Macce 26
26
Kilifaaci kooɗkiɗ ap Yeesu
1Wa Yeesu ƴut woo woo ceem jen, a woosa taalubeeciŋ ɗe ne : 2« Ɗu inhiɗ ne tas neeh kanak feetiŋ Paakiŋ#26:2 Paak : Saafi inah feet Paak yino, wa nikka wiŋ Kerceen ci. Paakiŋ Kerceen ci puloh ŋ Paakiŋ Yawuut ci, weɗ ne, Paakiŋ Israayel ci. Ɓa cammbaa haɓiɗ ŋ jamanoonaŋ Musaa, mbeha Israayel ci puloh Misra. Waɗ Kooh woo ɓa ne, kahan nu nga ɗah, haɓɗaat mbuuru raakaaɗi lawiir, ɓa nam ap mbaal, ɓa ɓay ñif miŋ ɗe, ɓa reefa ŋ leentooni na ɓak ci kanak ciŋ buntaani. Ŋ wekaam, saaw ciŋ ɓi Misra jen kaannda, waaye ŋ kahan ci reefsee ñif, ali ɓo' kaaneeɗi nga (Pula 12). Yeesu, e woosuuɗi Yahya teek ɗe "Mbaaliŋ Kooh" (Saaŋ 1:29), te kakaan kiŋ ɗe, wa nikee ŋ feetiŋ Paak (Macce 27:15 ; Saaŋ 18:28), po a nikka kotii Mbaaliŋ Paaki asi. A yi kaan ne ñif miŋ ɗe min muciɗ ɓooɓi ŋ kakaan. Weɗ tah po Kerceen laayiɗ na woye feetiŋ kakaan kiŋ Yeesu na hultiŋ ɗe "Paak", findi feetiŋ Israayel ci maañiɗi. Yawuut ci ree ; Kuɓkiŋ ɓoyi hey eɗohse ne a daaƴu. »
3Ŋ neeh ceem, kilifaacaŋ seeƴkiɗoh ca na yakak caŋ cuuɓi cohha ŋ kahan seeƴkiɗoha yakka, a teeksee Kayif. 4Ɓa kerhiɗohha ŋ woo findi ɓa hee tume po ɓa amb Yeesu te ɓo' yeguu, ne ɓa apɗuk ɗe. 5Waaye ɓa woyee ne wa joyɗi nik ŋ ɗooƴ feet ci, ɓa sangee ne ɗuuɗ raak ŋ ɗooƴ ɓooɓa.
Ɓitiɓ tumiɗ laackoloñ ŋ hafiŋ Yeesu
6Waam, Yeesu kaɗta Betani ŋ kahan Simong Gaanaana, 7ɓitiɓ hayya nga ɗe na buteel haɓɗohuuɗ albaatar#26:7 albaatar : wa atoh moɗiɗ, yooɓiɗ pestu, wa na etohse haɓɗoha tumoha laackoloñ. tumiɗ laackoloñ ɗoɓiɗ, a yiiffaa ŋ hafiŋ Yeesu, raak ɗe ñameeɗa.
8Taalubeeci hoteeɗa ŋ ineem, ɓa neɓuuɗi, ɓa woosa ne : « Wa ye tah ɗe yahrohe laackoloñi ɓarang ɓarang ? 9Wa mineen toonohu kopor keeh-keeh, ñakiɗ ci eɗuu wa. »
10Yeesu inheena, woosa ɓa ne : « Ɗu na yaaɓɗohe ɓitɓi ye ? A haɓɗiɗ to in ye baahan. 11Ini kaɗ ŋ ñakiɗ ci, ɓa genan gen na ɗu waaye mi, ŋ heyɗi gene nik na ɗu. 12Ŋ aami a aam mbo laackoloñi, a na kooɗkiɗe acuukiŋ ngo. 13Ñam na woyee ɗu wa te wa keeh, ɗisik nu Yegɗohiŋ Mucii woyu ŋ adinaani jen ɗah, ini a haɓiɗ hey woyse nga, naandsukohaa ɗe. »
Yudaa tufkiɗ ne a wor Yeesu
14Weɗi Yudaa Iskaryot, yino ŋ Apootar ci ndaŋkiyaah na kanak ci (12), kaɗoh ŋ kilifaacaŋ seeƴkiɗoh caŋ waasiŋ Musaa 15a woosa ɓa ne : « Ɗu na hee so ye eɗe ne ŋ deg Yeesu ŋ yaah ciŋ ɗu ɗah ? » Ɓa eɗta ɗe hanjar haalis ndaŋkiyaah-kaahay (30). 16Jaarra a sekɗoheeɗa findi a eɗndohohan ɗe.
