လံာ်ယၡါယၤ 54
54
ယွၤအတၢ်အဲၣ်လၢကီၢ်အံၣ်စရ့လးအဂီၢ်
1ဝ့ၢ်ယရူၤၡလ့ၣ်ဧၢ, နလီၤဂာ်တ့ၢ်ဒီးပိာ်မုၣ်တူာ်ဖိတဂၤလီၤ.
ဘၣ်ဆၣ်ဒီးခဲအံၤ, နသးဝံၣ်ဒီးကိးထီၣ်လၢတၢ်သးခု အပူၤန့ၣ်သ့လံ.
ခဲအံၤ, နကအိၣ်ဒီးနဖိအါန့ၢ်ဒံးပိာ်မုၣ်တဂၤလၢ အဝၤတဟးဖးဒီးအီၤနီတစုန့ၣ်လီၤ.
2မၤလဲၢ်ထီၣ်ဒဲလၢနအိၣ်လၢအပူၤတက့ၢ်.
မၤထီထီၣ်အပျံၤတဖၣ်ဒီးမၤခၢၣ်သနၢၣ်အတၢၣ်ဖိတဖၣ်တက့ၢ်.
3နကမၤလဲၢ်ထီၣ်နကီၢ်ဆၢတဖၣ်လၢကိးအကပၤဒဲးလီၤ.
နပှၤဂီၢ်မုၢ်ကမၤန့ၢ်က့ၤအထံအကီၢ်လၢပှၤကလုာ်ဂၤ တဖၣ်နုာ်လီၤအိၣ်ခဲအံၤန့ၣ်လီၤ.
ဝ့ၢ်တဖၣ်လၢခဲအံၤအိၣ်သယုၢ်ဝဲန့ၣ်, ကဘၣ်တၢ်မၤပှဲၤအီၤလၢပှၤဂီၢ်မုၢ်လီၤ.
4ပျံၤတၢ်တဂ့ၤ. နတဘၣ်တၢ်မၤမဲာ်ဆှးကဒီးနၤလၢၤဘၣ်.
နလၤကပီၤတဘၣ်တၢ်မၤဆံးလီၤစှၤလီၤအီၤလၢၤဘၣ်.
နတၢ်သးတတီဒ်မါသးစၢ်တဂၤအသိး
ဒီးနတၢ်အိၣ်သယုၢ်သညိဒ်မုၣ်က မဲတဂၤအသိးန့ၣ်နကသးပ့ၤနီၣ်ကွံာ်အီၤလီၤ.
5နတၢ်ဘၣ်တ့အကစၢ်ကလီၤဂာ်ဒ် ဝၤတဂၤအသိးလၢနဂီၢ်လီၤ.
အဝဲအမံၤမ့ၢ်ဝဲယွၤသ့တၢ်လၢာ်န့ၣ်လီၤ.
ကီၢ်အံၣ်စရ့လးအကစၢ်ယွၤစီဆှံကအုၣ်က့ၤခီၣ်က့ၤနၤလီၤ. အဝဲမ့ၢ်ပှၤပၢဟီၣ်ခိၣ်ဒီဘ့ၣ်န့ၣ်လီၤ.
6ကီၢ်အံၣ်စရ့လးဧၢ, နမၤနသးဒ်မါသးစၢ်တဂၤ
လၢအဝၤဟးသဒၣ်အီၤဒီးအသးဟးဂီၤ ဒိၣ်မးအသိးန့ၣ်လီၤ.
ဘၣ်ဆၣ်ဒီး, ယွၤကိးကဒါက့ၤနၤဆူအအိၣ်ဒီးစံးဝဲ,
7“ယပာ်တ့ၢ်နၤထဲဆၢကတီၢ်တစိၢ်ဖိနာ်က့,
လၢတၢ်အဲၣ်အဒိၣ်အယိာ်အပူၤ ယကဟံးန့ၢ်က့ၤနၤန့ၣ်လီၤ.
8ယဃၣ်ကွံာ်ယသးလၢတၢ်သးဒိၣ်အပူၤတစိၢ်ဖိနာ်က့,
ယကဒုးနဲၣ်နၤယတၢ်အဲၣ်လီၤထူလီၤယိာ်န့ၣ်လီၤ.”
ယွၤလၢအအုၣ်က့ၤခီၣ်က့ၤသုစံးဝဲဒ်န့ၣ်လီၤ.
9“လၢစီၤနိအၤအစိၤအဆၢကတီၢ်န့ၣ်, ယအၢၣ်လီၤတ့ၢ်လၢယတဒုးလုၣ်ဘၢဟီၣ်ခိၣ်လၢထံနီတဘျီလၢၤဘၣ်.
ခဲအံၤယအၢၣ်လီၤလၢယတသူၣ်ဒိၣ်သးဖျိး ကဒီးသုလၢၤဘၣ်.
ယတသိၣ်ဃီၣ်သုမ့ၢ်ဂ့ၤ, စံၣ်ညီၣ်သုမ့ၢ်ဂ့ၤလၢၤဘၣ်.
10ကစၢၢ်ကလိဒီးတၢ်လူၢ်တဖၣ်ကလီၤပှီၢ်ကွံာ်ဝဲ,
မ့မ့ၢ်ယတၢ်အဲၣ်သုတကတၢၢ်နီတစုဘၣ်.
ယကဟံးဃာ်ဂၢၢ်ကျၢၤယတၢ် အၢၣ်လီၤဘၣ်ဃးတၢ်ဃူတၢ်ဖိးန့ၣ်လီၤစိၤလီၤထီလီၤ.”
ယွၤလၢအအဲၣ်သုစံးဝဲဒ်န့ၣ်လီၤ.
ခါဆူညါအဝ့ၢ်ယရူၤၡလ့ၣ်
11ယွၤစံးဝဲ,
“အိ, ဝ့ၢ်ယရူၤၡလ့ၣ်, ဝ့ၢ်လၢဘၣ်တူၢ်တၢ်,
မၤစၢၤလီၤအသးတသ့ဘၣ်, ဒီးပှၤကမၤမုာ်အသးတအိၣ်နီ တဂၤဘၣ်နဲဒၣ်ဧၢ,
ယကသူၣ်ထီၣ်က့ၤနတၢ်အခီၣ်ထံးတဖၣ်လၢလၢၢ်လုၢ်ဒိၣ်ပှ့ၤဒိၣ်တဖၣ်လီၤ.
12ယကသူၣ်ထီၣ်နပၢၤတၢ်အလီၢ်တဖၣ်န့ၣ်လၢ တၢ်မျၢ်ဂီၤတဖၣ်
ဒီးနတြဲၤတဖၣ်န့ၣ်လၢလၢၢ်တဖၣ်လၢအကပီၤဝဲ ဒ်မ့ၣ်အူအသိး,
ဒီးတၢ်ဒူၣ်အိၣ်ဝးတရံးနၤတဖၣ်န့ၣ်လၢတၢ်မျၢ်ပလဲတဖၣ်န့ၣ်လီၤ.
13ယကစၢ်ဒၣ်ယဲ, ယကသိၣ်လိနပှၤဂီၢ်မုၢ်
ဒီးဟ့ၣ်အဝဲသ့ၣ်လၢတၢ်အီၣ်ကုးအီပှဲၤဒီး တၢ်ဃူတၢ်ဖိးလီၤ.
14တၢ်စံၣ်ညီၣ်တီဒီးတၢ်အလိၤအဘၣ် ကဒုးဆူၣ်ထီၣ်နၤလီၤ.
နကပူၤဖျဲးလၢတၢ်မၤအၢမၤနးဒီးတၢ်လီၤပျံၤလီၤဖုးလီၤ.
15ပှၤမ့ၢ်ဟဲဒုးနၤတဂၤဂၤဒီး,
မ့ၢ်အမၤဝဲလၢတၢ်တဘၣ်ယသးအပူၤန့ၣ်လီၤ.
ပှၤလၢအဒုးတၢ်ထီဒါနၤတဂၤဂၤန့ၣ်, ကဃၣ်ကွံာ်ဝဲန့ၣ်လီၤ.
16ယတ့လီၤပာ်လီၤပှၤပိာ်ထးလၢအမၤကဲၤထီၣ်မ့ၣ်အူဒီးပိာ်စု ကဝဲၤတဖၣ်လီၤ.
ယတ့လီၤစ့ၢ်ကီးပှၤသုးဖိလၢအသူတၢ်စုကဝဲၤ တဖၣ်န့ၣ်လၢကမၤသံတၢ်အဂီၢ်လီၤ.
17ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်.
နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ.
ယကကဟုကယာ်ယခ့ယပှၤတဖၣ်
ဒီးဟ့ၣ်အဝဲသ့ၣ်တၢ်မၤနၢၤလီၤ.”
ယွၤစံးတ့ၢ်လံဝဲလံ.
Currently Selected:
လံာ်ယၡါယၤ 54: KSWC
Highlight
Copy
Compare
Share
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.