ສີງ ດສູງ 38
38
ສີງ ດສູງ 38
ດ໊ອດ ໜ່ານ ມ່ຽນ ເຕົ໋າ ເກົ໋າ ເຍີຍ ຫວ່າ
ດາວິດ ໂຕສ່ ເຍີຍ ສີງ ດສູງ. ຫລົ່ງ ເຫວີ່ຍ ຝົ່ງ ຫໍ່ ເຕສ່ຍ ຈັ໋ງ ເຍີຍ ປ່ວນ. #38 ເປີ໊ຍ ໝັ່ງ ເລວີ 2:2.
1ໂອ ຕສ໊ຽວ ອ້າ! ໄມ້ ຕູ໋ງ ເຖຈຍ ເຈ໌ຍ, ເຫມ ເຢຍ,
ຢ່າ ໄມ້ ຕູ໋ງ ໂນ໌ວ ເຢຍ, ຕີ່ງ ເຢຍ ເຍີຍ ຕສຸ໌ຍ.
2ເຫວີ່ຍ ຕສຸ ເມີ່ຍ ເຍີຍ ຟອງ-ທສັງ ປ໊ວນ ເປັຍ ເຢຍ ກະຍົ໌ວ,
ເມີ່ຍ ເຍີຍ ປົ໌ວ ເອຈ່ຍ ຕ້າຍ ງັດ ຈ໊ຽນ ເຢຍ.
3ເຫວີ່ຍ ຕສຸ ເມີ່ຍ ໂນ໌ວ ເຢຍ, ເຢຍ ເຍີຍ ຊິນ ຖສີງ ໄມ້ ຫວັ່ງ ສຢັງ.
ຫລາຍ ເຢຍ ເຍີຍ ຕສຸ໌ຍ ເຢຍ #38:3 ເຢຍ ຮິບລູ ຫວ່າ ກ໊ອງ ເຢຍ ເຍີຍ ບູ໊ງ. ເປ໋ນ ແປ່ງ ໝີ່ ອ໊ະ.
4ເຢຍ ໂຕສ໋ວ ຕ່ອງ ເຍີຍ ຕສຸ໌ຍ ຢ໋ຽມ ເກົ້າ ຮລັງ ເຈ໋ຍ ເຢຍ ເຍີຍ ມອກ໊ອງ,
ຢ່າ ຮນັ້ງ ກະນ້າຍ ເຮນ້ຍ ເຈ໋ຍ ດ່າງ ເຢຍ ເຍີຍ ທຈະ.
5ຫລາຍ ເຢຍ ໂຕສ໋ວ ຫຮງົງ ເຍີຍ ສີ່
ເຢຍ ມຸນ ເຍີຍ ຕ໋ອງ ເຕສວີ໋ຍ ຢ່າ ຮູ້.
6ເຢຍ ຕສຸ ໂຄ້ວ, ໂດ໊ະ ເອຈ່ຍ, ຕສູ໊ງ ບ໊າບ ເອຈ່ຍ ເດົາ.
ຕສຢັ້ງ ຮນອຍ ຕສຢັ້ງ ມ໌ວນ ເດສົ້າ ຍ້ຽມ ຈ໊ຽນ ຢຽມ.
7ເຢຍ ເຍີຍ ຈ໊າຍ ຈອມ ຮນັ້ງ ໂຕ໌ວ ປົ໊ວ ຈ໊ຽນ ນໍ,
ເຢຍ ເຍີຍ ຊິນ ໄມ້ ມ່າຍ ຢຽດ ນອມ ຕ໋ອງ ຫວັ່ງ ສຢັງ.
8ເຢຍ ເຊວີຍ ເດສ່ງ, ໂຄ້ວ ເຖົາ ເດ໊ຍ.
ເຢຍ ເຍີຍ ໂຮຍ້ວ ມຸນ, ອຈຸ້ນ ຈ໊ຽນ ຢຽມ.
9ຕສ໊ຽວ ອ້າ! ເຢຍ ເຍີຍ ໂຮຍ້ວ ອ໋ອຍ ຫລົ່ງ ເຍີຍ ເມີ່ຍ ຮິ້ວ ເດສ່ງ ໝີ່ ອ໊ະ.
ເຢຍ ອຈຸ້ນ ຈ໊ຽນ ເຍີຍ ເຖຈຍ ປີ໋ງ ໄມ້ ເບວີ໌ຍ ເມີ່ຍ.
10ເຢຍ ເຍີຍ ບະດສິວ ຕົ໌ງ ເສີຍ ເຍີຍ, ເຢຍ ເຍີຍ ທຈະ ຢ່າ ເມົາ ຈ໊ຽນ ເອຈ່ຍ.
ລ່ຽມ ເຢຍ ເຍີຍ ມຕສີງ ຕສູ໊ງ ໄມ້ ອຈັງ ອ໊ະ.
