Jesaja 34
34
Tookjinftjet Jerecht äwa Israel siene Fiend, besonda äwa Edom
1Komt hiahäa, jie Nazionen, om to hieren; un jie Velkja, moakjt opp! Daut hieet de Ieed un aules waut dee felt, de Ieedkjreis un aules, waut opp ar waust! 2Dan de Oaja Gottes jeit jäajen aule Nazionen ut, un sien Jrim jäajen aul äa Häa. Hee haft ar de Vetiljung hanjejäft, toom schlachten jejäft. 3Un äare Jeschloagne woaren hanjeschmäten, un de Jestank von äare Kjarpa sticht opp, un de Boaj veranen von äarem Bloot. 4Un aulet Himmelshäa veschmelt; un de Himmel woaren toopjerolt aus een Buak; un aul äa Häa fält rauf, aus daut Blaut vom Wienstock auffält un aus daut vewalkjte vom Fiejenboom.
5Dan mien Schwieet es em Himmel bedrunken; kjikj, opp Edom foat daut rauf un opp daut Volkj von mienem Baun toom Jerecht. 6Daut Schwieet Gottes es voll Bloot, daut es saut jemoakt von Fat, von Bloot de fate Schop un Bakj, Nearefat vonne Bakj; dan de Har haft een Schlachtopfa en Bozra un een grootet schlachten em Launt Edom. 7Un Biffel faulen met an han, un Rinda met Ossen; un äa Launt woat jedrenkjt met Bloot, un äa Stoff von Fat jedrenkjt. 8Dan de Har haft eenen Dach de Rach, een Joa de Vejeltunk fa de Rajchte Zions.
9Un de Streem Edoms vewaundlen sikj en Pekj, un sien Stoff en Schwäwel; un sien Launt woat too brennendem Pekj. 10Dach un Nacht jeit daut nich ut, eewich sticht sien Ruak nohecht. Von Jeschlajcht too Jeschlajcht licht daut vewust, fa emma un eewich trakjt kjeena doaderch. 11Un Pelikan un Iejel (Stachelschwien) nämen daut aus Ieejentum, un Ule un Kraujen wonen doabennen. Un hee trakjt doaräwa de Motschnua de Vewustunk un daut Senkjblie äwa daut Ladje. 12Siene Väanämen – kjeene sent doa, dee daut Kjennichtum utroopen; un aule siene Ferschten sent tonuscht jeworden. 13Un en siene Paulausten komen Hachels opp, Brennkrut un Diestle en siene Schlossa; un daut woat to eene Wonstäd de Schakale, to eene Wonunk de Strausse. 14Un Wiestetiere trafen met wille Hunj toop, un Bakj bejäajnen sikj metenaunda; jo, doa rut daut Nachtjespanst un finjt fa sikj eene Rustäd. 15Doa moakt sikj de Feilaschlang äa Nast un lajcht Eia un broot an en äarem Schauten ut; jo, doa vesaumlen sikj de Osodla, eene nom aundren.
16Forscht em Buak Gottes no un läst! Daut fält nich eent von dise, kjeent velist daut aundre. Dan mien Mul, hee haft daut jeboden; un sien Jeist, hee haft an toopjebrocht; 17un hee selfst haft an daut Loss jeschmäten, un siene Haunt haft an daut toojedeelt met de Motschnua. Eewich woaren see daut besetten, von Jeschlajcht too Jeschlajcht doabennen wonen.
Currently Selected:
Jesaja 34: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
Jesaja 34
34
Tookjinftjet Jerecht äwa Israel siene Fiend, besonda äwa Edom
1Komt hiahäa, jie Nazionen, om to hieren; un jie Velkja, moakjt opp! Daut hieet de Ieed un aules waut dee felt, de Ieedkjreis un aules, waut opp ar waust! 2Dan de Oaja Gottes jeit jäajen aule Nazionen ut, un sien Jrim jäajen aul äa Häa. Hee haft ar de Vetiljung hanjejäft, toom schlachten jejäft. 3Un äare Jeschloagne woaren hanjeschmäten, un de Jestank von äare Kjarpa sticht opp, un de Boaj veranen von äarem Bloot. 4Un aulet Himmelshäa veschmelt; un de Himmel woaren toopjerolt aus een Buak; un aul äa Häa fält rauf, aus daut Blaut vom Wienstock auffält un aus daut vewalkjte vom Fiejenboom.
5Dan mien Schwieet es em Himmel bedrunken; kjikj, opp Edom foat daut rauf un opp daut Volkj von mienem Baun toom Jerecht. 6Daut Schwieet Gottes es voll Bloot, daut es saut jemoakt von Fat, von Bloot de fate Schop un Bakj, Nearefat vonne Bakj; dan de Har haft een Schlachtopfa en Bozra un een grootet schlachten em Launt Edom. 7Un Biffel faulen met an han, un Rinda met Ossen; un äa Launt woat jedrenkjt met Bloot, un äa Stoff von Fat jedrenkjt. 8Dan de Har haft eenen Dach de Rach, een Joa de Vejeltunk fa de Rajchte Zions.
9Un de Streem Edoms vewaundlen sikj en Pekj, un sien Stoff en Schwäwel; un sien Launt woat too brennendem Pekj. 10Dach un Nacht jeit daut nich ut, eewich sticht sien Ruak nohecht. Von Jeschlajcht too Jeschlajcht licht daut vewust, fa emma un eewich trakjt kjeena doaderch. 11Un Pelikan un Iejel (Stachelschwien) nämen daut aus Ieejentum, un Ule un Kraujen wonen doabennen. Un hee trakjt doaräwa de Motschnua de Vewustunk un daut Senkjblie äwa daut Ladje. 12Siene Väanämen – kjeene sent doa, dee daut Kjennichtum utroopen; un aule siene Ferschten sent tonuscht jeworden. 13Un en siene Paulausten komen Hachels opp, Brennkrut un Diestle en siene Schlossa; un daut woat to eene Wonstäd de Schakale, to eene Wonunk de Strausse. 14Un Wiestetiere trafen met wille Hunj toop, un Bakj bejäajnen sikj metenaunda; jo, doa rut daut Nachtjespanst un finjt fa sikj eene Rustäd. 15Doa moakt sikj de Feilaschlang äa Nast un lajcht Eia un broot an en äarem Schauten ut; jo, doa vesaumlen sikj de Osodla, eene nom aundren.
16Forscht em Buak Gottes no un läst! Daut fält nich eent von dise, kjeent velist daut aundre. Dan mien Mul, hee haft daut jeboden; un sien Jeist, hee haft an toopjebrocht; 17un hee selfst haft an daut Loss jeschmäten, un siene Haunt haft an daut toojedeelt met de Motschnua. Eewich woaren see daut besetten, von Jeschlajcht too Jeschlajcht doabennen wonen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.