လံာ်စီၤၡမူၤအ့လးခံဘ့ၣ်တဘ့ၣ် 1
1
စီၤဒၤဝံးသ့ၣ်ညါဘၣ်စီၤစီလူးအတၢ်သံအဂ့ၢ်
1စီၤစီလူးသံဝံၤအလီၢ်ခံန့ၣ်, စီၤဒၤဝံးဟဲက့ၤကဒါက့ၤဝဲ လၢတၢ်မၤနၢၤပှၤဧမၤလ့းဖိတဖၣ်ဒီးအိၣ်ဝဲဒၣ်ဖဲဝ့ၢ်စံးကလး ခံသီန့ၣ်လီၤ. 2မုၢ်ဆ့ၣ်ထီၣ်တနံၤန့ၣ်ပှၤသးစၢ်တဂၤလၢစီၤစီလူးအသူၣ်ဒဲအလီၢ်န့ၣ်ဟဲတုၤဝဲဒၣ်လီၤ. လၢတၢ်ဒုးနဲၣ်အတၢ်သးအုးအဂီၢ်န့ၣ်, အဝဲဖှီယာ်ကွံာ်အတၢ်ကူတၢ်သိးတဖၣ်ဒီးပာ်ထီၣ်ဖၣ်ကမူၣ်ဖၣ်ဆါ လၢအခိၣ်ဖီခိၣ်လီၤ. အဝဲလဲၤဆူစီၤဒၤဝံးအအိၣ်ဒီးထိၣ်လီၤပှီၤအသးဒီးဆုးလီၤ အခိၣ်လၢတၢ်ယူးယီၣ်ပာ်ကဲအပူၤန့ၣ်လီၤ. 3စီၤဒၤဝံးသံကွၢ်အီၤ, “နဟဲနဲလၢလဲၣ်တခီလဲၣ်.” အဝဲဒၣ်စံးဆၢဝဲ,
“ယဃ့ၢ်ထူၣ်ဖျဲးထီၣ်လၢပှၤအံၣ်စရ့လးဖိအသူၣ်ဒဲလီၢ်တခီန့ၣ် လီၤ.”
4စီၤဒၤဝံးစံးဝဲ, “တဲဘၣ်ယၤတၢ်လၢအမၤတ့ၢ်အသးတက့ၢ်.” အဝဲစံးဆၢဝဲ, “ပသုးမုၢ်ထွးထီၣ်ဃ့ၢ်ကွံာ်ဝဲလၢတၢ်ဒုးပျီ အပူၤဒီးပပှၤအါဂၤဘၣ်တၢ်မၤသံကွံာ်အီၤလံ. စီၤစီလူးဒီးအဖိခွါစီၤယိနၤသၣ်စ့ၢ်ကီးဘၣ်တၢ်မၤသံကွံာ် အီၤလံ.”
5စီၤဒၤဝံးသံကွၢ်အီၤ, “စီၤစီလူးဒီးစီၤယိနၤသၣ်သံဝဲ န့ၣ်နသ့ၣ်ညါဒ်လဲၣ်.”
6အဝဲဒၣ်စံးဆၢဝဲ, “ယလဲၤဘၣ်အတီၤလၢကစၢၢ်ကံးလဘိ အဒီခိၣ်, ဒီးယထံၣ်လၢစီၤစီလူးထိၣ်လီၤဃံၤအသးလၢအဘီ ဖီခိၣ်ဒီးဒုၣ်ဒါအလ့ၣ်ကဟၣ်ဒုးသုးတဖၣ်ဒီးကသ့ၣ်ဒုးသုးတဖၣ် ဘူးတ့ၢ်မးလၢကတုၤဆူအအိၣ်န့ၣ်လီၤ. 7အန့ၣ်ဒီးအဝဲဃၣ်အသးဒီးထံၣ်ယၤဒီးကိးယၤလီၤ. ယစံးဆၢအီၤ, မ့ၢ်တၢ်ဒိၣ်ဧၢလီၤ. 8အဝဲသံကွၢ်ယၤလၢယမ့ၢ်မတၤလဲၣ်ဒီးယတဲဘၣ်အီၤလၢယမ့ၢ်ပှၤဧမၤလ့းဖိတဂၤန့ၣ်လီၤ. 9အန့ၣ်ဒီးအဝဲစံး, ဟဲဖဲအံၤဒီးမၤသံယၤတက့ၢ်. ယဘၣ်ဒိဘၣ်ထံးတ့ၢ်အၢအၢသီသီဒီးဘူးတ့ၢ်မးလၢယကသံလီၤ. 10လၢတၢ်န့ၣ်အဃိ, ယလဲၤထီၣ်ဆူအအိၣ်ဒီးမၤသံအီၤန့ၣ်လီၤ. အဂ့ၢ်ဒ်အံၤ, ယသ့ၣ်ညါလၢတပူၤဂ့ၤတပူၤဂ့ၤန့ၣ် တုၤအဝဲဒၣ်လီၤဃံၤလၢအဘီလိၤတဘျီဃီန့ၣ်ကသံဝဲဒၣ်လီၤ. အန့ၣ်ဝံၤဒီး, ယဟံးန့ၢ်စီၤပၤအခိၣ်သလုးလၢအဝဲအခိၣ်လိၤဒီး ထံဖှံၣ်လၢအဝဲအစုဒုၣ်လိၤဒီးယဟဲစိာ်လီၤဆူနအိၣ်လီၤ, တၢ်ဒိၣ်ဧၢ.”
11စီၤဒၤဝံးဖှီယာ်ကွံာ်အကူအသိးတဖၣ်လၢတၢ်သးအုးအပူၤဒီး ကယဲၢ်အပှၤခဲလၢာ်မၤဝဲဒ်န့ၣ်အသိးစ့ၢ်ကီးလီၤ. 12အဝဲသ့ၣ်သူၣ်အုးသးအုးဝဲဒီးဟီၣ်တၢ်ယၢၤတၢ် ဒီးဒုၣ်တၢ်အီၣ်တၢ်အီတုၤလၢမုၢ်ဟါလီၤအကတီၢ်လၢစီၤစီလူးဒီးစီၤယိနၤသၣ် ဒီးကီၢ်အံၣ်စရ့လး, ယွၤအပှၤဂီၢ်မုၢ်အဂီၢ်န့ၣ်လီၤ. အဂ့ၢ်ဒ်အံၤ, ပှၤဘၣ်တၢ်မၤသံကွံာ်အီၤအါအါကလဲာ်လၢတၢ်ဒုးတၢ် ယၤအပူၤအဃိလီၤ.
13စီၤဒၤဝံးသံကွၢ်ပှၤသးစၢ်တဂၤ, လၢအဟဲစိာ်န့ၢ်အီၤတၢ်ကစီၣ်န့ၣ်, “နဟဲလၢလဲၣ်ခီလဲၣ်.”
အဝဲဒၣ်စံးဆၢဝဲ, “ယမ့ၢ်ပှၤဧမၤလ့းဖိတဂၤလီၤ. ဘၣ်ဆၣ်ဒီးယအိၣ်ဆိးလၢနထံနကီၢ်အပူၤန့ၣ်လီၤ.”
14စီၤဒၤဝံးသံကွၢ်အီၤ, “နဒူတုၤဒၣ်လဲာ်နမၤသံစီၤပၤလၢ ယွၤဃုထၢအီၤတဂၤန့ၣ်သ့ဒ်လဲၣ်.” 15အန့ၣ်ဝံၤဒီး, စီၤဒၤဝံးကိးဃီၤအဝဲအပှၤအကျါတဂၤဒီးစံးဘၣ် အီၤ, “မၤသံကွံာ်အီၤတက့ၢ်.” ပှၤတဂၤန့ၣ်ကျီပှၤဧမၤလ့းဖိတဂၤ န့ၣ်ဒီးမၤသံကွံာ်အီၤန့ၣ်လီၤ. 16အဂ့ၢ်ဒ်အံၤ, စီၤဒၤဝံးစံးဘၣ်တ့ၢ်ပှၤဧမၤလ့းဖိလၢ, “နဒုးလီၤဘၣ်တၢ်အံၤလၢနလိၤဒၣ်နဲလီၤ. နစံၣ်ညီၣ်ဃၣ်လီၤနသးဖဲနအၢၣ်လီၤတ့ၢ်လၢနမၤသံကွံာ်ပှၤတဂၤလၢ ယွၤဃုထၢအီၤလၢအကကဲထီၣ်စီၤပၤန့ၣ်လီၤ.”
စီၤဒၤဝံးအတၢ်မိၣ်တၢ်မးအတၢ်သးဝံၣ် လၢစီၤစီလူးဒီးစီၤယိနၤသၣ်အဂီၢ်
17စီၤဒၤဝံးသးဝံၣ်တ့ၢ်တၢ်မိၣ်တၢ်မးအတၢ်သးဝံၣ်အံၤလၢ စီၤစီလူးဒီးအဖိခွါစီၤယိနၤသၣ်အဂီၢ်, 18ဒီးမၤလိာ်ဝဲလၢတၢ်ကသိၣ်လိန့ၢ်ပှၤကီၢ်ယူဒၤအပှၤဂီၢ်မုၢ်န့ၣ်လီၤ. (တၢ်န့ၣ်ဘၣ်တၢ်ကွဲးနီၣ်ကွဲးဃါအီၤလၢစီၤယၤၡၣ်အလံာ်ပူၤန့ၣ်လီၤ.)
19“လၢကီၢ်အံၣ်စရ့လးအတၢ်လူၢ်တဖၣ်အဖီခိၣ်န့ၣ်ပခိၣ်ပနၢ်တဖၣ်သံဝဲလံ.
ပှၤအဒူကတၢၢ်လၢပပှၤသုးဖိတဖၣ်အကျါလီၤဃံၤကွံာ်ဝဲလံ.
20ဘိးဘၣ်သ့ၣ်ညါအီၤလၢဝ့ၢ်ကၤသးအပူၤ
မ့တမ့ၢ်လၢဝ့ၢ်အၤၡးကလိၣ်အကျဲဘိတဖၣ်အပူၤ န့ၣ်တဂ့ၤ.
ဒုးသးခုပှၤပိာ်မုၣ်တဖၣ်လၢကီၢ်ဖလ့ၡသးတဂ့ၤ.
ပျဲပှၤတစူၢ်တနာ်ယွၤအဖိမုၣ်တဖၣ်သူၣ်ဖှံသးညီတဂ့ၤ.
21မ်မူခိၣ်စူၤထံမ့ၢ်ဂ့ၤ, ပစီၤထံမ့ၢ်ဂ့ၤသုတလီၤလၢကံးလဘိ အတၢ်လူၢ်တဖၣ်အဒီခိၣ်တဂ့ၤ.
မ်အစံၣ်ပျီတဖၣ်အိၣ်သယုၢ်အိၣ်လီၤဃီထီဘိတက့ၢ်.
အဂ့ၢ်ဒ်အံၤ, ပှၤအဒူအဃိၤအကတီၤတဖၣ်ဒါလီၤအသးဖဲန့ၣ် လၢတၢ်မဲာ်ဆှးအပူၤလီၤ.
စီၤစီလူးအကတီၤန့ၣ်တဘၣ်တၢ်ဖှူကပီၤထီၣ်အီၤလၢသိ နီတစုလၢၤဘၣ်.
22စီၤယိနၤသၣ်အချံၣ်န့ၣ်မၤသံတၢ်
ဒီးစီၤစီလူးန့ၣ်တသးကညီၤဘၣ်တၢ်ဘၣ်.
ကျီကွံာ်ပှၤအဂံၢ်ဆူၣ်ဘါဆူၣ်ဒီးမၤသံဒုၣ်ဒါ တဖၣ်န့ၣ်လီၤ.
23စီၤစီလူးဒီးစီၤယိနၤသၣ်မ့ၢ်ပှၤလီၤလးဒီးပှၤလီၤအဲၣ် လီၤကွံတဖၣ်လီၤ.
မူသကိးဒ်သိးသိးသံသကိးဝဲဒ်သိးသိးန့ၣ်လီၤ.
မ့ၢ်ပှၤချ့န့ၢ်ဒံးလံာ်ကြီကြာ်တဖၣ်ဒီးအဂံၢ်အဘါဆူၣ် န့ၢ်ဒံးခ့ယုၢ်တဖၣ်တက့ၢ်န့ၣ်လီၤ.
24ကီၢ်အံၣ်စရ့လးအပှၤပိာ်မုၣ်သ့ၣ်ဧၢ, ဟီၣ်တၢ်ယၢၤတၢ်လၢ စီၤစီလူးအဃိတက့ၢ်.
အဝဲဒုးကူဒုးသိးထီၣ်သုလၢတၢ်ကူတၢ်သိးဂီၤဆှူၣ် တဖၣ်,
ဒီးကယၢကယဲသုလၢတၢ်မျၢ်လုၢ်ဒိၣ်ပှ့ၤဒိၣ်တဖၣ်ဒီးထူန့ၣ်လီၤ.
25ပှၤသုးဖိအဒူအဃိၤတဖၣ်လီၤဃံၤကွံာ်လံ.
အဝဲသ့ၣ်ဘၣ်တၢ်မၤသံကွံာ်အီၤလၢတၢ်ဒုးတၢ်ယၤ ပူၤလံ. စီၤယိၤနၤသၣ်လီၤဃံၤသံဝဲလၢတၢ်လူၢ်ဒီခိၣ် န့ၣ်လီၤ.
26ယသူၣ်အုးသးအုးလၢနဃိ, ယဒီပုၢ်ဝဲၢ်စီၤယိနၤသၣ်ဧၢ, နလီၤအဲၣ်လၢယဂီၢ်ဒိၣ်မးလဲၣ်.
နတၢ်အဲၣ်လၢယဂီၢ်လီၤလးနးလဲၣ်. ဂ့ၤန့ၢ်ဒိၣ်န့ၢ်ဒံးပိာ်မုၣ်တဖၣ်အတၢ်အဲၣ်တက့ၢ်လီၤ.
27ပှၤသုးဖိအဒူအဃိၤတဖၣ်လီၤဃံၤကွံာ်လံ. အဝဲသ့ၣ်အစုကဝဲၤ တဖၣ်ဘၣ်တၢ်ပာ်လီၤတဲာ်တ့ၢ်အီၤဒီးတဂိာ်တသီၣ်တၢ်လၢၤဘၣ်.
Currently Selected:
လံာ်စီၤၡမူၤအ့လးခံဘ့ၣ်တဘ့ၣ် 1: KSWC
Highlight
Copy
Compare
Share
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
လံာ်စီၤၡမူၤအ့လးခံဘ့ၣ်တဘ့ၣ် 1
1
စီၤဒၤဝံးသ့ၣ်ညါဘၣ်စီၤစီလူးအတၢ်သံအဂ့ၢ်
1စီၤစီလူးသံဝံၤအလီၢ်ခံန့ၣ်, စီၤဒၤဝံးဟဲက့ၤကဒါက့ၤဝဲ လၢတၢ်မၤနၢၤပှၤဧမၤလ့းဖိတဖၣ်ဒီးအိၣ်ဝဲဒၣ်ဖဲဝ့ၢ်စံးကလး ခံသီန့ၣ်လီၤ. 2မုၢ်ဆ့ၣ်ထီၣ်တနံၤန့ၣ်ပှၤသးစၢ်တဂၤလၢစီၤစီလူးအသူၣ်ဒဲအလီၢ်န့ၣ်ဟဲတုၤဝဲဒၣ်လီၤ. လၢတၢ်ဒုးနဲၣ်အတၢ်သးအုးအဂီၢ်န့ၣ်, အဝဲဖှီယာ်ကွံာ်အတၢ်ကူတၢ်သိးတဖၣ်ဒီးပာ်ထီၣ်ဖၣ်ကမူၣ်ဖၣ်ဆါ လၢအခိၣ်ဖီခိၣ်လီၤ. အဝဲလဲၤဆူစီၤဒၤဝံးအအိၣ်ဒီးထိၣ်လီၤပှီၤအသးဒီးဆုးလီၤ အခိၣ်လၢတၢ်ယူးယီၣ်ပာ်ကဲအပူၤန့ၣ်လီၤ. 3စီၤဒၤဝံးသံကွၢ်အီၤ, “နဟဲနဲလၢလဲၣ်တခီလဲၣ်.” အဝဲဒၣ်စံးဆၢဝဲ,
“ယဃ့ၢ်ထူၣ်ဖျဲးထီၣ်လၢပှၤအံၣ်စရ့လးဖိအသူၣ်ဒဲလီၢ်တခီန့ၣ် လီၤ.”
4စီၤဒၤဝံးစံးဝဲ, “တဲဘၣ်ယၤတၢ်လၢအမၤတ့ၢ်အသးတက့ၢ်.” အဝဲစံးဆၢဝဲ, “ပသုးမုၢ်ထွးထီၣ်ဃ့ၢ်ကွံာ်ဝဲလၢတၢ်ဒုးပျီ အပူၤဒီးပပှၤအါဂၤဘၣ်တၢ်မၤသံကွံာ်အီၤလံ. စီၤစီလူးဒီးအဖိခွါစီၤယိနၤသၣ်စ့ၢ်ကီးဘၣ်တၢ်မၤသံကွံာ် အီၤလံ.”
5စီၤဒၤဝံးသံကွၢ်အီၤ, “စီၤစီလူးဒီးစီၤယိနၤသၣ်သံဝဲ န့ၣ်နသ့ၣ်ညါဒ်လဲၣ်.”
6အဝဲဒၣ်စံးဆၢဝဲ, “ယလဲၤဘၣ်အတီၤလၢကစၢၢ်ကံးလဘိ အဒီခိၣ်, ဒီးယထံၣ်လၢစီၤစီလူးထိၣ်လီၤဃံၤအသးလၢအဘီ ဖီခိၣ်ဒီးဒုၣ်ဒါအလ့ၣ်ကဟၣ်ဒုးသုးတဖၣ်ဒီးကသ့ၣ်ဒုးသုးတဖၣ် ဘူးတ့ၢ်မးလၢကတုၤဆူအအိၣ်န့ၣ်လီၤ. 7အန့ၣ်ဒီးအဝဲဃၣ်အသးဒီးထံၣ်ယၤဒီးကိးယၤလီၤ. ယစံးဆၢအီၤ, မ့ၢ်တၢ်ဒိၣ်ဧၢလီၤ. 8အဝဲသံကွၢ်ယၤလၢယမ့ၢ်မတၤလဲၣ်ဒီးယတဲဘၣ်အီၤလၢယမ့ၢ်ပှၤဧမၤလ့းဖိတဂၤန့ၣ်လီၤ. 9အန့ၣ်ဒီးအဝဲစံး, ဟဲဖဲအံၤဒီးမၤသံယၤတက့ၢ်. ယဘၣ်ဒိဘၣ်ထံးတ့ၢ်အၢအၢသီသီဒီးဘူးတ့ၢ်မးလၢယကသံလီၤ. 10လၢတၢ်န့ၣ်အဃိ, ယလဲၤထီၣ်ဆူအအိၣ်ဒီးမၤသံအီၤန့ၣ်လီၤ. အဂ့ၢ်ဒ်အံၤ, ယသ့ၣ်ညါလၢတပူၤဂ့ၤတပူၤဂ့ၤန့ၣ် တုၤအဝဲဒၣ်လီၤဃံၤလၢအဘီလိၤတဘျီဃီန့ၣ်ကသံဝဲဒၣ်လီၤ. အန့ၣ်ဝံၤဒီး, ယဟံးန့ၢ်စီၤပၤအခိၣ်သလုးလၢအဝဲအခိၣ်လိၤဒီး ထံဖှံၣ်လၢအဝဲအစုဒုၣ်လိၤဒီးယဟဲစိာ်လီၤဆူနအိၣ်လီၤ, တၢ်ဒိၣ်ဧၢ.”
11စီၤဒၤဝံးဖှီယာ်ကွံာ်အကူအသိးတဖၣ်လၢတၢ်သးအုးအပူၤဒီး ကယဲၢ်အပှၤခဲလၢာ်မၤဝဲဒ်န့ၣ်အသိးစ့ၢ်ကီးလီၤ. 12အဝဲသ့ၣ်သူၣ်အုးသးအုးဝဲဒီးဟီၣ်တၢ်ယၢၤတၢ် ဒီးဒုၣ်တၢ်အီၣ်တၢ်အီတုၤလၢမုၢ်ဟါလီၤအကတီၢ်လၢစီၤစီလူးဒီးစီၤယိနၤသၣ် ဒီးကီၢ်အံၣ်စရ့လး, ယွၤအပှၤဂီၢ်မုၢ်အဂီၢ်န့ၣ်လီၤ. အဂ့ၢ်ဒ်အံၤ, ပှၤဘၣ်တၢ်မၤသံကွံာ်အီၤအါအါကလဲာ်လၢတၢ်ဒုးတၢ် ယၤအပူၤအဃိလီၤ.
13စီၤဒၤဝံးသံကွၢ်ပှၤသးစၢ်တဂၤ, လၢအဟဲစိာ်န့ၢ်အီၤတၢ်ကစီၣ်န့ၣ်, “နဟဲလၢလဲၣ်ခီလဲၣ်.”
အဝဲဒၣ်စံးဆၢဝဲ, “ယမ့ၢ်ပှၤဧမၤလ့းဖိတဂၤလီၤ. ဘၣ်ဆၣ်ဒီးယအိၣ်ဆိးလၢနထံနကီၢ်အပူၤန့ၣ်လီၤ.”
14စီၤဒၤဝံးသံကွၢ်အီၤ, “နဒူတုၤဒၣ်လဲာ်နမၤသံစီၤပၤလၢ ယွၤဃုထၢအီၤတဂၤန့ၣ်သ့ဒ်လဲၣ်.” 15အန့ၣ်ဝံၤဒီး, စီၤဒၤဝံးကိးဃီၤအဝဲအပှၤအကျါတဂၤဒီးစံးဘၣ် အီၤ, “မၤသံကွံာ်အီၤတက့ၢ်.” ပှၤတဂၤန့ၣ်ကျီပှၤဧမၤလ့းဖိတဂၤ န့ၣ်ဒီးမၤသံကွံာ်အီၤန့ၣ်လီၤ. 16အဂ့ၢ်ဒ်အံၤ, စီၤဒၤဝံးစံးဘၣ်တ့ၢ်ပှၤဧမၤလ့းဖိလၢ, “နဒုးလီၤဘၣ်တၢ်အံၤလၢနလိၤဒၣ်နဲလီၤ. နစံၣ်ညီၣ်ဃၣ်လီၤနသးဖဲနအၢၣ်လီၤတ့ၢ်လၢနမၤသံကွံာ်ပှၤတဂၤလၢ ယွၤဃုထၢအီၤလၢအကကဲထီၣ်စီၤပၤန့ၣ်လီၤ.”
စီၤဒၤဝံးအတၢ်မိၣ်တၢ်မးအတၢ်သးဝံၣ် လၢစီၤစီလူးဒီးစီၤယိနၤသၣ်အဂီၢ်
17စီၤဒၤဝံးသးဝံၣ်တ့ၢ်တၢ်မိၣ်တၢ်မးအတၢ်သးဝံၣ်အံၤလၢ စီၤစီလူးဒီးအဖိခွါစီၤယိနၤသၣ်အဂီၢ်, 18ဒီးမၤလိာ်ဝဲလၢတၢ်ကသိၣ်လိန့ၢ်ပှၤကီၢ်ယူဒၤအပှၤဂီၢ်မုၢ်န့ၣ်လီၤ. (တၢ်န့ၣ်ဘၣ်တၢ်ကွဲးနီၣ်ကွဲးဃါအီၤလၢစီၤယၤၡၣ်အလံာ်ပူၤန့ၣ်လီၤ.)
19“လၢကီၢ်အံၣ်စရ့လးအတၢ်လူၢ်တဖၣ်အဖီခိၣ်န့ၣ်ပခိၣ်ပနၢ်တဖၣ်သံဝဲလံ.
ပှၤအဒူကတၢၢ်လၢပပှၤသုးဖိတဖၣ်အကျါလီၤဃံၤကွံာ်ဝဲလံ.
20ဘိးဘၣ်သ့ၣ်ညါအီၤလၢဝ့ၢ်ကၤသးအပူၤ
မ့တမ့ၢ်လၢဝ့ၢ်အၤၡးကလိၣ်အကျဲဘိတဖၣ်အပူၤ န့ၣ်တဂ့ၤ.
ဒုးသးခုပှၤပိာ်မုၣ်တဖၣ်လၢကီၢ်ဖလ့ၡသးတဂ့ၤ.
ပျဲပှၤတစူၢ်တနာ်ယွၤအဖိမုၣ်တဖၣ်သူၣ်ဖှံသးညီတဂ့ၤ.
21မ်မူခိၣ်စူၤထံမ့ၢ်ဂ့ၤ, ပစီၤထံမ့ၢ်ဂ့ၤသုတလီၤလၢကံးလဘိ အတၢ်လူၢ်တဖၣ်အဒီခိၣ်တဂ့ၤ.
မ်အစံၣ်ပျီတဖၣ်အိၣ်သယုၢ်အိၣ်လီၤဃီထီဘိတက့ၢ်.
အဂ့ၢ်ဒ်အံၤ, ပှၤအဒူအဃိၤအကတီၤတဖၣ်ဒါလီၤအသးဖဲန့ၣ် လၢတၢ်မဲာ်ဆှးအပူၤလီၤ.
စီၤစီလူးအကတီၤန့ၣ်တဘၣ်တၢ်ဖှူကပီၤထီၣ်အီၤလၢသိ နီတစုလၢၤဘၣ်.
22စီၤယိနၤသၣ်အချံၣ်န့ၣ်မၤသံတၢ်
ဒီးစီၤစီလူးန့ၣ်တသးကညီၤဘၣ်တၢ်ဘၣ်.
ကျီကွံာ်ပှၤအဂံၢ်ဆူၣ်ဘါဆူၣ်ဒီးမၤသံဒုၣ်ဒါ တဖၣ်န့ၣ်လီၤ.
23စီၤစီလူးဒီးစီၤယိနၤသၣ်မ့ၢ်ပှၤလီၤလးဒီးပှၤလီၤအဲၣ် လီၤကွံတဖၣ်လီၤ.
မူသကိးဒ်သိးသိးသံသကိးဝဲဒ်သိးသိးန့ၣ်လီၤ.
မ့ၢ်ပှၤချ့န့ၢ်ဒံးလံာ်ကြီကြာ်တဖၣ်ဒီးအဂံၢ်အဘါဆူၣ် န့ၢ်ဒံးခ့ယုၢ်တဖၣ်တက့ၢ်န့ၣ်လီၤ.
24ကီၢ်အံၣ်စရ့လးအပှၤပိာ်မုၣ်သ့ၣ်ဧၢ, ဟီၣ်တၢ်ယၢၤတၢ်လၢ စီၤစီလူးအဃိတက့ၢ်.
အဝဲဒုးကူဒုးသိးထီၣ်သုလၢတၢ်ကူတၢ်သိးဂီၤဆှူၣ် တဖၣ်,
ဒီးကယၢကယဲသုလၢတၢ်မျၢ်လုၢ်ဒိၣ်ပှ့ၤဒိၣ်တဖၣ်ဒီးထူန့ၣ်လီၤ.
25ပှၤသုးဖိအဒူအဃိၤတဖၣ်လီၤဃံၤကွံာ်လံ.
အဝဲသ့ၣ်ဘၣ်တၢ်မၤသံကွံာ်အီၤလၢတၢ်ဒုးတၢ်ယၤ ပူၤလံ. စီၤယိၤနၤသၣ်လီၤဃံၤသံဝဲလၢတၢ်လူၢ်ဒီခိၣ် န့ၣ်လီၤ.
26ယသူၣ်အုးသးအုးလၢနဃိ, ယဒီပုၢ်ဝဲၢ်စီၤယိနၤသၣ်ဧၢ, နလီၤအဲၣ်လၢယဂီၢ်ဒိၣ်မးလဲၣ်.
နတၢ်အဲၣ်လၢယဂီၢ်လီၤလးနးလဲၣ်. ဂ့ၤန့ၢ်ဒိၣ်န့ၢ်ဒံးပိာ်မုၣ်တဖၣ်အတၢ်အဲၣ်တက့ၢ်လီၤ.
27ပှၤသုးဖိအဒူအဃိၤတဖၣ်လီၤဃံၤကွံာ်လံ. အဝဲသ့ၣ်အစုကဝဲၤ တဖၣ်ဘၣ်တၢ်ပာ်လီၤတဲာ်တ့ၢ်အီၤဒီးတဂိာ်တသီၣ်တၢ်လၢၤဘၣ်.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.