Pula 2
2
Raakuukaŋ Musaa na findi a mucoh
1Raakeen ƴaar ŋ Heber ca, ɓaah ŋ cuuɓiŋ Lewi, a tokka ɓitiɓ ŋ cuuɓeem ; 2ɓitɓeem ammba rook, a raakka kuɓu ƴaar, a hotta ne kuɓka moɗiɗ, a ɗasiɗta ɗe ini ree caɓin kaahay. 3Wa kaɗta po a minisɗi ɗe ɗasiɗ, a ɓayya pañe teɗohuuɗ paangfi na woyse hapeel#2:3 hapeel : wa paangi njooliɗ wi na paare ŋ masuɓ., a reeffaa godirong na daakaande, ne masuɓ aasuu nga, a ɓekka kuɓka nga, a ɗaakkaa ŋ hapeel ca paar ŋ masmaŋ sereendaŋ kalaŋ Niil. 4Taambɗoh kuɓka, ya ɓitɓa, cangtiɗukka, a markeeɗa ini raakan.
5Wa degga ƴissuut, kuɓkiŋ Firawnaana ɓitɓa kaɗta ɓookka ŋ kala, huntoh caŋ ɗe ɓitiɓ ca tiindsukeeɗa ŋ sereendaŋ kala, a ƴokka pañe ŋ ɗooƴ paangiica, a woossa ñaamaŋ ɗe ɓitɓa wa, a ɓayyaa. 6Kuɓkiŋ Firawnaana kunissaa, a hotta kuɓu ƴaar ŋ ɗooƴa fuɗeeɗa. Kuɓka misikka ɗe, a woosa ne : « A ɓaah ŋ kuɓuuciŋ Heber ci. »
7Wa taambɗoh kuɓka hot ineem, a woosa ɗe ne : « Fu ɗaas so de', andi fu waaɗiɗ ne ŋ kaɗ ɗa waakɗa ŋ Heber ci ɓitɓi na hee ɗa ɗe ɓapɗiɗe e ? » 8A woosa ɗe ne : « Ee, kaɗa. » A kaɗta, a hayya na yaayiŋ kuɓka. 9Kuɓkiŋ Firawnaana woosa yeem ne : « Ɓayaa ɗe, fu ɓapɗiɗee so ɗe, ŋ hey ɗa wirnde. » Ɓitɓa ɓayya ɗe, a ɓapɗeeɗa ɗe.
10Wa kuɓka omb, a wikka kuɓkiŋ Firawnaana ɗe, yeem tummba ɗe kuɓkiŋ ɗe ; a woosa ne : « Ini ŋ nihsoh ɗe ŋ masuɓ tahiɗ po ŋ teekan ɗe Musaa#2:10 Tiikiŋ "Musaa" reɓ mand na "nihis" ŋ peɗeem heber. Waaye tiiki namiɗ min puloh ŋ ɓi Misra.. »
Musaa apiɗ ƴaar nga ɓi Misra
11Wa Musaa nik yakak, a kaɗta marka ɓaah caŋ ɗe Heber ca ; a hotta pangka ɓa degu, na findi wa miskoh ! A nammba hot ƴaar ɓaah ŋ ɓi Misra laɓeeɗa ƴaar Heber laɓ miskiɗ. 12Musaa marakka ndeem jen, a hotɗi ɓo', a laɓpa ƴaara genee Misra, a appa ɗe, a uummba fiɗaafiŋ ɗe ŋ merhey mi. 13Kooh wiissa, a hayissa, a raakka Heber kanak hiñoheeɗa ; a woosa ƴaara tooñ ne : « Eh ! Wa ye tah fu laɓee ƴaari fu inah ne a ɗu ɓaah ? » 14Waaye ƴaara loffa ɗe ne : « Ya ɓa tum ɗa kilifaaniŋ ɓoo na atte'ohiŋ ɓoo ? Fu waaɗ to nam ap findi fu apoh ƴaariŋ Misraaci e ? » Musaa inahha ne ina a tum inhuuɗ, a neƴƴohha. 15Firawnaana kerahhaa, a waaɗta ɗe ap, waaye a saandohha kur kaŋ Majaan.
Musaa ŋ kur kaŋ Majaan
Wa Musaa ree Majaan, a ɓoof ŋ sero naac. 16Waam seeƴkiɗohaŋ Majaan raakeen kuɓu cafaƴ yasna-kanak. Ɓa kaɗta naaca, ɓa neyya hongol ca, ne ɓa aniɗ pe' ca na mbaal caŋ baab ɓa. 17Waaye ɓi niiɗoh hayya, aannja ɓa na ɗoopaat caŋ ɓa. Weɗi Musaa kurkoh, hirippa ɓa, a anɗiɗta ɓa ɗoopaat ca.
