ໂຢ໊ບ 19
19
ໂຢ໊ບ ເຕົາ
ໂຢ໊ບ ເອກ້ມ ນິ່ນ ເຍີຍ ຕ່ອຍ ໂຕສ໋ວ ເໝົາ
1ໂຢ໊ບ ຕສ່ຽວ ເຕົາ,
2“ເມີ່ຍ ບົວ ອ໋ອຍ ໂຕສ໋ວ ປຸນ ເຢຍ ເຍີຍ ໂຮຍ້ວ ໂຄ້ວ,
ຢ່າ ຫລົ່ງ ຫວ່າ ໝໍ່ ເຢຍ ດົ່ງ ຫາຍ ເລົ່າ?
3ເມີ່ຍ ບົວ ກ໊ອງ ໂຕະ ເຢຍ ໄມ້ ເຕສີ໊ຍ ຕສຽບ ດສຸ່ນ ອ໊ະ.
ເມີ່ຍ ບົວ ຕ່ອງ ເຢຍ, ເມີ່ຍ ບົວ ໄມ້ ໄຍ້ ໄຟ?
4ເຊ ກ໊ອງ ເຢຍ ຕສະເກ້ງ ໂຕສ໋ວ ຕ່ອງ,
ເຢຍ ໂຕສ໋ວ ຕ່ອງ ເຍີຍ ຂູງ ດ໊ອດ ຕສຸ ເຢຍ ກັ້ນ ຮນັ້ງ.
5ເຊ ກ໊ອງ ເມີ່ຍ ບົວ ເທສງ ເມີ່ຍ ບົວ ກັ້ນ ເກົ້າ ໂຮລ ເຢຍ,
ຢ່າ ຝຸນ ເຢຍ ປວັ້ງ ເຍີຍ ໂຄ້ວ ໜ່ານ ປຸນ ທສີງ ເຢຍ ໂຕສ໋ວ ຕ່ອງ,
6ວົ້ວ ຫຍູ່ງ ເມີ່ຍ ບົວ ອ໋ອຍ ຕສຸ ຮິ້ວ ຕຸ໊ ເຊ ທິນ-ຮູ່ງ ຮນັ້ງ ນ້າຍ ໂຕສ໋ວ ປຸນ ເຢຍ,
ຢ່າ ຫລົ່ງ ນິ່ນ ເຍີຍ ມູ໌ງ ເດສ່ນ ຈ໊ຽນ ເຢຍ.
ໂຢ໊ບ ກ໊ອງ ທິນ-ຮູ່ງ ຫ່ອຍ ນິ່ນ ຮນັ້ງ ນິ່ນ ເປ໋ນ ວິນ-ວັ້ງ ນໍ
7“ເຢຍ ເຫ່ວ ຈ໊ຽນ ກ໊ອງ, ‘ຕສຸ ໂຕສ໋ວ ໂຕະ ອ໊າ ໂລ່ະ!’ ຢ່າ ໄມ້ ມ່າຍ ຫາຍ ເຕົ້າ ເຕົາ.
ເຢຍ ເຫ່ວ ຈ໊ຽນ ໂທ້ ເຖງ, ມປ່າ ໄມ້ ຕຸ໊ ແປ້ງ ຟິມ ເຍີຍ ເຈົ໊າ.
8ທິນ-ຮູ່ງ ຕັ໊ງ ຈ໊ຽນ ເຢຍ ເຍີຍ ເຈົ໊າ ເຢຍ ຕສ່ຽວ ເຈ໋ຍ ໄມ້ ຕຸ໊.
ນິ່ນ ຢ່າ ປຸນ ເຢຍ ເຍີຍ ເຈົ໊າ ຫຮມວັງ ມີ່ງ.
9ນິ່ນ ເຕສ໊າະ ອກອຍ ເຢຍ ເຍີຍ ອຈັງ-ຫລ່າງ,
ຢ່າ ເຕສ໊າະ ອກອຍ ເຢຍ ດົ໋ງ ເຍີຍ ນີ້ງ.
10ນິ່ນ ເວີ່ຍ ຈ໊ຽນ ເຢຍ ເປຢີຍ ປູງ ເບ໊າະ ເຢຍ,
ເຢຍ ຕສ່ຽວ ປ່າຍ ເດສ່ງ ໝີ່ ອ໊ະ.
ເຢຍ ມ່າຍ ລ່ຳ ຮນ້ຳ ເຍີຍ,
ນິ່ນ ແປງ ທສວດ ຮນັ້ງ ແປງ ຕິ້ວ ດຢັ໋ງ ນໍ.
11ນິ່ນ ເຖຈຍ ເຈ໌ຍ, ໂນ໌ວ ໄຫ່ ເຢຍ,
ຢ່າ ຝຸນ ເຢຍ ເປ໋ນ ນິ່ນ ເຍີຍ ວິນ-ວັ້ງ.
12ນິ່ນ ເຍີຍ ຈຸນ-ແປງ ກວັ້ນ ລົ່ມ ດສ້ອຍ ຕ້າຍ.
ນິ່ນ ບົວ ຫລິ່ວ ເລີ໌ຍ ເຈົ໊າ ເບ໊າະ ເຢຍ,
ຢ່າ ຫລຽບ ທສຢັ້ງ ເວີ່ຍ ກ໋ອມ ເຢຍ.
ໂຢ໊ບ ໂທ້ ໂລ໌-ແກງ ຕ່ອຍ ຄໍ້-ລ່ຽນ
13ທິນ-ຮູ່ງ ປຸນ ເຢຍ ເຍີຍ ກໍ໋-ໂຢ໌ວ ກວັ່ງ ເຢຍ,
ຕົ້ງ ເຢຍ ຕສົວະ ເຍີຍ ມ່ຽນ ໄມ້ ແລ໌ງ ເຢຍ ອ໊ະ.
14ເຢຍ ເຍີຍ ທສຽນ-ເທສະ ເລີ່ຍ ອກອຍ ເຢຍ,
ເຢຍ ເຍີຍ ໂລ໌-ແກງ ຕ່ອຍ ຫລະຄຸ ເຢຍ ໝີ່ ອ໊ະ.
15ຢຽມ ເຢຍ ເຍີຍ ເປຢົ໊າ ເຍີຍ ແຄະ ມ່ຽນ ເຖສົາ ມເຊັຍ ໂປວ ຝຸນ ເຢຍ ໂຕສ໋ວ ກະເຫຍ່ຍ ເຍີຍ ມ່ຽນ.
ຕສິ໋ວ ນິ່ນ ບົວ ເຍີຍ ມຕສີງ ໝັ່ງ, ເຢຍ ຕສູ໊ງ ເປ໋ນ ກັ້ນ ຝີງ ມ່ຽນ.
16ເຢຍ ເຫ່ວ ເຢຍ ເຍີຍ ໂປວ ມປ່າ ນິ່ນ ໄມ້ ເຕົາ,
ເຢຍ ອ໋ອຍ ຕສຸ ຫລົ່ງ ດສຸ້ຍ ໂຈ້ວ ນິ່ນ ບົວ.
17ເຢຍ ເຍີຍ ເອົ໊າ ໂຢ໋ວ ເຢຍ ເຍີຍ ດສຸ້ຍ ເຍີຍ ເຖຈຍ.
ເຢຍ ກັ້ນ ເຍີຍ ທສຽນ ກໍ໋ ທສຽນ ໂຢ໌ວ #19:17 ຮິບລູ ຫວ່າ ກ໊ອງ ເຢຍ ເຍີຍ ມາ ເຍີຍ ຕອນ. ກ້ຳ ເດສ໊ຍ ເຢຍ.
18ລ່ຽມ ໄຝ ເຍີຍ ຝຸຈ໊ວຍ ໝັ່ງ ເຜຍ ເຢຍ.
ເຢຍ ເຈ໌ຍ ຊິນ ນິ່ນ ບົວ ກ໊ອງ ເຢຍ.
19ເຢຍ ຕສົວະ ເຈ໋ຍ ເຍີຍ ຢຽດ ຕສູ໊ງ ໂລ໌-ແກງ ຕ່ອຍ ໂຢ໋ວ ເຢຍ,
ຕົ້ງ ເຢຍ ຮນ້ຳ ເຍີຍ ມ່ຽນ ຢ່າ ບ໊ຽນ ຮມຽນ ປຸນ ເຢຍ.
20ເຢຍ ເຍີຍ ດົ໊ບ ແນດ ຈ໊ຽນ ບູ໊ງ,
ເຢຍ ເປຢົ໋າ ທສວດ ສີງ ແໝ່ງ ດົ່ງ ຢຽດ ນອມ ເຮມີ້ຍ-ເນົ້າ. #19:20 ຕສິ໋ວ ຮິບລູ ຫວ່າ ນ້າຍ ຢ່ຽມ ໄມ້ ໜັ່ງ ເມ່ງ. ຟານ ຕສະ ກ໊ອງ “...ດົ່ງ ເຢຍ ເຍີຍ ຍ່າ ເຍີຍ ດົ໊ບ”.
21“ໂລ໌-ແກງ ອ້າ! ຄໍ້-ລ່ຽນ ເຢຍ ມ່າະ! ໂທ້ ຄໍ້-ລ່ຽນ ເຢຍ,
ເຫວີ່ຍ ຕສຸ ທິນ-ຮູ່ງ ເຍີຍ ປົ໌ວ ເບ໊າະ ເຢຍ.
22ເມີ່ຍ ບົວ ເຫວີ່ຍ ຫາຍ ຕິ່ວ ອ໋ອຍ ຫ່ອຍ ເຢຍ ຮນັ້ງ ທິນ-ຮູ່ງ ຫ່ອຍ?
ເມີ່ຍ ບົວ ຖສໍ່ ໂຕສ໋ວ ໂຕະ ປຸນ ເຢຍ ໄມ້ ແກ້ງ ເກົ໋າ?
ໂຢ໊ບ ມ່າຍ ລ່ຳ ຮນ້ຳ ມ່າຍ ເຕົ້າ ໄຮ່ ຕສົວະ ນິ່ນ
23“ເຝີຍ ຕຸ໊ ເຢຍ ກ໊ອງ ເຍີຍ ຫວ່າ ຕຸ໊ ເຟ້ຍ ຈ໊ຽນ,
ເຝີຍ ຕຸ໊ ຝາວ ຈ໊ຽນ ຢຽມ ໂຊວ-ຕານ.
24ເຝີຍ ຕຸ໊ ຫລົ່ງ ເຮລັຍ-ຈາ-ສີ່ ຕສຸ ຫລະເປຢີ໊ຍ,
ແອ໋ງ ຫລົ່ງ ຈູ໌ງ ໂຕ໋ ຕສຸ ລິ໌ວ ເຍີຍ ຕ໋ອງ, ປຸນ ຢຽດ ລິ໌ວ ຢຽມ.
25ເຫວີ່ຍ ຕສຸ ເຢຍ ຮິ້ວ ຕຸ໊ ຕສົວະ ເຢຍ ວົ້ວ ເຕົ້າ ຕສຢັ້ງ ຈ໊ຽນ,
ເຊດ ເມວີ໌ຍ ນິ່ນ ອ໋ອຍ ຕ້າຍ ໂຊ້ວ ຈ໊ຽນ ເດົາ-ເປີ້ຍ. #19:25 ໄຟ ເນຍ-ບູງ.
26ຕສົ໊ວ ເຢຍ ດົ໊ບ ຮູ້ ເດສ່ງ,
ຢຽມ ເຢຍ ເຍີຍ ອໍ໊ ຊິນ #19:26 ໄຟ “ໄມ້ ຢຽມ ເຢຍ ເຍີຍ ອໍ໊ ຊິນ”. ເຢຍ ຕສູ໊ງ ຕຸ໊ ປວັດ ທິນ-ຮູ່ງ. #19:26 ນ້າຍ ລ໌ຽວ ເຍີຍ ຮິບລູ ຫວ່າ ເຊ ໄມ້ ໜັ່ງ ເມ່ງ.
27ເຢຍ ກັ້ນ ຕຸ໊ ປວັດ ນິ່ນ,
ເຢຍ ກັ້ນ ເຍີຍ ມຕສີງ ຕຸ໊ ໝັ່ງ ນິ່ນ, ຢ່າ ໄມ້ ເຕສີ໌ຍ ກັ້ນ ເຕົ້າ.
ເຢຍ ເຍີຍ ໂຮຍ້ວ ເມົາ ໂຄ້ວ ໄຫ່.
28“ເຊ ກ໊ອງ ເມີ່ຍ ບົວ ກ໊ອງ, ‘ເຢຍ ບົວ ຮນັ້ງ ຫາຍ ນໍ ໄຮ່ ຫ່ອຍ ນິ່ນ?’
ຢ່າ ກ໊ອງ, ‘ທສົວະ ສີ່ ເຍີຍ ກອນ-ແປ໋ງ ຢຽມ ນິ່ນ ກັ້ນ,’
29ເມີ່ຍ ບົວ ອ໋ອຍ ຕສຸ ກ້ຳ ເດສ໋ຍ ດສຸ ດ໊າວ,
ເຫວີ່ຍ ຕສຸ ທິນ-ຮູ່ງ ເຖຈຍ ເຈ໌ຍ, ນິ່ນ ຫລົ່ງ ດສຸ ດ໊າວ ຕີ່ງ ຕສຸ໌ຍ.
ເມີ່ຍ ບົວ ຕສ່ຽວ ຮິ້ວ ຕຸ໊ ມ່າຍ ເຕົ້າ ຊ້ຽມ ຕສຸ໌ຍ.”
Currently Selected:
ໂຢ໊ບ 19: IuMiLAO
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Lao Script) © 2007 Thailand Bible Society, 2007.