Yeesu na taalubeeciŋ ɗe ŋ feetiŋ Paak
17Ŋ mbehi koc ŋ feetiŋ Mbuuruuci raakaaɗi lawiir#Pula 12:1-28 ci, taalubeeci hayya woosa Yeesu ne : « Fu waaɗ ne ɓoo haɓɗiɗohan ɗa kañam kiŋ Paak nde ? » 18A woosa ne : « Kaɗaat Yerusalem, ŋ kahan diw, woyaat ɗe ne Jangɗohohi woo ne jamanooniŋ ɗe reɓiɗ, a waaɗ haɓiɗ feetiŋ Paak, a yi na taalubeeciŋ ɗe, ŋ kahan fu. » 19Taalubeeci tummba findi a woyoh ɓa, ɓa kooɗkiɗta kañam kaŋ Paak.
20Wa niina ree, Yeesu ɓooffa na Apootar ci ndaŋkiyaah na kanak ci (12) ne ɓa ñam. 21Wa ɓa ñamee a woosa ɓa ne : « Ñam woo ɗu wa te wa keeh, yino nga ɗu hey yo eɗndohe. » 22Ɓa soossa sem, yaa nu nga woyeeɗa ne : « Kilifaani, mbaar a mi haa ? » 23A loffa ɓa ne : « Ɓoyi ɓek yaahiŋ ɗe na so ŋ booli, a yi na hee so eɗndohe. 24Kuɓkiŋ ɓoyi hey kurke nga findi Fiis ci woyoha nga ɗe, waaye mas ɓoyi na hee ɗe eɗndohe ŋ ɓi sang ɗe, ini ngisohee ŋ ɓoyeem weɗ ne a rimkuu. » 25Jaarra, Yudaa yi eɗndohan ɗe meeksohha an : « Jangɗohohi, mbaar a mi haa ? » Yeesu woosa ɗe ne : « A fu woya ! »
Yeesu tufkiɗiɗ kañam naandsukohaa ɗe
26Wa ɓa ñame, Yeesu ɓayya mbuuru ; wi a corkiɗ Kooh po ƴutta a poɓtohhaa, a eɗta taalubeeci wa, a woosa ne : « Ɓayaat ɗu ñam, wii wa faaniŋ ngo. » 27Ƴutta a ɓayya kaas ; wi a corkiɗ Kooh po ƴutta, a woosa ne : « Ɓayaat ɗu an nga, ɗu jen, 28wii wa ñif miŋ ngo, ñif miŋ Ambtiɗohi, wi aamu wuu ɓi ɓo' laayiɗ ne bakaaɗ ci ɗaasohu. 29Ñam na woyee ɗu wa : Ini kooɗoh woti, ŋ heyɗi anisse masmiŋ reseñii po mbaɗna ŋ anissan na ɗu wi asi ŋ Nguuraŋ Baabiŋ ngo. »
Yeesu woyiɗ ŋ taaski Piyeer na hee ɗe taaske
30Wa ɓa ƴut ŋ kañam ka po ɓa ƴeekka ƴeek ciŋ Sabuur, ci hun na feeti, ɓa pulla, ɓa kaɗeeɗa Tangooraŋ-Oliiw-ca. 31Weɗ Yeesu woyoh ɓa ne : « Ŋ weki woti, ɗu jen, ɗu hey yo faɗe sagu ini rahsan ndo. Laam Fiis ci woyiɗ ne : “ Ŋ hey laɓe niiɗohi, mbaal ciŋ gati pasarkoh.#Sakriya 13:7 ” 32Waaye ŋ hultiɗu po ƴut ɗah, ŋ hey ɗu adge Galile. »
33Piyeer kooɗta woo ka, a woosa ne : « Ali ɓooɓi jen faɗ ɗa, mi, ŋ faɗanɗi ɗa muk ! » 34Yeesu woosa ɗe ne : « Ñam woo ɗa wa te wa keeh, weki woti bala siiki leehkan ɗah, fu hey yo taaske waas kaahay. » 35Piyeer woosa ɗe ne : « Ali nik ne ŋ kaanan kaan na ɗa sah, ŋ taaskanɗi ɗa. » Taalubeeci ɓinooɓi jen nammba woo ɗaa.
Yeesu ŋ Getsemane
36Yeesu hunnda na ɓa, kaɗeeɗa po reesa ɗiska na woyse Getsemane, a woosa ɓa ne : « Ɓoofaat ndii po ŋ kaɗ kiima Kooh nden, ŋ hay. » 37A ɓayndohha Piyeer na kuɓuuciŋ Sebede kanak ci, a kaɗta ƴissuut, a raakka yeg-yeg miskiɗ ŋ ɗooƴ ce, a jaahiɗta. 38A woosa ɓa ne : « Ɗiski wa nik ndii faaniŋ ngo goy goy po mi yii heeɗa kaane, tasaat ndii ɗu irin na so. »
39Wi a woo ineem, a ɓaatta kaɗ ƴissuut, a raɗukka ŋ kehƴi a kiimeeɗa Kooh an : « Baabiŋ ngo, wa min nik ɗah, kaasiŋ miskiɗii usaat to ! Waaye wa ka nik findi ŋ waaɗoh, wa nikaat findi fu waaɗoh. » 40Wi a dokuk ŋ taalubeeci kaahay ci, a raakka ɓa neeheeɗa, a woosa Piyeer ne : « Ɗu minɗi sah irin na so ini ree wahtu ! 41Kinaat neeh, kiimaat Kooh a ndengiɗ ɗu po ɗu keenuu ŋ fiir ; waaɗ-waaɗi wii nga waaye faan ci raakɗi hatil. »
42A kaɗissa waasi kanakɗoh a kiimissa Kooh an : « Baabiŋ ngo, nik ne kaasii minɗi coot feeh ŋ anɗaa ɗah, wa raakohaat findi fu waaɗoh. » 43Wa a dokkis nga ɓa, a raakissa ɓa neeheeɗa, raak ɓa pani'uuɗ po has ciŋ ɓa aaykohha.
44A faɗta ɓa ndeem, a usissa ƴissuut, a kiimissa waasi kaahayɗoh, a woyissa ina a woye. 45Ƴutta a kaɗissa ŋ taalubeeca a woosa ɓa ne : « Ɗu ɓii neeh, ɗu ɓii iɗsiɗuk ! Weɗɗi, ɗiski wa nik wahtuuni reyiɗ, Kuɓkiŋ ɓoyi faɗuuɗ ŋ yaah ciŋ bakaaɗoh ci. 46Kurkaat ɓoo kaɗ. Markaat ! Yi joy yo eɗndoh a yi ! »
Yeesu ambuuɗ
47Wi a na woye ineem, Yudaa, yino ŋ Apootar ci ndaŋkiyaah na kanak ci (12), reyeeɗa. A hunee na mboolo ganaaykiɗ ndang na ndooɗ. E kilifaacaŋ seeƴkiɗoh ca na yakak caŋ cuuɓa ɓeɗ tuuƴee ɓa.
48Raak Yudaa woyiɗ ɓa ne : « Ɓoyi maa hee foone inhaat ne a yi ; ambaat ɗe ! » 49Jaarra, a reɓpa ŋ Yeesu a woosa ɗe ne : « Fu tum na Jangɗohohi ? » A foonnda ɗe. 50Yeesu woosa ɗe ne : « Ƴaariŋ ngo, tuma ini ɓay ɗa. »#26:50 "tuma ini ɓay ɗa" : ini gerek woo ndii, wa namiɗ min tokis : "wee tah ɗa nik ndii ?" Weɗ ƴaaɓa reɓoh, ɓa ammba ɗe.
51Ƴaar ɓaah ŋ ɓa nikee na Yeesu fuurra ndangiŋ ɗe, a ƴoɓpa ñaam ŋ ñaam caŋ seeƴkiɗoha yakka wa hennda ŋ nofiŋ ɗe, wa nguɗtaa. 52Yeesu woosa ɗe ne : « Dokna ndangi ŋ ɗiska wa nike ; ɓooɓi na ape na ndang jen, a ndang apan ɓa. 53Fu liiɓ wii ne ŋ minɗi ɓeeɗuk Baabiŋ ngo e ? Ŋ ɓeeɗuk ɗe ɗah, a hey yo woosohe win-win ɓi junni junni#26:53 "ɓi junni junni" : ŋ Fiis ci ndii, gerek woo ne : "lesiyong malaaka ndaŋkiyaah na kanak". Lesiyong, ŋ ɓi Rom ɗeɓgaan weɗ soldaar junni junni. malaaka. 54Ŋ tuma ɗah, kon in ci Fiis ci woo raakohan na ? Fiis ci ceɗ woo ne in ci joy nikoh an. »
55Jaarra Yeesu woosa mboolnda ne : « Ɗu hayiɗ na ndooɗ na ndang findi taamboh rok ne ɗu amb mbo. Moona Kooh-nu-wiis ŋ nikee ɓoofiɗ ŋ Kahan Kooh jangɗoheeɗa te ɗu ambɗi so. 56Waaye in cii jen raakiɗ ne in ci Fiis ciŋ woosuuɗ ci woo raak. » Weɗ taalubeeci jen faɗoh ɗe ndeem, ɓa saandohha.
Yeesu ŋ saangnaŋ atte'oh ca
57Ɓooɓa ambee Yeesu ɓa ɓay ɗe kahan Kayif seeƴkiɗoha yakka, wa raak jangɗohoh ciŋ waasi na yakak ca cohiɗ nga. 58Piyeer nikee ñaakɗeeɗa ɗe usiɗ ŋ finhoora po findi a reyoh kahan seeƴkiɗoha yakka, a aassa, a ɓooffa na surgaaca ŋ leero kahna ne a marak findi wa mirndohan.
59Kilifaacaŋ seeƴkiɗoh caŋ waasiŋ Musaa na ɓooɓa ɓinooɓa ɓaah ŋ saangnaŋ yakak caŋ Israayel#26:59 saangniŋ yakak ciŋ Israayel : ŋ jamanoonaŋ Yeesu, a seeƴkiɗohi yakki adgohee wa, wa nikee a yi na ɓi wil ɗe, na ɓi yakak ŋ kur ka, na jangɗohoh ciŋ waasi. Ɓooɓeem ɓeɗ meeɗ coh ne ɓa atte'ee ɓooɓi ɗal ŋ ini kaɗ ŋ waasiŋ Musaa. Ɓa mineen ambɗuk ɓo' waaye ɓa mineeɗi ɗe apoot ne ɓa hot ne a joy joy apu ɗah, ɓa meeɗ ɗe ɓay ŋ atte'oh ci nikiɗ Rom ŋ ndaam. jen waakeeɗa seede leyoh ne ɓa raak ini tah ɓa min apɗuk Yeesu, 60waaye ɓa raakɗi ini ɓa etoh, ali nik ne leyoh laayiɗ nikee seede'eeɗa woo raakaaɗi nga ɗe sah. Ŋ mirndaani kanak hayya 61woosa ne : « Ƴaarii woyiɗ ne a miniɗ yahroh Kahniŋ Kooh, a taɓaha ŋ neeh kaahay. »
62Teemb ndeem, seeƴkiɗoha yakka kurukka, woosa Yeesu ne : « Fu heyɗi lofe ali in ŋ in ci ɓooɓi na yambee ɗa e ? » 63Yeesu ɗekka teɗ. Seeƴkiɗoha yakka woosa ɗe ne : « Mi yii meekis ɗah, ŋ tiikiŋ Koohi na pese, woya ɓoo andi a fu Mucɗohi Gapohse, Kuɓkiŋ Kooh ! »
64Yeesu loffa ɗe ne : « Fu woyiɗa ! Te ɓaat nga ñam na woyee ɗu wa, ini kooɗoh ndii ɗu hey hote Kuɓkiŋ ɓoyi ɓoofiɗ ŋ ñaahmiŋ doolndiŋ Kooh, ɗu hey ɗe hote ŋ ɗafuk ɓi eel, ca haytohee ɗe. »
65Weɗ seeƴkiɗoha yakka faaroh kulɓaacaŋ ɗe haf ce, ne a teeɓoh ne wa woo uupiɗ. A woosa ɓa ne : « A ɗaliɗ Kooh ! Ɓoo etohis seede ye ? Ɗu kerhootiɗ ɗali a ɗal Kooh kotii ! 66A joy ye tumu ? » Ɓa loffa ne : « A apaah apu ! » 67Ɓa tuhseeɗa fikiiriŋ ɗe, ɓa laɓeeɗa ɗe kumah, ɓum laɓeeɗa ɗe paɗ 68woyeeɗa ne : « Fu yi Mucɗohi Gapohse ! Nik ne fu woosuuɗ ɗah, woya ɓoo ɓoyi laɓ ɗa ! »
Piyeer taaskiɗ Yeesu
69Waam raak Piyeer ɓoofiɗ ŋ leero kahna, komaaki cafaƴ reɓpa nga ɗe, a ɓaahee ŋ ñaam ca, a woosa ɗe ne : « Na ɗa, fu namee nik na Yeesu ƴaariŋ Galileeci. » 70Waaye a taasukka ŋ fikiiɓa jen an : « Ŋ inahɗi ini fu waaɗ woo. »
71Wa a yurhee ŋ ɓakaŋ nguɓu kahna, ñaam ɓitiɓ wiiriis nammba ɗe hot woosa ɓooɓa nikee ndaam ne : « Ƴaarii nikee na Yeesu ƴaariŋ Nasareet ci. » 72A nammba taaskis na giñ an : « Ŋ inahɗi ƴaarii ! »
73Wa degga ƴissuut ɓooɓa nikee ŋ ndaam reɓpa ŋ Piyeer, ɓa woosa ɗe ne : « Wa wooriɗ ne fu nam ɓaah ŋ ƴaaɓiŋ ɗe, woyohaaɗiŋ ɗa sah teeɓohiɗa. » 74Piyeer nikka nga, giñeeɗa ne : « Ndaa Kooh apaat to ! Ƴaarii ŋ inahɗi ɗe ! »
A reehiɗɗi woo, siika leehukka. 75Weɗ Piyeer naandsukoh woo kaŋ Yeesu an : « Bala siiki leehkan ɗah, fu hey yo taaske waas kaahay. » Piyeer pulla, fuɗeeɗa fuɗ miskiɗ.
