ໂຢ໊ບ 31
31
ໂຢ໊ບ ກ໊ອງ ອກະຮ້າ ລາຍ ວົ້ວ ດສຸ່ນ ເຍີຍ ເຊດ ເມວີ໌ຍ ຫວ່າ
ໂຢ໊ບ ກັ້ນ ແລ໌ງ ຈ໊ຽນ ອ໋ອຍ ໂຕສ໋ວ ຫອບ
1“ເຢຍ ເຖສົາ ເຢຍ ເຍີຍ ມຕສີງ ແລ໌ງ ເຈ໌ຍ ແຫງ່ງ ຫວ່າ.
ວົ້ວ ຫຍູ່ງ ເຢຍ ຮນັ້ງ ຫາຍ ນໍ ໄຮ່ ຫັ່ນ ທສີງ-ເດສ່ງ ເຍີຍ ເຊັຍ? #31:1 ໄຟ “ໄມ້ ເປວີ໋ຍ ເຈ໋ຍ ຕອນ ເຍີຍ ເຊັຍ”.
2ຢຽມ ກູ້ ຫງວ່າຍ ເຍີຍ ທິນ-ຮູ່ງ ອ໋ອຍ ປຸນ ເຢຍ ຕຸ໊ ເຍີຍ ປ່ວນ ເຊ ຫາຍ ຫຍູ່ງ?
ຢຽມ ຮລັງ ເຍີຍ ຕ໋ອງ ເນິ່ນ ເຈ໋ຍ ວົ້ວ ເຕົ້າ ອ໋ອຍ ປຸນ ເຢຍ ຕຸ໊ ດສິບ ຫາຍ ຫຍູ່ງ?
3ນິ່ນ ໄມ້ ເຕສີ໌ຍ ອ໋ອຍ ປຸນ ໂຕສ໋ວ ໄມ້ ຫອບ ເຍີຍ ມ່ຽນ ຕສຸ ເຕສະ ໜ່ານ,
ຢ່າ ປຸນ ປ໌າມ ຕສຸ໌ຍ ເຍີຍ ມ່ຽນ ຕສຸ ສີ່ ໄຟ?
4ນິ່ນ ໄມ້ ເຕສີ໌ຍ ໝັ່ງ ເຢຍ ມີ່ງ ເຍີຍ ເຈົ໊າ
ຢ່າ ຊ້າວ ເຢຍ ເຍີຍ ນອມໆ ເຕສົ໋າ-ເບ່ຍ ໄຟ?
5“ເຊ ກ໊ອງ ເຢຍ ໂຕສ໋ວ ຈ໊າ ເຍີຍ ເຈົ໊າ,
ເຢຍ ເຍີຍ ເຕສົ໋າ ຢ່າ ຊຽບໆ ເຍີຍ ມີ່ງ ດົ໊ວ ມ່ຽນ,
6ໂທ້ ທິນ-ຮູ່ງ ດສຢັງ ເຢຍ ຢຽມ ແປ້ງ ຟິມ ເຍີຍ ທິນ-ແປ້ງ ດສຢັ໋ງ,
ນິ່ນ ຕສ່ຽວ ຮິ້ວ ຕຸ໊ ເຢຍ ໄມ້ ໂຕສ໋ວ ຕ່ອງ.
ໂຢ໊ບ ແລ໌ງ ແຫງ່ງ ຫວ່າ ກ໊ອງ ນິ່ນ ໄມ້ ຫຮຢຽນ ເອົ໊າ
7“ເຊ ກ໊ອງ ເຢຍ ເຍີຍ ເຕສົ໋າ-ເບ່ຍ ຢັ້ງ ພຽນ ຕສຽນ ເຈົ໊າ,
ເຢຍ ເຍີຍ ໂຮຍ້ວ ຢ່າ ກັນ ເຢຍ ເຍີຍ ມຕສີງ,
ເຊ ກ໊ອງ ເຢຍ ເຍີຍ ປົ໌ວ ມ່າຍ ຫາຍ ຫຍູ່ງ ຕສຸ໌ຍ ກົ໊ວະ ຈ໊ຽນ,
8ກຸ໊ນ ປຸນ ເຢຍ ຕສວັ໋ງ ຢ່າ ປຸນ ກັ້ນ ເຕົ້າ ຫຍັ່ນ,
ຢ່າ ໂທ້ ເຫວີ່ຍ ເຢຍ ທສວດ ຕ້າຍ ເຍີຍ ແກງ-ຕສວັ໋ງ ລ່ຽມ ດສູ້ງ ແປງ ທສວດ.
