Mateyo 28
28
Yesu abuka kubafwa
(Mk. 16.1-10; Luk. 24.1-12; Yoh. 20.1-10)
1Akasuba ke Sabata ulo kashilile kumachacha, mukasuba kakwamba akamulungu, Maliya Magadala na Maliya umbi bayile mukubona kumanda. 2Kwayishile ichinkukuma ichikulu. Umungelo waku Bashikulu alikile ukufuma kumulu nokukunkulushapo ichebwe pamanda. Elo ayikelepo pachebwe. 3Ukuboneka kwakwe kwali kubati kampeshi-mpeshi, nefwakufwala fyakwe fyali ifitubile tuutu. 4Bamalonda balimutinine ukwinekantu nokututuma. Bali kubati bantu abafwa.
5Elo umungelo asoseshe abanakashi ati, “Mwitinapo iyowo, pantu ndishibile ukweba mukofwaya Yesu uwasamikilwe pamutashi. 6Taamo muno, alibukile mwenka mulya asosele. Iseni mubone apo aalele. 7Nomba kamuya bwangu-bwangu, mukabushe abakusambila bakwe ati, ‘Alibukile ukufuma kubafwa, nakambi alimutanjile ukuya ku Galili. Kwenka nkulya eko mukoya kumubwena.’ Nomba nebo namweba.”
8Bwangu-bwangu, abanakashi mbalya balifumineko kumanda. Nangu bali nomwenso, nomba balisekelele ukwinekantu! Bayile ulo babutuka ulubilo mukweba abakusambila bakwe.
9Bwanguluke Yesu alibakumenye nokubaposha ati, “Umutende ube nayimwe.” Elo bayishile kuli Ye nokumwikata kumolu, elo bamulambile. 10Epo Yesu abebele ati, “Mwitinapo iyowo, kamuya mukebe bawesu ukuti baye ku Galili, nkulya eko bakoya kumbwena.”
Ifyashimikile bamalonda
11Ulo abanakashi balimukuya, abashilikali bambi abalikulonda imanda bayinjile mumushi nokushimikila intungulushi shabachipupila fyonse ifyachitikile. 12Elo intungulushi shabachipupila shalongene pamo nabachilolo nokupangana. Bapele abashilikali indalama ishinji ukwinekantu, 13nokuti, mulokusosa kubantu ati, “Abakusambila bakwe balishile kwiba ichitumbi chakwe ulo twali mutulo. 14Nga chakwebati nchi chaumfwika kuli kateka Pilato, fwebo tukamunasha umutima ukuti ekamupela umulandu.”
15Nabo balipokelele indalama nokuchita fyenka ifyo babebele. Epo ndi lyashi lyalisalanganine mu Bayuda ukufikila namuli nkano akalelo.
Yesu atuma abakusambila bakwe
(Mk. 16.14-18; Luk. 24.36-49; Yoh. 20.19-23; Mil. 1.6-8)
16Elo abakusambila ikumi na umo bayile ku Galili, kulupili nkulya Yesu abasontele. 17Ulo bamubwene balimulambile, kuntu bambi balikayikile. 18Elo Yesu ayishile kuli bo nokusosa ati, “Ifiso fyonse fyapelwa kuli ne kumulu napanonshi. 19Echo kamuya kubantu bamitundu yonse, mukabasangule ukuba abakusambila banji. Mukababatishe mwishina lya Bata, nelya Mwana nelya Mupashi Wabuta. 20Mukabasambishe ukulama fyonse ifyo namukonkobeshe. Nandibo nalikuba namwe inshita shonse ukufikila nakumupwilo wachalo.”
Currently Selected:
Mateyo 28: LalaNT
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.
Mateyo 28
28
Yesu abuka kubafwa
(Mk. 16.1-10; Luk. 24.1-12; Yoh. 20.1-10)
1Akasuba ke Sabata ulo kashilile kumachacha, mukasuba kakwamba akamulungu, Maliya Magadala na Maliya umbi bayile mukubona kumanda. 2Kwayishile ichinkukuma ichikulu. Umungelo waku Bashikulu alikile ukufuma kumulu nokukunkulushapo ichebwe pamanda. Elo ayikelepo pachebwe. 3Ukuboneka kwakwe kwali kubati kampeshi-mpeshi, nefwakufwala fyakwe fyali ifitubile tuutu. 4Bamalonda balimutinine ukwinekantu nokututuma. Bali kubati bantu abafwa.
5Elo umungelo asoseshe abanakashi ati, “Mwitinapo iyowo, pantu ndishibile ukweba mukofwaya Yesu uwasamikilwe pamutashi. 6Taamo muno, alibukile mwenka mulya asosele. Iseni mubone apo aalele. 7Nomba kamuya bwangu-bwangu, mukabushe abakusambila bakwe ati, ‘Alibukile ukufuma kubafwa, nakambi alimutanjile ukuya ku Galili. Kwenka nkulya eko mukoya kumubwena.’ Nomba nebo namweba.”
8Bwangu-bwangu, abanakashi mbalya balifumineko kumanda. Nangu bali nomwenso, nomba balisekelele ukwinekantu! Bayile ulo babutuka ulubilo mukweba abakusambila bakwe.
9Bwanguluke Yesu alibakumenye nokubaposha ati, “Umutende ube nayimwe.” Elo bayishile kuli Ye nokumwikata kumolu, elo bamulambile. 10Epo Yesu abebele ati, “Mwitinapo iyowo, kamuya mukebe bawesu ukuti baye ku Galili, nkulya eko bakoya kumbwena.”
Ifyashimikile bamalonda
11Ulo abanakashi balimukuya, abashilikali bambi abalikulonda imanda bayinjile mumushi nokushimikila intungulushi shabachipupila fyonse ifyachitikile. 12Elo intungulushi shabachipupila shalongene pamo nabachilolo nokupangana. Bapele abashilikali indalama ishinji ukwinekantu, 13nokuti, mulokusosa kubantu ati, “Abakusambila bakwe balishile kwiba ichitumbi chakwe ulo twali mutulo. 14Nga chakwebati nchi chaumfwika kuli kateka Pilato, fwebo tukamunasha umutima ukuti ekamupela umulandu.”
15Nabo balipokelele indalama nokuchita fyenka ifyo babebele. Epo ndi lyashi lyalisalanganine mu Bayuda ukufikila namuli nkano akalelo.
Yesu atuma abakusambila bakwe
(Mk. 16.14-18; Luk. 24.36-49; Yoh. 20.19-23; Mil. 1.6-8)
16Elo abakusambila ikumi na umo bayile ku Galili, kulupili nkulya Yesu abasontele. 17Ulo bamubwene balimulambile, kuntu bambi balikayikile. 18Elo Yesu ayishile kuli bo nokusosa ati, “Ifiso fyonse fyapelwa kuli ne kumulu napanonshi. 19Echo kamuya kubantu bamitundu yonse, mukabasangule ukuba abakusambila banji. Mukababatishe mwishina lya Bata, nelya Mwana nelya Mupashi Wabuta. 20Mukabasambishe ukulama fyonse ifyo namukonkobeshe. Nandibo nalikuba namwe inshita shonse ukufikila nakumupwilo wachalo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.