ໂຢ໊ບ 16
16
ໂຢ໊ບ ເຕົາ ເອລີຟັດ
ໂຢ໊ບ ກ໊ອງ ນິ່ນ ເຍີຍ ຕ່ອຍ ປຸນ ນິ່ນ ໄຮ໌ ຈາ ໂຄ້ວ
1ໂຢ໊ບ ຕສ່ຽວ ເຕົາ,
2“ນ້າຍ ຫຍູ່ງ ຫວ່າ ເຢຍ ໄຮ໌ ທສ້ຳ! ໄຫ່ ອ໊ະ.
ເມີ່ຍ ບົວ ເຕົ້າໆ ອ໋ອຍ ອອນ ໂຮຍ້ວ ມປ່າ ເມີ່ຍ ບົວ ປຸນ ມ່ຽນ ຈາ ເດສົ້າ.
3ເມີ່ຍ ໄມ້ ຕີ້ງ ໄມ້ ຮິດ ເຍີຍ ກ໊ອງ ຫວ່າ ໄມ້ ໄຮ່ ຈົ່ມ ໄຟ?
ມ່າຍ ຫາຍ ຫຍູ່ງ ທສົວະ ຕສຸ ເມີ່ຍ ເຕົາ ຫວ່າ?
4ເຊ ກ໊ອງ ເມີ່ຍ ບົວ ເຖສົາ ເຢຍ ທິ້ວ ຕ໋ອງ ຢຽມ,
ເຢຍ ມປ່າ ໄຮ່ ກ໊ອງ ຮນັ້ງ ເມີ່ຍ ບົວ ນໍ.
ເຢຍ ໄຮ່ ເປ໊າະ ຈ໊ຽນ ຢຽດ ຄັງ ເຈ໋ຍ ຢຽດ ຄັງ ເຍີຍ ຫວ່າ ກ໊ອງ ເມີ່ຍ ບົວ,
ແອ໋ງ ຕອງ ຈ໊ຽນ ເມີ່ຍ ບົວ ຫຮວັງ ມອກ໊ອງ.
5ມປ່າ ເຢຍ ໄຮ່ ຫລົ່ງ ເຢຍ ເຍີຍ ດສຸ້ຍ ເຖສີຍ ເມີ່ຍ ບົວ ເຮ້ນ ເຈ໌ຍ ຕ້າຍ,
ເຢຍ ເຍີຍ ດສຸ້ຍ ເໝີຍ ຢ່າ ອ໋ອຍ ອອນ ເມີ່ຍ ບົວ ເຍີຍ ໂຢວ-ເດສົ້າ.
ໂຢ໊ບ ໂກ໋ ກ໊ອງ ທິນ-ຮູ່ງ ໂຕສ໋ວ ໂຕະ ປຸນ ນິ່ນ
6“ໄມ້ ກຸ໊ນ ເຢຍ ກ໊ອງ ຫວ່າ, ເຢຍ ມຸນ ເຍີຍ ເຈົ໊າ ໄມ້ ສ່ຽນ.
ເຊ ກ໊ອງ ເຢຍ ຍ໌ຽນ ຈ໊ຽນ ໄມ້ ກ໊ອງ, ເຢຍ ມຸນ ເຍີຍ ຕ໋ອງ ໄມ້ ໄຮ່ ເກົ້າ ຫລົງ.
7ທິນ-ຮູ່ງ ອ່າ, ອີ້ ຕສັ່ນ ເມີ່ຍ ຕສູ໊ງ ປຸນ ເຢຍ ຂວນ ໂຄ້ວ.
ເມີ່ຍ ປຸນ ເຢຍ ເຍີຍ ເປຢົ໊າ ຕສົງ ມ່ຽນ #16:7 ໄຟ “ເຢຍ ເຍີຍ ຢຽດ ຕສູ໊ງ ມ່ຽນ”. ຕສຸ ປ່າຍ ເດສ່ງ.
8ເມີ່ຍ ປຸນ ເຢຍ ໂຊະ, ໄຈ່ ເດສ່ງ,
ເຢຍ ດົ່ງ ນ້າຍ ໄຈ່ ຕສ່ຽວ ໂຕສ໋ວ ຕສອງ-ເຕສ໋ງ ໂກ໋ ເຢຍ.
9ທິນ-ຮູ່ງ ເຖຈຍ ເຈ໌ຍ ຈ໊ຽນ ເປ໊ດ ເຢຍ ຢ່າ ດສອງ ເຢຍ,
ຕອງ ຈ໊ຽນ ເຢຍ ຫງາດ ຍ່າ.
ເຢຍ ເຍີຍ ວິນ-ວັ້ງ ອຈັດ ມຕສີງ ໝັ່ງ ເຢຍ.
10ນິ່ນ ບົວ ໝອງ ດສຸ້ຍ ປຸນ ເຢຍ.
ນິ່ນ ບົວ ໄບ໋ ເຢຍ ເຍີຍ ຮມຽນ ຮວວດ ເຢຍ.
ນິ່ນ ບົວ ກັ໊ບ ຕສຸ໊ນ ຕ້າຍ ອ໋ອຍ ໂຕສ໋ວ ປຸນ ເຢຍ.
11ທິນ-ຮູ່ງ ເຕສ໊າະ ເຢຍ ຈິວ ປຸນ ເອ໊າະ ມ່ຽນ,
ຢ່າ ຕສອຍ ເຢຍ ຢຽມ ມ່ຽນ ຫວ່າຍ ມ່ຽນ ເຍີຍ ປົ໌ວ-ເດ໊ຍ.