Currently Selected:
Macce 26: YM
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc
Macce 26
26
Kilifaaci kooɗkiɗ ap Yeesu
1Wa Yeesu ƴut woo woo ceem jen, a woosa taalubeeciŋ ɗe ne : 2« Ɗu inhiɗ ne tas neeh kanak feetiŋ Paakiŋ#26:2 Paak : Saafi inah feet Paak yino, wa nikka wiŋ Kerceen ci. Paakiŋ Kerceen ci puloh ŋ Paakiŋ Yawuut ci, weɗ ne, Paakiŋ Israayel ci. Ɓa cammbaa haɓiɗ ŋ jamanoonaŋ Musaa, mbeha Israayel ci puloh Misra. Waɗ Kooh woo ɓa ne, kahan nu nga ɗah, haɓɗaat mbuuru raakaaɗi lawiir, ɓa nam ap mbaal, ɓa ɓay ñif miŋ ɗe, ɓa reefa ŋ leentooni na ɓak ci kanak ciŋ buntaani. Ŋ wekaam, saaw ciŋ ɓi Misra jen kaannda, waaye ŋ kahan ci reefsee ñif, ali ɓo' kaaneeɗi nga (Pula 12). Yeesu, e woosuuɗi Yahya teek ɗe "Mbaaliŋ Kooh" (Saaŋ 1:29), te kakaan kiŋ ɗe, wa nikee ŋ feetiŋ Paak (Macce 27:15 ; Saaŋ 18:28), po a nikka kotii Mbaaliŋ Paaki asi. A yi kaan ne ñif miŋ ɗe min muciɗ ɓooɓi ŋ kakaan. Weɗ tah po Kerceen laayiɗ na woye feetiŋ kakaan kiŋ Yeesu na hultiŋ ɗe "Paak", findi feetiŋ Israayel ci maañiɗi. Yawuut ci ree ; Kuɓkiŋ ɓoyi hey eɗohse ne a daaƴu. »
3Ŋ neeh ceem, kilifaacaŋ seeƴkiɗoh ca na yakak caŋ cuuɓi cohha ŋ kahan seeƴkiɗoha yakka, a teeksee Kayif. 4Ɓa kerhiɗohha ŋ woo findi ɓa hee tume po ɓa amb Yeesu te ɓo' yeguu, ne ɓa apɗuk ɗe. 5Waaye ɓa woyee ne wa joyɗi nik ŋ ɗooƴ feet ci, ɓa sangee ne ɗuuɗ raak ŋ ɗooƴ ɓooɓa.
Ɓitiɓ tumiɗ laackoloñ ŋ hafiŋ Yeesu
6Waam, Yeesu kaɗta Betani ŋ kahan Simong Gaanaana, 7ɓitiɓ hayya nga ɗe na buteel haɓɗohuuɗ albaatar#26:7 albaatar : wa atoh moɗiɗ, yooɓiɗ pestu, wa na etohse haɓɗoha tumoha laackoloñ. tumiɗ laackoloñ ɗoɓiɗ, a yiiffaa ŋ hafiŋ Yeesu, raak ɗe ñameeɗa.
8Taalubeeci hoteeɗa ŋ ineem, ɓa neɓuuɗi, ɓa woosa ne : « Wa ye tah ɗe yahrohe laackoloñi ɓarang ɓarang ? 9Wa mineen toonohu kopor keeh-keeh, ñakiɗ ci eɗuu wa. »
10Yeesu inheena, woosa ɓa ne : « Ɗu na yaaɓɗohe ɓitɓi ye ? A haɓɗiɗ to in ye baahan. 11Ini kaɗ ŋ ñakiɗ ci, ɓa genan gen na ɗu waaye mi, ŋ heyɗi gene nik na ɗu. 12Ŋ aami a aam mbo laackoloñi, a na kooɗkiɗe acuukiŋ ngo. 13Ñam na woyee ɗu wa te wa keeh, ɗisik nu Yegɗohiŋ Mucii woyu ŋ adinaani jen ɗah, ini a haɓiɗ hey woyse nga, naandsukohaa ɗe. »
Yudaa tufkiɗ ne a wor Yeesu
14Weɗi Yudaa Iskaryot, yino ŋ Apootar ci ndaŋkiyaah na kanak ci (12), kaɗoh ŋ kilifaacaŋ seeƴkiɗoh caŋ waasiŋ Musaa 15a woosa ɓa ne : « Ɗu na hee so ye eɗe ne ŋ deg Yeesu ŋ yaah ciŋ ɗu ɗah ? » Ɓa eɗta ɗe hanjar haalis ndaŋkiyaah-kaahay (30). 16Jaarra a sekɗoheeɗa findi a eɗndohohan ɗe.