9“ເຊ ກ໊ອງ ເຢຍ ເຍີຍ ໂຮຍ້ວ ຕສຸ ແປງ ມີ່ງ ລໍ໌ ມເຊັຍ ຕອນ,
ເຢຍ ຢ່າ ປີ໋ງ ຈ໊ຽນ ຢຽມ ເຢຍ ເຍີຍ ຈວັ່ງ ລ໌າງ ມ່ຽນ ເຍີຍ ແກ້ງ ດ່າງ ຕສົ໊ວ,
10ກຸ໊ນ ປຸນ ເຢຍ ເຍີຍ ເອົ໊າ ເຫວີ່ຍ ກັ້ນ ເຕົ້າ ມຈັ່ງ ຕອນ ໝໍ່ ບ໊ວນ,
ຢ່າ ປຸນ ນິ່ນ ເຖສົາ ກັ້ນ ເຕົ້າ ມຈັ່ງ ຕອນ ເປວີ໋ຍ.
11ຮນັ້ງ ໜ່າຍ ຕສະເກ້ງ ຫວ່າຍ ເຍີຍ ສີ່,
ຊ້ຽມ ຕສຸ໌ຍ ຈຽນ ຕສູ໊ງ ອ໋ອຍ ຕສຸ ຕີ່ງ ຕສຸ໌ຍ,
12ເຫວີ່ຍ ຕສຸ ນ້າຍ ຫຍູ່ງ ຕສຸ໌ຍ ເປ໋ນ ໂຕ໌ວ ປົ໊ວ ເຖົາ ຕສຸ ໝຽດ ເຍີຍ ຕ໋ອງ, #31:12 ຮິບລູ ຫວ່າ ກ໊ອງ ເຖົາ ອາບັດດົນ.
ຢ່າ ປຸນ ເຢຍ ຕຸ໊ ຕ້າຍ ເຍີຍ ຢຽດ ຕສູ໊ງ ຕສຸ ປົ໊ວ ທຈຸຍ.
ໂຢ໊ບ ແຫງ່ງ ຈ໊ຽນ ກ໊ອງ ນິ່ນ ໄມ້ ຫ່ອຍ ດ໊ອດ ໜ່ານ ເຍີຍ ມ່ຽນ
13“ເຊ ກ໊ອງ ເຢຍ ເຍີຍ ໂນ່ວ ເກົ໊າ ໂນ່ວ ເປີ໌ຍ ຕ້າຍ ໂກ໋ ເຢຍ,
ເຢຍ ໝັ່ງ ເຜຍ ໄມ້ ໝວັງ ນິ່ນ ບົວ ໂກ໋ ເຍີຍ ຫວ່າ,
14ວົ້ວ ຫຍູ່ງ ທິນ-ຮູ່ງ ເຈ໌ຍ ຕ້າຍ ໜ່າຍ ເຢຍ ອ໋ອຍ ຕສຸ ຮນັ້ງ ຫາຍ ນໍ ໂຕສ໋ວ?
ນິ່ນ ຕສ້າ ໜ່າຍ ເຢຍ ເຍີຍ ຕສຢັ້ງ ໂຫ່ ເຢຍ ອ໋ອຍ ຕສຸ ຮນັ້ງ ຫາຍ ນໍ ເຕົາ?
15ເຕສີ໋ຍ ເຢຍ ຢຽມ ມາ ເຍີຍ ກະເຊຍ ວົ້ວ ເຕົ້າ ຟີ່ ຮນັ້ງ ເຍີຍ ເຕສີ໋ຍ ນິ່ນ ໄມ້ ເຕສີ໌ຍ?
ຢ່າ ຕົ້ງ ນ້າຍ ເຕົ້າ ທິນ-ຮູ່ງ ປຸນ ເຢຍ ບົວ ຢຽມ ມາ ເຍີຍ ກະເຊຍ ເຕສີ໋ຍ ຕ້າຍ ໄມ້ ເຕສີ໌ຍ?