12ເຢຍ ຄູ່ ຢຽມ ເຍີຍ ຕສຢັ້ງ ໂຫ່ ນິ່ນ ເຕສ໊າະ ເຢຍ ວວດ ເນົ້າ.
ນິ່ນ ນັ້ນ ຈ໊ຽນ ເຢຍ ເຍີຍ ຈາງ ແກວ໊ະ ເຢຍ ໝ່ວນ ເດສ່ງ.
ນິ່ນ ເຕສ໊າະ ເຢຍ ໂຕສ໋ວ ນິ່ນ ເຍີຍ ແບະ.
13ນິ່ນ ເຍີຍ ປ໊ວນ ຈວັງ-ຕສິ໋ນ ມ່ຽນ ເວີ່ຍ ກ໋ອມ ເຢຍ.
ນິ່ນ ປ໊ວນ ທົງ #16:13 ໄຟ ພິ. ເຢຍ ເຍີຍ ຫຍຸດ ເຕສີ໊ຍ ຢ່າ ໄມ້ ຄໍ້-ລ່ຽນ,
ຢ່າ ໂຕ໋ ເຢຍ ເຍີຍ ຕ໊າມ ທສວດ ເອຈ່ຍ ເດົາ.
14ນິ່ນ ເບ໊າະ ເຢຍ ຢຽດ ດສຸ່ນ ເຈ໋ຍ ຢຽດ ດສຸ່ນ,
ນິ່ນ ຖິວ ຕ້າຍ ເບ໊າະ ຮນັ້ງ ເບ໊າະ ຈ໋າ ເຮ້ນ ເຍີຍ ແປງ.
15“ເຢຍ ລຸ່ນ ຫລະມ່າ ເດຍ-ໂທສວ ນິດ ຈ໊ຽນ ເຢຍ ເຍີຍ ດົ໊ບ,
ເຢຍ ເຊວີຍ ເດສ່ງ ຕສ່ຽວ ເປວີ໋ຍ ຈ໊ຽນ ເນຍ-ບູງ. #16:15 ຟານ ຕສະ ຮິບລູ ຫວ່າ ກ໊ອງ “ຕສ່ຽວ ເຕສ໊າະ ເຢຍ ເຍີຍ ຈອງ ຕສອຍ ເອຈ່ຍ ເນຍ-ບູງ.” ຈອງ ຢ່າ ເປີ໊ຍ ທຈະ.
16ເຫວີ່ຍ ຕສຸ ເຢຍ ຍ້ຽມ, ຮມຽນ ຊິ ເດສ່ງ,
ມຕສີງ-ດົ໊ບ ຢ່າ ຫຮມວັງ,
17ໄມ້ ກຸ໊ນ ເຢຍ ເຍີຍ ປົ໌ວ ໄມ້ ໂຕສ໋ວ ຫາຍ ຫຍູ່ງ ໂຕະ,
ເຢຍ ເຕົ໋າ ເກົ໋າ ເຍີຍ ຫວ່າ ຢ່າ ທສີງ-ເດສ່ງ.
ໂຢ໊ບ ມ່າຍ ລ່ຳ ຮນ້ຳ ຢຽມ ທິນ-ຕ້ອງ ມ່າຍ ເຕົ້າ ເຖງ ນິ່ນ ໂຕສ໋ວ ຕສອງ-ເຕສ໋ງ
18“ເດົາ ອ້າ! ໄມ້ ຕູ໋ງ ປວັງ ເຢຍ ເຍີຍ ດສຢ໊າມ.
ໄມ້ ຕູ໋ງ ປຸນ ເຢຍ ເຫ່ວ ເຍີຍ ເຖຈຍ ມ່າຍ ຕ໋ອງ ຮິດ.
19ອີ້ ຕສັ່ນ ມ່າຍ ເຕົ້າ ຢຽມ ທິນ-ຕ້ອງ ເຖງ ເຢຍ ໂຕສ໋ວ ຕສອງ-ເຕສ໋ງ,
ເປວ ເຢຍ ວົ້ວ ເຕົ້າ ຢຽມ ຮລັງ ເຍີຍ ຕ໋ອງ. #ໂຢ໊ບ 19:25
20ເຢຍ ເຍີຍ ໂລ໌-ແກງ ຕ່ອຍ ຮວວດ ເຢຍ,
ເຢຍ ເຍີຍ ມຕສີງ ຫລ່ຽວ ວວມ-ເໝວີ່ຍ ປຸນ ທິນ-ຮູ່ງ.
21ໂທ້ ປຸນ ນິ່ນ ເຖງ ມ່ຽນ ໂຈ້ວ ທິນ-ຮູ່ງ,
ຮນັ້ງ ມ່ຽນ ເຖງ ນິ່ນ ເຍີຍ ໂລ໌-ແກງ ຕ່ອຍ ໂຈ້ວ ນໍ.
22“ເຫວີ່ຍ ຕສຸ ແອ໋ງ ເຈ໋ຍ ລິ໌ວ ອີ ເຕສ໋ຍ ຫຮຍັງ,
ເຢຍ ຕສ່ຽວ ກັນ ໄມ້ ດສ໋ວນ ເຍີຍ ເຈົ໊າ ມີ່ງ.
Currently Selected:
ໂຢ໊ບ 16: IuMiLAO
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Lao Script) © 2007 Thailand Bible Society, 2007.
