Spricha 4
4
Vodaliche Ermonunk nom sträwen no Weisheit un äare Lia to befoljen
1Hieet, Säns, de Zucht vom Voda, un moakjt opp, om Ensecht to kjrieen! 2Dan eene goode Lia jäw ekj junt: Velot miene Belierunk nich. 3Dan een Sän sie ekj mienem Voda jewast, een zoata un eensja von miene Mutta. 4Un hee lieed mie un säd to mie: Dien Hoat hool miene Wieed faust; beoobacht miene Jebooten un läw. 5Jewenst Weisheit, jewenn Vestaunt; vejat nich un go nich auf von dee Räden, von mienem Mul. 6Velot an nich, un see woaren die bewoaken; leew an, un see woaren die bewoaren. 7De Weisheit Aunfank es: Jewenst Weisheit; un om aules, waut du jewonnen hast, jewenn Vestaunt. 8Hool an huach, un see woat die erhäwen; see woat die too Iea brinjen, wan du äa em Oarm nemst. 9See woat dienem Haupt eenen leeftoljen Kraunz veliee, woat die eene prajchtje Kroon doaräkjen.
10Hea, mien Sän, un nemm miene Räd aun! Un de Läwensjoaren woaren sikj die vemieren. 11Ekj unjawies die enne Wäaj de Weisheit, un leid die oppe jerajchte Bon. 12Wan du jeist, woat dien Schrett nich beenjt woaren, un wan du ranst, woascht du die nich enjsten. 13Hool faust aun de Zucht, lot ar nich loos; bewoa ar, dan see es dien Läwen. -
14Bejäf die nich opp däm Stich de Gottloose, un go nich opp däm Wajch de Beese. 15Lot an foaren, go nich doanopp; drei die von am auf un go vebie. 16Dan see schlopen nich, wan see nuscht Beeset jedonen, un äa Schlop woat an jeraupt, wan see kjeenem toom Faul jebrocht ha. 17Dan see äten Broot de Gottloosichkjeit, un drinkjen Wien de Jewault. 18Oba de Stich de Jerajchte es aus daut jlenzende Morjenlicht, daut emma dacha dacht bat toom vollen Dach. 19De Wajch de Gottloose es soo aus de Diestanis; see erkjanen nich, wuaräwa see sikj enjsten.
20Mien Sän, moakj opp miene Wieed, neij dien Ua to miene Räd. 21Lot an nich von diene Uagen aufgonen, bewoa an em Ennalichen von dienem Hoat. 22Dan see sent daut Läwen, dee ar finjen, un Jesuntheit äarem gaunzem Fleesch. -
23Bewoa dien Hoat mea aus aules, waut too bewoaren es; dan von am ut sent de Utjenj toom Läwen.
24Doo von die de Vekjieetheit vom Mul, un de vedreide Leppen doo wajch von die.
25Lot diene Uagen jlikjwajch kjikjen, un diene Ziepasch jlikjwajch ver die kjikjen. -
26Moak jlikj de Bon fa dienem Foot, un aule diene Wäaj sent jlikj; 27bieej nich rajchtsch noch linkjsch auf, drei dienen Foot auf vom Beesen.
Currently Selected:
Spricha 4: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
Spricha 4
4
Vodaliche Ermonunk nom sträwen no Weisheit un äare Lia to befoljen
1Hieet, Säns, de Zucht vom Voda, un moakjt opp, om Ensecht to kjrieen! 2Dan eene goode Lia jäw ekj junt: Velot miene Belierunk nich. 3Dan een Sän sie ekj mienem Voda jewast, een zoata un eensja von miene Mutta. 4Un hee lieed mie un säd to mie: Dien Hoat hool miene Wieed faust; beoobacht miene Jebooten un läw. 5Jewenst Weisheit, jewenn Vestaunt; vejat nich un go nich auf von dee Räden, von mienem Mul. 6Velot an nich, un see woaren die bewoaken; leew an, un see woaren die bewoaren. 7De Weisheit Aunfank es: Jewenst Weisheit; un om aules, waut du jewonnen hast, jewenn Vestaunt. 8Hool an huach, un see woat die erhäwen; see woat die too Iea brinjen, wan du äa em Oarm nemst. 9See woat dienem Haupt eenen leeftoljen Kraunz veliee, woat die eene prajchtje Kroon doaräkjen.
10Hea, mien Sän, un nemm miene Räd aun! Un de Läwensjoaren woaren sikj die vemieren. 11Ekj unjawies die enne Wäaj de Weisheit, un leid die oppe jerajchte Bon. 12Wan du jeist, woat dien Schrett nich beenjt woaren, un wan du ranst, woascht du die nich enjsten. 13Hool faust aun de Zucht, lot ar nich loos; bewoa ar, dan see es dien Läwen. -
14Bejäf die nich opp däm Stich de Gottloose, un go nich opp däm Wajch de Beese. 15Lot an foaren, go nich doanopp; drei die von am auf un go vebie. 16Dan see schlopen nich, wan see nuscht Beeset jedonen, un äa Schlop woat an jeraupt, wan see kjeenem toom Faul jebrocht ha. 17Dan see äten Broot de Gottloosichkjeit, un drinkjen Wien de Jewault. 18Oba de Stich de Jerajchte es aus daut jlenzende Morjenlicht, daut emma dacha dacht bat toom vollen Dach. 19De Wajch de Gottloose es soo aus de Diestanis; see erkjanen nich, wuaräwa see sikj enjsten.
20Mien Sän, moakj opp miene Wieed, neij dien Ua to miene Räd. 21Lot an nich von diene Uagen aufgonen, bewoa an em Ennalichen von dienem Hoat. 22Dan see sent daut Läwen, dee ar finjen, un Jesuntheit äarem gaunzem Fleesch. -
23Bewoa dien Hoat mea aus aules, waut too bewoaren es; dan von am ut sent de Utjenj toom Läwen.
24Doo von die de Vekjieetheit vom Mul, un de vedreide Leppen doo wajch von die.
25Lot diene Uagen jlikjwajch kjikjen, un diene Ziepasch jlikjwajch ver die kjikjen. -
26Moak jlikj de Bon fa dienem Foot, un aule diene Wäaj sent jlikj; 27bieej nich rajchtsch noch linkjsch auf, drei dienen Foot auf vom Beesen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.