ໂຢຊູວາ 23

ໂຢຊູວາ ກ໊ອງ ເຊດ ເມວີ໌ຍ ຫວ່າ

1ເຈ໋ຍ ຕ້າຍ ເລົ່າ ເຍີຍ, ຕສ໊ຽວ ປຸນ ອິສະລາເອນ ມ່ຽນ ຖາຍ-ແປ້ງ ເຍີຍ ຢຽມ, ໄມ້ ຕສຸ ເວີ່ຍ ກ໋ອມ ເຍີຍ ຢຽດ ຕສູ໊ງ ວິນ-ວັ້ງ ເບ໊າະ ຈ໋າ. ໂຢຊູວາ ເຍີຍ ຫຮຍັງ-ເຈີ໊ຍ ຮລັງ, ໂກ໋ ໄຫ່ ວົ້ວ ຕສັ່ນ, 2ໂຢຊູວາ ເຫ່ວ ອິສະລາເອນ ເຍີຍ ຕສວັ໋ງ ມ່ຽນ, ລ່ຽມ ນິ່ນ ບົວ ເຍີຍ ມ່ຽນ ໂກ໋, ເປຢີ໊ຍ ເຕສີ໊ຍ, ຊ້ຽມ ຕສຸ໌ຍ ຈຽນ, ເຖສົາ ນິ່ນ ບົວ ເຍີຍ ຈຽນ ຕ້າຍ ຕສຸ໊ນ, ກ໊ອງ ບົ໋ວ ນິ່ນ ບົວ, “ເຢຍ ເຍີຍ ຫຮຍັງ-ເຈີ໊ຍ ຮລັງ, ໂກ໋ ໄຫ່ ອ໊ະ. 3ເມີ່ຍ ບົວ ຕຸ໊ ປວັດ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ເຫວີ່ຍ ເມີ່ຍ ບົວ ໂຕສ໋ວ ປຸນ ນ້າຍ ເຕີ໋ຍ ໝ່ານ ກົ໊ວະ ເຍີຍ ຢຽດ ຕສູ໊ງ ສີ່. ເຊ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ເຫວີ່ຍ ເມີ່ຍ ບົວ ເບ໊າະ ຈ໋າ. 4ໝັ່ງ ມ່າະ! ເຢຍ ພ້າຍ ຕສຢັ໋ງ ເຕສ່ງ ເອຈ່ຍ ວົ້ວ ເຕີ໋ຍ ນອມໆ ກົ໊ວະ, ລ່ຽມ ເຢຍ ເບ໊າະ ຮີ່ງ ວົ້ວ ເຕີ໋ຍ ກົ໊ວະ, ປຸນ ອກອຍ ເປ໋ນ ເມີ່ຍ ບົວ ຝີງໆ ມ່ຽນ ດສິບ ເຍີຍ ປ່ວນ. ເຊ ຢຽມ ຈໍແດນ ດ້າຍ ມີ່ງ ເຖົາ ໄຟ ປູງ ແໝງ ຕົ້ມ ຄ້ອຍ. 5ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ອ໋ອຍ ຕສຸ່ນ ນິ່ນ ບົວ ຢຽມ ເມີ່ຍ ບົວ ເຍີຍ ວົ້ວ ດ່າງ ແໝງ ທສວດ ມີ່ງ ປຸນ ນິ່ນ ບົວ ເປຢົ໋າ ອກອຍ ເມີ່ຍ ບົວ. ເມີ່ຍ ບົວ ຕສ່ຽວ ຕຸ໊ ນິ່ນ ບົວ ເຍີຍ ເຕີ່ຍ-ປູງ ຮນັ້ງ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ແລ໌ງ ປຸນ ເມີ່ຍ ບົວ ໝີ່ ອ໊ະ.