11ຫລາຍ ເຢຍ ເຍີຍ ເຕສະ ໜ່ານ ເຢຍ ເຍີຍ ຕ່ອຍ ເຖສົາ ກໍ໋-ໂຢ໌ວ ຊິ້ມ ເຢຍ ໂກ,
ເຢຍ ເຍີຍ ທສຽນ-ເທສະ ຢ່າ ຊິ້ມ ເຢຍ ໂກ ໄຫ່.
12ອ໋ອຍ ເຕສ໊າະ ເຢຍ ເຍີຍ ແໝ່ງ ວົ້ວ ເຕີ໋ຍ ແຕສງ ນິ່ນ ບົວ ເຍີຍ ມູ໌ງ.
ອ໋ອຍ ຫ່ອຍ ເຢຍ ວົ້ວ ເຕີ໋ຍ ຂູງ ກ໊ອງ ຮນັ້ງ ຫາຍ ນໍ ໄຮ່ ປຸນ ເຢຍ ຕສຸ ປ່າຍ,
ນິ່ນ ບົວ ຕສຢັ້ງ ຮນອຍ ຕ໊າ ຕສະເອີ໋ຍ ດົ໊ວ ເຢຍ.
13ມປ່າ ເຢຍ ຮນັ້ງ ມນ່ອມ ດູງ ເຍີຍ ມ່ຽນ ໝວັງ ໄມ້ ໄຮ໌.
ຢ່າ ຮນັ້ງ ກະນ້າຍ-ຫຮງົງ, ໄມ້ ໄຮ່ ກ໊ອງ ຫວ່າ.
14ເຢຍ ຮນັ້ງ ຢຽດ ເຕົ້າ ໝວັງ ໄມ້ ໄຮ໌ ເຍີຍ ມ່ຽນ,
ດສຸ້ຍ ໄມ້ ໄຮ່ ເຕົາ.
15ໂອ ຕສ໊ຽວ ອ້າ! ເຢຍ ຕສົ໊ວ ຈ໊ຽນ ເມີ່ຍ.
ໂອ ຕສ໊ຽວ, ເຢຍ ເຍີຍ ທິນ-ຮູ່ງ ອ້າ! ເມີ່ຍ ຕສູ໊ງ ອ໋ອຍ ເຕົາ ເຢຍ.
16ເຫວີ່ຍ ຕສຸ ເຢຍ ເຕົ໋າ ເກົ໋າ ກ໊ອງ, “ເຢຍ ເຍີຍ ເຕສົ໋າ ທສ້າຍ ພຢັດ ເຍີຍ ຕສຢັ້ງ ໂຫ່,
ໄມ້ ຕູ໋ງ ປຸນ ນິ່ນ ບົວ ຈັ໊ດ ເຢຍ ໄຟ ເທສງ-ໂຮລ.”
17ເຫວີ່ຍ ຕສຸ ເຢຍ ຕສູ໊ງ ອ໋ອຍ ດອບ ໄຫ່ ອ໊ະ.
ເຢຍ ຢ່າ ຕສັ່ນໆ ມຸນ ຈ໊ຽນ ຢຽມ.
18ເຢຍ ຫຍ່ຽມ ເຢຍ ເຍີຍ ຕສຸ໌ຍ,
ເຢຍ ເຫວີ່ຍ ເຢຍ ເຍີຍ ຕສຸ໌ຍ ເດສົ້າ.
19ເຢຍ ເຍີຍ ວິນ-ວັ້ງ ໂຢ່ວ ທສ້ຳ ໂຢ່ວ ເຮ້ນ.
ດສອງ ເຢຍ ມປ່າ ໄມ້ ມ່າຍ ກອນ-ແປ໋ງ ເຍີຍ ມ່ຽນ ຢ່າ ມ່າຍ ທສ້ຳ.
20ຫລົ່ງ ເອ໊າະ ສີ່ ຈ໊າວ ເຢຍ ໂຕສ໋ວ ເຍີຍ ຄູ້ ສີ່ ວົ້ວ ເຕີ໋ຍ ເຖສົາ ເຢຍ ຕ໋ອຍ-ເຕກ,
ເຫວີ່ຍ ຕສຸ ເຢຍ ຂູງ ລໍ໌ ໂຕສ໋ວ ຫອບ ເຍີຍ ເຈົ໊າ ຮນັ້ງ.
21ໂອ ຕສ໊ຽວ ອ້າ! ໂທ້ ໄມ້ ຕູ໋ງ ກວັ່ງ ເຢຍ.
ໂອ ເຢຍ ເຍີຍ ທິນ-ຮູ່ງ ອ້າ! ໄມ້ ຕູ໋ງ ເລີ່ຍ ໂກ ເຢຍ.
22ໂອຈ໋ວ ເຢຍ ວົ້ວ ເຕົ້າ ຕສ໊ຽວ ອ້າ!
ໂທ້ ຊຽບໆ ເຍີຍ ຕ້າຍ ເຖງ ເຢຍ.
Currently Selected:
ສີງ ດສູງ 38: IuMiLAO
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Lao Script) © 2007 Thailand Bible Society, 2007.
