Macce 21
21
Aasaŋ Yeesu ŋ Yerusalem
1Yeesu na taalubeeciŋ ɗe taalndiɗta ŋ waas Yerusalem. Wa ɓa kaɗ po ɓa heeɗa ree, teemb kur kaŋ Betfase, ŋ sero Tangooraŋ-Oliiw-ca, Yeesu woossa kanak nga ɓa. 2A woosa ɓa ne : « Kaɗaat ŋ kur ki ŋ fikiiɗu wii, ɗu ree rek ɗah, ɗu hey hote mbaam riɓ tokuuɗ nga na cumbriŋ ɗe. Toksaat ca, ɗu kom mbo ca ndii. 3Te ɓo' meekis ɗu ɗah, woyaat ɗe ne : “ A kilifaani etoh ca. ” Ŋ ineem, a jaaran ɗu faɗ ɗu hay na ca. » 4Ineem raakka ne ina woosuuɗa woyee raak :
5« Woyaat kur kiŋ Siyong ne :
“ Buuriŋ ɗa yii hay nga ɗa,
a ruhsiɗiɗ haf ce, a rap mbaam,
cumbur mbaam,
ɗoopaat sifoh.#Sakriya 9:9 ” »
6Taalubeeca kanak ca kaɗta, ɓa haɓiɗta ina Yeesu nakee ɓa. 7Ɓa ɓayya mbaama na cumbra, ɓa raɗta kulɓaacaŋ ɓa nga ca, Yeesu rappa. 8Ɓo' laayiɗ ŋ mboolnda raɗiɗta ɗe kulɓaacaŋ ɓa ŋ waasa ; ɓum raɗɗeeɗa ɗe na saaf ciŋ kidig ci ɓa piike. 9Mboolnda hunnda kaɗeeɗa, ɓum adugka Yeesu, ɓum ñaakeeɗa nga ɗe ; ɓa woyeeɗa ŋ ɗafka ne :
« Hosaana#21:9 Hosaana : ŋ ɗeɓgaana, wa tokseen ne : "Woti-woti, mucɗa ɓoo." Wa nikee kiim Kooh. Waaye, wa kaɗta po wa nikka woo yakɗoha Kooh. setiŋ Dawuuda !
Ɓoyi na haye ŋ tiikiŋ Heɗi, a raakaat barke !#Sabuur 118:26
Hosaana ŋ jol jol ɗafka ! »
10Wa Yeesu aasee Yerusalem, kur ka jen yoondeeɗa yoond, ɓa woyeeɗa ne : « Ya ɓa yii ? » 11Mboolnda loffa ne : « A Yeesu, Woosuuɗiŋ Kooh, yi puloh Nasareet ngaŋ Galile. »
Yeesu ŋ Kahan Kooh
12Wa Yeesu ree, a aassa ŋ Kahan Kooh, a aannja toonoh ca na romoh ca nikee nga jen, a folla taaɓul caŋ wecce'oh ca, na ɓoofohaacaŋ toonoh banuut ca. 13A woosa ɓa ne : « Kooh woyiɗ ŋ Fiis ci Hooliɗ ci ne : “ Kahan ndo teeksan kahan kiimoha Kooh,#Esayi 56:7 ” waaye ɗu tumiɗa ɗembohaaniŋ rokoh ci.#Yeremi 7:11 »
14Ɓi fuuliɗ na ɓi yiiɓoh hayya nga ɗe ŋ Kahan Kooh, a wiriɗta ɓa. 15Kilifaacaŋ seeƴkiɗoh caŋ waasiŋ Musaa na jangɗohoh caŋ wa hotta in ca feyohiɗ ca a haɓiɗ na leehka komaakca leehkee ŋ ɗooƴ Kahan Kooh an : « Hosaana setiŋ Dawuuda ! » Ɓa ayrukka, 16ɓa woosa Yeesu ne : « Fu kerhiɗ ini ɓa na woye e ? » A loffa ɓa ne : « Ee, ŋ kerhiɗa, waaye hanaa ɗu moosɗi jangoh inii ŋ Fiis ci : “ Fu tumiɗ po komaakci ƴin ci na gooy ci ɓa ɗii ƴeek ɗa.#Sabuur 8:3 ” » 17Ƴutta, a faɗta ɓa ndaam, a pulla kur ka, a kaɗta Betani, a neehha nga.
Yeesu alkiɗ nduna
18Wa Kooh wiis na ɓaaɓa, a dokkisseeɗa kur-taaha, a aɗukka. 19A hotta tas ndun ŋ sero waasa, a reɓpa nga waaye a hotɗi ali in nga ɗal saaf. A woosa nduna ne : « Fu heyɗi rimisse muk ! » Ŋ ɗiska ɗiska, nduna suyya. 20Wi taalubeeci hot ineem, ɓa feyuusa, ɓa woosa ne : « Wa min na nikoh nduni suy ŋ ɗiski ɗiski ? » 21Yeesu loffa ɓa ne : « Ñam na woyee ɗu wa te wa keeh, ɗu kos te ɗu raakɗi liiɓ kanak nga ɗah, ɗu hey haɓɗe ini ŋ haɓiɗ nduni, ali ɗu woo sah tangoorii ne wa kurkaat ndii, wa kaɗ keena ŋ cookma ɗah, wa hey raake. 22In nu ɗu kiim Kooh na kos ɗah, ɗu hey wa rahse. »
Ya ɓa tufkiɗ Yeesu
23Wa Yeesu kaɗ po a aassa ŋ Kahan Kooh, kilifaacaŋ seeƴkiɗoh caŋ waasiŋ Musaa na yakak ca hayya nga ɗe, wa raak ɗe jangɗoheeɗa, ɓa woosa ɗe ne : « In ci fu na haɓɗe, fu gaƴuk nde po fu kaannja ca haɓiɗ ? Ya ɓa tufkiɗ ɗa po fu haɓɗee ca ? » 24A loffa ɓa ne : « Ŋ hey ɗu name meekis in yino, ɗu lof fo ɗah, ŋ nam ɗu woo ini tufkiɗ to po ŋ haɓɗee in cii. 25Ya ɓa tuuƴee Yahya ne a ɓoktoh, a Kooh wala ɓi ɓo' ? »
Ɓa woyeeɗa ŋ harmban ɓa ne : « Ɓoo woo ɗe ne Kooh a yi woos Yahya ɗah, a na hee ɓoo woye ne : “ Wa ye tah ɗu kosɗi ɗe ? ” 26Te ɓoo woo ne, e ɓi ɓo' tuuƴ ɗe ɗah, a', mboolndi cariɗ neƴƴoh. Ɓa jen ɓa amb ne Yahya nikee woosuuɗ. » 27Weɗ ɓa lofoh ɗe ne : « Ɓoo inahɗi. » Yeesu nammba ɓa woo ne : « Ŋ namanɗi ɗu woo ini tufkiɗ to po ŋ haɓɗee in cii. »
Andiiniŋ baabi na kuɓuuci kanak ci
28Yeesu woyissa ɓa ne : « Ɗu liiɓ ye ŋ naandsukii ? A nikee ƴaar, a raakka komaaki ƴaar kanak, a woosa yi koc ne : “ Kuɓu, woti kaɗa fu pangka ŋ yohnaŋ reseñaŋ ngo. ” 29Kuɓka loffa baab ɓa ne : “ Ŋ heyɗi kaɗe. ” Waaye, wa degga ƴissuut, inwaaso ammba ɗe, a kaɗta. 30A kaɗissa ŋ yinoora, a woyissa ɗe ineem. Yeem loffa ɗe ne : “ Ee baab, ŋ hey kaɗe. ” Waaye, a kaɗɗi. »
31Yeesu meekissa kilifaaca ne : « Komaakci kanak ceem, a yinde tum waaɗ-waaɗiŋ baab ɓa nga ɓa ? » Ɓa loffa ɗe ne : « A yi koc. » Yeesu woosa ɓa ne : « Ñam na woyee ɗu wa te wa keeh, juuti'oh ci na toonkoh ci ɓa ɗaa adug ɗu ŋ Nguuriŋ-Kooh. 32Laam Yahya hayiɗ, a teeɓohha waasi yurhiɗi ; ɗu kosɗi ɗe. Waaye juuti'oh ci na toonkoh ci kosiɗ ɗe te ɗu hotiɗ ŋ ineem waaye poyi ɗu ɓoƴsohɗi pesohaaɗ ne ɗu kos ɗe.
Andiiniŋ guuroh reseñ ci añaandiɗ ci
33Sikɗukaat andiin wiiriis an : A nikee heɗ kahan, a yippa yohon reseñ. A ɗinngaa po wa willa, a acca nung pooƴoha reseña nga, a haɓiɗta paraang niiɗohaa wa. Ƴutta, a hanndaa deg ŋ yaah ɓi guuroh reseñ ne wa ruund ɗah ɓa paysoh ; a ɓaaɓpa. 34Wa nguɗaŋ reseña ree, a tuuƴca ñaam ciŋ ɗe ŋ guuroh ca ne a rahas ɓakiŋ ɗe ŋ reseñi. 35Guuroh ca ammba ñaam ca ; ɓa laɓpa yi, ɓa appa yum, ɓa tapsohha ya tas atoh. 36A tuuƴissa ɓi ñaam wiiriis, ɓi uup laay ɓa koc, waaye guuroh ca tummba ɓa ina ɓa tumee ɓen rek.
37Ŋ mirndaani, a woossa kuɓkiŋ ɗe, a woosa ŋ haf ce ne : “ Ɓa hey supke kuɓkiŋ ngo. ” 38Waaye wa guuroh ca hot kuɓka, ɓa woosa harmban ɓa ne : “ Lamohiŋ yohni a yi ! Hayaat ɓoo ap ɗe, ɓoo raak lamaahiŋ ɗe. ” 39Ɓa ɓayya ɗe, ɓa puliɗta ɗe yohna, ɓa appa ɗe. »
40Ŋ ineem, Yeesu woosa ne : « Heɗ yohniŋ reseñi hay ɗah, a tuman guuroh ceem na ? » 41Kilifaacaŋ Yawuut ca loffa ɗe ne : « Ɓooɓi baahaaɗiiceem, a hey ɓa ape fut, a deg yohna ŋ yaah ɓi guuroh wiiriis, ɓi eɗan ɗe ini a raak nga ŋ jamanoonaŋ wa. »
42Yeesu woosa ɓa ne : « Mand haa ne ɗu moosɗi jangoh ini Fiis ci Hooliɗ ci woo wii : “ Atoh fi taɓahoh ci mbetee mirndohiɗ nik atoh fi amb taɓahi. Wa puloh ŋ Heɗ ɓoo, wa in feyohiɗ nga ɓoo.#Sabuur 118:22-23 ” 43Weɗ tah, ñam na woyee ɗu ne : Nguuriŋ-Kooh hey teyse ŋ yaah ɗu, cuuɓ wiiriis wi eɗohan rim ciŋ wa, hey wa eɗse. [44Ɓo' nu keen ŋ atoh feem ɗah, a hey weersukohe#Esayi 8:14-15 te ɓo' nu wa keen ŋ ɗafuk ce ɗah, wa hey ɗe ruñuɓsohe.#Dañeel 2:44-45] »
45Kilifaacaŋ seeƴkiɗoh ca na Farisen ca marakka woo ka, ɓa inahha ne Yeesu woyee ini kaɗ nga ɓa ŋ andiin ca. 46Ɓa waakeeɗa findi ɓaa hee ɗe ambohe, waaye ɓa neƴƴoheen mboolnda, laam ɓeem ambee ɗe findi Woosuuɗ.
Currently Selected:
Macce 21: YM
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc
Macce 21
21
Aasaŋ Yeesu ŋ Yerusalem
1Yeesu na taalubeeciŋ ɗe taalndiɗta ŋ waas Yerusalem. Wa ɓa kaɗ po ɓa heeɗa ree, teemb kur kaŋ Betfase, ŋ sero Tangooraŋ-Oliiw-ca, Yeesu woossa kanak nga ɓa. 2A woosa ɓa ne : « Kaɗaat ŋ kur ki ŋ fikiiɗu wii, ɗu ree rek ɗah, ɗu hey hote mbaam riɓ tokuuɗ nga na cumbriŋ ɗe. Toksaat ca, ɗu kom mbo ca ndii. 3Te ɓo' meekis ɗu ɗah, woyaat ɗe ne : “ A kilifaani etoh ca. ” Ŋ ineem, a jaaran ɗu faɗ ɗu hay na ca. » 4Ineem raakka ne ina woosuuɗa woyee raak :
5« Woyaat kur kiŋ Siyong ne :
“ Buuriŋ ɗa yii hay nga ɗa,
a ruhsiɗiɗ haf ce, a rap mbaam,
cumbur mbaam,
ɗoopaat sifoh.#Sakriya 9:9 ” »
6Taalubeeca kanak ca kaɗta, ɓa haɓiɗta ina Yeesu nakee ɓa. 7Ɓa ɓayya mbaama na cumbra, ɓa raɗta kulɓaacaŋ ɓa nga ca, Yeesu rappa. 8Ɓo' laayiɗ ŋ mboolnda raɗiɗta ɗe kulɓaacaŋ ɓa ŋ waasa ; ɓum raɗɗeeɗa ɗe na saaf ciŋ kidig ci ɓa piike. 9Mboolnda hunnda kaɗeeɗa, ɓum adugka Yeesu, ɓum ñaakeeɗa nga ɗe ; ɓa woyeeɗa ŋ ɗafka ne :
« Hosaana#21:9 Hosaana : ŋ ɗeɓgaana, wa tokseen ne : "Woti-woti, mucɗa ɓoo." Wa nikee kiim Kooh. Waaye, wa kaɗta po wa nikka woo yakɗoha Kooh. setiŋ Dawuuda !
Ɓoyi na haye ŋ tiikiŋ Heɗi, a raakaat barke !#Sabuur 118:26
Hosaana ŋ jol jol ɗafka ! »
10Wa Yeesu aasee Yerusalem, kur ka jen yoondeeɗa yoond, ɓa woyeeɗa ne : « Ya ɓa yii ? » 11Mboolnda loffa ne : « A Yeesu, Woosuuɗiŋ Kooh, yi puloh Nasareet ngaŋ Galile. »
Yeesu ŋ Kahan Kooh
12Wa Yeesu ree, a aassa ŋ Kahan Kooh, a aannja toonoh ca na romoh ca nikee nga jen, a folla taaɓul caŋ wecce'oh ca, na ɓoofohaacaŋ toonoh banuut ca. 13A woosa ɓa ne : « Kooh woyiɗ ŋ Fiis ci Hooliɗ ci ne : “ Kahan ndo teeksan kahan kiimoha Kooh,#Esayi 56:7 ” waaye ɗu tumiɗa ɗembohaaniŋ rokoh ci.#Yeremi 7:11 »
14Ɓi fuuliɗ na ɓi yiiɓoh hayya nga ɗe ŋ Kahan Kooh, a wiriɗta ɓa. 15Kilifaacaŋ seeƴkiɗoh caŋ waasiŋ Musaa na jangɗohoh caŋ wa hotta in ca feyohiɗ ca a haɓiɗ na leehka komaakca leehkee ŋ ɗooƴ Kahan Kooh an : « Hosaana setiŋ Dawuuda ! » Ɓa ayrukka, 16ɓa woosa Yeesu ne : « Fu kerhiɗ ini ɓa na woye e ? » A loffa ɓa ne : « Ee, ŋ kerhiɗa, waaye hanaa ɗu moosɗi jangoh inii ŋ Fiis ci : “ Fu tumiɗ po komaakci ƴin ci na gooy ci ɓa ɗii ƴeek ɗa.#Sabuur 8:3 ” » 17Ƴutta, a faɗta ɓa ndaam, a pulla kur ka, a kaɗta Betani, a neehha nga.
Yeesu alkiɗ nduna
18Wa Kooh wiis na ɓaaɓa, a dokkisseeɗa kur-taaha, a aɗukka. 19A hotta tas ndun ŋ sero waasa, a reɓpa nga waaye a hotɗi ali in nga ɗal saaf. A woosa nduna ne : « Fu heyɗi rimisse muk ! » Ŋ ɗiska ɗiska, nduna suyya. 20Wi taalubeeci hot ineem, ɓa feyuusa, ɓa woosa ne : « Wa min na nikoh nduni suy ŋ ɗiski ɗiski ? » 21Yeesu loffa ɓa ne : « Ñam na woyee ɗu wa te wa keeh, ɗu kos te ɗu raakɗi liiɓ kanak nga ɗah, ɗu hey haɓɗe ini ŋ haɓiɗ nduni, ali ɗu woo sah tangoorii ne wa kurkaat ndii, wa kaɗ keena ŋ cookma ɗah, wa hey raake. 22In nu ɗu kiim Kooh na kos ɗah, ɗu hey wa rahse. »
Ya ɓa tufkiɗ Yeesu
23Wa Yeesu kaɗ po a aassa ŋ Kahan Kooh, kilifaacaŋ seeƴkiɗoh caŋ waasiŋ Musaa na yakak ca hayya nga ɗe, wa raak ɗe jangɗoheeɗa, ɓa woosa ɗe ne : « In ci fu na haɓɗe, fu gaƴuk nde po fu kaannja ca haɓiɗ ? Ya ɓa tufkiɗ ɗa po fu haɓɗee ca ? » 24A loffa ɓa ne : « Ŋ hey ɗu name meekis in yino, ɗu lof fo ɗah, ŋ nam ɗu woo ini tufkiɗ to po ŋ haɓɗee in cii. 25Ya ɓa tuuƴee Yahya ne a ɓoktoh, a Kooh wala ɓi ɓo' ? »
Ɓa woyeeɗa ŋ harmban ɓa ne : « Ɓoo woo ɗe ne Kooh a yi woos Yahya ɗah, a na hee ɓoo woye ne : “ Wa ye tah ɗu kosɗi ɗe ? ” 26Te ɓoo woo ne, e ɓi ɓo' tuuƴ ɗe ɗah, a', mboolndi cariɗ neƴƴoh. Ɓa jen ɓa amb ne Yahya nikee woosuuɗ. » 27Weɗ ɓa lofoh ɗe ne : « Ɓoo inahɗi. » Yeesu nammba ɓa woo ne : « Ŋ namanɗi ɗu woo ini tufkiɗ to po ŋ haɓɗee in cii. »
Andiiniŋ baabi na kuɓuuci kanak ci
28Yeesu woyissa ɓa ne : « Ɗu liiɓ ye ŋ naandsukii ? A nikee ƴaar, a raakka komaaki ƴaar kanak, a woosa yi koc ne : “ Kuɓu, woti kaɗa fu pangka ŋ yohnaŋ reseñaŋ ngo. ” 29Kuɓka loffa baab ɓa ne : “ Ŋ heyɗi kaɗe. ” Waaye, wa degga ƴissuut, inwaaso ammba ɗe, a kaɗta. 30A kaɗissa ŋ yinoora, a woyissa ɗe ineem. Yeem loffa ɗe ne : “ Ee baab, ŋ hey kaɗe. ” Waaye, a kaɗɗi. »
31Yeesu meekissa kilifaaca ne : « Komaakci kanak ceem, a yinde tum waaɗ-waaɗiŋ baab ɓa nga ɓa ? » Ɓa loffa ɗe ne : « A yi koc. » Yeesu woosa ɓa ne : « Ñam na woyee ɗu wa te wa keeh, juuti'oh ci na toonkoh ci ɓa ɗaa adug ɗu ŋ Nguuriŋ-Kooh. 32Laam Yahya hayiɗ, a teeɓohha waasi yurhiɗi ; ɗu kosɗi ɗe. Waaye juuti'oh ci na toonkoh ci kosiɗ ɗe te ɗu hotiɗ ŋ ineem waaye poyi ɗu ɓoƴsohɗi pesohaaɗ ne ɗu kos ɗe.
Andiiniŋ guuroh reseñ ci añaandiɗ ci
33Sikɗukaat andiin wiiriis an : A nikee heɗ kahan, a yippa yohon reseñ. A ɗinngaa po wa willa, a acca nung pooƴoha reseña nga, a haɓiɗta paraang niiɗohaa wa. Ƴutta, a hanndaa deg ŋ yaah ɓi guuroh reseñ ne wa ruund ɗah ɓa paysoh ; a ɓaaɓpa. 34Wa nguɗaŋ reseña ree, a tuuƴca ñaam ciŋ ɗe ŋ guuroh ca ne a rahas ɓakiŋ ɗe ŋ reseñi. 35Guuroh ca ammba ñaam ca ; ɓa laɓpa yi, ɓa appa yum, ɓa tapsohha ya tas atoh. 36A tuuƴissa ɓi ñaam wiiriis, ɓi uup laay ɓa koc, waaye guuroh ca tummba ɓa ina ɓa tumee ɓen rek.
37Ŋ mirndaani, a woossa kuɓkiŋ ɗe, a woosa ŋ haf ce ne : “ Ɓa hey supke kuɓkiŋ ngo. ” 38Waaye wa guuroh ca hot kuɓka, ɓa woosa harmban ɓa ne : “ Lamohiŋ yohni a yi ! Hayaat ɓoo ap ɗe, ɓoo raak lamaahiŋ ɗe. ” 39Ɓa ɓayya ɗe, ɓa puliɗta ɗe yohna, ɓa appa ɗe. »
40Ŋ ineem, Yeesu woosa ne : « Heɗ yohniŋ reseñi hay ɗah, a tuman guuroh ceem na ? » 41Kilifaacaŋ Yawuut ca loffa ɗe ne : « Ɓooɓi baahaaɗiiceem, a hey ɓa ape fut, a deg yohna ŋ yaah ɓi guuroh wiiriis, ɓi eɗan ɗe ini a raak nga ŋ jamanoonaŋ wa. »
42Yeesu woosa ɓa ne : « Mand haa ne ɗu moosɗi jangoh ini Fiis ci Hooliɗ ci woo wii : “ Atoh fi taɓahoh ci mbetee mirndohiɗ nik atoh fi amb taɓahi. Wa puloh ŋ Heɗ ɓoo, wa in feyohiɗ nga ɓoo.#Sabuur 118:22-23 ” 43Weɗ tah, ñam na woyee ɗu ne : Nguuriŋ-Kooh hey teyse ŋ yaah ɗu, cuuɓ wiiriis wi eɗohan rim ciŋ wa, hey wa eɗse. [44Ɓo' nu keen ŋ atoh feem ɗah, a hey weersukohe#Esayi 8:14-15 te ɓo' nu wa keen ŋ ɗafuk ce ɗah, wa hey ɗe ruñuɓsohe.#Dañeel 2:44-45] »
45Kilifaacaŋ seeƴkiɗoh ca na Farisen ca marakka woo ka, ɓa inahha ne Yeesu woyee ini kaɗ nga ɓa ŋ andiin ca. 46Ɓa waakeeɗa findi ɓaa hee ɗe ambohe, waaye ɓa neƴƴoheen mboolnda, laam ɓeem ambee ɗe findi Woosuuɗ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc