Spricha 26
26
1Aus Schnee aum Somma un aus Räajen too Arnttiet, soo es de Iea, dee däm Noa nich jeziemt.
2Aus de Voagel han un häa flautat, aus de Schwaulm wajchflicht, soo een onvedeenta Fluch: Hee traft nich en.
3De Pitsch däm Pieet, de Toom däm Äsel, un de Stock däm Rigjen vom Noa.
4Auntwuad däm Noa nich no siene Noaheit, doamet uk du nich soo aus hee woascht.
5Auntwuad däm Noa no siene Noaheit, doamet hee nich weis es en siene Uagen.
6De Feet heiwt sikj auf, un drinkjt Onheil, dee Norecht derch eenen Noa schekjt.
7Schlaup henjen de Been vom Lomen rauf: Soo een Spruch em Mul de Noaren.
8Aus daut Binjen von eenem Steen en eene Schliesa: Soo, wäa eenem Noa Iea erwiest.
9Een Noagel, dee enne Haunt von eenem Bedrunknem kjemt: Soo een Spruch em Mul de Noaren.
10Een Kjrichsmaun, dee aules vewundet: Soo es, wäa däm Noa halpt (beloont) un de Vebigonende halpt.
11Aus een Hund, dee trigj jeit no sienem Kolkj: Soo es een Noa, dee siene Noaheit wadaholt.
12Sitst du eenen Maun, dee en siene Uagen weis es, - fa eenen Noa es mea Hopninj aus fa am.
13De Fula sajcht: De Leiw es opp däm Wajch, een Leiw medden oppe Gaussen.
14De Däa dreit sikj en äa Jehenj: Soo de Fula opp sienem Bad.
15Haft de Fula siene Haunt enne Komm jestoaken, daut woat am schwoa, dee no sienem Mul trigjtobrinjen.
16De Fula es en siene Uagen weisa aus 7, dee vestendich auntwuaden.
17Dee jript eenen Hund aune Uaren, wäa sikj en eenem Striet mischt, dee am nuscht aunjeit.
18Aus een Wonsennja, dee brennende un dootmoakende Feilasch schitt: 19Soo een Maun, dee sienen Näakjsten bedräajt un sajcht: Ha ekj nich jespost?
20Woa daut aun Holt fält, jeit daut Fia ut; un woa kjeen Uarenblosa es, hieet de Zank opp.
21Kole too Gloot un Holt toom Fia, un een zenkjischa Maun toom Striet auntohetze.
22De Wieed de Uarenblosa sent aus Lakjabeskje, un dee drenjen nenn en daut Ennaliche vom Lief.
23Een ieednet Jescherr, met Selwaschum äwatrocken: Soo sent brennende Leppen un een beeset Hoat.
24De Haussa vestalt sikj met siene Leppen, oba en sienem Ennalichen unjastett hee Droch. 25Wan hee siene Stemm leeftolich moakt, tru am nich; dan 7 Grolle sent en sienem Hoat.
26Daut vestakjt sikj de Hauss en Teischung, siene Boosheit woat sikj enne Vesaumlunk openboaren.
27Wäa eene Kul growt, felt doa nenn; un wäa eenen Steen kullat, opp däm kjemt hee trigj.
28Eene Läajestung haust deejanje, dee an vemolt; un een glautet Mul moakt een Faul reed.
Currently Selected:
Spricha 26: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
Spricha 26
26
1Aus Schnee aum Somma un aus Räajen too Arnttiet, soo es de Iea, dee däm Noa nich jeziemt.
2Aus de Voagel han un häa flautat, aus de Schwaulm wajchflicht, soo een onvedeenta Fluch: Hee traft nich en.
3De Pitsch däm Pieet, de Toom däm Äsel, un de Stock däm Rigjen vom Noa.
4Auntwuad däm Noa nich no siene Noaheit, doamet uk du nich soo aus hee woascht.
5Auntwuad däm Noa no siene Noaheit, doamet hee nich weis es en siene Uagen.
6De Feet heiwt sikj auf, un drinkjt Onheil, dee Norecht derch eenen Noa schekjt.
7Schlaup henjen de Been vom Lomen rauf: Soo een Spruch em Mul de Noaren.
8Aus daut Binjen von eenem Steen en eene Schliesa: Soo, wäa eenem Noa Iea erwiest.
9Een Noagel, dee enne Haunt von eenem Bedrunknem kjemt: Soo een Spruch em Mul de Noaren.
10Een Kjrichsmaun, dee aules vewundet: Soo es, wäa däm Noa halpt (beloont) un de Vebigonende halpt.
11Aus een Hund, dee trigj jeit no sienem Kolkj: Soo es een Noa, dee siene Noaheit wadaholt.
12Sitst du eenen Maun, dee en siene Uagen weis es, - fa eenen Noa es mea Hopninj aus fa am.
13De Fula sajcht: De Leiw es opp däm Wajch, een Leiw medden oppe Gaussen.
14De Däa dreit sikj en äa Jehenj: Soo de Fula opp sienem Bad.
15Haft de Fula siene Haunt enne Komm jestoaken, daut woat am schwoa, dee no sienem Mul trigjtobrinjen.
16De Fula es en siene Uagen weisa aus 7, dee vestendich auntwuaden.
17Dee jript eenen Hund aune Uaren, wäa sikj en eenem Striet mischt, dee am nuscht aunjeit.
18Aus een Wonsennja, dee brennende un dootmoakende Feilasch schitt: 19Soo een Maun, dee sienen Näakjsten bedräajt un sajcht: Ha ekj nich jespost?
20Woa daut aun Holt fält, jeit daut Fia ut; un woa kjeen Uarenblosa es, hieet de Zank opp.
21Kole too Gloot un Holt toom Fia, un een zenkjischa Maun toom Striet auntohetze.
22De Wieed de Uarenblosa sent aus Lakjabeskje, un dee drenjen nenn en daut Ennaliche vom Lief.
23Een ieednet Jescherr, met Selwaschum äwatrocken: Soo sent brennende Leppen un een beeset Hoat.
24De Haussa vestalt sikj met siene Leppen, oba en sienem Ennalichen unjastett hee Droch. 25Wan hee siene Stemm leeftolich moakt, tru am nich; dan 7 Grolle sent en sienem Hoat.
26Daut vestakjt sikj de Hauss en Teischung, siene Boosheit woat sikj enne Vesaumlunk openboaren.
27Wäa eene Kul growt, felt doa nenn; un wäa eenen Steen kullat, opp däm kjemt hee trigj.
28Eene Läajestung haust deejanje, dee an vemolt; un een glautet Mul moakt een Faul reed.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.