လံာ်တၢ်ဟးထီၣ်ကွံာ် 25
25
တၢ်လုၢ်မၤဘူၣ်တဖၣ်လၢဒဲစီဆှံအဂီၢ်
(ဟးထီၣ်. ၃၅:၄-၉)
1-2ယွၤစံးဘၣ်စီၤမိၤၡ့, “တဲဘၣ်ပှၤအံၣ်စရ့လးဖိတဖၣ်လၢကဟ့ၣ်ယၤလၢတၢ်လုၢ်မၤဘူၣ် တမံၤတက့ၢ်. တူၢ်လိာ်ကယဲၢ်တၢ်လုၢ်မၤဘူၣ်တမံၤလၢ်လၢ်လၢပှၤတဂၤဂၤသးအိၣ် ဟ့ၣ်ဝဲန့ၣ်တက့ၢ်. 3တၢ်လုၢ်မၤဘူၣ်တဖၣ်အံၤကဘၣ်မ့ၢ်ထူ, စ့နီၢ်ဒီးတိၢ်ဘီ, 4တၢ်ကံးယာ်လုၣ်အဂ့ၤ, အလါအဲးအလုးတကုာ်ဒီးသိဆူၣ်ဂီၤတဖၣ်, ဒီးတၢ်ကူတၢ်သိးလၢအဘၣ်တၢ်မၤအီၤလၢမဲာ်တဲးလဲးအဆူၣ်, 5သိဖါအဖံးလၢတၢ်စုၣ်ဂီၤထီၣ်အီၤ, တၢ်ဖံးအဂ့ၤဒီးသ့ၣ်ဖှ့ၡံးတၤ, 6သိလၢမ့ၣ်အူဒၢတဖၣ်အဂီၢ်, တၢ်နၢမူတဖၣ်လၢသိဖှူတၢ်အဂီၢ်ဒီး တၢ်ဆိၣ်ကဲၤနၢမူအဂီၢ်, 7ဒီးတၢ်မျၢ်မဟူယၤ, ဒီးတၢ်မျၢ်လုၢ်ဒိၣ်ပှ့ၤဒိၣ်အဂၤတဖၣ်လၢတၢ် ကထီထီၣ်အီၤလၢပှၤလုၢ်တၢ်အခိၣ်အဒိၣ်ကတၢၢ်အဆ့ကၤအ့ဖိးအလိၤ ဒီးလၢအသဃိးအလိၤအဂီၢ်လီၤ. 8ပှၤဂီၢ်မုၢ်ကဘၣ်မၤထီၣ်ဒဲစီဆှံတဖျၢၣ်လၢယဂီၢ်ဒ်သိးယကအိၣ် ကဆိးလၢအဝဲသ့ၣ်အကျါန့ၣ်လီၤ. 9မၤအီၤဒီးကယၢကယဲအီၤဒ်တၢ်တိာ်ကျဲၤလၢယကဒုးနဲၣ်သုန့ၣ်တက့ၢ်.
တၢ်အၢၣ်လီၤအီလီၤအတလါစီဆှံ
(ဟးထီၣ်. ၃၇:၁-၉)
10မၤတလါတဖျၢၣ်လၢသ့ၣ်ဖှ့ အထီခံပျၢ်တထါ, အလဲၢ်တပျၢ်တထါ, ဒီးကစီၤထီၣ်တပျၢ်တထါတက့ၢ်. 11ဒီးသုကဘၣ်ဒါအီၤလၢထူလၢအအိပူၤဒီးလၢအချၢခဲလၢာ်လီၤ. ဒီးသုဘၣ်ပီၤအီၤဒီးထူလၢအကနူၤဝးတရံးအီၤဒီဖျၢၣ်ညါန့ၣ်လီၤ. 12ဒီးသုဘၣ်မၤထူအကွီၤလွံၢ်ကွီၤဒီးသုဘၣ်ထီထီၣ်ဖဲတလါအခီၣ် လွံၢ်ခီတကပၤခံခီစုာ်စုာ်လၢတၢ်ကစိာ်ထီၣ်စိာ်လီၤအီၤအဂီၢ်န့ၣ်လီၤ. 13ဒီးသုဘၣ်မၤနီၣ်ယိးဘိခံဘိလၢသ့ၣ်ဖှ့ၡံးတၤဒီးပီၤအီၤလၢထူ, 14ဒီးသုဘၣ်ဂိာ်နုာ်အီၤလၢကွီၤခံကွီၤ, လၢအအိၣ်လၢတလါအကပၤ ခံခီလိာ်န့ၣ်လီၤ. 15နီၣ်ယိးဘိခံဘိအံၤကဘၣ်အိၣ်ထီဃာ်အသးဖဲကွီၤတဖၣ်အပူၤဒီး တၢ်တဘၣ်ထုးထီၣ်ကွံာ်အီၤဘၣ်. 16အန့ၣ်ဝံၤဒီးလၢၢ်ဘ့ၣ်ဘၣ်ခံဘ့ၣ်လၢတၢ်ကွဲးလီၤတ့ၢ်တၢ်မၤလိာ် တဖၣ်လၢယကဟ့ၣ်သုန့ၣ်ဒၢနုာ်အီၤဆူတလါအပူၤတက့ၢ်.
17မၤတၢ်အခိၣ်ကၢၢ်တဘ့ၣ်လၢအဘၣ်တၢ်ကိးအီၤလၢတၢ်သးကညီၤအလီၢ်ပ စိာ်, လၢထူစီ, အထီခံပျၢ်တထါ, ဒီးအလဲၢ်တပျၢ်တထါန့ၣ်တက့ၢ်. 18မၤထီၣ်တၢ်ဘၣ်တ့အိၣ်ဒီးအဒံးဆ့ခံဂၤလၢထူကိၢ်လိၣ်, 19တဂၤ, လၢတလါအခိၣ်ကၢၢ်အထိးနါတခီစုာ်စုာ်အဂီၢ်တက့ၢ်. မၤအီၤဒ်သိးကစဲထီအသးဒီးတၢ်အခိၣ်ကၢၢ်ဒ်ထူတလိၣ်ဃီ အသိးန့ၣ်တက့ၢ်. 20တၢ်ဘၣ်တ့အိၣ်ဒီးအဒံးဆ့ခံဂၤအံၤကဘၣ်အိၣ်ကွၢ်လိာ်အမဲာ်လၢ တၢ်အခိၣ်ကၢၢ်တခီစုာ်စုာ်အလိၤဒီးအဒံးဆ့တဖၣ်လၢအသလၣ်ထီၣ် အသးန့ၣ်ကဘၣ်ကျၢၢ်ဘၢတလါအခိၣ်ကၢၢ်န့ၣ်လီၤ. 21ဒၢနုာ်လၢၢ်ဘ့ၣ်ဘၣ်ခံဘ့ၣ်ဆူတလါအပူၤန့ၣ်ဒီးကးဘၢအီၤလၢ တလါအခိၣ်ကၢၢ်တက့ၢ်. 22ယကသဂၢၢ်သုဖဲန့ၣ်ဒီးဖဲတလါအခိၣ်ကၢၢ်အဖီခိၣ်လၢအအိၣ်လၢတၢ် ဘၣ်တ့အိၣ်ဒီးအဒံးဆ့ခံဂၤအဘၢၣ်စၢၤန့ၣ်ယကဟ့ၣ်လီၤသုလၢ ကယဲၢ်ယတၢ်သိၣ်တၢ်သီတဖၣ်လၢကီၢ်အံၣ်စရ့လးအပှၤဂီၢ်မုၢ်အဂီၢ်လီၤ.
စီၢ်နီၤခိၣ်လၢတၢ်လုၢ်ထီၣ်ကိၣ် ဆူကစၢ်ယွၤအဂီၢ်
(ဟးထီၣ်. ၃၇:၁၀-၁၆)
23ဘှီထီၣ်စီၢ်နီၤခိၣ်တဖျၢၣ်လၢသ့ၣ်ဖှ့ၡံးတၤ, အထီခံပျၢ်, အလဲၢ်တပျၢ်ဒီးကစီၤထီၣ်တပျၢ်တထါတက့ၢ်. 24ကးဘၢအီၤဒီးထူစီဒီးစီၢ်နီၤခိၣ်အဖီခိၣ်အထိးနါဝးတရံး န့ၣ်ကျီၤအီၤလၢထူတက့ၢ်. 25စီၢ်နီၤခိၣ်အဖီခိၣ်အံၤကဘၣ်အိၣ်ဒီးအခိၣ်ဒူတခါလၢအလဲၢ်ဝဲ သၢစုမုၢ်ဒိၣ်ဒီးအခိၣ်ဒူအံၤအထိးနါဝးတရံးန့ၣ်ကျီၤအီၤလၢထူတက့ၢ်. 26မၤန့ၢ်ကွီၤထူလွံၢ်ကွီၤဒီးထီထီၣ်အီၤဖဲစီၢ်နီၤခိၣ်အခီၣ်လွံၢ်ခီ အိၣ်ဝဲအဖီခိၣ်အနၢၣ်လွံၢ်နၢၣ်အလိၤလၢတၢ်ကစိာ်ထီၣ်စိာ်လီၤအီၤ အဂီၢ်တက့ၢ်. 27ကွီၤတဖၣ်လၢကဖီၣ်ကျၢၤဃးနီၣ်ယိးဘိလၢတၢ်ကစိာ်ထီၣ်စိာ်လီၤ စီၢ်နီၤခိၣ်အဂီၢ်အံၤကဘၣ်အိၣ်ဖဲစီၢ်နီၤခိၣ်အခိၣ်ဒူအကပၤန့ၣ်လီၤ. 28မၤနီၣ်ယိးဘိတဖၣ်လၢသ့ၣ်ဖှံၡံးတၤဒီးပီၤအီၤလၢထူတက့ၢ်. 29မၤန့ၢ်လီခီတဖၣ်, ထံခွးတဖၣ်, ကိတဖၣ်ဒီးသလၢတဖၣ်လၢတၢ်ကသူ အီၤလၢတၢ်လုၢ်မၤဘူၣ်စပံးထံအဂီၢ်တက့ၢ်. ကယဲၢ်တၢ်ကိးမံၤဒဲးအံၤကဘၣ်တၢ်မၤအီၤလၢထူစီန့ၣ်လီၤ. 30စီၢ်နီၤခိၣ်န့ၣ်ကဘၣ်တၢ်ပာ်အီၤလၢတၢ်အၢၣ်လီၤအီလီၤအတလါစီ ဆှံအမဲာ်ညါဒီးလၢစီၢ်နီၤခိၣ်အလိၤန့ၣ်ကိၣ်စီဆှံလၢတၢ်လုၢ် မၤဘူၣ်အီၤဆူယအိၣ်န့ၣ်ကဘၣ်အိၣ်ဝဲထီဘိန့ၣ်လီၤ.
တၢ်ပာ်မ့ၣ်အူဒၢအလီၢ်
(ဟးထီၣ်. ၃၇:၁၇-၂၄)
31ဘှီထီၣ်တၢ်ပာ်မ့ၣ်အူဒၢအလီၢ်တခါလၢထူစီတက့ၢ်. အခီၣ်ယီၢ်ဒီးအထူၣ်န့ၣ်ကဘၣ်မ့ၢ်ထူကိၢ်လိၢ်လီၤ. အတၢ်ကယၢကယဲဖီတဖၣ်ဃုာ်ဒီးအဘိၣ်တဖၣ်အဖီ အကဘျံးတဖၣ်ကဘၣ်အိၣ်စဲဘူးတခါဃီဒီးအီၤလီၤ. 32အဒ့ဃုဒ့ကဘၣ်ဆဲးဖးထီၣ်လၢအကပၤတဖၣ်တခီသၢဒ့စုာ်စုာ်န့ၣ် လီၤ. 33အဒ့ဃုဒ့အံၤ, တဒ့ဘၣ်တဒ့စုာ်စုာ်အလိၤန့ၣ်ကဘၣ်အိၣ်ဒီးဖီသၢ ဖီးလၢတၢ်ကယၢကယဲအီၤလီၤဂာ်ဒ်ၡၤကးသၣ်လၢအအိၣ်ဃုာ်ဒီးအဘိၣ် ဒီးအဖီအကဘျံးတဖၣ်လီၤ. 34တၢ်ပာ်မ့ၣ်အူဒၢလီၢ်အထူၣ်န့ၣ်ကဘၣ်အိၣ်ဒီးဖီလွံၢ်ဖီးလၢတၢ် ကယၢကယဲအီၤလီၤဂာ်ဒ်ၡၤကးသၣ်လၢအအိၣ်ဃုာ်ဒီးအဘိၣ်ဒီးအဖီ အကဘျံးတဖၣ်န့ၣ်လီၤ. 35ဖီအဘိၣ်တဘိၣ်ကဘၣ်အိၣ်လၢအဒ့ခံဒ့အဖီလာ်လၢအဘၣ် သဂၢၢ်လိာ်သးသၢတီၤန့ၣ်လီၤ. 36ဖီအဘိၣ်တဖၣ်, အဒ့တဖၣ်ဒီးမ့ၣ်အူဒၢအထူၣ်န့ၣ်ကဘၣ်မ့ၢ်ဝဲ ထူစီတကိၢ်လိၢ်ဃီန့ၣ်လီၤ. 37မၤထီၣ်မ့ၣ်အူဒၢနွံဖျၢၣ်လၢတၢ်ပာ်မ့ၣ်အူဒၢအလီၢ်အဂီၢ်ဒီး ဒွဲၣ်ထီၣ်အီၤဒ်သိးကကပီၤထီၣ်ဆူတၢ်မဲာ်ညါတက့ၢ်. 38မၤထီၣ်အနီၣ်တံာ်မ့ၣ်အူဒီးနီၣ်တံာ်အလီခီတဖၣ်လၢထူစီတက့ၢ်. 39သူထူစီလီၤတယၢၢ်တကံကၢ်လၢသုကမၤတၢ်ပာ်မ့ၣ်အူဒၢအလီၢ်ဒီးကယဲၢ် တၢ်အပီးအလီတဖၣ်အံၤအဂီၢ်တက့ၢ်. 40ပာ်သူၣ်ပာ်သးလၢသုကမၤအီၤဒ်တၢ်တိာ်ကျဲၤလၢယဒုးနဲၣ်တ့ၢ်သု လၢကစၢၢ်အလိၤန့ၣ်တက့ၢ်.
Currently Selected:
လံာ်တၢ်ဟးထီၣ်ကွံာ် 25: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
လံာ်တၢ်ဟးထီၣ်ကွံာ် 25
25
တၢ်လုၢ်မၤဘူၣ်တဖၣ်လၢဒဲစီဆှံအဂီၢ်
(ဟးထီၣ်. ၃၅:၄-၉)
1-2ယွၤစံးဘၣ်စီၤမိၤၡ့, “တဲဘၣ်ပှၤအံၣ်စရ့လးဖိတဖၣ်လၢကဟ့ၣ်ယၤလၢတၢ်လုၢ်မၤဘူၣ် တမံၤတက့ၢ်. တူၢ်လိာ်ကယဲၢ်တၢ်လုၢ်မၤဘူၣ်တမံၤလၢ်လၢ်လၢပှၤတဂၤဂၤသးအိၣ် ဟ့ၣ်ဝဲန့ၣ်တက့ၢ်. 3တၢ်လုၢ်မၤဘူၣ်တဖၣ်အံၤကဘၣ်မ့ၢ်ထူ, စ့နီၢ်ဒီးတိၢ်ဘီ, 4တၢ်ကံးယာ်လုၣ်အဂ့ၤ, အလါအဲးအလုးတကုာ်ဒီးသိဆူၣ်ဂီၤတဖၣ်, ဒီးတၢ်ကူတၢ်သိးလၢအဘၣ်တၢ်မၤအီၤလၢမဲာ်တဲးလဲးအဆူၣ်, 5သိဖါအဖံးလၢတၢ်စုၣ်ဂီၤထီၣ်အီၤ, တၢ်ဖံးအဂ့ၤဒီးသ့ၣ်ဖှ့ၡံးတၤ, 6သိလၢမ့ၣ်အူဒၢတဖၣ်အဂီၢ်, တၢ်နၢမူတဖၣ်လၢသိဖှူတၢ်အဂီၢ်ဒီး တၢ်ဆိၣ်ကဲၤနၢမူအဂီၢ်, 7ဒီးတၢ်မျၢ်မဟူယၤ, ဒီးတၢ်မျၢ်လုၢ်ဒိၣ်ပှ့ၤဒိၣ်အဂၤတဖၣ်လၢတၢ် ကထီထီၣ်အီၤလၢပှၤလုၢ်တၢ်အခိၣ်အဒိၣ်ကတၢၢ်အဆ့ကၤအ့ဖိးအလိၤ ဒီးလၢအသဃိးအလိၤအဂီၢ်လီၤ. 8ပှၤဂီၢ်မုၢ်ကဘၣ်မၤထီၣ်ဒဲစီဆှံတဖျၢၣ်လၢယဂီၢ်ဒ်သိးယကအိၣ် ကဆိးလၢအဝဲသ့ၣ်အကျါန့ၣ်လီၤ. 9မၤအီၤဒီးကယၢကယဲအီၤဒ်တၢ်တိာ်ကျဲၤလၢယကဒုးနဲၣ်သုန့ၣ်တက့ၢ်.
တၢ်အၢၣ်လီၤအီလီၤအတလါစီဆှံ
(ဟးထီၣ်. ၃၇:၁-၉)
10မၤတလါတဖျၢၣ်လၢသ့ၣ်ဖှ့ အထီခံပျၢ်တထါ, အလဲၢ်တပျၢ်တထါ, ဒီးကစီၤထီၣ်တပျၢ်တထါတက့ၢ်. 11ဒီးသုကဘၣ်ဒါအီၤလၢထူလၢအအိပူၤဒီးလၢအချၢခဲလၢာ်လီၤ. ဒီးသုဘၣ်ပီၤအီၤဒီးထူလၢအကနူၤဝးတရံးအီၤဒီဖျၢၣ်ညါန့ၣ်လီၤ. 12ဒီးသုဘၣ်မၤထူအကွီၤလွံၢ်ကွီၤဒီးသုဘၣ်ထီထီၣ်ဖဲတလါအခီၣ် လွံၢ်ခီတကပၤခံခီစုာ်စုာ်လၢတၢ်ကစိာ်ထီၣ်စိာ်လီၤအီၤအဂီၢ်န့ၣ်လီၤ. 13ဒီးသုဘၣ်မၤနီၣ်ယိးဘိခံဘိလၢသ့ၣ်ဖှ့ၡံးတၤဒီးပီၤအီၤလၢထူ, 14ဒီးသုဘၣ်ဂိာ်နုာ်အီၤလၢကွီၤခံကွီၤ, လၢအအိၣ်လၢတလါအကပၤ ခံခီလိာ်န့ၣ်လီၤ. 15နီၣ်ယိးဘိခံဘိအံၤကဘၣ်အိၣ်ထီဃာ်အသးဖဲကွီၤတဖၣ်အပူၤဒီး တၢ်တဘၣ်ထုးထီၣ်ကွံာ်အီၤဘၣ်. 16အန့ၣ်ဝံၤဒီးလၢၢ်ဘ့ၣ်ဘၣ်ခံဘ့ၣ်လၢတၢ်ကွဲးလီၤတ့ၢ်တၢ်မၤလိာ် တဖၣ်လၢယကဟ့ၣ်သုန့ၣ်ဒၢနုာ်အီၤဆူတလါအပူၤတက့ၢ်.
17မၤတၢ်အခိၣ်ကၢၢ်တဘ့ၣ်လၢအဘၣ်တၢ်ကိးအီၤလၢတၢ်သးကညီၤအလီၢ်ပ စိာ်, လၢထူစီ, အထီခံပျၢ်တထါ, ဒီးအလဲၢ်တပျၢ်တထါန့ၣ်တက့ၢ်. 18မၤထီၣ်တၢ်ဘၣ်တ့အိၣ်ဒီးအဒံးဆ့ခံဂၤလၢထူကိၢ်လိၣ်, 19တဂၤ, လၢတလါအခိၣ်ကၢၢ်အထိးနါတခီစုာ်စုာ်အဂီၢ်တက့ၢ်. မၤအီၤဒ်သိးကစဲထီအသးဒီးတၢ်အခိၣ်ကၢၢ်ဒ်ထူတလိၣ်ဃီ အသိးန့ၣ်တက့ၢ်. 20တၢ်ဘၣ်တ့အိၣ်ဒီးအဒံးဆ့ခံဂၤအံၤကဘၣ်အိၣ်ကွၢ်လိာ်အမဲာ်လၢ တၢ်အခိၣ်ကၢၢ်တခီစုာ်စုာ်အလိၤဒီးအဒံးဆ့တဖၣ်လၢအသလၣ်ထီၣ် အသးန့ၣ်ကဘၣ်ကျၢၢ်ဘၢတလါအခိၣ်ကၢၢ်န့ၣ်လီၤ. 21ဒၢနုာ်လၢၢ်ဘ့ၣ်ဘၣ်ခံဘ့ၣ်ဆူတလါအပူၤန့ၣ်ဒီးကးဘၢအီၤလၢ တလါအခိၣ်ကၢၢ်တက့ၢ်. 22ယကသဂၢၢ်သုဖဲန့ၣ်ဒီးဖဲတလါအခိၣ်ကၢၢ်အဖီခိၣ်လၢအအိၣ်လၢတၢ် ဘၣ်တ့အိၣ်ဒီးအဒံးဆ့ခံဂၤအဘၢၣ်စၢၤန့ၣ်ယကဟ့ၣ်လီၤသုလၢ ကယဲၢ်ယတၢ်သိၣ်တၢ်သီတဖၣ်လၢကီၢ်အံၣ်စရ့လးအပှၤဂီၢ်မုၢ်အဂီၢ်လီၤ.
စီၢ်နီၤခိၣ်လၢတၢ်လုၢ်ထီၣ်ကိၣ် ဆူကစၢ်ယွၤအဂီၢ်
(ဟးထီၣ်. ၃၇:၁၀-၁၆)
23ဘှီထီၣ်စီၢ်နီၤခိၣ်တဖျၢၣ်လၢသ့ၣ်ဖှ့ၡံးတၤ, အထီခံပျၢ်, အလဲၢ်တပျၢ်ဒီးကစီၤထီၣ်တပျၢ်တထါတက့ၢ်. 24ကးဘၢအီၤဒီးထူစီဒီးစီၢ်နီၤခိၣ်အဖီခိၣ်အထိးနါဝးတရံး န့ၣ်ကျီၤအီၤလၢထူတက့ၢ်. 25စီၢ်နီၤခိၣ်အဖီခိၣ်အံၤကဘၣ်အိၣ်ဒီးအခိၣ်ဒူတခါလၢအလဲၢ်ဝဲ သၢစုမုၢ်ဒိၣ်ဒီးအခိၣ်ဒူအံၤအထိးနါဝးတရံးန့ၣ်ကျီၤအီၤလၢထူတက့ၢ်. 26မၤန့ၢ်ကွီၤထူလွံၢ်ကွီၤဒီးထီထီၣ်အီၤဖဲစီၢ်နီၤခိၣ်အခီၣ်လွံၢ်ခီ အိၣ်ဝဲအဖီခိၣ်အနၢၣ်လွံၢ်နၢၣ်အလိၤလၢတၢ်ကစိာ်ထီၣ်စိာ်လီၤအီၤ အဂီၢ်တက့ၢ်. 27ကွီၤတဖၣ်လၢကဖီၣ်ကျၢၤဃးနီၣ်ယိးဘိလၢတၢ်ကစိာ်ထီၣ်စိာ်လီၤ စီၢ်နီၤခိၣ်အဂီၢ်အံၤကဘၣ်အိၣ်ဖဲစီၢ်နီၤခိၣ်အခိၣ်ဒူအကပၤန့ၣ်လီၤ. 28မၤနီၣ်ယိးဘိတဖၣ်လၢသ့ၣ်ဖှံၡံးတၤဒီးပီၤအီၤလၢထူတက့ၢ်. 29မၤန့ၢ်လီခီတဖၣ်, ထံခွးတဖၣ်, ကိတဖၣ်ဒီးသလၢတဖၣ်လၢတၢ်ကသူ အီၤလၢတၢ်လုၢ်မၤဘူၣ်စပံးထံအဂီၢ်တက့ၢ်. ကယဲၢ်တၢ်ကိးမံၤဒဲးအံၤကဘၣ်တၢ်မၤအီၤလၢထူစီန့ၣ်လီၤ. 30စီၢ်နီၤခိၣ်န့ၣ်ကဘၣ်တၢ်ပာ်အီၤလၢတၢ်အၢၣ်လီၤအီလီၤအတလါစီ ဆှံအမဲာ်ညါဒီးလၢစီၢ်နီၤခိၣ်အလိၤန့ၣ်ကိၣ်စီဆှံလၢတၢ်လုၢ် မၤဘူၣ်အီၤဆူယအိၣ်န့ၣ်ကဘၣ်အိၣ်ဝဲထီဘိန့ၣ်လီၤ.
တၢ်ပာ်မ့ၣ်အူဒၢအလီၢ်
(ဟးထီၣ်. ၃၇:၁၇-၂၄)
31ဘှီထီၣ်တၢ်ပာ်မ့ၣ်အူဒၢအလီၢ်တခါလၢထူစီတက့ၢ်. အခီၣ်ယီၢ်ဒီးအထူၣ်န့ၣ်ကဘၣ်မ့ၢ်ထူကိၢ်လိၢ်လီၤ. အတၢ်ကယၢကယဲဖီတဖၣ်ဃုာ်ဒီးအဘိၣ်တဖၣ်အဖီ အကဘျံးတဖၣ်ကဘၣ်အိၣ်စဲဘူးတခါဃီဒီးအီၤလီၤ. 32အဒ့ဃုဒ့ကဘၣ်ဆဲးဖးထီၣ်လၢအကပၤတဖၣ်တခီသၢဒ့စုာ်စုာ်န့ၣ် လီၤ. 33အဒ့ဃုဒ့အံၤ, တဒ့ဘၣ်တဒ့စုာ်စုာ်အလိၤန့ၣ်ကဘၣ်အိၣ်ဒီးဖီသၢ ဖီးလၢတၢ်ကယၢကယဲအီၤလီၤဂာ်ဒ်ၡၤကးသၣ်လၢအအိၣ်ဃုာ်ဒီးအဘိၣ် ဒီးအဖီအကဘျံးတဖၣ်လီၤ. 34တၢ်ပာ်မ့ၣ်အူဒၢလီၢ်အထူၣ်န့ၣ်ကဘၣ်အိၣ်ဒီးဖီလွံၢ်ဖီးလၢတၢ် ကယၢကယဲအီၤလီၤဂာ်ဒ်ၡၤကးသၣ်လၢအအိၣ်ဃုာ်ဒီးအဘိၣ်ဒီးအဖီ အကဘျံးတဖၣ်န့ၣ်လီၤ. 35ဖီအဘိၣ်တဘိၣ်ကဘၣ်အိၣ်လၢအဒ့ခံဒ့အဖီလာ်လၢအဘၣ် သဂၢၢ်လိာ်သးသၢတီၤန့ၣ်လီၤ. 36ဖီအဘိၣ်တဖၣ်, အဒ့တဖၣ်ဒီးမ့ၣ်အူဒၢအထူၣ်န့ၣ်ကဘၣ်မ့ၢ်ဝဲ ထူစီတကိၢ်လိၢ်ဃီန့ၣ်လီၤ. 37မၤထီၣ်မ့ၣ်အူဒၢနွံဖျၢၣ်လၢတၢ်ပာ်မ့ၣ်အူဒၢအလီၢ်အဂီၢ်ဒီး ဒွဲၣ်ထီၣ်အီၤဒ်သိးကကပီၤထီၣ်ဆူတၢ်မဲာ်ညါတက့ၢ်. 38မၤထီၣ်အနီၣ်တံာ်မ့ၣ်အူဒီးနီၣ်တံာ်အလီခီတဖၣ်လၢထူစီတက့ၢ်. 39သူထူစီလီၤတယၢၢ်တကံကၢ်လၢသုကမၤတၢ်ပာ်မ့ၣ်အူဒၢအလီၢ်ဒီးကယဲၢ် တၢ်အပီးအလီတဖၣ်အံၤအဂီၢ်တက့ၢ်. 40ပာ်သူၣ်ပာ်သးလၢသုကမၤအီၤဒ်တၢ်တိာ်ကျဲၤလၢယဒုးနဲၣ်တ့ၢ်သု လၢကစၢၢ်အလိၤန့ၣ်တက့ၢ်.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.