Ɓi Rom 16
16
Pool kañɗiɗ kosiɗ ci ŋ Rom
1Ambɗaat to baahiɗ Feebe, ɓitɓi ɓaah ɓoo. A ɓaah ŋ ɓi na taambkohe in ciŋ Janguuniŋ Señsare, 2teyɗukaat ɗe baahiɗ ŋ tiikiŋ Heɗi findi ɓo'-Kooh ci na tumohee wa ŋ ɗooƴ ɓa. Tufkohaat ɗe ŋ in nu a etoh nga ɗu ɗah, laam a namiɗ tufkoh ɓo' laayiɗ, po mi sah.
3Kañɗiɗaat to Piriska na Akilaas, huntoh ciŋ ngo ŋ pangki ɓoo na pangkiɗe Kiristaani Yeesu. 4Ɓeɗ ɓeem, ɓa sangeeɗi sah kaan ne ɓa muciɗ kiñin kiŋ ngo. A mi dong na corkiɗee ɓa haa, Janguuciŋ ɓi nikɗi Yawuut jen ɓa ɗii corkiɗ ɓa. 5Namaat to kañɗiɗ ɓooɓi na cohe ŋ Janguuni nik ŋ kahan ɓa.
Kañɗiɗaat to Epaynet, nawleeso yi ŋ keeñkoh, a yi koc kos Kiristaani ŋ kur caŋ Asi. 6Kañɗiɗaat to Mari, pangki a pangkiɗ ɗu, wa miskiɗ lool.
7Kañɗiɗaat to Andoronikos na Juniya, ɓaah ciŋ ngo Yawuut ci taƴsee na so ; ɓa Apootar nawuuɗ, ɓeɗ koc co sah nik ŋ Kiristaani.
8Kañɗiɗaat to Ampilyatus, nawleeso yi ŋ keeñkoh ŋ niki ɓoo nik ŋ Heɗi. 9Ɗu kañɗiɗ to Irbeŋ, huntohiŋ ɓoo ŋ pangki ɓoo na pangkiɗe Kiristaani, ɗu nam mbo kañɗiɗ Estakis, nawleeso yi ŋ keeñkoh. 10Ɗu kañɗiɗ to Apelees, yi teeɓoh ŋoɗi a ŋoɗ ŋ Kiristaani. Ɗu kañɗiɗ to ɓi kahan Aristobil. 11Ɗu kañɗiɗ to ɓaah ho Yawuut Herojoon. Ɗu kañɗiɗ to ɓi kahan Narsis ɓi nik ŋ Heɗi.
12Kañɗiɗaat to Tirifeen na Tirifoos, ɓa ɓitiɓ ci na pangkiɗe Heɗi panguk miskiɗ. Ɗu kañɗiɗ to Persid, nawleeso yi ŋ keeñkoh, pangki ɓitɓeem na pangkiɗe Heɗi, wa miskootiɗ. 13Ɗu kañɗiɗ to Rufus, yeem e Heɗi tan ɗe, kañɗiɗaat to yaay ɓa, a nam nik yaay nga so.
14Kañɗiɗaat to Aseŋkirit na Felegon na Hermes na Patrobas na Hermas, na ɓaah ciŋ ɓoo kosiɗ ci nik na ɓa. 15Ɗu kañɗiɗ to Filolog na Juliya, na Neere na taambɗoh ce ɓitiɓ, na Olimpas na ɓo'-Kooh ci nik na ɓa jen.
16Kañɗohaat ŋ harmban ɗu, ɗu morgiɗkohee, wa hun na keeñ hooliɗ. Janguuciŋ Kiristaani jen ca ɗii kañiɗ ɗu.
Dengoh ci mirndoh
17Mi yii ñaah ɗu ɓaah ciŋ ngo, wortukaat ɓi na ɓekee ɗu saɓsukoh, ɓa muuƴɗee ɗu na jangɗoh ci ɗaloh na ci ɗu rahas. Usaat ɓa ! 18Ɓooɓi mand ɗaa, ɓa na ñaamke Heɗ ɓoo Kiristaani haa, ɓa na ñaamke rook ciŋ ɓa. Ɓa na woye woo neɓiɗ, ɓa woyee in baahiɗ ŋ ɓooɓi po ɓa ñaañoh yunkaaɗiici.
19Ɗu nak, ɓooɓi jen inhiɗ kerhiɗi ɗu kerhiɗ Heɗi ; ŋ neɓuuɗ ŋ ini kaɗ nga ɗu, waaye ŋ waaɗiɗ ne ɗu inhisoh ini kaɗ ŋ baahiɗ te ɗu hool ŋ ini kaɗ ŋ baahaaɗi. 20Kooh yi na onohe jam hey pooksohe Seytaani maañaaɗi ŋ ooɓ kot ciŋ ɗu. Baahohiŋ Heɗ ɓoo Yeesu nikaat na ɗu.
Askohi
21Timoote, huntohiŋ ngo ngaŋ pangki, yii kañiɗ ɗu, a yi na ɓaah ciŋ ngo Yawuut ci Lusiyus, Yasoon na Sosipateer. 22Mi yi Tertiyus, yi fiis in ci Pool woo ŋ kaytii jen, mi yii kañiɗ ɗu ŋ tiikiŋ Heɗi. 23Gayus yii kañiɗ ɗu. Mi yi Pool, ŋ dal ŋ kahan ce, ɓi Janguuni jen na name coh nga. Erasta, yi na taambkohe raak-raakiŋ kur-taahii, a yii kañiɗ ɗu, a yi na ɓaah ɓoo Kuwartus. [24]#16:24 Ngaŋ Fiis ci maañiɗ ci, cum raak ayaanii : "Heɗ ɓoo Yeesu Kiristaa baahohaat ɗu jen ! Amiin !" Waaye Fiis ci uup woor ngaŋ ci maañiɗ ci ris woti raakɗi woo keem.
Kooh, a yi yakɗaah
25A yakɗaah,
Kooh yi min ndengiɗ kosiŋ ɗu !
Ineem weɗ woyu
ŋ Yegɗohiŋ Muci,
wi mi na yegɗohe
ŋ ini kaɗ ŋ Yeesu Kiristaa.
Te wa hun na ini teeɓohu,
wi ɗasɗasse,
26waaye ɗiski wa nik,
wa puliɗ jahran,
te cuuɓ ci jen inhiɗuuɗa,
taamboh ŋ Fiis ciŋ woosuuɗ ci.
E Kooh yi genan gen,
a yi nakohee ineem,
ne cuuɓ ci jen min ɗe kerhiɗ
taamboh ŋ kos.
27Kooheem, a yi dong
raak liiɓohaaɗ moɗiɗ,
te a yi yakɗaah po faw
taamboh ŋ Yeesu Kiristaa !
Amiin !
Currently Selected:
Ɓi Rom 16: YM
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc
Ɓi Rom 16
16
Pool kañɗiɗ kosiɗ ci ŋ Rom
1Ambɗaat to baahiɗ Feebe, ɓitɓi ɓaah ɓoo. A ɓaah ŋ ɓi na taambkohe in ciŋ Janguuniŋ Señsare, 2teyɗukaat ɗe baahiɗ ŋ tiikiŋ Heɗi findi ɓo'-Kooh ci na tumohee wa ŋ ɗooƴ ɓa. Tufkohaat ɗe ŋ in nu a etoh nga ɗu ɗah, laam a namiɗ tufkoh ɓo' laayiɗ, po mi sah.
3Kañɗiɗaat to Piriska na Akilaas, huntoh ciŋ ngo ŋ pangki ɓoo na pangkiɗe Kiristaani Yeesu. 4Ɓeɗ ɓeem, ɓa sangeeɗi sah kaan ne ɓa muciɗ kiñin kiŋ ngo. A mi dong na corkiɗee ɓa haa, Janguuciŋ ɓi nikɗi Yawuut jen ɓa ɗii corkiɗ ɓa. 5Namaat to kañɗiɗ ɓooɓi na cohe ŋ Janguuni nik ŋ kahan ɓa.
Kañɗiɗaat to Epaynet, nawleeso yi ŋ keeñkoh, a yi koc kos Kiristaani ŋ kur caŋ Asi. 6Kañɗiɗaat to Mari, pangki a pangkiɗ ɗu, wa miskiɗ lool.
7Kañɗiɗaat to Andoronikos na Juniya, ɓaah ciŋ ngo Yawuut ci taƴsee na so ; ɓa Apootar nawuuɗ, ɓeɗ koc co sah nik ŋ Kiristaani.
8Kañɗiɗaat to Ampilyatus, nawleeso yi ŋ keeñkoh ŋ niki ɓoo nik ŋ Heɗi. 9Ɗu kañɗiɗ to Irbeŋ, huntohiŋ ɓoo ŋ pangki ɓoo na pangkiɗe Kiristaani, ɗu nam mbo kañɗiɗ Estakis, nawleeso yi ŋ keeñkoh. 10Ɗu kañɗiɗ to Apelees, yi teeɓoh ŋoɗi a ŋoɗ ŋ Kiristaani. Ɗu kañɗiɗ to ɓi kahan Aristobil. 11Ɗu kañɗiɗ to ɓaah ho Yawuut Herojoon. Ɗu kañɗiɗ to ɓi kahan Narsis ɓi nik ŋ Heɗi.
12Kañɗiɗaat to Tirifeen na Tirifoos, ɓa ɓitiɓ ci na pangkiɗe Heɗi panguk miskiɗ. Ɗu kañɗiɗ to Persid, nawleeso yi ŋ keeñkoh, pangki ɓitɓeem na pangkiɗe Heɗi, wa miskootiɗ. 13Ɗu kañɗiɗ to Rufus, yeem e Heɗi tan ɗe, kañɗiɗaat to yaay ɓa, a nam nik yaay nga so.
14Kañɗiɗaat to Aseŋkirit na Felegon na Hermes na Patrobas na Hermas, na ɓaah ciŋ ɓoo kosiɗ ci nik na ɓa. 15Ɗu kañɗiɗ to Filolog na Juliya, na Neere na taambɗoh ce ɓitiɓ, na Olimpas na ɓo'-Kooh ci nik na ɓa jen.
16Kañɗohaat ŋ harmban ɗu, ɗu morgiɗkohee, wa hun na keeñ hooliɗ. Janguuciŋ Kiristaani jen ca ɗii kañiɗ ɗu.
Dengoh ci mirndoh
17Mi yii ñaah ɗu ɓaah ciŋ ngo, wortukaat ɓi na ɓekee ɗu saɓsukoh, ɓa muuƴɗee ɗu na jangɗoh ci ɗaloh na ci ɗu rahas. Usaat ɓa ! 18Ɓooɓi mand ɗaa, ɓa na ñaamke Heɗ ɓoo Kiristaani haa, ɓa na ñaamke rook ciŋ ɓa. Ɓa na woye woo neɓiɗ, ɓa woyee in baahiɗ ŋ ɓooɓi po ɓa ñaañoh yunkaaɗiici.
19Ɗu nak, ɓooɓi jen inhiɗ kerhiɗi ɗu kerhiɗ Heɗi ; ŋ neɓuuɗ ŋ ini kaɗ nga ɗu, waaye ŋ waaɗiɗ ne ɗu inhisoh ini kaɗ ŋ baahiɗ te ɗu hool ŋ ini kaɗ ŋ baahaaɗi. 20Kooh yi na onohe jam hey pooksohe Seytaani maañaaɗi ŋ ooɓ kot ciŋ ɗu. Baahohiŋ Heɗ ɓoo Yeesu nikaat na ɗu.
Askohi
21Timoote, huntohiŋ ngo ngaŋ pangki, yii kañiɗ ɗu, a yi na ɓaah ciŋ ngo Yawuut ci Lusiyus, Yasoon na Sosipateer. 22Mi yi Tertiyus, yi fiis in ci Pool woo ŋ kaytii jen, mi yii kañiɗ ɗu ŋ tiikiŋ Heɗi. 23Gayus yii kañiɗ ɗu. Mi yi Pool, ŋ dal ŋ kahan ce, ɓi Janguuni jen na name coh nga. Erasta, yi na taambkohe raak-raakiŋ kur-taahii, a yii kañiɗ ɗu, a yi na ɓaah ɓoo Kuwartus. [24]#16:24 Ngaŋ Fiis ci maañiɗ ci, cum raak ayaanii : "Heɗ ɓoo Yeesu Kiristaa baahohaat ɗu jen ! Amiin !" Waaye Fiis ci uup woor ngaŋ ci maañiɗ ci ris woti raakɗi woo keem.
Kooh, a yi yakɗaah
25A yakɗaah,
Kooh yi min ndengiɗ kosiŋ ɗu !
Ineem weɗ woyu
ŋ Yegɗohiŋ Muci,
wi mi na yegɗohe
ŋ ini kaɗ ŋ Yeesu Kiristaa.
Te wa hun na ini teeɓohu,
wi ɗasɗasse,
26waaye ɗiski wa nik,
wa puliɗ jahran,
te cuuɓ ci jen inhiɗuuɗa,
taamboh ŋ Fiis ciŋ woosuuɗ ci.
E Kooh yi genan gen,
a yi nakohee ineem,
ne cuuɓ ci jen min ɗe kerhiɗ
taamboh ŋ kos.
27Kooheem, a yi dong
raak liiɓohaaɗ moɗiɗ,
te a yi yakɗaah po faw
taamboh ŋ Yeesu Kiristaa !
Amiin !
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc