ສີງ ດສູງ 88
88
ສີງ ດສູງ 88
ໂທ້ ຕສ໊ຽວ ເຖງ ເປຢົ໋າ ດຸ໊ດ, ໄມ້ ຕສຸ ໄຕ່
ເປ໋ນ ຕິ້ວ ດສູງ. ໂຄລາ ເຍີຍ ເຕສີ໊ຍ-ຟຸນ ໂຕສ່ ເຍີຍ ສີງ ດສູງ. ຈິວ ປຸນ ຕໍ້ ດສູງ ເຍີຍ ມ່ຽນ. ຕສິ໋ວ ມາຫະລັດ ເລອັນນົດ. #88 ເດສ໋ຍ ກ໊ອງ ຕສຸ ຮນັ້ງ ຫາຍ ນໍ ປ໋າວ ນ້າຍ ຕິ້ວ ດສູງ ໄຟ ກ໊ອງ ອ໋ອຍ ຕສຸ ຕ໋ອຍ ດ໊ອດ ໜ່ານ ເຍີຍ ຕສຢັ້ງ ໂຫ່ ປ໋າວ. ເອດລາ ມ່ຽນ, ເຮມານ, ເຍີຍ ມັດຄິນ ດສູງ.
1ໂອ ຕສ໊ຽວ, ເຢຍ ເຍີຍ ໂອຈ໋ວ ເອນ ເຍີຍ ທິນ-ຮູ່ງ ອ້າ! #88:1 ຮິບລູ ຫວ່າ ກ໊ອງ “ເຢຍ ເຍີຍ ໂອຈ໋ວ ເອນ ເຍີຍ ທິນ-ຮູ່ງ.” ມ່າຍ ເຕີ໋ຍ ໂຊວ ໄມ້ ອັນ.
ເຢຍ ລູ່ງ ຮນອຍ ລູ່ງ ມ໌ວນ ຢຽມ ເມີ່ຍ ເຍີຍ ດສະຮມຽນ ເຫ່ວ ຈ໊ຽນ ໂຈ້ວ ເມີ່ຍ.
2ໂທ້ ປຸນ ເຢຍ ເຕົ໋າ ເກົ໋າ ເຍີຍ ຫວ່າ ຕ້າຍ ເຖົາ ເມີ່ຍ ເຍີຍ ດສະຮມຽນ.
ໂທ້ ແປງ ມນ່ອມ ໝວັງ ເຢຍ ເຫ່ວ ຈ໊ຽນ ໂທ້ ເຍີຍ ຫວ່າ.
3ເຫວີ່ຍ ຕສຸ ເຢຍ ເຍີຍ ໂຮຍ້ວ ມ່າຍ ຂວນ ນ່ານ ປວັ໊ງ ເດສ່ງ.
ເຢຍ ເຍີຍ ແໝ່ງ ຢຽມ ນິດ ຟັດ ຢ້ຽມ ເກນ.
4ເຢຍ ຝຸນ ເຖສົາ ອ໊າ ລ່ຳ ເປັຍ ຢ້ຽມ ເກນ ວົ້ວ ເຕີ໋ຍ ຟີ່ ຮນັ້ງ ເຍີຍ.
ເຢຍ ຢ່າ ຮນັ້ງ ໄມ້ ມ່າຍ ທຈະ ເຍີຍ ມ່ຽນ. ເຊລາ
5ເຢຍ ຮນັ້ງ ຕສຸ ກວັ່ງ ຢຽມ ຈັ໋ນ-ໄຕ່ ບຸດົ໋ງ ເຍີຍ ມ່ຽນ ນໍ,
ຮນັ້ງ ຕສຸ ໄຕ໋ ໄຕ່ ເຍີຍ ມ່ຽນ ເປວີ໋ຍ ຈ໊ຽນ ໂຕສ໊ວ ກະຍົ໌ວ,
ຕົ້ງ ເມີ່ຍ ໄມ້ ຕສ໋ອຍ ຈັ໋ງ ເຍີຍ ມ່ຽນ,
ຢ່າ ແອກ໊ະ ດຸ໊ດ ໄມ້ ຕຸ໊ ເມີ່ຍ #88:5 ຟານ ຕສະ ຮິບລູ ຫວ່າ ກ໊ອງ ເມີ່ຍ ເຍີຍ ປົ໌ວ. ເຖງ.
6ເມີ່ຍ ເຕສ໊າະ ເຢຍ ຕັ໊ບ ໂດ ເຈ໋ຍ ເຍີຍ ຄວດ,
ໂຢ່ວ ຫຮມວັງ ໂຢ່ວ ໂດ ເຍີຍ ຕ໋ອງ.
7ເມີ່ຍ ໂນ໌ວ ເຢຍ ຮນັ້ງ ງັດ ຈ໊ຽນ ເຢຍ ເຍີຍ ຊິນ,
ຢ່າ ຮນັ້ງ ວວມ-ຫລ່າງ ອກົ໌ມ ຈ໊ຽນ ເຢຍ ນໍ. ເຊລາ
8ເມີ່ຍ ປຸນ ເຢຍ ເຍີຍ ໂລ໌-ແກງ ຕ່ອຍ ກວັ່ງ ເຢຍ,
ຢ່າ ປຸນ ນິ່ນ ບົວ ກ້ຳ ເດສ໊ຍ ເຢຍ.
ເຢຍ ຕສຸ ຂວນ ຈ໊ຽນ, ໄມ້ ໄຮ່ ເປຢົ໋າ ໄມ້ ດຸ໊ດ.
9ຫລາຍ ເດສົ້າ ໂຄ້ວ ເຢຍ ເຍີຍ ມຕສີງ ໄມ້ ອຈັງ.
ໂອ ຕສ໊ຽວ ອ່າ, ເຢຍ ຮນອຍໆ ເຫ່ວ ຈ໊ຽນ ໂທ້ ເມີ່ຍ.
ເຢຍ ຊູງ ປົ໌ວ ຫູງ ຈ໊ຽນ ເມີ່ຍ ເຕົ໋າ ເກົ໋າ.
10ເມີ່ຍ ເຫວີ່ຍ ໄຕ່ ມີ່ງ ເຍີຍ ມ່ຽນ ໂຕສ໋ວ ບົວະ ຮ່ອງ ເຍີຍ ສີ່ ໄຟ?
ນິ່ນ ບົວ ໄຮ່ ເຈ໌ຍ ຊິນ ເທສງ ເມີ່ຍ ໄຟ? ເຊລາ
11ຢຽມ ໂຕສ໊ວ ກະຍົ໌ວ ນິ່ນ ບົວ ກ໊ອງ ເມີ່ຍ ຕສຽບ ຕສົ໊ວະ ຮນ້ຳ ມ່ຽນ ເຍີຍ ໄຟ?
ຢຽມ ຕສຸ ໝຽດ ເຍີຍ ຕ໋ອງ ກ໊ອງ ເຖົາ ເມີ່ຍ ຕສຽບ ຕສົ໊ວະ ເຍີຍ ໂຮຍ້ວ ໄຟ?
12ຢຽມ ຫຮມວັງ ເຍີຍ ຕ໋ອງ ນິ່ນ ບົວ ຝູ່ງ ຮິ້ວ ຕຸ໊ ເມີ່ຍ ໂຕສ໋ວ ເຍີຍ ບົວະ ຮ່ອງ ສີ່?
ຢຽມ ຫລະຄຸ ມ່ຽນ ເຍີຍ ຕ໋ອງ ນິ່ນ ບົວ ໄຮ່ ຮິ້ວ ຕຸ໊ ເມີ່ຍ ຕສຽບ ຕສົ໊ວະ ເຍີຍ ເຈົ໊າ #88:12 ໄຟ “ເຖງ ມ່ຽນ ເຍີຍ ໂອຈ໋ວ ເອນ”. ໄຟ?
13ມປ່າ ຕສ໊ຽວ ອ່າ, ເຢຍ ເຫ່ວ ຈ໊ຽນ ໂຈ້ວ ເມີ່ຍ.
ລູ່ງ ດອມ ເຢຍ ເຕົ໋າ ເກົ໋າ ໂທ້ ເມີ່ຍ.
14ໂອ ຕສ໊ຽວ ອ່າ, ເມີ່ຍ ເຫວີ່ຍ ຫາຍ ຕິ່ວ ກວັ່ງ ເຢຍ?
ເຫວີ່ຍ ຫາຍ ຕິ່ວ ປວັງ ເມີ່ຍ ເຍີຍ ຮມຽນ, ໄມ້ ໝັ່ງ ເຢຍ?
15ຢຽມ ເຢຍ ຫລຸນ ເຖົາ ອີ້ ຕສັ່ນ ເຢຍ ຕສຸ ເຕສະ ໜ່ານ ມໍ່, ຄ້າ ເຕີ໋ຍ ໄຕ່ ໝີ່ ອ໊ະ.
ເຢຍ ເຕ໊ຍ ຈ໊ຽນ ເມີ່ຍ ໂຕສ໋ວ ປຸນ ເຢຍ ກ້ຳ ເດສ໋ຍ ເຍີຍ ສີ່, ເຢຍ ໂຄ້ວ ເຖົາ ໂດ໊ະ. #88:15 ນ້າຍ ໂຈ໋ວ ຮິບລູ ຫວ່າ ເຊ ໄມ້ ໜັ່ງ ເມ່ງ.
16ເມີ່ຍ ເຖຈຍ ເຈ໌ຍ ໂນ໌ວ ຮນັ້ງ ງັດ ຈ໊ຽນ ເຢຍ.
ເມີ່ຍ ປຸນ ເຢຍ ຕສຸ ກ້ຳ ເດສ໋ຍ ເຍີຍ ສີ່ ເຕສ໊າະ ເຢຍ ໝຽດ ເດສ່ງ.
17ນ້າຍ ເຕີ໋ຍ ຕສຢັ້ງ ຮນອຍ ເວີ່ຍ ຈ໊ຽນ ເຢຍ, ຮນັ້ງ ວວມ ຢ໋ຽມ ນໍ,
ຢຽມ ເປຢີຍ ປູງ ຕັ໊ງ ຈ໊ຽນ ເຢຍ.
18ເມີ່ຍ ເຕສ໊າະ ເຢຍ ຮນ້ຳ ເຍີຍ ຕ່ອຍ ເຖສົາ ເຢຍ ເຍີຍ ໂລ໌-ແກງ ຕ່ອຍ ເລີ່ຍ ກວັ່ງ ເຢຍ.
ຂູງ ມ່າຍ ຫຮມວັງ ໂຕສ໋ວ ເຢຍ ເຍີຍ ຕ່ອຍ ຮນັ້ງ. #88:18 ໄຟ “ປຸນ ເຢຍ ເຍີຍ ຕ່ອຍ ຢຽມ ຫຮມວັງ ເຍີຍ ຕ໋ອງ.
Currently Selected:
ສີງ ດສູງ 88: IuMiLAO
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Lao Script) © 2007 Thailand Bible Society, 2007.
