ໂຢ໊ບ 13
13
ໂຢ໊ບ ອ໋ອຍ ເຖສົາ ທິນ-ຮູ່ງ ຫລວນ ເລີ໌ຍ
1“ນ້າຍ ເຕີ໋ຍ ຢຽດ ຕສູ໊ງ ສີ່ ເຢຍ ເຍີຍ ມຕສີງ ຕຸ໊ ປວັດ ເຈ໋ຍ,
ເຢຍ ເຍີຍ ມນ່ອມ ຕຸ໊ ໄຮ໌ ເຈ໋ຍ ຢ່າ ເມ່ງ ແປະ.
2ເມີ່ຍ ບົວ ຮິ້ວ ເຍີຍ, ເຢຍ ຢ່າ ຮິ້ວ.
ເຢຍ ໄມ້ ເກົ້າ ໄອ໊ ເມີ່ຍ ບົວ.
3ມປ່າ ເຢຍ ອ໋ອຍ ເຖສົາ ເນິ່ນ ເຈ໋ຍ ວົ້ວ ເຕົ້າ ກ໊ອງ ຫວ່າ,
ເຢຍ ອ໋ອຍ ເຖສົາ ທິນ-ຮູ່ງ ຫລວນ ເລີ໌ຍ.
4ເມີ່ຍ ບົວ ຫລົ່ງ ກ໊ອງ-ແປະ ເຍີຍ ຫວ່າ ດສ໊າດ ຈ໊ຽນ #13:4 ນ້າຍ ເຊ ຮນັ້ງ ຫລົ່ງ ຮວີ-ແປະ ດສ໊າດ ຈ໊ຽນ. ເມີ່ຍ ບົວ ໄມ້ ຮິ້ວ ເຍີຍ.
ເມີ່ຍ ບົວ ເຊ ຮນັ້ງ ໄມ້ ລ່ຳ ຫລົ່ງ ເຍີຍ ເດຍ-ໄຊ.
5ເຝີຍ ຕຸ໊ ເມີ່ຍ ບົວ ເຊກ ເດສັຍ ເຍີຍ.
ນ້າຍ ຕສ່ຽວ ເປ໋ນ ເມີ່ຍ ບົວ ເຍີຍ ທສົງ-ເມ່ງ ອ໊ະ.
ໂຢ໊ບ ກ໊ອງ ນິ່ນ ເຍີຍ ຕ່ອຍ ໄມ້ ຜຸຍ ໂຕສ໋ວ ຕສອງ-ເຕສ໋ງ
6“ອີ້ ຕສັ່ນ ໂທ້ ໝວັງ ເຢຍ ຫລວນ ເຍີຍ ເຈົ໊າ
ຢ່າ ໝວັງ ເຢຍ ສູ ເຍີຍ ຫວ່າ.
7ເມີ່ຍ ບົວ ອ໋ອຍ ເຫວີ່ຍ ທິນ-ຮູ່ງ ກ໊ອງ ຈ໊າ ເຍີຍ ຫວ່າ ໄຟ?
ເມີ່ຍ ບົວ ອ໋ອຍ ເຫວີ່ຍ ນິ່ນ ກ໊ອງ-ແປະ?
8ເມີ່ຍ ບົວ ອ໋ອຍ ເຖງ ທິນ-ຮູ່ງ ວົ້ວ ປູງ ແດສງ ໄຟ?
ເມີ່ຍ ບົວ ອ໋ອຍ ເຫວີ່ຍ ນິ່ນ ຫລວນ ເລີ໌ຍ?
9ເຊ ກ໊ອງ ນິ່ນ ຕສ້າ ໝັ່ງ ເມີ່ຍ ບົວ, ເມີ່ຍ ບົວ ໄຮ່ ຕຸ໊ ຫລົງ ໄຟ?
ເມີ່ຍ ບົວ ໄຮ່ ດົ໊ວ ທິນ-ຮູ່ງ ຮນັ້ງ ມ່ຽນ ດົ໊ວ ມ່ຽນ ໄຟ?
10ເຊ ກ໊ອງ ເມີ່ຍ ບົວ ປີ໋ງ ຈ໊ຽນ ເຖງ ຢຽດ ປູງ,
ນິ່ນ ດົ່ງ ຫາຍ ຕສູ໊ງ ອ໋ອຍ ກ໊ອງ-ເຫມ ເມີ່ຍ ບົວ.
