ့ၢ်အဖိခွါစီၤစလၤဖဃးန့ၣ်အဖိခွါတအိၣ်နီတဂၤဘၣ်. မ့မ့ၢ်အိၣ်ဒၣ်ထဲအဖိမုၣ်တဖၣ်ဒီးအဝဲသ့ၣ်အမံၤမ့ၢ်ဝဲ, နီၢ်မၤလၤ, နီၢ်နိဧၤ, နီၢ်ဃၤကလၤ, နီၢ်မံးလကၤဒီးနီၢ်တံးရစၢ်လီၤ. 34ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, ယဲၢ်ကလးခံကထိနွံကယၤ ဂၤန့ၣ်လီၤ.
35လၢအ့ဖရဲၣ်အဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤၡူၤသ့လၤ, စီၤဘ့က့ၢ်ဒီးစီၤတၤဃၣ်န့ၣ်လီၤ. 36စီၤဧ့ရၣ်အဒူၣ်ထၢဒွးက့ၤအထူအထံးဟဲလၢစီၤၡူၤသ့လၤန့ၣ် လီၤ. 37ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, သၢကလးခံကထိ ယဲၢ်ကယၤဂၤန့ၣ်လီၤ. အဝဲသ့ၣ်တဖၣ်အံၤမ့ၢ်ဒူၣ်ထၢတဖၣ်လၢအဟဲလီၤစၢၤလၢစီၤယိၤသး န့ၣ်လီၤ.
38လၢဘံၣ်ယၤမံၣ်အဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤဘ့လၤ, စီၤအၤၡဘ့လး, စီၤအဃံရၣ်, 39-40စီၤၡူဖၣ်ဒီးစီၤဃူဖၣ်န့ၣ်လီၤ. စီၤအၤရးဒီးစီၤနၤဧမၣ်အဒူၣ်ထၢတဖၣ်ဒွးက့ၤအတၢ်ဟဲလီၤစၢၤ အထူအထံးလၢစီၤဘ့လၤန့ၣ်လီၤ. 41ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, လွံၢ်ကလးယဲၢ်ကထိ ဃုကယၤ ဂၤန့ၣ်လီၤ. 42လၢဒၣ်အဒူၣ်ပူၤ, ဒူၣ်ထၢလၢအဘၣ်ထွဲဒီးစီၤၡူဃၣ်, 43လၢအပှၤပိာ်ခွါအနီၣ်ဂံၢ်အိၣ်ဝဲ, ဃုကလးလွံၢ်ကထိလွံၢ်ကယၤ ဂၤန့ၣ်လီၤ.
44လၢအၤၡ့ၢ်အဒူၣ်ပူၤန့ၣ်, ဒူၣ်ထၢတဖၣ်လၢအဘၣ်ထွဲဒီးစီၤယံးမ နၤ, စီၤယံးၡဝံၤဒီးစီၤဘရံဧၤန့ၣ်လီၤ. 45စီၤဃ့ဘ့ၢ်ဒီးစီၤမးလကံၤအ့လးအဒူၣ်ထၢတဖၣ်ဒွးက့ၤအတၢ်ဟဲ လီၤစၢၤလၢစီၤဘရံဧၤန့ၣ်လီၤ. 46စီၤအၤၡ့ၢ်အိၣ်ဒီးအဖိမုၣ်တဂၤလၢအမံၤမ့ၢ်နီၢ်စၤရါန့ၣ်လီၤ. 47ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, ယဲၢ်ကလးသၢကထိလွံၢ်ကယၤ ဂၤ န့ၣ်လီၤ.
48လၢနးသၤလံအဒူၣ်ပူၤ, ဒူၣ်ထၢတဖၣ်လၢအဘၣ်ထွဲဒီးစီၤယၤစအ့ လး, စီၤကူနံၤ, 49-50စီၤယ့စ့ၢ်ဒီးစီၤၡံးလ့ၣ်န့ၣ်လီၤ. ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, လွံၢ်ကလးယဲၢ်ကထိလွံၢ်ကယၤ ဂၤ န့ၣ်လီၤ.
51ပှၤအံၣ်စရ့လးဖိပိာ်ခွါအနီၣ်ဂံၢ်ပာ်ဖှိၣ်ခဲလၢာ်မ့ၢ်ဝဲပှၤဃု ကလီၢ်တကထိနွံကယၤသၢဆံဂၤန့ၣ်လီၤ.
52-53ယွၤစံးဘၣ်စီၤမိၤၡ့, “နီၤဖးလီၤထံကီၢ်န့ၣ်လၢပှၤအဒူၣ်တဖၣ်အကျါဒ်ပှၤအဒူၣ်အနီၣ် ဂံၢ်အိၣ်ဝဲအသိးန့ၣ်တက့ၢ်.
54လၢပှၤလၢအနီၣ်ဂံၢ်အါအဂီၢ်န့ၣ်ဟ့ၣ်အီၤတၢ်န့ၢ်သါအလီၢ်ကဝီၤလၢ အလဲၢ်, ဒီးလၢပှၤလၢအနီၣ်ဂံၢ်စှၤတဖုအဂီၢ်န့ၣ်, ဟ့ၣ်အီၤတၢ်န့ၢ်သါအလီၢ်ကဝီၤလၢအအံၣ်တက့ၢ်. ဒူၣ်ခဲလၢာ်န့ၣ်, ကဘၣ်တၢ်ဟ့ၣ်အီၤတၢ်န့ၢ်သါဒ်အနီၣ်ဂံၢ်အိၣ်ဝဲ အသိးန့ၣ်လီၤ. 55မၤလီၤတံၢ်လၢတၢ်နီၤလီၤထံကီၢ်ကဘၣ်မ့ၢ်ခီဖျိတၢ်ဖီၣ်တၢ်ဖး, ဒီးဒ်အဝဲသ့ၣ်အဒူၣ်အတၢ်လီၤစၢၤအမံၤအိၣ်ဝဲန့ၣ်, အဝဲသ့ၣ်ကန့ၢ်သါတၢ်လီၤ. 56အဝဲသ့ၣ်အတၢ်န့ၢ်သါကဘၣ်တၢ်ဟ့ၣ်လီၤအီၤဒ်တၢ်ဖးအိၣ်ဝဲ အသိးလၢပှၤအအါဒီးအစှၤအဘၢၣ်စၢၤန့ၣ်လီၤ.
57ပှၤလ့ၤဝံဖိအဒူၣ်ပၣ်ဃုာ်ဝဲဒီးစီၤက့ရၡိၣ်, စီၤကဃးဒီးစီၤ မရၤရံအဒူၣ်ထၢတဖၣ်န့ၣ်လီၤ. 58အဝဲသ့ၣ်အစၢၤအသွဲၣ်တဖၣ်ပၣ်ဃုာ်ဒီးပှၤအဒူၣ်ထၢအဆံးဖိတဖၣ်လၢ အဘၣ်ထွဲဒီးဒ်စီၤလံးဘနၤ, စီၤဃ့ၤဘြိၣ်, စီၤမူၡံၤဒီးစီၤကိးရးန့ၣ်လီၤ. စီၤကဃးမ့ၢ်စီၤဧၤမရၣ်အပၢ်လီၤ. 59စီၤဧၤမရၣ်ဆီဟံၣ်ဆီဃီဒီးစီၤလ့ၤဝံအဖိမုၣ်နီၢ်ယိကဘ့ၣ်လၢ အအိၣ်ဖျဲၣ်လၢကီၢ်အဲၤကူပတူးအပူၤန့ၣ်လီၤ. အဝဲဆံးစၢ်ထီၣ်န့ၢ်စီၤဧၤမရၣ်လၢဖိခွါခံဂၤ, လၢအမ့ၢ်စီၤအၤဟရိၣ်ဒီးစီၤမိၤၡ့ဒီးဖိမုၣ်တဂၤ, လၢအမ့ၢ်နီၢ်မံးရယၣ်န့ၣ်လီၤ. 60စီၤအၤဟရိၣ်အဖိခွါအိၣ်လွံၢ်ဂၤ, လၢအမ့ၢ်စီၤနၤဒး, စီၤအဘံဟူၤ, စီၤအလၤဧစၢ်ဒီးစီၤအံသမၢ်န့ၣ်လီၤ. 61စီၤနၤဒးဒီးစီၤအဘံဟူၤသံဝဲဒၣ်ဖဲအဝဲသ့ၣ်လုၢ်ထီၣ်တၢ်လုၢ် တစီဆှံဘၣ်ဆူယွၤအအိၣ်န့ၣ်လီၤ. 62ပှၤလ့ၤဝံဖိအပိာ်ခွါလၢအသးအိၣ်တလါဒီးဆူအဖီခိၣ်အနီၣ်ဂံၢ် အိၣ်ဝဲဒၣ် ခံကလးသၢကထိ ဂၤန့ၣ်လီၤ. အဝဲသ့ၣ်ဘၣ်တၢ်ကွဲးနီၣ်အီၤလီၤဆီဒီးပှၤအံၣ်စရ့လးဖိ အဂၤတဖၣ်, မ့ၢ်လၢအဝဲသ့ၣ်တဘၣ်တၢ်ဟ့ၣ်အီၤတၢ်စုလီၢ်ခီၣ်ခိၣ်နီ တမံၤလၢကီၢ်အံၣ်စရ့လးအပူၤအဃိန့ၣ်လီၤ.
63ကယဲၢ်ဒူၣ်ထၢခဲလၢာ်အံၤဘၣ်တၢ်ကွဲးနီၣ်အီၤလၢစီၤမိၤၡ့ဒီး စီၤအလၤဧစၢ်ဖဲအဝဲသ့ၣ်ထၢဖှိၣ်ကွဲးနီၣ်ပှၤအံၣ်စရ့လးဖိတဖၣ် အနီၣ်ဂံၢ်လၢထံကျိယၢ်ဒ့ၣ်အဝၢ်ဘးခီ, ကီၢ်မိၤအးအပျီတဖၣ်အပူၤဖဲဝ့ၢ်ယရံၤဃိအမဲာ်ညါအခါန့ၣ် လီၤ. 64ပှၤတဖၣ်လၢစီၤမိၤၡ့ဒီးစီၤအၤဟရိၣ်ကွဲးလီၤတ့ၢ်အမံၤလၢတၢ် ထၢဖှိၣ်ကွဲးနီၣ်အခီၣ်ထံးတဘျီဖဲစံၤနါအပှၢ်မုၢ်ကနၢန့ၣ် အမံၤတအိၣ်တ့ၢ်လၢတၢ်ကွဲးနီၣ်အံၤအပူၤနီတဂၤလၢၤဒၣ်လဲာ်ဘၣ်. 65ယွၤစံးတ့ၢ်လၢအဝဲသ့ၣ်ကိးဂၤဒဲးန့ၣ်ကဘၣ်သံ ဝဲလၢပှၢ်မုၢ်ကနၢအပူၤဒီးကအိၣ်တ့ၢ်ဝဲထဲစီၤယဖူန့ၤအဖိခွါ စီၤကၤလ့းဒီးစီၤနိၣ်အဖိခွါစီၤယိၤၡူဧိၤန့ၣ်လီၤ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.