Yeesu na taalubeeciŋ ɗe ŋ feetiŋ Paak
17Ŋ mbehi koc ŋ feetiŋ Mbuuruuci raakaaɗi lawiir#Pula 12:1-28 ci, taalubeeci hayya woosa Yeesu ne : « Fu waaɗ ne ɓoo haɓɗiɗohan ɗa kañam kiŋ Paak nde ? » 18A woosa ne : « Kaɗaat Yerusalem, ŋ kahan diw, woyaat ɗe ne Jangɗohohi woo ne jamanooniŋ ɗe reɓiɗ, a waaɗ haɓiɗ feetiŋ Paak, a yi na taalubeeciŋ ɗe, ŋ kahan fu. » 19Taalubeeci tummba findi a woyoh ɓa, ɓa kooɗkiɗta kañam kaŋ Paak.
20Wa niina ree, Yeesu ɓooffa na Apootar ci ndaŋkiyaah na kanak ci (12) ne ɓa ñam. 21Wa ɓa ñamee a woosa ɓa ne : « Ñam woo ɗu wa te wa keeh, yino nga ɗu hey yo eɗndohe. » 22Ɓa soossa sem, yaa nu nga woyeeɗa ne : « Kilifaani, mbaar a mi haa ? » 23A loffa ɓa ne : « Ɓoyi ɓek yaahiŋ ɗe na so ŋ booli, a yi na hee so eɗndohe. 24Kuɓkiŋ ɓoyi hey kurke nga findi Fiis ci woyoha nga ɗe, waaye mas ɓoyi na hee ɗe eɗndohe ŋ ɓi sang ɗe, ini ngisohee ŋ ɓoyeem weɗ ne a rimkuu. » 25Jaarra, Yudaa yi eɗndohan ɗe meeksohha an : « Jangɗohohi, mbaar a mi haa ? » Yeesu woosa ɗe ne : « A fu woya ! »
Yeesu tufkiɗiɗ kañam naandsukohaa ɗe
26Wa ɓa ñame, Yeesu ɓayya mbuuru ; wi a corkiɗ Kooh po ƴutta a poɓtohhaa, a eɗta taalubeeci wa, a woosa ne : « Ɓayaat ɗu ñam, wii wa faaniŋ ngo. » 27Ƴutta a ɓayya kaas ; wi a corkiɗ Kooh po ƴutta, a woosa ne : « Ɓayaat ɗu an nga, ɗu jen, 28wii wa ñif miŋ ngo, ñif miŋ Ambtiɗohi, wi aamu wuu ɓi ɓo' laayiɗ ne bakaaɗ ci ɗaasohu. 29Ñam na woyee ɗu wa : Ini kooɗoh woti, ŋ heyɗi anisse masmiŋ reseñii po mbaɗna ŋ anissan na ɗu wi asi ŋ Nguuraŋ Baabiŋ ngo. »
Yeesu woyiɗ ŋ taaski Piyeer na hee ɗe taaske
30Wa ɓa ƴut ŋ kañam ka po ɓa ƴeekka ƴeek ciŋ Sabuur, ci hun na feeti, ɓa pulla, ɓa kaɗeeɗa Tangooraŋ-Oliiw-ca. 31Weɗ Yeesu woyoh ɓa ne : « Ŋ weki woti, ɗu jen, ɗu hey yo faɗe sagu ini rahsan ndo. Laam Fiis ci woyiɗ ne : “ Ŋ hey laɓe niiɗohi, mbaal ciŋ gati pasarkoh.#Sakriya 13:7 ” 32Waaye ŋ hultiɗu po ƴut ɗah, ŋ hey ɗu adge Galile. »
33Piyeer kooɗta woo ka, a woosa ne : « Ali ɓooɓi jen faɗ ɗa, mi, ŋ faɗanɗi ɗa muk ! » 34Yeesu woosa ɗe ne : « Ñam woo ɗa wa te wa keeh, weki woti bala siiki leehkan ɗah, fu hey yo taaske waas kaahay. » 35Piyeer woosa ɗe ne : « Ali nik ne ŋ kaanan kaan na ɗa sah, ŋ taaskanɗi ɗa. » Taalubeeci ɓinooɓi jen nammba woo ɗaa.
Yeesu ŋ Getsemane
36Yeesu hunnda na ɓa, kaɗeeɗa po reesa ɗiska na woyse Getsemane, a woosa ɓa ne : « Ɓoofaat ndii po ŋ kaɗ kiima Kooh nden, ŋ hay. » 37A ɓayndohha Piyeer na kuɓuuciŋ Sebede kanak ci, a kaɗta ƴissuut, a raakka yeg-yeg miskiɗ ŋ ɗooƴ ce, a jaahiɗta. 38A woosa ɓa ne : « Ɗiski wa nik ndii faaniŋ ngo goy goy po mi yii heeɗa kaane, tasaat ndii ɗu irin na so. »
39Wi a woo ineem, a ɓaatta kaɗ ƴissuut, a raɗukka ŋ kehƴi a kiimeeɗa Kooh an : « Baabiŋ ngo, wa min nik ɗah, kaasiŋ miskiɗii usaat to ! Waaye wa ka nik findi ŋ waaɗoh, wa nikaat findi fu waaɗoh. » 40Wi a dokuk ŋ taalubeeci kaahay ci, a raakka ɓa neeheeɗa, a woosa Piyeer ne : « Ɗu minɗi sah irin na so ini ree wahtu ! 41Kinaat neeh, kiimaat Kooh a ndengiɗ ɗu po ɗu keenuu ŋ fiir ; waaɗ-waaɗi wii nga waaye faan ci raakɗi hatil. »
42A kaɗissa waasi kanakɗoh a kiimissa Kooh an : « Baabiŋ ngo, nik ne kaasii minɗi coot feeh ŋ anɗaa ɗah, wa raakohaat findi fu waaɗoh. » 43Wa a dokkis nga ɓa, a raakissa ɓa neeheeɗa, raak ɓa pani'uuɗ po has ciŋ ɓa aaykohha.
44A faɗta ɓa ndeem, a usissa ƴissuut, a kiimissa waasi kaahayɗoh, a woyissa ina a woye. 45Ƴutta a kaɗissa ŋ taalubeeca a woosa ɓa ne : « Ɗu ɓii neeh, ɗu ɓii iɗsiɗuk ! Weɗɗi, ɗiski wa nik wahtuuni reyiɗ, Kuɓkiŋ ɓoyi faɗuuɗ ŋ yaah ciŋ bakaaɗoh ci. 46Kurkaat ɓoo kaɗ. Markaat ! Yi joy yo eɗndoh a yi ! »
Yeesu ambuuɗ
47Wi a na woye ineem, Yudaa, yino ŋ Apootar ci ndaŋkiyaah na kanak ci (12), reyeeɗa. A hunee na mboolo ganaaykiɗ ndang na ndooɗ. E kilifaacaŋ seeƴkiɗoh ca na yakak caŋ cuuɓa ɓeɗ tuuƴee ɓa.
48Raak Yudaa woyiɗ ɓa ne : « Ɓoyi maa hee foone inhaat ne a yi ; ambaat ɗe ! » 49Jaarra, a reɓpa ŋ Yeesu a woosa ɗe ne : « Fu tum na Jangɗohohi ? » A foonnda ɗe. 50Yeesu woosa ɗe ne : « Ƴaariŋ ngo, tuma ini ɓay ɗa. »#26:50 "tuma ini ɓay ɗa" : ini gerek woo ndii, wa namiɗ min tokis : "wee tah ɗa nik ndii ?" Weɗ ƴaaɓa reɓoh, ɓa ammba ɗe.
51Ƴaar ɓaah ŋ ɓa nikee na Yeesu fuurra ndangiŋ ɗe, a ƴoɓpa ñaam ŋ ñaam caŋ seeƴkiɗoha yakka wa hennda ŋ nofiŋ ɗe, wa nguɗtaa. 52Yeesu woosa ɗe ne : « Dokna ndangi ŋ ɗiska wa nike ; ɓooɓi na ape na ndang jen, a ndang apan ɓa. 53Fu liiɓ wii ne ŋ minɗi ɓeeɗuk Baabiŋ ngo e ? Ŋ ɓeeɗuk ɗe ɗah, a hey yo woosohe win-win ɓi junni junni#26:53 "ɓi junni junni" : ŋ Fiis ci ndii, gerek woo ne : "lesiyong malaaka ndaŋkiyaah na kanak". Lesiyong, ŋ ɓi Rom ɗeɓgaan weɗ soldaar junni junni. malaaka. 54Ŋ tuma ɗah, kon in ci Fiis ci woo raakohan na ? Fiis ci ceɗ woo ne in ci joy nikoh an. »
55Jaarra Yeesu woosa mboolnda ne : « Ɗu hayiɗ na ndooɗ na ndang findi taamboh rok ne ɗu amb mbo. Moona Kooh-nu-wiis ŋ nikee ɓoofiɗ ŋ Kahan Kooh jangɗoheeɗa te ɗu ambɗi so. 56Waaye in cii jen raakiɗ ne in ci Fiis ciŋ woosuuɗ ci woo raak. » Weɗ taalubeeci jen faɗoh ɗe ndeem, ɓa saandohha.
Yeesu ŋ saangnaŋ atte'oh ca
57Ɓooɓa ambee Yeesu ɓa ɓay ɗe kahan Kayif seeƴkiɗoha yakka, wa raak jangɗohoh ciŋ waasi na yakak ca cohiɗ nga. 58Piyeer nikee ñaakɗeeɗa ɗe usiɗ ŋ finhoora po findi a reyoh kahan seeƴkiɗoha yakka, a aassa, a ɓooffa na surgaaca ŋ leero kahna ne a marak findi wa mirndohan.