6“ເຫວີ່ຍ ນ້າຍ, ເມີ່ຍ ບົວ ອ໋ອຍ ຕສຸ ຕ໊າມ ໂຮລ ເຍີຍ ເອີຍ ຈ໊ຽນ ໂຕສ໋ວ ຕສິ໋ວ ເຟ້ຍ ຈ໊ຽນ ໂມເຊ ເຍີຍ ເລີ໌ຍ-ຫລັດ ໂຊວ ຢຽດ ຕສູ໊ງ ຫວ່າ. ໄມ້ ຕູ໋ງ ປູ໋ງ ດ໊ອດ ຢຽດ ໂຈ໋ວ. #23:6 ຮິບລູ ຫວ່າ ກ໊ອງ “ໄມ້ ຕູ໋ງ ມີ່ງ ບຢ່າວ ແໝງ ໄຟ ຕສ໋າຍ ແໝງ”. 7ຮນັ້ງ ໜ່າຍ ເມີ່ຍ ບົວ ຕສ່ຽວ ໄມ້ ເຖສົາ ຢຽມ ເມີ່ຍ ບົວ ບຸດົ໋ງ ເຕສ່ງ ເອຈ່ຍ ນ້າຍ ເຕີ໋ຍ ເຕສ໋ຍ ຝີງ ມ່ຽນ ຈິວ ທົງ, ໄມ້ ຕູ໋ງ ກ໊ອງ ທສວດ ນິ່ນ ບົວ ເຍີຍ ຕສ້ຽນ ເຍີຍ ບົ໋ວ, ໄມ້ ຕູ໋ງ ຕສຢັ໊ງ ຈ໊ຽນ ນິ່ນ ບົວ ເຍີຍ ຕສ້ຽນ ແລ໌ງ ຫວ່າ, ຢ່າ ໄມ້ ຕູ໋ງ ຟູ-ສູ, ປ໋າຍ ນິ່ນ ບົວ ເຍີຍ ຕສ້ຽນ. 8ເມີ່ຍ ບົວ ອ໋ອຍ ຕສຸ ເຂົາ ວ້ວນ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ຮນັ້ງ ເມີ່ຍ ບົວ ໂຕສ໋ວ ຈ໊ຽນ ເຖົາ ອີ້ ຕສັ່ນ ນໍ.

9“ເຫວີ່ຍ ຕສຸ ຕສ໊ຽວ ເຕສ໊າະ ໂຢ່ວ ໂຮລ ໂຢ່ວ ເຮ້ນ ເຍີຍ ຝີງໆ ຢຽມ ເມີ່ຍ ບົວ ເຍີຍ ວົ້ວ ດ່າງ ແໝງ ຕສຸ່ນ ທສວດ ມີ່ງ. ເຖົາ ອີ້ ຕສັ່ນ ໄມ້ ມ່າຍ ຫາຍ ເຕົ້າ ເບ໊າະ ຕຸ໊ ຮີ່ງ ເມີ່ຍ ບົວ. 10ເມີ່ຍ ບົວ ຢຽດ ລ່ານ ມ່ຽນ ໄຮ່ ຕສຸ່ນ ຕຸ໊ ຢຽດ ທສິນ ລ່ານ ມ່ຽນ ເປຢົ໋າ, #ດສ່ຳ ເລີ໌ຍ-ຫລັດ 32:30 ເຫວີ່ຍ ຕສຸ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ເຫວີ່ຍ ເມີ່ຍ ບົວ ເບ໊າະ ຈ໋າ ຮນັ້ງ ນິ່ນ ແລ໌ງ ເຈ໋ຍ ເຍີຍ ຫວ່າ ນໍ. #ດສ່ຳ ເລີ໌ຍ-ຫລັດ 3:22; 32:30 11ເຫວີ່ຍ ນ້າຍ ເມີ່ຍ ບົວ ອ໋ອຍ ຕສຸ ໄຝ ຟິມ, ຮນ້ຳ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ.

12“ເຊ ກ໊ອງ ເມີ່ຍ ບົວ ໄມ້ ຕສຽບ ຕສົ໊ວະ ເຍີຍ ໂຕສ໋ວ ແອ໋ງ ມີ່ງ ເຖສົາ ຢຽມ ເມີ່ຍ ບົວ ບຸດົ໋ງ ເຕສ່ງ ເອຈ່ຍ ເຍີຍ ກັ້ນ ຝີງ ມ່ຽນ ຈິວ ທົງ, ເຖສົາ ນິ່ນ ບົວ ຕອງ ຈາ, ເມີ່ຍ ບົວ ເຖສົາ ນິ່ນ ບົວ ເຍີຍ ເຊັຍ ຕອງ ຈາ, ໄຟ ນິ່ນ ບົວ ເຖສົາ ເມີ່ຍ ບົວ ເຍີຍ ເຊັຍ ຕອງ ຈາ ນໍ, 13ເມີ່ຍ ບົວ ອ໋ອຍ ຕສຸ ຮິ້ວ ຕີ່ງ, ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ຕສ່ຽວ ໄມ້ ຕສຸ່ນ ນ້າຍ ເຕີ໋ຍ ຝີງໆ ມ່ຽນ ທສວດ ເມີ່ຍ ບົວ ເຍີຍ ວົ້ວ ດ່າງ ແໝງ. ຕ໋າວ ດສ໋ວນ ນິ່ນ ບົວ ຕສ່ຽວ ຮນັ້ງ ໂຂວ ໄຟ ຮລາງ ຮລົບ ເມີ່ຍ ບົວ, ໄຟ ຮນັ້ງ ປຢ໊າ-ປິນ ເບ໊າະ ເມີ່ຍ ບົວ ເຍີຍ ຕິ ຕ໌ານ, ໄຟ ຮນັ້ງ ອຈິ໊ມ ປ໊ະ ເມີ່ຍ ບົວ ເຍີຍ ມຕສີງ ນໍ, ຕສົ໊ວ ເຖົາ ເມີ່ຍ ບົວ ຕສຸ ໝຽດ ເດສ່ງ, ໄມ້ ເຕສ່ງ ຢຽດ ເຕົ້າ ຢຽມ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ເຖສີຍ ປຸນ ເມີ່ຍ ບົວ ນ້າຍ ນອມ ຫລົງ ໄຫ່ ເຍີຍ ເຕີ່ຍ-ປູງ.

14“ອີ້ ຕສັ່ນ ເຢຍ ເກວີຍ ເສີຍ ເຍີຍ ຕສຢັ້ງ ໂຫ່ ເຖົາ ອ໊ະ. ເມີ່ຍ ບົວ ເຕົ້າໆ ຢຽມ ໂຮຍ້ວ ຮິ້ວ ຕຸ໊ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ແລ໌ງ ປຸນ ເມີ່ຍ ບົວ ຢຽດ ຕສູ໊ງ ຫລົງ ເຍີຍ ຫວ່າ, ນິ່ນ ໄມ້ ປູ໋ງ ດ໊ອດ ຢຽດ ໂຈ໋ວ. ຫຍູ່ງໆ ໂຕສ໋ວ ຕສຢັ໋ງ ເດສ່ງ, ໄມ້ ປູ໋ງ ດ໊ອດ ຢຽດ ຫຍູ່ງ. 15ມປ່າ ຮນັ້ງ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ຕສິ໋ວ ນິ່ນ ແລ໌ງ ປຸນ ເມີ່ຍ ບົວ ເຍີຍ ຢຽດ ຕສູ໊ງ ຫລົງ ເຍີຍ ຫວ່າ, ນິ່ນ ເຫວີ່ຍ ເມີ່ຍ ບົວ ໂຕສ໋ວ ຕສຢັ໋ງ ເດສ່ງ, ຕສ໊ຽວ ຢ່າ ອ໋ອຍ ຮນັ້ງ ວົ້ວ ນໍ ປຸນ ເມີ່ຍ ບົວ ຕສຸ ຫຍູ່ງໆ ທສ້ຽວ ເຍີຍ ເຕສະ ໜ່ານ ໝຽດ ເດສ່ງ ເມີ່ຍ ບົວ ເຖົາ ໄມ້ ຕຸ໊ ຢຽມ ນິ່ນ ເຖສີຍ ປຸນ ເມີ່ຍ ບົວ ນ້າຍ ນອມ ຫລົງ ໄຫ່ ເຍີຍ ເຕີ່ຍ-ປູງ. 16ເຊ ກ໊ອງ ເມີ່ຍ ບົວ ແຫງ່ງ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ຫັດ ເມີ່ຍ ບົວ ເຍີຍ ແຫງ່ງ ຫວ່າ, ມີ່ງ ຟູ-ສູ, ປ໋າຍ ເຫຍ່ຍ ເຍີຍ ຕສ້ຽນ ນໍ, ຕສ໊ຽວ ຕສ່ຽວ ເຖຈຍ ເຈ໌ຍ, ໂນ໌ວ ໄຫ່ ເມີ່ຍ ບົວ, ປຸນ ເມີ່ຍ ບົວ ຊຽບໆ ເຍີຍ ຕສຸ ໝຽດ, ໄມ້ ຕຸ໊ ຢຽມ ຕສ໊ຽວ ເຖສີຍ ປຸນ ເມີ່ຍ ບົວ ວົ້ວ ນອມ ຫລົງ ໄຫ່ ເຍີຍ ເຕີ່ຍ-ປູງ ອ໊ະ.”

Currently Selected:

ໂຢຊູວາ 23: IuMiLAO

Highlight

Copy

Compare