16“ເຊ ກ໊ອງ ເຢຍ ແຫງ່ງ ຈ໊ຽນ ໄມ້ ເຖງ ຕົ້ງ ມ່ຽນ ຈົ່ມ ມ່ຽນ ອ໋ອຍ ຕຸ໊ ເຍີຍ,
ໄຟ ປຸນ ເອົ໊າ-ກວ໊າ ເຍີຍ ມຕສີງ ແປະໆ ໝັ່ງ,
17ເຊ ກ໊ອງ ເຢຍ ກັ້ນ ຫຍັ່ນ ເຢຍ ມ່າຍ ເຍີຍ ຕິ໊ ຕຽນ,
ກູ້ ຮັ່ນ ຝຸຈ໊ວຍ ຢ່າ ໄມ້ ຕຸ໊ ຫຍັ່ນ,
18(ເຫວີ່ຍ ຕສຸ ນິ່ນ ຫລຸນ ເຍີຍ ຕສຢັ້ງ ໂຫ່ ເຢຍ ຕໍ້ ນິ່ນ ໂຮລ ຕ້າຍ ຮນັ້ງ ເປ໋ນ ນິ່ນ ເຍີຍ ເຕຍ ນໍ,
ນິ່ນ ຢຽມ ມາ ເຍີຍ ກະເຊຍ ທສວດ ຕ້າຍ ເຢຍ ໂກ໋ວ ນິ່ນ), #31:18 ໄຟ ຢ໌ຽນ ນິ່ນ. ນ້າຍ ຢ່ຽມ ເຍີຍ ຮິບລູ ຫວ່າ ເຊ ໄມ້ ໜັ່ງ ເມ່ງ.
19ເຊ ກ໊ອງ ເຢຍ ປວັດ ຫາຍ ເຕົ້າ ໄຕ່ ຫລາຍ ໄມ້ ມ່າຍ ລຸຍ-ໂຫວ ຕສຸ໊,
ໄຟ ປວັດ ຕັ໋ງ-ຕົ໋ນ ເຍີຍ ມ່ຽນ ໄມ້ ມ່າຍ ຫາຍ ຫຍູ່ງ ທ້ອງ ຊິນ,
20ເຊ ກ໊ອງ ເຢຍ ໄມ້ ປຸນ ນິ່ນ ຕຸ໊ ເຢຍ ເຍີຍ ປະກີ ຢູ້ງ ເຍີຍ ເປຢີຍ ເຖງ ນິ່ນ ຊ້ຽວ,
ນິ່ນ ເຍີຍ ໂຮຍ້ວ ຕສ່ຽວ ໄມ້ ປວັງ ຫວ່າ ປຸນ ເຢຍ,
21ເຊ ກ໊ອງ ເຢຍ ຮິ້ວ ຕຸ໊ ຢຽມ ຕສີ້ງ ແກ້ງ ດ່າງ ເຍີຍ ສີ່ ຕ້ອງ ມ່າຍ ມ່ຽນ ເຖງ ເຢຍ,
ເຢຍ ຕສ່ຽວ ຊູງ ປົ໌ວ ເຕສີ໋ຍ ກູ້ ຮັ່ນ ຝຸຈ໊ວຍ,
22ໂທ້ ປຸນ ເຢຍ ເຍີຍ ບະເຕົ້າ ເຖສົາ ບູ໊ງ-ເຕສີ້ຍ ດຸ໊ດ ມີ່ງ,
ຢ່າ ປຸນ ເຢຍ ເຍີຍ ປົ໌ວ ຢຽມ ບູ໊ງ-ຕ໋າວ ເນົ້າ ດຸ໊ດ,
23ເຫວີ່ຍ ຕສຸ ທິນ-ຮູ່ງ ປຸນ ຕ້າຍ ເຍີຍ ເຕສະ ໜ່ານ ປຸນ ເຢຍ ກ້ຳ ເດສ໋ຍ ໄຫ່.
ຢ່າ ເຫວີ່ຍ ນິ່ນ ເຍີຍ ຮ່າງ ຕ້າວ ເຢຍ ໄມ້ ໄຮ່ ໂຕສ໋ວ ນ້າຍ ຫຍູ່ງ ສີ່.