59Kilifaacaŋ seeƴkiɗoh caŋ waasiŋ Musaa na ɓooɓa ɓinooɓa ɓaah ŋ saangnaŋ yakak caŋ Israayel#26:59 saangniŋ yakak ciŋ Israayel : ŋ jamanoonaŋ Yeesu, a seeƴkiɗohi yakki adgohee wa, wa nikee a yi na ɓi wil ɗe, na ɓi yakak ŋ kur ka, na jangɗohoh ciŋ waasi. Ɓooɓeem ɓeɗ meeɗ coh ne ɓa atte'ee ɓooɓi ɗal ŋ ini kaɗ ŋ waasiŋ Musaa. Ɓa mineen ambɗuk ɓo' waaye ɓa mineeɗi ɗe apoot ne ɓa hot ne a joy joy apu ɗah, ɓa meeɗ ɗe ɓay ŋ atte'oh ci nikiɗ Rom ŋ ndaam. jen waakeeɗa seede leyoh ne ɓa raak ini tah ɓa min apɗuk Yeesu, 60waaye ɓa raakɗi ini ɓa etoh, ali nik ne leyoh laayiɗ nikee seede'eeɗa woo raakaaɗi nga ɗe sah. Ŋ mirndaani kanak hayya 61woosa ne : « Ƴaarii woyiɗ ne a miniɗ yahroh Kahniŋ Kooh, a taɓaha ŋ neeh kaahay. »
62Teemb ndeem, seeƴkiɗoha yakka kurukka, woosa Yeesu ne : « Fu heyɗi lofe ali in ŋ in ci ɓooɓi na yambee ɗa e ? » 63Yeesu ɗekka teɗ. Seeƴkiɗoha yakka woosa ɗe ne : « Mi yii meekis ɗah, ŋ tiikiŋ Koohi na pese, woya ɓoo andi a fu Mucɗohi Gapohse, Kuɓkiŋ Kooh ! »
64Yeesu loffa ɗe ne : « Fu woyiɗa ! Te ɓaat nga ñam na woyee ɗu wa, ini kooɗoh ndii ɗu hey hote Kuɓkiŋ ɓoyi ɓoofiɗ ŋ ñaahmiŋ doolndiŋ Kooh, ɗu hey ɗe hote ŋ ɗafuk ɓi eel, ca haytohee ɗe. »
65Weɗ seeƴkiɗoha yakka faaroh kulɓaacaŋ ɗe haf ce, ne a teeɓoh ne wa woo uupiɗ. A woosa ɓa ne : « A ɗaliɗ Kooh ! Ɓoo etohis seede ye ? Ɗu kerhootiɗ ɗali a ɗal Kooh kotii ! 66A joy ye tumu ? » Ɓa loffa ne : « A apaah apu ! » 67Ɓa tuhseeɗa fikiiriŋ ɗe, ɓa laɓeeɗa ɗe kumah, ɓum laɓeeɗa ɗe paɗ 68woyeeɗa ne : « Fu yi Mucɗohi Gapohse ! Nik ne fu woosuuɗ ɗah, woya ɓoo ɓoyi laɓ ɗa ! »
Piyeer taaskiɗ Yeesu
69Waam raak Piyeer ɓoofiɗ ŋ leero kahna, komaaki cafaƴ reɓpa nga ɗe, a ɓaahee ŋ ñaam ca, a woosa ɗe ne : « Na ɗa, fu namee nik na Yeesu ƴaariŋ Galileeci. » 70Waaye a taasukka ŋ fikiiɓa jen an : « Ŋ inahɗi ini fu waaɗ woo. »
71Wa a yurhee ŋ ɓakaŋ nguɓu kahna, ñaam ɓitiɓ wiiriis nammba ɗe hot woosa ɓooɓa nikee ndaam ne : « Ƴaarii nikee na Yeesu ƴaariŋ Nasareet ci. » 72A nammba taaskis na giñ an : « Ŋ inahɗi ƴaarii ! »
73Wa degga ƴissuut ɓooɓa nikee ŋ ndaam reɓpa ŋ Piyeer, ɓa woosa ɗe ne : « Wa wooriɗ ne fu nam ɓaah ŋ ƴaaɓiŋ ɗe, woyohaaɗiŋ ɗa sah teeɓohiɗa. » 74Piyeer nikka nga, giñeeɗa ne : « Ndaa Kooh apaat to ! Ƴaarii ŋ inahɗi ɗe ! »
A reehiɗɗi woo, siika leehukka. 75Weɗ Piyeer naandsukoh woo kaŋ Yeesu an : « Bala siiki leehkan ɗah, fu hey yo taaske waas kaahay. » Piyeer pulla, fuɗeeɗa fuɗ miskiɗ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc