Macce 23
23
Yeesu woyiɗ ŋ jangɗohoh ciŋ waasi na Farisen ci
1Ŋ finho ineem, Yeesu woyeeɗa na mboolnda na taalubeeciŋ ɗe, 2an : « Jangɗohoh ciŋ waasi na Farisen ci lamiɗ Musaa ne ɓa teeɓoh waasi. 3Kerhiɗaat ɓa te ɗu tumee in ci ɓa na woye jen, waaye kinaat mand na ɓa ŋ tumohaaɗ. Ɓa na woye woo, ɓa na tumeeɗi. 4Ɓa na toke ɗuf ɓitiɗ, ɓa raanee ca ɓooɓi te ɓa waaɗɗi ca reɓ sah na lecem ndukun.
5In ci ɓa na haɓɗe jen, ɓa na waake hotaat to nga. Hey ɗah, ɓa ɓaat angiɗ aayaaciŋ Fiis ci Hooliɗ ci na tokse ŋ puk na yaah,#Rohƴiɗi 6:8; 11:18 ɓa ɓaat simbir-simbir ciŋ kulɓaaciŋ ɓa#Kind ci 15:37-41 na naandsee ɓa nakoh ciŋ waasi. 6Ɓa ɓeeɗku kañam yakak ɗah, ɓa na waaɗe ne ɓa ɓoofan ŋ ɗisik ci uup eɗu cir. Ɓa na name waaɗ nik ŋ fiki ɓooɓi ngaŋ sinaagog ci. 7Ɓa na waaɗe ne ɓooɓi kañɗan ɓa yaah kanak ŋ ɗisik ci na toonohse ŋ kur te ɓa waaɗ ne ɓooɓi ɓeeɗkan ɓa "Rabbi" (weɗ jangɗohohi yakki).
8Waaye ɗu, kinaat tum haf ɗu "Rabbi". Laam ɗu raak jangɗohoh yino, ɗu jen e ɗu taambɗoh. 9Kinaat teek ali ɓo' baabiŋ ɗu ngaŋ kehƴi, laam Yi nik ŋ ɗafki dong a yi Baabiŋ ɗu, 10te ɓa kinaat ɗu ɓeeɗuk njiit, ɗu raak njiit yino dong, Mucɗohi Gapohse.
11Yi uup nik kilifa nga ɗu, a yi joy nik surgaaniŋ ɗu. 12Ɓo' nu meeɓ haf ce ɗah, a hey ruhsiɗasse te ɓo' nu ruhsiɗ haf ce ɗah, a hey meeɓse.
13Mas ɗu ɓi jangɗohoh ciŋ waasi na Farisen ci ! E ɗu naafeeha ! E ɗu na range waasi, ɗu hondoh ɓooɓi aas ŋ Nguuriŋ-Ɗafki ! Ɗu aasɗi, ɗu faɗanɗi ɓooɓi waaɗ aas ne ɓa aas. [14]#23:14 Ngaŋ Fiis ci maañiɗ ci, cum raak ayaanii : "Mas ɗu ɓi jangɗohoh ciŋ waasi na Farisen ci, e ɗu naafeeha ! E ɗu na ñame raakuuɗiŋ ɓitiɓ ci ƴaar ciŋ ɓa kaan po kahan ciŋ ɓa sah. Ɗu kiimee Kooh ɗah wa minuu reeh, ɗu waakee hotaat to ; ineem weɗ tah po, a mbugaliŋ ɗu uupan misik." Waaye Fiis ci uup woor ngaŋ ci maañiɗ ci ris woti raakɗi woo keem.
15Mas ɗu ɓi jangɗohoh ciŋ waasi na Farisen ci ! E ɗu naafeeha ! Ɗu ɓi wil cookom na keheƴ ne ɗu waak tuuɓoh, te ɗu raakka yino dong ɗah, ɗu tum ɗe ɓo' safara po a uup ɗu wa nik waas kanak.
16Mas adgiɗ ci fuuliɗ ci ! Ɗu na woye ne : “ Ɓo' giñ ŋ Kahniŋ Kooh ɗah, in nikɗi nga ; waaye a giñ ŋ ursi nik nga ɗah, wa giñ tufkiɗ. ” 17E ɗu naand ɗu fuulla ! Kon e winde uup raak njiriñ, e ursi wala Kahan Kooh wi na tahe ursi ambu findi in hooliɗ wuu Kooh ? 18Ɗu na name woo ne : “ Ɓo' giñ ŋ seeƴkohaana nik ŋ Kahnaŋ Kooh ɗah, wa in haa ; waaye a giñ ŋ seeƴka degu nga ɗah, wa giñ tufkiɗ. ” 19Fuuliɗ ci ! Kon wa ye uup raak njiriñ, e seeƴki wala seeƴkohaani na tahe wa ambu findi in hooliɗ ?