11ນິ່ນ ເຍີຍ ຮ່າງ ຕ້າວ ປຸນ ເມີ່ຍ ກ້ຳ ເດສ໋ຍ,
ຕສູ໊ງ ແຮະ ເມີ່ຍ ບົວ ເມົາ ເດສ່ງ ຊ່າະ?
12ເມີ່ຍ ບົວ ເຍີຍ ຫວ່າ-ຜຸຍ ຮນັ້ງ ຊ້າຍ ໄມ້ ລ່ຳ ຫລົ່ງ,
ເມີ່ຍ ບົວ ຫລວນ ເຍີຍ ເລີ໌ຍ ດົ່ງ ວວມ-ປ່ຳ #13:12 ໄຟ ປະໄນ່ ເນຍ. ເມົາ ນໍ.
ໂຢ໊ບ ອ໋ອຍ ເຖສົາ ທິນ-ຮູ່ງ ຕ໋ອຍ ຮມຽນ ຫລວນ ເລີ໌ຍ
13“ໂທ້ ເມີ່ຍ ບົວ ເຊກ ຕັ້ງ ມ່າະ! ເຢຍ ອ໋ອຍ ກ໊ອງ.
ອກະຮ້າ ໄມ້ ກຸ໊ນ ເປ໋ນ ຫາຍ ຫຍູ່ງ, ເຊວີ່ຍ ເຢຍ ເປ໋ນ ອ໊ະ.
14ໄມ້ ກຸ໊ນ ຮນັ້ງ ຫາຍ ນໍ ເຢຍ ອ໋ອຍ ໂຕສ໋ວ ອ໊ະ,
ເຢຍ ໄມ້ ຝຸນ ແໝ່ງ ເຍີຍ ກ໊ອງ. #13:14 ຟານ ຕສະ ກ໊ອງ “ເຢຍ ເຕສ໊າະ ເຢຍ ເຍີຍ ອໍ໊ ຫງາດ ຈ໊ຽນ, ເຕສ໊າະ ເຢຍ ເຍີຍ ແໝ່ງ ອັນ ຈ໊ຽນ ເຢຍ ເຍີຍ ປົ໌ວ”.
15ໄມ້ ກຸ໊ນ ນິ່ນ ໄຕ໋ ເຢຍ, ເຢຍ ຖສໍ່ ມ່າຍ ລ່ຳ ຮນ້ຳ, #13:15 ໄຟ “ໄມ້ ກຸ໊ນ ນິ່ນ ໄຕ໋ ເຢຍ, ເຢຍ ໄມ້ ລ່ຳ ຮນ້ຳ”.
ມປ່າ ເຢຍ ຢ່າ ອ໋ອຍ ຢຽມ ນິ່ນ ເຍີຍ ດສະຮມຽນ ປິ໋ວ ເມ່ງ ເຢຍ ເຍີຍ ເຈົ໊າ.
16ນ້າຍ ອ໋ອຍ ເປ໋ນ ເຢຍ ເຍີຍ ໂອຈ໋ວ ເອນ,
ເຫວີ່ຍ ຕສຸ ໄມ້ ທ່າຍ ທິນ-ຮູ່ງ ເຍີຍ ມ່ຽນ ໄມ້ ຕຸ໊ ມີ່ງ ຢຽມ ນິ່ນ ເຍີຍ ດສະຮມຽນ.
ໂຢ໊ບ ໂທ້ ທິນ-ຮູ່ງ ກ໊ອງ ທສວດ ເຫວີ່ຍ ຫາຍ ຕິ່ວ ໂກ໋ ນິ່ນ
17“ໂທ້ ຫລົງໆ ເຍີຍ ໝວັງ ເຢຍ ກ໊ອງ ເຍີຍ ຫວ່າ,
ຢ່າ ປຸນ ເຢຍ ສູ ເຍີຍ ຫວ່າ ເປັຍ ເມີ່ຍ ເຍີຍ ມນ່ອມ.
18ເຢຍ ຫລິ່ວ ເລີ໌ຍ ຕສຢັ໋ງ ເຢຍ ເຍີຍ ສີ່ ອ໊ະ.
ເຢຍ ຮິ້ວ ຕຸ໊ ຕສູ໊ງ ປິ໋ວ ເມ່ງ ເຢຍ ໄມ້ ຕ່ອງ.
19ມ່າຍ ຫາຍ ເຕົ້າ ອ໋ອຍ ໂກ໋ ເຢຍ?
ມ່າຍ ນໍ, ເຢຍ ຕສ່ຽວ ເຊກ ຢ່າ ໄຕ່.
20“ຂູງ ໂທ້ ປຸນ ອີ ຫຍູ່ງ ເຢຍ ຮນັ້ງ,
ເຢຍ ຕສ່ຽວ ໄມ້ ປີ໋ງ ເມີ່ຍ ເຍີຍ ຮມຽນ.
21ໂທ້ ຮລວດ ເມີ່ຍ ເຍີຍ ປົ໌ວ ເລີ່ຍ ໂກ ເຢຍ,
ຢ່າ ໂທ້ ໄມ້ ຕູ໋ງ ໂຕສ໋ວ ກ້ຳ ເດສ໋ຍ ເຍີຍ ສີ່ ແຮະ ເຢຍ.
22ທິນ-ຮູ່ງ ອ່າ, ກຸ໊ນ ເຫ່ວ, ເຢຍ ຕສ່ຽວ ເຕົາ.
ໄຟ ປຸນ ເຢຍ ກ໊ອງ, ເມີ່ຍ ຢ່າ ເຕົາ ເຢຍ.
23ເຢຍ ເຍີຍ ຕສຸ໌ຍ ເຖສົາ ໂຕສ໋ວ ຕ່ອງ ເຍີຍ ສີ່ ມ່າຍ ບຸເຕສ໋ຍ?
ໂທ້ ປຸນ ເຢຍ ຮິ້ວ ຕຸ໊ ເຢຍ ໂຕສ໋ວ ຕ່ອງ ເຍີຍ ເຈົ໊າ ເຖສົາ ເຢຍ ປ໌າມ ເຍີຍ ຕສຸ໌ຍ.
ໂຢ໊ບ ແອ໋ງ ງົບ ທິນ-ຮູ່ງ
24“ເມີ່ຍ ເຫວີ່ຍ ຫາຍ ຕິ່ວ ປີ໋ງ ເມີ່ຍ ເຍີຍ ຮມຽນ,
ຢ່າ ຝຸນ ເຢຍ ໂຕສ໋ວ ເມີ່ຍ ເຍີຍ ວິນ-ວັ້ງ?
25ເມີ່ຍ ອ໋ອຍ ແຮະ ຢຽດ ຄວ້າຍ ຕສຸ ດສຢ໋າວ ປ່ວນ ເຍີຍ ດຢັ໋ງ-ນ່ອມ
ຢ່າ ຕສຸ່ນ ເບຢົ້າ ອກ໊າວ ອກາຍ ໄຟ?
26ເມີ່ຍ ເຟ້ຍ ຈ໊ຽນ ເຮນ້ຍ ໄຫ່ ເຍີຍ ສີ່ #13:26 ຮິບລູ ຫວ່າ ກ໊ອງ ອິມ ໄຫ່ ເຍີຍ ສີ່. ໂກ໋ ເຢຍ,
ແອ໋ງ ປຸນ ເຢຍ ດາມ-ຕອງ ເຢຍ ຫລຸນ ເຍີຍ ຕສຢັ້ງ ໂຫ່ ໂຕສ໋ວ ເຍີຍ ຕສຸ໌ຍ.
27ເມີ່ຍ ເຕສ໊າະ ດຢັ໋ງ ກັບ ຈ໊ຽນ ເຢຍ ເຍີຍ ເຕສົ໋າ,
ແອ໋ງ ໝັ່ງ ຈ໊ຽນ ເຢຍ ເຍີຍ ຕິ້ວໆ ເຈົ໊າ
ເມີ່ຍ ຢ່າ ຕີ່ງ ຕສຢັ໋ງ ເຢຍ ເຍີຍ ເຕສົ໋າ-ເປ໊ນ ທສ້າຍ ຕຸ໊ ເຖົາ ເຍີຍ ຕ໋ອງ. #ໂຢ໊ບ 33:11
28“ມ່ຽນ ກຸ໊ນ ໂຕສ໋ວ ກຸ໊ນ ຕສິດ ຮນັ້ງ ກະນ້າຍ-ຮູ້,
ຮນັ້ງ ຕສຸ ແກງ ຫງາດ ຫວ່າຍ ເຍີຍ ລຸຍ-ໂຫວ.
Currently Selected:
ໂຢ໊ບ 13: IuMiLAO
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Lao Script) © 2007 Thailand Bible Society, 2007.
