လံာ်စီၤၡမူၤအ့လးအခီၣ်ထံးတဘ့ၣ် တၢ်ကတိၤဆှၢနုာ်
တၢ်ကတိၤဆှၢနုာ်
လံာ်စီၤၡမူၤအ့လးအခီၣ်ထံးတဘ့ၣ်ကွဲးနီၣ်တၢ်မၤတ့ၢ်အသးလၢ ကီၢ်အံၣ်စရ့လးအပူၤ, လၢစံၣ်ညီၣ်ကွီၢ်တဖၣ်ဒီးစီၤလိၣ်စီၤပၤအတၢ်ပၢတၢ်ပြးအဆၢကတီၢ်အဘၢၣ်စၢၤအဂ့ၢ်န့ၣ်လီၤ. တၢ်လဲလိာ်လၢမၤသးဖဲအံၣ်စရ့လးဖိအတၢ်အိၣ်မူအံၤန့ၣ်ဘၣ်ထွဲအါတက့ၢ်လၢ ပှၤသၢဂၤလၢအမ့ၢ်, စီၤၡမူၤအ့လး, စံၣ်ညီၣ်ကွီၢ်ဖးဒိၣ်လၢခံကတၢၢ်တဂၤ, စီၤစီလူး, အံၣ်စရ့လးအစီၤပၤအဆိကတၢၢ်တဂၤ, ဒီးစီၤဒၤဝံးအတၢ်အိၣ်မူလၢအဆိတချုးလၢအဒိးန့ၢ်တၢ်စိတၢ်ကမီၤဃုာ်ဒီး စီၤၡမူၤအ့လးဒီးစီၤစီလူးအဂ့ၢ်အကျိၤတၢ်ကွဲးနီၣ်တဖၣ်အဂ့ၢ်န့ၣ်လီၤ.
လံာ်အံၤအတၢ်ဂ့ၢ်မိၢ်ပှၢ်န့ၣ်မ့ၢ်ဒ်တၢ်စံၣ်စိၤတဲစိၤအတၢ်ကွဲးတဖၣ် လၢလံာ်စီဆှံအလီၢ်လံၤတကတြူၢ်အသိး, မ့ၢ်ဝဲတၢ်သူၣ်တီသးလိၤဒီးကစၢ်ယွၤဟဲစိာ်တၢ်မၤန့ၢ်မၤနၢၤ, ဖဲတၢ်တဒိကနၣ်တစူၢ်ဘၣ်တၢ်န့ၣ်ဟဲစိာ်တၢ်နးတၢ်ဖှီၣ်သတူၢ်ကလာ် အဂ့ၢ်န့ၣ်လီၤ. တၢ်အံၤဘၣ်တၢ်ပာ်ဖျါအီၤလီၤတံၢ်လီၤဆဲးလၢယွၤအတၢ်ကစီၣ်ဆူ ပှၤလုၢ်တၢ်အခိၣ်စီၤဧ့လံၤအအိၣ်လၢအဆၢဒိၣ်၂:၃၀, “ယကမၤလၤကပီၤပှၤလၢအမၤလၤကပီၤယၤ ဒီးပှၤလၢအမၤလီၤယသူးယသ့ၣ်န့ၣ်ယကမၤဟးဂီၤအလၤကပီၤလီၤ.”
လံာ်အံၤကွဲးနီၣ်ဝဲတၢ်သူၣ်ဆူၣ်သးဂဲၤဒီးတၢ်သးဒ့ဒီအိၣ်ဃါဃုာ်အသးဘၣ်ဃးဒီး တၢ်ဒုးအိၣ်ထီၣ်မၤကျၢၤစီၤလိၣ်စီၤပၤအတၢ်ပၢတၢ်ပြးအဂ့ၢ်တဖၣ်န့ၣ်လီၤ. ယွၤအနီၢ်ကစၢ်ဒၣ်ဝဲန့ၣ်ဘၣ်တၢ်ပာ်ကဲအီၤဒ်ကီၢ်အံၣ်စရ့လးအစီၤပၤနီၢ်နီၢ်တဂၤအသိးလီၤ. ဘၣ်ဆၣ်ဒီးလၢတၢ်စံးဆၢမၤဆၢန့ၢ်က့ၤ ပှၤဂီၢ်မုၢ်အတၢ်ဃ့သကွံာ်ကညးန့ၣ်, ယွၤဃုထၢထီၣ်စီၤပၤတဂၤလၢအဝဲသ့ၣ်အဂီၢ်လီၤ. တၢ်ဂ့ၢ်အကါဒိၣ်တခီမ့ၢ်ဝဲစီၤပၤဒီးအံၣ်စရ့လးအပှၤဂီၢ်မုၢ် အိၣ်မူလၢကစၢ်ယွၤအတၢ်စိတၢ်ကမီၤအဒိၣ်အထီကတၢၢ်ဒီးအတၢ်စံၣ်ညီၣ်အဖီလာ် (၂:၇-၁၀) န့ၣ်လီၤ. လၢကစၢ်ယွၤအတၢ်သိၣ်တၢ်သီအဖီလာ်န့ၣ်ကယဲၢ်ပှၤဂီၢ်မုၢ်လၢအကဲဒိၣ်မ့ၢ်ဂ့ၤအဖှီၣ်အယာ်မ့ၢ်ဂ့ၤ, အခွဲးအယာ်န့ၣ်ကဘၣ်တၢ်ပၢၤဃးဒီဒၣ်အီၤန့ၣ်လီၤ.
လံာ်အတကွီၣ်
စီၤၡမူၤအ့လးဒ်ပှၤအံၣ်စရ့လးဖိအစံၣ်ညီၣ်ကွီၢ်အသိး ၁:၁-၇-၁၇
စီၤစီလူးကဲထီၣ်စီၤပၤ ၈:၁-၁၀:၂၇
စီၤစီလူးအတၢ်ပၢအဆိကတၢၢ်တနံၣ် ၁၁:၁-၁၅:၃၅
စီၤဒၤဝံးဒီးစီၤစီလူး ၁၆:၁-၃၀:၃၁
စီၤစီလူးဒီးအဖိခွါတဖၣ်အတၢ်သံ ၃၁:၁-၁၃
Currently Selected:
လံာ်စီၤၡမူၤအ့လးအခီၣ်ထံးတဘ့ၣ် တၢ်ကတိၤဆှၢနုာ်: KSWC
Highlight
Copy
Compare
Share
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
လံာ်စီၤၡမူၤအ့လးအခီၣ်ထံးတဘ့ၣ် တၢ်ကတိၤဆှၢနုာ်
တၢ်ကတိၤဆှၢနုာ်
လံာ်စီၤၡမူၤအ့လးအခီၣ်ထံးတဘ့ၣ်ကွဲးနီၣ်တၢ်မၤတ့ၢ်အသးလၢ ကီၢ်အံၣ်စရ့လးအပူၤ, လၢစံၣ်ညီၣ်ကွီၢ်တဖၣ်ဒီးစီၤလိၣ်စီၤပၤအတၢ်ပၢတၢ်ပြးအဆၢကတီၢ်အဘၢၣ်စၢၤအဂ့ၢ်န့ၣ်လီၤ. တၢ်လဲလိာ်လၢမၤသးဖဲအံၣ်စရ့လးဖိအတၢ်အိၣ်မူအံၤန့ၣ်ဘၣ်ထွဲအါတက့ၢ်လၢ ပှၤသၢဂၤလၢအမ့ၢ်, စီၤၡမူၤအ့လး, စံၣ်ညီၣ်ကွီၢ်ဖးဒိၣ်လၢခံကတၢၢ်တဂၤ, စီၤစီလူး, အံၣ်စရ့လးအစီၤပၤအဆိကတၢၢ်တဂၤ, ဒီးစီၤဒၤဝံးအတၢ်အိၣ်မူလၢအဆိတချုးလၢအဒိးန့ၢ်တၢ်စိတၢ်ကမီၤဃုာ်ဒီး စီၤၡမူၤအ့လးဒီးစီၤစီလူးအဂ့ၢ်အကျိၤတၢ်ကွဲးနီၣ်တဖၣ်အဂ့ၢ်န့ၣ်လီၤ.
လံာ်အံၤအတၢ်ဂ့ၢ်မိၢ်ပှၢ်န့ၣ်မ့ၢ်ဒ်တၢ်စံၣ်စိၤတဲစိၤအတၢ်ကွဲးတဖၣ် လၢလံာ်စီဆှံအလီၢ်လံၤတကတြူၢ်အသိး, မ့ၢ်ဝဲတၢ်သူၣ်တီသးလိၤဒီးကစၢ်ယွၤဟဲစိာ်တၢ်မၤန့ၢ်မၤနၢၤ, ဖဲတၢ်တဒိကနၣ်တစူၢ်ဘၣ်တၢ်န့ၣ်ဟဲစိာ်တၢ်နးတၢ်ဖှီၣ်သတူၢ်ကလာ် အဂ့ၢ်န့ၣ်လီၤ. တၢ်အံၤဘၣ်တၢ်ပာ်ဖျါအီၤလီၤတံၢ်လီၤဆဲးလၢယွၤအတၢ်ကစီၣ်ဆူ ပှၤလုၢ်တၢ်အခိၣ်စီၤဧ့လံၤအအိၣ်လၢအဆၢဒိၣ်၂:၃၀, “ယကမၤလၤကပီၤပှၤလၢအမၤလၤကပီၤယၤ ဒီးပှၤလၢအမၤလီၤယသူးယသ့ၣ်န့ၣ်ယကမၤဟးဂီၤအလၤကပီၤလီၤ.”
လံာ်အံၤကွဲးနီၣ်ဝဲတၢ်သူၣ်ဆူၣ်သးဂဲၤဒီးတၢ်သးဒ့ဒီအိၣ်ဃါဃုာ်အသးဘၣ်ဃးဒီး တၢ်ဒုးအိၣ်ထီၣ်မၤကျၢၤစီၤလိၣ်စီၤပၤအတၢ်ပၢတၢ်ပြးအဂ့ၢ်တဖၣ်န့ၣ်လီၤ. ယွၤအနီၢ်ကစၢ်ဒၣ်ဝဲန့ၣ်ဘၣ်တၢ်ပာ်ကဲအီၤဒ်ကီၢ်အံၣ်စရ့လးအစီၤပၤနီၢ်နီၢ်တဂၤအသိးလီၤ. ဘၣ်ဆၣ်ဒီးလၢတၢ်စံးဆၢမၤဆၢန့ၢ်က့ၤ ပှၤဂီၢ်မုၢ်အတၢ်ဃ့သကွံာ်ကညးန့ၣ်, ယွၤဃုထၢထီၣ်စီၤပၤတဂၤလၢအဝဲသ့ၣ်အဂီၢ်လီၤ. တၢ်ဂ့ၢ်အကါဒိၣ်တခီမ့ၢ်ဝဲစီၤပၤဒီးအံၣ်စရ့လးအပှၤဂီၢ်မုၢ် အိၣ်မူလၢကစၢ်ယွၤအတၢ်စိတၢ်ကမီၤအဒိၣ်အထီကတၢၢ်ဒီးအတၢ်စံၣ်ညီၣ်အဖီလာ် (၂:၇-၁၀) န့ၣ်လီၤ. လၢကစၢ်ယွၤအတၢ်သိၣ်တၢ်သီအဖီလာ်န့ၣ်ကယဲၢ်ပှၤဂီၢ်မုၢ်လၢအကဲဒိၣ်မ့ၢ်ဂ့ၤအဖှီၣ်အယာ်မ့ၢ်ဂ့ၤ, အခွဲးအယာ်န့ၣ်ကဘၣ်တၢ်ပၢၤဃးဒီဒၣ်အီၤန့ၣ်လီၤ.
လံာ်အတကွီၣ်
စီၤၡမူၤအ့လးဒ်ပှၤအံၣ်စရ့လးဖိအစံၣ်ညီၣ်ကွီၢ်အသိး ၁:၁-၇-၁၇
စီၤစီလူးကဲထီၣ်စီၤပၤ ၈:၁-၁၀:၂၇
စီၤစီလူးအတၢ်ပၢအဆိကတၢၢ်တနံၣ် ၁၁:၁-၁၅:၃၅
စီၤဒၤဝံးဒီးစီၤစီလူး ၁၆:၁-၃၀:၃၁
စီၤစီလူးဒီးအဖိခွါတဖၣ်အတၢ်သံ ၃၁:၁-၁၃
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.