20Ɓoyi na giñe ŋ seeƴkohaani na giñe nga na in ci nik ŋ ɗafuk wa jen ; 21wa mand ɗaa, ɓoyi na giñe ŋ Kahan Kooh na giñe nga, a giñee ŋ Yi gen nga ; 22wa nam mand ɗaa, ɓoyi na giñe ŋ Eel ci na giñe ŋ ɓoofoha-buuri nik nga na Kooh yi ɓoof nga.
23Mas ɗu ɓi jangɗohoh ciŋ waasi na Farisen ci ! E ɗu naafeeha ! Ɗu ɓii eɗoh sah in ci ƴin ƴin ci ɗu na guure findi naana na safɗohaaci cinooci ndaŋkiyaah nu nik yinoori, te ɗu sagankohiɗ in ci uup raak njiriñ ŋ waasi : Ca nikka yurah, na raak yirmande na amb ŋ Kooh, ineem weɗ ɗu joyee tum, te ɗu sang sagankoh ci tas.
24Adgiɗ ci fuuliɗ ci ! Ɗu na siɗe caafu ƴin te ɗu na one ngeelemb ! 25Mas jangɗohoh ciŋ waasi na Farisen ci ! E ɗu naafeeha ! Ɗu mand na ɓooɓi ɓohoñ finhooriŋ kaasi na palaati te ɗooƴi riifiɗ na in ci ɗu raakoh ŋ rok na yeeɓkaaɗi. 26Farisen ci e ɗu fuul ! Kocaat ɓohoñ ɗooƴiŋ kaasi te finhoori hey hoole.
27Mas ɗu ɓi jangɗohoh ciŋ waasi na Farisen ci ! E ɗu naafeeha ! Ɗu mand na ruy-ruy ci penturu yaanow ; ŋ finhoori ca na nike ye moɗan waaye ŋ ɗooƴi ca riif na ƴoh ɓo' kaaniɗ na usuɓ nu usuɓ. 28Ɗu mand ɗaa, ɗu na teeɓe ɓooɓi ñaamaar ɓo' yurhiɗ te ɗu riif na naafeeha na ɗal waas.
29Mas ɗu ɓi jangɗohoh ciŋ waasi na Farisen ci ! E ɗu naafeeha ! Ɗu ɓi na taɓahe ruy-ruy ciŋ woosuuɗ ci, ɗu moɗsinee ruy-ruy ciŋ yurhiɗ ci, 30ɗu woyee ne : “ Ɓoo maaseen jamanoocaŋ caac caŋ ɓoo ɗah, ɓoo heeɗi hune na ɓa ŋ aami ɓa aamee ñif maŋ woosuuɗ ca. ” 31Ŋ ndeem, ɗu na seede'ɗe haf ɗu ne e ɗu kuɓuuciŋ ɓooɓi ap woosuuɗ ci. 32Reytinaat ini caac ciŋ ɗu camb ! 33Ini ɗu añaand haa iiñ jen, ɗu min na mucoh ŋ atteeniŋ yongkaahi yakki ?
34Weɗ tah ŋ woo ɗu ne : Mi, ŋ hey ɗu woosohe ɓi woosuuɗ, ɓi heɗ haf, na ɓi jangɗohoh. Ɗu hey ape nga ɓa, ɗu daaƴ ɓum ŋ kurwaa, ɗu laɓ ɓinooɓi leraw ŋ sinaagog ciŋ ɗu, ɗu taambɗee ɓi na saandohe kur po kur, 35wa hey tahe po ñif miŋ yurhiɗ ci aamu ŋ kehƴi jen keen ŋ ɗafuk ɗu, ina kooɗoh ŋ ñif maŋ Abel yurhiɗi po ŋ Sakariya kuɓkiŋ Barasi yi ɗu ap ŋ Kahan Kooh, ŋ harmban Ɗiska Hooliɗa na seeƴkohaana. 36Ñam na woyee ɗu wa te wa keeh, in ceem jen keenan ŋ ɓooɓi woti.
37Cey Yerusalem, fu yi na ape woosuuɗ ci, fu tapee ɓooɓi fu na woosohse atoh po ɓa kaan, waas hend na weɗ ŋ waaɗ nangɗoh kuɓuuciŋ ɗa findi pambi na nangɗohe ƴiil ciŋ ɗe ŋ ooɓ ce, waaye ɗu moosɗi waaɗoh ! 38Ɗiski wa nik ɗu hey faɗse na kahan ɗu, kahan ɗu nikan ɓarang cos. 39Laam ñam na woyee ɗu wa, ɗu hotissanɗi so po mbaɗna ɗu na hee woye ne : “ A barke'iɗ, yi na haye ŋ tiikiŋ Heɗ ɓoo !#Sabuur 118:26 ” »
Currently Selected:
Macce 23: YM
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc
Macce 23
23
Yeesu woyiɗ ŋ jangɗohoh ciŋ waasi na Farisen ci
1Ŋ finho ineem, Yeesu woyeeɗa na mboolnda na taalubeeciŋ ɗe, 2an : « Jangɗohoh ciŋ waasi na Farisen ci lamiɗ Musaa ne ɓa teeɓoh waasi. 3Kerhiɗaat ɓa te ɗu tumee in ci ɓa na woye jen, waaye kinaat mand na ɓa ŋ tumohaaɗ. Ɓa na woye woo, ɓa na tumeeɗi. 4Ɓa na toke ɗuf ɓitiɗ, ɓa raanee ca ɓooɓi te ɓa waaɗɗi ca reɓ sah na lecem ndukun.
5In ci ɓa na haɓɗe jen, ɓa na waake hotaat to nga. Hey ɗah, ɓa ɓaat angiɗ aayaaciŋ Fiis ci Hooliɗ ci na tokse ŋ puk na yaah,#Rohƴiɗi 6:8; 11:18 ɓa ɓaat simbir-simbir ciŋ kulɓaaciŋ ɓa#Kind ci 15:37-41 na naandsee ɓa nakoh ciŋ waasi. 6Ɓa ɓeeɗku kañam yakak ɗah, ɓa na waaɗe ne ɓa ɓoofan ŋ ɗisik ci uup eɗu cir. Ɓa na name waaɗ nik ŋ fiki ɓooɓi ngaŋ sinaagog ci. 7Ɓa na waaɗe ne ɓooɓi kañɗan ɓa yaah kanak ŋ ɗisik ci na toonohse ŋ kur te ɓa waaɗ ne ɓooɓi ɓeeɗkan ɓa "Rabbi" (weɗ jangɗohohi yakki).
8Waaye ɗu, kinaat tum haf ɗu "Rabbi". Laam ɗu raak jangɗohoh yino, ɗu jen e ɗu taambɗoh. 9Kinaat teek ali ɓo' baabiŋ ɗu ngaŋ kehƴi, laam Yi nik ŋ ɗafki dong a yi Baabiŋ ɗu, 10te ɓa kinaat ɗu ɓeeɗuk njiit, ɗu raak njiit yino dong, Mucɗohi Gapohse.
11Yi uup nik kilifa nga ɗu, a yi joy nik surgaaniŋ ɗu. 12Ɓo' nu meeɓ haf ce ɗah, a hey ruhsiɗasse te ɓo' nu ruhsiɗ haf ce ɗah, a hey meeɓse.
13Mas ɗu ɓi jangɗohoh ciŋ waasi na Farisen ci ! E ɗu naafeeha ! E ɗu na range waasi, ɗu hondoh ɓooɓi aas ŋ Nguuriŋ-Ɗafki ! Ɗu aasɗi, ɗu faɗanɗi ɓooɓi waaɗ aas ne ɓa aas. [14]#23:14 Ngaŋ Fiis ci maañiɗ ci, cum raak ayaanii : "Mas ɗu ɓi jangɗohoh ciŋ waasi na Farisen ci, e ɗu naafeeha ! E ɗu na ñame raakuuɗiŋ ɓitiɓ ci ƴaar ciŋ ɓa kaan po kahan ciŋ ɓa sah. Ɗu kiimee Kooh ɗah wa minuu reeh, ɗu waakee hotaat to ; ineem weɗ tah po, a mbugaliŋ ɗu uupan misik." Waaye Fiis ci uup woor ngaŋ ci maañiɗ ci ris woti raakɗi woo keem.
15Mas ɗu ɓi jangɗohoh ciŋ waasi na Farisen ci ! E ɗu naafeeha ! Ɗu ɓi wil cookom na keheƴ ne ɗu waak tuuɓoh, te ɗu raakka yino dong ɗah, ɗu tum ɗe ɓo' safara po a uup ɗu wa nik waas kanak.
16Mas adgiɗ ci fuuliɗ ci ! Ɗu na woye ne : “ Ɓo' giñ ŋ Kahniŋ Kooh ɗah, in nikɗi nga ; waaye a giñ ŋ ursi nik nga ɗah, wa giñ tufkiɗ. ” 17E ɗu naand ɗu fuulla ! Kon e winde uup raak njiriñ, e ursi wala Kahan Kooh wi na tahe ursi ambu findi in hooliɗ wuu Kooh ? 18Ɗu na name woo ne : “ Ɓo' giñ ŋ seeƴkohaana nik ŋ Kahnaŋ Kooh ɗah, wa in haa ; waaye a giñ ŋ seeƴka degu nga ɗah, wa giñ tufkiɗ. ” 19Fuuliɗ ci ! Kon wa ye uup raak njiriñ, e seeƴki wala seeƴkohaani na tahe wa ambu findi in hooliɗ ?
20Ɓoyi na giñe ŋ seeƴkohaani na giñe nga na in ci nik ŋ ɗafuk wa jen ; 21wa mand ɗaa, ɓoyi na giñe ŋ Kahan Kooh na giñe nga, a giñee ŋ Yi gen nga ; 22wa nam mand ɗaa, ɓoyi na giñe ŋ Eel ci na giñe ŋ ɓoofoha-buuri nik nga na Kooh yi ɓoof nga.
23Mas ɗu ɓi jangɗohoh ciŋ waasi na Farisen ci ! E ɗu naafeeha ! Ɗu ɓii eɗoh sah in ci ƴin ƴin ci ɗu na guure findi naana na safɗohaaci cinooci ndaŋkiyaah nu nik yinoori, te ɗu sagankohiɗ in ci uup raak njiriñ ŋ waasi : Ca nikka yurah, na raak yirmande na amb ŋ Kooh, ineem weɗ ɗu joyee tum, te ɗu sang sagankoh ci tas.
24Adgiɗ ci fuuliɗ ci ! Ɗu na siɗe caafu ƴin te ɗu na one ngeelemb ! 25Mas jangɗohoh ciŋ waasi na Farisen ci ! E ɗu naafeeha ! Ɗu mand na ɓooɓi ɓohoñ finhooriŋ kaasi na palaati te ɗooƴi riifiɗ na in ci ɗu raakoh ŋ rok na yeeɓkaaɗi. 26Farisen ci e ɗu fuul ! Kocaat ɓohoñ ɗooƴiŋ kaasi te finhoori hey hoole.
27Mas ɗu ɓi jangɗohoh ciŋ waasi na Farisen ci ! E ɗu naafeeha ! Ɗu mand na ruy-ruy ci penturu yaanow ; ŋ finhoori ca na nike ye moɗan waaye ŋ ɗooƴi ca riif na ƴoh ɓo' kaaniɗ na usuɓ nu usuɓ. 28Ɗu mand ɗaa, ɗu na teeɓe ɓooɓi ñaamaar ɓo' yurhiɗ te ɗu riif na naafeeha na ɗal waas.
29Mas ɗu ɓi jangɗohoh ciŋ waasi na Farisen ci ! E ɗu naafeeha ! Ɗu ɓi na taɓahe ruy-ruy ciŋ woosuuɗ ci, ɗu moɗsinee ruy-ruy ciŋ yurhiɗ ci, 30ɗu woyee ne : “ Ɓoo maaseen jamanoocaŋ caac caŋ ɓoo ɗah, ɓoo heeɗi hune na ɓa ŋ aami ɓa aamee ñif maŋ woosuuɗ ca. ” 31Ŋ ndeem, ɗu na seede'ɗe haf ɗu ne e ɗu kuɓuuciŋ ɓooɓi ap woosuuɗ ci. 32Reytinaat ini caac ciŋ ɗu camb ! 33Ini ɗu añaand haa iiñ jen, ɗu min na mucoh ŋ atteeniŋ yongkaahi yakki ?
34Weɗ tah ŋ woo ɗu ne : Mi, ŋ hey ɗu woosohe ɓi woosuuɗ, ɓi heɗ haf, na ɓi jangɗohoh. Ɗu hey ape nga ɓa, ɗu daaƴ ɓum ŋ kurwaa, ɗu laɓ ɓinooɓi leraw ŋ sinaagog ciŋ ɗu, ɗu taambɗee ɓi na saandohe kur po kur, 35wa hey tahe po ñif miŋ yurhiɗ ci aamu ŋ kehƴi jen keen ŋ ɗafuk ɗu, ina kooɗoh ŋ ñif maŋ Abel yurhiɗi po ŋ Sakariya kuɓkiŋ Barasi yi ɗu ap ŋ Kahan Kooh, ŋ harmban Ɗiska Hooliɗa na seeƴkohaana. 36Ñam na woyee ɗu wa te wa keeh, in ceem jen keenan ŋ ɓooɓi woti.
37Cey Yerusalem, fu yi na ape woosuuɗ ci, fu tapee ɓooɓi fu na woosohse atoh po ɓa kaan, waas hend na weɗ ŋ waaɗ nangɗoh kuɓuuciŋ ɗa findi pambi na nangɗohe ƴiil ciŋ ɗe ŋ ooɓ ce, waaye ɗu moosɗi waaɗoh ! 38Ɗiski wa nik ɗu hey faɗse na kahan ɗu, kahan ɗu nikan ɓarang cos. 39Laam ñam na woyee ɗu wa, ɗu hotissanɗi so po mbaɗna ɗu na hee woye ne : “ A barke'iɗ, yi na haye ŋ tiikiŋ Heɗ ɓoo !#Sabuur 118:26 ” »
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc