ໂຢ໊ບ 10
10
ໂຢ໊ບ ກ໊ອງ ທິນ-ຮູ່ງ ໂຕສ໋ວ ໄມ້ ແປ້ງ ຟິມ
1“ເຢຍ ໂຢ໋ວ ໄຫ່ ເຢຍ ເຍີຍ ແໝ່ງ,
ເຢຍ ຕສ່ຽວ ເຊວີ່ຍ ຈ໊ຽນ ກ໊ອງ ເຢຍ ເຍີຍ ໜ່ານ ຕສີ້ງ.
ເຢຍ ໂຮຍ້ວ ກະຍົ໌ວ ໂຄ້ວ ຕສ່ຽວ ອ໋ອຍ ກ໊ອງ ອ໊ະ.
2ເຢຍ ອ໋ອຍ ກ໊ອງ ບົ໋ວ ທິນ-ຮູ່ງ, ໄມ້ ຕູ໋ງ ຕີ່ງ ເຢຍ ມ່າຍ ຕສຸ໌ຍ.
ໂທ້ ປຸນ ເຢຍ ຮິ້ວ ເມີ່ຍ ເຫວີ່ຍ ຫາຍ ຕິ່ວ ເຖສົາ ເຢຍ ແດສງ.
3ເມີ່ຍ ເຕສີ໋ຍ ມ່ຽນ ແອ໋ງ ໝັ່ງ ເຜຍ
ເມີ່ຍ ເຍີຍ ປົ໌ວ ເຕສີ໋ຍ ຕ້າຍ ເຍີຍ ກະນ້າຍ,
ຢ່າ ເທສງ ເອ໊າະ ມ່ຽນ ເຍີຍ ຕສະເອີ໋ຍ,
ນ້າຍ ເຕີ໋ຍ ສີ່ ເມີ່ຍ ໄຮ໌ ຫອບ ເຍີຍ ໄຟ?
4ເມີ່ຍ ເຍີຍ ມຕສີງ ຮນັ້ງ ປ້າມ ມ່ຽນ ເຍີຍ ມຕສີງ ໄຟ?
ເມີ່ຍ ປວັດ ຮນັ້ງ ປ້າມ ມ່ຽນ ປວັດ ໄຟ?
5ເມີ່ຍ ເຍີຍ ຮນອຍ #10:5 ໄຟ ເມີ່ຍ ເຍີຍ ສ່ຽວ ຍ່ວນ. ຮນັ້ງ ປ້າມ ມ່ຽນ ເຍີຍ ຮນອຍ ໄຟ?
ເມີ່ຍ ເຍີຍ ຫຮຍັງ ຢ່າ ຮນັ້ງ ມ່ຽນ ເຍີຍ ຫຮຍັງ ໄຟ?
6ຮນັ້ງ ໜ່າຍ ເມີ່ຍ ຖສີງ ຕ້າຍ ລໍ໌ ເຢຍ ໂຕສ໋ວ ຕ່ອງ ເຍີຍ ສີ່,
ແອ໋ງ ຕສິ້ມ ລໍ໌ ເຢຍ ເຍີຍ ຕສຸ໌ຍ,
7ໄມ້ ກຸ໊ນ ເມີ່ຍ ຮິ້ວ ຕຸ໊ ເຢຍ ໄມ້ ມ່າຍ ຕ່ອງ ເຍີຍ ຕ໋ອງ,
ຢ່າ ໄມ້ ມ່າຍ ຫາຍ ເຕົ້າ ໂອຈ໋ວ ເຢຍ ເປຢົ໋າ ດຸ໊ດ ເມີ່ຍ ເຍີຍ ປົ໌ວ-ເດ໊ຍ.
ໂຢ໊ບ ກ໊ອງ ທິນ-ຮູ່ງ ໝັ່ງ ນິ່ນ, ອ໋ອຍ ໝຽດ ນິ່ນ
8“ເມີ່ຍ ເຍີຍ ປົ໌ວ ນັ້ນ ເຢຍ, ເຕສີ໋ຍ ເຢຍ ທສວດ ຕ້າຍ,
ອີ້ ຕສັ່ນ ເມີ່ຍ ຕ໋າວ ອກາງ ຕ້າຍ ອ໋ອຍ ໝຽດ ເຢຍ.
9ໂທ້ ຈັ໋ງ ຈ໊ຽນ ເມີ່ຍ ຫລົ່ງ ປະໄນ່ ເນຍ ເຕສີ໋ຍ ເຢຍ,
ເມີ່ຍ ຖສໍ່ ອ໋ອຍ ປຸນ ເຢຍ ດສ໋ວນ ເປ໋ນ ເນຍ-ບູງ ໄຟ?
10ເມີ່ຍ ໂຕ໋ ເຢຍ ທສວດ ຕ້າຍ ຮນັ້ງ ຫຍໍ,
ແອ໋ງ ປຸນ ເຢຍ ກິ໊ດ ຕ້າຍ ຮນັ້ງ ຫຍໍ-ເຮມີຍ-ແຫງ່ງ ໄມ້ ເຕສີ໌ຍ?
11ເມີ່ຍ ຫລົ່ງ ດົ໊ບ ເຖສົາ ອໍ໊ ເປ໋ນ ລຸຍ ປຸນ ເຢຍ ຕສຸ໊,
ຢ່າ ຫລົ່ງ ບູ໊ງ ເຖສົາ ຈານ ຕ໋າວ ຈ໊ຽນ.
12ເມີ່ຍ ປຸນ ເຢຍ ມ່າຍ ແໝ່ງ ຕສຢັ້ງ
ຢ່າ ຕສຽບ ຕສົ໊ວະ ເຍີຍ ຮນ້ຳ ເຢຍ.
ເມີ່ຍ ຢ່າ ຫລົງໆ ເຍີຍ ເປວ ຈ໊ຽນ ເຢຍ ເຍີຍ ແໝ່ງ.
13“ມປ່າ ນ້າຍ ເຕີ໋ຍ ສີ່ ເມີ່ຍ ປີ໋ງ ຈ໊ຽນ ຢຽມ ໂຮຍ້ວ,
ເຢຍ ຢ່າ ຮິ້ວ ຕຸ໊ ນ້າຍ ເຊ ເມີ່ຍ ເຍີຍ ຕສະເອີ໋ຍ ອ໊ະ.
14ເຊ ກ໊ອງ ເຢຍ ປ໌າມ ຕສຸ໌ຍ ເມີ່ຍ ໝັ່ງ ຈ໊ຽນ ເຢຍ.
ເມີ່ຍ ຕສູ໊ງ ອ໋ອຍ ຕີ່ງ ເຢຍ ເຍີຍ ຕສຸ໌ຍ, ໄມ້ ປູ໋ງ ກວັ່ງ.
15ເຊ ກ໊ອງ ເຢຍ ໂຕສ໋ວ ເອ໊າະ, ເຢຍ ຕສຸ ໂຄ້ວ ອ໊ະ.
ເຊ ກ໊ອງ ເຢຍ ໂຕສ໋ວ ຫອບ, ເຢຍ ເທສົາ ໄມ້ ເຈ໌ຍ ມອກ໊ອງ.
ເຢຍ ຕສະເກ້ງ! ໄຍ້ ເດສ່ງ,
ຢ່າ ໝັ່ງ ຈ໊ຽນ ເຢຍ ກັ້ນ ເຍີຍ ໂຄ້ວ ໜ່ານ.
16ເຊ ກ໊ອງ ເຢຍ ໂປ້ວ ເຢຍ ກັ້ນ ຝາວ,
ເມີ່ຍ ຕສຸ່ນ ເຢຍ ຮນັ້ງ ຊ່ຽນ ຕສຸ່ນ ນໍ.
ເມີ່ຍ ແອ໋ງ ໂຕສ໋ວ ບົວະ ຮ່ອງ ເຍີຍ ສີ່ ຫ່ອຍ ເຢຍ.
17ເມີ່ຍ ແອ໋ງ ຈາ ຫລຽບ ຕສອງ-ເຕສ໋ງ ມ່ຽນ ຕ້າຍ ໂກ໋ ເຢຍ,
ຢ່າ ຈາ ເຖຈຍ ເຈ໌ຍ ເຢຍ.
ເມີ່ຍ ຕໍ້ ຊຢັງ-ຈຸນ-ແປງ ທິ້ວ ຈ໊ຽນ ເບ໊າະ ເຢຍ.
ໂຢ໊ບ ໂທ້ ທິນ-ຮູ່ງ ປູ໋ງ ອກອຍ ນິ່ນ ເຫວີ່ຍ ຕສຸ ນິ່ນ ອ໊າ ລ່ຳ ໄຕ່
18“ທິນ-ຮູ່ງ ອ້າ! ເມີ່ຍ ເຫວີ່ຍ ຫາຍ ຕິ່ວ ຕໍ້ ເຢຍ ທສວດ ມາ ເຍີຍ ກະເຊຍ?
ເຝີຍ ຕຸ໊ ເຢຍ ໄຕ່ ດ່າງ ມ່ຽນ ເຍີຍ ມຕສີງ ປວັດ ເຢຍ,
19ຕສ່ຽວ ຮນັ້ງ ໄມ້ ມ່າຍ ເຈ໋ຍ ເຢຍ,
ເຊ ຢຽມ ມາ ເຍີຍ ກະເຊຍ ມີ່ງ ເຖົາ ໂຕສ໊ວ ໝີ່ ອ໊ະ.
20ເຢຍ ຕສຢັ້ງ ເສີຍ ເຍີຍ ຮນອຍ-ເຫຍັຍ ໂຕສະ ໄຫ່ ໄມ້ ເຕສີ໌ຍ?
ໂທ້ ປູ໋ງ ເຢຍ ກັ້ນ ຢຽມ, ປຸນ ເຢຍ ຕຸ໊ ເຕີ໋ຍ ອຈຽນ-ໂຢ້ວ
21ດ່າງ ເຢຍ ມີ່ງ ໄມ້ ດສ໋ວນ ເຍີຍ ຕ໋ອງ,
ເຊ ມີ່ງ ຢ້ຽມ ເກນ, ມັບ ຫຮມວັງ ເຍີຍ ເຕີ່ຍ-ປູງ.
22ນ້າຍ ນອມ ເຕີ່ຍ-ປູງ ເຊ ຫຮມວັງ ໄຫ່, ຫລຸ່ນ ເດສ່ງ,
ຢຽມ ວົ້ວ ເຍີຍ ອຈັງ ຢ່າ ຫຮມວັງ ໝີ່ ອ໊ະ.”
Currently Selected:
ໂຢ໊ບ 10: IuMiLAO
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Lao Script) © 2007 Thailand Bible Society, 2007.