ໂຢ໊ບ ແຫງ່ງ ຈ໊ຽນ ກ໊ອງ ນິ່ນ ໄມ້ ເມົ້າ ກະນ້າຍ ຢ່າ ໄມ້ ປ໋າຍ ໝິ່ວ-ຝັງ
24“ເຊ ກ໊ອງ ເຢຍ ຫລົ່ງ ຈຽມ ໂຕສ໋ວ ເຢຍ ເຂົາ ເຍີຍ ຕ໋ອງ,
ແອ໋ງ ບົ໋ວ ຕສຽນ ຈຽມ, ‘ເມີ່ຍ ເປ໋ນ ເຢຍ ເຂົາ ວ້ວນ ເຍີຍ ຕ໋ອງ,’
25ເຊ ກ໊ອງ ເຢຍ ເຫວີ່ຍ ເຢຍ ມ່າຍ ຕສິ້ນ ຕສ້ອຍ ປູ໋ງ-ຕສົວະ,
ໄຟ ເຫວີ່ຍ ເຢຍ ເຍີຍ ປົ໌ວ ຕສ່ອນ ຕຸ໊ ທສ້ຳ ອຈຽນ-ໂຢ້ວ,
26ເຊ ກ໊ອງ ເຢຍ ປວັດ ບະຮນອຍ ຕສິ໋ວ ທສວດ ອຈັງ,
ໄຟ ປວັດ ຫຮລາ ເຍີຍ ອຈັງ-ຫລ່າງ ເຈ໋ຍ ກູ້ ຫງວ່າຍ,
27ເຢຍ ເຍີຍ ໂຮຍ້ວ ເປີ່ຍ ເດ໊ຍ ຕສຸ ຢົວະ,
ເຢຍ ເຍີຍ ດສຸ້ຍ ຕສົມ ເຢຍ ເຍີຍ ປົ໌ວ ປຸນ ທສີງ ທ່າຍ ນິ່ນ ບົວ,
28ນ້າຍ ຢ່າ ເປ໋ນ ຊ້ຽມ ຕສຸ໌ຍ ຈຽນ ອ໋ອຍ ຕສຸ ຕີ່ງ ເຍີຍ ຕສຸ໌ຍ,
ເຫວີ່ຍ ຕສຸ ເຢຍ ໄມ້ ຕສຽບ ຕສົ໊ວະ ເຍີຍ ໂຕສ໋ວ ປຸນ ຢຽມ ຮລັງ ເຈ໋ຍ ເຍີຍ ທິນ-ຮູ່ງ.
ໂຢ໊ບ ກ໊ອງ ນິ່ນ ໄມ້ ຈ໊າວ ວິນ, ນິ່ນ ອະເຮນີ້ຍ ຕສິ໊ບ ແຄະ, ນິ່ນ ໄມ້ ໂຕສ໋ວ ເປີ້ຍ ຕສະ ໂຮຍ້ວ ອຈ໊ວດ
29“ເຊ ກ໊ອງ ເຢຍ ປວັດ ດສອງ ເຢຍ ວົ້ວ ເຕີ໋ຍ ຕສຸ ປ່າຍ,
ປວັດ ນິ່ນ ບົວ ຕສຸ ເອ໊າະ ສີ່ ຕສ່ຽວ ອຈຽນ-ໂຢ້ວ ອະເຮນີ້ຍ,
30(ເຢຍ ຕສູ໊ງ ໄມ້ ປຸນ ເຢຍ ເຍີຍ ດສຸ້ຍ ປ໌າມ ຕສຸ໌ຍ,
ຕສ໋ຽວ ປຸນ ນິ່ນ ຕສຸ ໄຕ່),
31ເຊ ກ໊ອງ ຢຽມ ເຢຍ ເຍີຍ ດົ໊ບ-ລິ່ວ ເຍີຍ ມ່ຽນ ໄມ້ ກ໊ອງ,
‘ມ່າຍ ຫາຍ ເຕົ້າ ໄມ້ ຕຸ໊ ຫຍັ່ນ ນິ່ນ ເຍີຍ ຕສ໊ຽວ ເຍີຍ ຫຍັ່ນ ຮົບ #31:31 ຮິບລູ ຫວ່າ ກ໊ອງ ນິ່ນ ເຍີຍ ອໍ໊. ເປ໊ວ?’
32(ຢຽມ ໂກ ຕ້າຍ ເຍີຍ ມ່ຽນ ໄມ້ ຕສຸ ຢຽມ ເຮີຍ-ຫ່ອງ ເຈ໋ຍ ມ໌ວນ,
ເຢຍ ເຍີຍ ແກ້ງ ຄອຍ ອກອຍ ຕສິ໊ບ ເຈ໋ຍ ເຈົ໊າ ເຍີຍ ມ່ຽນ),
33ເຊ ກ໊ອງ ເຢຍ ປີ໋ງ ເຢຍ ປ໌າມ ເຍີຍ ຕສຸ໌ຍ ຮນັ້ງ ອາດຳ,
ເຕສ໊າະ ຕສຸ໌ຍ ປີ໋ງ ຈ໊ຽນ ເຢຍ ເຍີຍ ໂຮຍ້ວ,
34ເຫວີ່ຍ ຕສຸ ເຢຍ ກ້ຳ ເດສ໋ຍ ຕສວັ໋ງ ມ່ຽນ ທສ້ຳ,
ຢ່າ ກ້ຳ ເດສ໋ຍ ໂຕ້ວ ຕສົງ ມ່ຽນ ໝັ່ງ ເຜຍ ເຢຍ,
ເຢຍ ຕສ່ຽວ ໄມ້ ໂຄ ໂລ ຢ່າ ໄມ້ ທສວດ ແກ້ງ ຂະເດົາ.
ໂຢ໊ບ ໂທ້ ທິນ-ຮູ່ງ ອກະຮ້າ ລາຍ ວົ້ວ ດສຸ່ນ, ປຸນ ນິ່ນ ຮິ້ວ ຕຸ໊ ນິ່ນ ຕ່ອງ ເຍີຍ ຕ໋ອງ, ແອ໋ງ ແຫງ່ງ ຈ໊ຽນ ກ໊ອງ ນິ່ນ ໄມ້ ໂຕສ໋ວ ຕ່ອງ
35“ໂອ ເຝີຍ ຕຸ໊ ມ່າຍ ເຕົ້າ ໝວັງ ເຢຍ.
(ນ້າຍ ເຢຍ ຝາວ ເຢຍ ເຍີຍ ບົ໋ວ. ໂທ້ ເນິ່ນ ເຈ໋ຍ ວົ້ວ ເຕົ້າ ເຕົາ ເຢຍ.)
ໂທ້ ໂກ໋ ເຢຍ ວົ້ວ ເຕົ້າ ເຕສ໊າະ ໂກ໋ ເຍີຍ ຫວ່າ ເຟ້ຍ ຈ໊ຽນ.
36ເຢຍ ຕສ່ຽວ ອັນ ຈ໊ຽນ ເຢຍ ເຍີຍ ບະເຕົ້າ,
ຢ່າ ດົ໋ງ ຈ໊ຽນ ຮນັ້ງ ຮູ່ງ ນີ້ງ.
37ເຢຍ ອ໋ອຍ ກ໊ອງ ເມ່ງ ບົ໋ວ ທິນ-ຮູ່ງ ເຢຍ ໂຕສ໋ວ ເຍີຍ ຢຽດ ຕສູ໊ງ, #31:37 ຟານ ຕສະ ກ໊ອງ “ເຢຍ ເຍີຍ ນອມໆ ເຕສົ໋າ-ເບ່ຍ”.
ເຢຍ ຕສ່ຽວ ຮນັ້ງ ໂຕສ໋ວ ໂຮລ ເຍີຍ ມ່ຽນ ເປັຍ ເຖົາ ນິ່ນ ເຍີຍ ດສະຮມຽນ.
38“ເຊ ກ໊ອງ ເຢຍ ເຍີຍ ເດົາ ໂກ໋ ເຢຍ,
ໄລ່ ເຍີຍ ເດົາ-ຕສ໋ວນ ລົ່ມ ດສ້ອຍ ຍ້ຽມ,
39ເຊ ກ໊ອງ ເຢຍ ຫຍັ່ນ ເດົາ ເຍີຍ ແກງ-ຕສວັ໋ງ ຢ່າ ໄມ້ ທສວດ ຍ່ານ,
ປຸນ ໂລ໌-ເດົາ-ຕສ໊ຽວ ກວັ່ງ ແໝ່ງ,
40ໂທ້ ປຸນ ອຈິ໊ມ ທສວດ ຕີ໊ ເບຢົ້າ ວີດ,
ປຸນ ເມ້ຍ-ເຕສວີ໋ຍ ທສວດ ຕີ໊ ເບຢົ້າ ບາລີ.”
ໂຢ໊ບ ກ໊ອງ ເຍີຍ ຫວ່າ ເດສ່ງ ໝີ່ ອ໊ະ.
Currently Selected:
ໂຢ໊ບ 31: IuMiLAO
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Lao Script) © 2007 Thailand Bible Society, 2007.
