ສີງ ດສູງ 116
116
ສີງ ດສູງ 116
ເທສງ ຕສ໊ຽວ ເຫວີ່ຍ ຕສຸ ນິ່ນ ໂອຈ໋ວ ມ່ຽນ ເປຢົ໋າ ດຸ໊ດ ຕສຸ ໄຕ່ ເຍີຍ ເຈົ໊າ
1ເຢຍ ຮນ້ຳ ຕສ໊ຽວ ເຫວີ່ຍ ຕສຸ
ນິ່ນ ໝວັງ ເຢຍ ເຍີຍ ເຖຈຍ ເຖສົາ ເຢຍ ໂຈ້ວ ເຍີຍ ຫວ່າ.
2ນິ່ນ ແປງ ມນ່ອມ ໝວັງ ເຢຍ,
ເຢຍ ຕສ່ຽວ ຢຽດ ເສີຍ ໂຈ້ວ #116:2 ຮິບລູ ຫວ່າ ກ໊ອງ ເຫ່ວ. ນິ່ນ.
3ຕສຸ ໄຕ່ ເຍີຍ ຮລາງ ແຕສງ ເວີ່ຍ ກ໋ອມ ເຢຍ.
ຢ້ຽມ ເກນ ຕສຸ ໂຄ້ວ ເຍີຍ ເຈົ໊າ ເຕສ໊າະ ຈ໊ຽນ ເຢຍ.
ເຢຍ ປວັ້ງ ຕສຸ ຕົ້ມ ໜ່ານ ຕສີ້ງ, ຕສຸ ເດສົ້າ ໂຄ້ວ.
4ວົ້ວ ຕສັ່ນ ເຢຍ ເຫ່ວ ຕສ໊ຽວ ເຍີຍ ບົ໋ວ,
“ໂອ ຕສ໊ຽວ ອ່າ, ໂທ້ ເມີ່ຍ ໂອຈ໋ວ ທສວດ ເຢຍ ເຍີຍ ແໝ່ງ.”
5 ຕສ໊ຽວ ມ່າຍ ເອນ-ຕສີ້ງ ຢ່າ ແປ້ງ ຟິມ ເຍີຍ.
ເຢຍ ບົວ ເຍີຍ ທິນ-ຮູ່ງ ມ່າຍ ໂຮຍ້ວ ຄໍ້-ລ່ຽນ ມ່ຽນ.
6 ຕສ໊ຽວ ເປວ ຈ໊ຽນ ໄມ້ ຮິ້ວ ທສ້ຳ ເຍີຍ ມ່ຽນ.
ເຢຍ ຕສຸ ໂຄ້ວ ໄຫ່ ເຍີຍ ຕສຢັ້ງ ໂຫ່ ນິ່ນ ໂອຈ໋ວ ເຢຍ.
7ໂອ ເຢຍ ເຍີຍ ໂຮຍ້ວ ອ່າ, ເມີ່ຍ #116:7 ຢຽມ ນ້າຍ ຢ່ຽມ ເມີ່ຍ ກ໊ອງ ຕສຸ ໂຕສ່ ດສູງ ເຍີຍ ມ່ຽນ ກັ້ນ ເຍີຍ ໂຮຍ້ວ. ອ໋ອຍ ຕສຸ ແອ໋ງ ແປ້ງ ອອນ ອ໊ະ,
ເຫວີ່ຍ ຕສຸ ຕສ໊ຽວ ຕສະເກ້ງ ໂຕສ໋ວ ຫລົງ ປຸນ ເມີ່ຍ.
8 ຕສ໊ຽວ ອ່າ, ເມີ່ຍ ໂອຈ໋ວ ເຢຍ ໄມ້ ຕສຸ ໄຕ່,
ປຸນ ເຢຍ ເຍີຍ ມຕສີງ ໄມ້ ຫລ່ຽວ ວວມ-ເໝວີ່ຍ,
ປຸນ ເຢຍ ເຍີຍ ເຕສົ໋າ ຢ່າ ໄມ້ ດິ໊ ຕສຸ ດອບ.
9ເຢຍ ຢຽມ ຕສ໊ຽວ ເຍີຍ ດສະຮມຽນ,
ຢັ້ງ ຕສຢັ້ງ ຈ໊ຽນ ເຍີຍ ມ່ຽນ ເຍີຍ ເຈົ໊າ.
10ເຢຍ ຖສໍ່ ສຽນ ໄມ້ ກຸ໊ນ ເຢຍ ກ໊ອງ,
“ເຢຍ ຕສຸ ຕົ້ມ ໜ່ານ ຕສີ້ງ.” #2 ໂຄລິນໂທ 4:13
11ເຢຍ ໂຮຍ້ວ ຫລຸ່ນ ຈ໊ຽນ ເຍີຍ ຕສຢັ້ງ ໂຫ່ ເຢຍ ກ໊ອງ,
“ຕສວັ໋ງ ມ່ຽນ ຂູງ ກ໊ອງ-ແປະ ຮນັ້ງ.”
12ເຢຍ ໄຮ່ ເຕສ໊າະ ຫາຍ ຫຍູ່ງ ວິ່ນ ປຸນ ຕສ໊ຽວ
ເຫວີ່ຍ ນິ່ນ ເຖສີຍ ເຍີຍ ຢຽດ ຕສູ໊ງ ເອນ?
13ເຢຍ ໂປ້ວ ເຈ໌ຍ ໂອຈ໋ວ ເອນ ເຍີຍ ຕສ໊ານ,
ຢ່າ ເຫ່ວ ຈ໊ຽນ ຕສ໊ຽວ ເຍີຍ ບົ໋ວ.
14ເຢຍ ອ໋ອຍ ຢຽມ ນິ່ນ ເຍີຍ ຕສວັ໋ງ ແປະ ຝີງ ເຍີຍ ດສະຮມຽນ
ຈ໊າວ ຊູງ ເຢຍ ເຖສົາ ຕສ໊ຽວ ແລ໌ງ ເຍີຍ ແຫງ່ງ ຫວ່າ.
15ຕສິ໋ວ ຕສ໊ຽວ ໝັ່ງ,
ນິ່ນ ເຍີຍ ທສີງ-ເດສ່ງ ແປະ ຝີງ ໄຕ່ ເຊ ເວີ່ຍ ຈ໋າຍ.
16ໂອ ຕສ໊ຽວ ອ່າ, ເຢຍ ເຊ ເມີ່ຍ ເຍີຍ ໂປວ,
ເຢຍ ເຊ ເມີ່ຍ ເຍີຍ ໂປວ, ເມີ່ຍ ເຍີຍ ມເຊັຍ ໂປວ ເຍີຍ ຕອນ.
ເມີ່ຍ ໄຈ໊ ອກອຍ ໂດ້ ເຢຍ ເຍີຍ ຫລິ່ມ.
17ເຢຍ ອ໋ອຍ ຕໍ-ເຕສ່ຍ ເຫວີ່ຍ ຝົ່ງ ຫໍ່ ເຕສ່ຍ ປຸນ ເມີ່ຍ,
ຢ່າ ອ໋ອຍ ເຫ່ວ ຈ໊ຽນ ກ໊ອງ ຕສ໊ຽວ ເຍີຍ ບົ໋ວ.
18ເຢຍ ອ໋ອຍ ຢຽມ ນິ່ນ ເຍີຍ ຕສວັ໋ງ ແປະ ຝີງ ເຍີຍ ດສະຮມຽນ
ຈ໊າວ ຊູງ ເຢຍ ເຖສົາ ຕສ໊ຽວ ແລ໌ງ ເຍີຍ ແຫງ່ງ ຫວ່າ,
19ເຊ ຢຽມ ຕສັ່ງ ຕສ໊ຽວ ເຍີຍ ເປຢົ໊າ, ຫລາດ ກະຍົ໌ວ,
ເຢລູຊາເລມ ຕສີ້ງ ບຸດົ໋ງ.
ອ໋ອຍ ຕສຸ ເທສງ ຕສ໊ຽວ. #116:19 ຮິບລູ ຫວ່າ ກ໊ອງ ຮາເລລູຢາ.
Currently Selected:
ສີງ ດສູງ 116: IuMiLAO
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Lao Script) © 2007 Thailand Bible Society, 2007.