18Wa komaakca ɓitiɓ ca haad, Rewyel#2:18 Rewyel : a nikee seeƴkiɗoh ŋ Majaan ; a namissiɗ teeku Yetoro. Marka saar 3, aaya 1. baab ɓa woosa ɓa ne : « Ca' ! Wa ye tah ɗu teella hay woti ? » 19Ɓa loffa ɗe ne : « A ƴaar gen Misra a yi tos ɓoo ŋ niiɗoh ci, a yi neyiɗ ɓoo sah, a aniɗta ɓoo ɗoopaat ci. » 20A woosa ɓa ne : « A nde ƴaara ? Wa ye tah ɗu faɗta ɗe ndaam ? Kaɗaat ɗu ɓeeɗkaa ɗe a ñam na ɓoo book ! »
21Ŋ mirndaani Musaa teyɗukka nik ŋ kahan ƴaara, yeem onnda ɗe ɓitiɓ, kuɓkiŋ ɗe na woyse Sefora. 22A raakka na ɗe kuɓu ƴaar, a woosa ne : « Ŋ genohaah ŋ kur jaambur. » Weɗ tah, a teekka kuɓka Geersom#2:22 Geersom Tiikiŋ "Geersom" na "genohaah" ceɗ mand ŋ peɗeem heber..
23Musaa nikka ŋ Majaan in maañiɗ po buuraŋ Misra ŋ jamanoonaam kaannda. Israayel ca rissa ŋ ñaam kaŋ ɓa, ɓa iineeɗa, ɓa leehkeeɗa ; leehuk caŋ ɓa ne ɓa naafu, reesa ŋ Kooh. 24Kooh kerahha ca, a naandsukka ambtiɗohiŋ ɗe na Ibrahiima na Isaahha na Yaŋhooɓa. 25A marakka ŋ Israayel ca, a inahha ini ɓa nikoh.
Currently Selected:
Pula 2: YM
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc
Pula 2
2
Raakuukaŋ Musaa na findi a mucoh
1Raakeen ƴaar ŋ Heber ca, ɓaah ŋ cuuɓiŋ Lewi, a tokka ɓitiɓ ŋ cuuɓeem ; 2ɓitɓeem ammba rook, a raakka kuɓu ƴaar, a hotta ne kuɓka moɗiɗ, a ɗasiɗta ɗe ini ree caɓin kaahay. 3Wa kaɗta po a minisɗi ɗe ɗasiɗ, a ɓayya pañe teɗohuuɗ paangfi na woyse hapeel#2:3 hapeel : wa paangi njooliɗ wi na paare ŋ masuɓ., a reeffaa godirong na daakaande, ne masuɓ aasuu nga, a ɓekka kuɓka nga, a ɗaakkaa ŋ hapeel ca paar ŋ masmaŋ sereendaŋ kalaŋ Niil. 4Taambɗoh kuɓka, ya ɓitɓa, cangtiɗukka, a markeeɗa ini raakan.
5Wa degga ƴissuut, kuɓkiŋ Firawnaana ɓitɓa kaɗta ɓookka ŋ kala, huntoh caŋ ɗe ɓitiɓ ca tiindsukeeɗa ŋ sereendaŋ kala, a ƴokka pañe ŋ ɗooƴ paangiica, a woossa ñaamaŋ ɗe ɓitɓa wa, a ɓayyaa. 6Kuɓkiŋ Firawnaana kunissaa, a hotta kuɓu ƴaar ŋ ɗooƴa fuɗeeɗa. Kuɓka misikka ɗe, a woosa ne : « A ɓaah ŋ kuɓuuciŋ Heber ci. »
7Wa taambɗoh kuɓka hot ineem, a woosa ɗe ne : « Fu ɗaas so de', andi fu waaɗiɗ ne ŋ kaɗ ɗa waakɗa ŋ Heber ci ɓitɓi na hee ɗa ɗe ɓapɗiɗe e ? » 8A woosa ɗe ne : « Ee, kaɗa. » A kaɗta, a hayya na yaayiŋ kuɓka. 9Kuɓkiŋ Firawnaana woosa yeem ne : « Ɓayaa ɗe, fu ɓapɗiɗee so ɗe, ŋ hey ɗa wirnde. » Ɓitɓa ɓayya ɗe, a ɓapɗeeɗa ɗe.
10Wa kuɓka omb, a wikka kuɓkiŋ Firawnaana ɗe, yeem tummba ɗe kuɓkiŋ ɗe ; a woosa ne : « Ini ŋ nihsoh ɗe ŋ masuɓ tahiɗ po ŋ teekan ɗe Musaa#2:10 Tiikiŋ "Musaa" reɓ mand na "nihis" ŋ peɗeem heber. Waaye tiiki namiɗ min puloh ŋ ɓi Misra.. »
Musaa apiɗ ƴaar nga ɓi Misra
11Wa Musaa nik yakak, a kaɗta marka ɓaah caŋ ɗe Heber ca ; a hotta pangka ɓa degu, na findi wa miskoh ! A nammba hot ƴaar ɓaah ŋ ɓi Misra laɓeeɗa ƴaar Heber laɓ miskiɗ. 12Musaa marakka ndeem jen, a hotɗi ɓo', a laɓpa ƴaara genee Misra, a appa ɗe, a uummba fiɗaafiŋ ɗe ŋ merhey mi. 13Kooh wiissa, a hayissa, a raakka Heber kanak hiñoheeɗa ; a woosa ƴaara tooñ ne : « Eh ! Wa ye tah fu laɓee ƴaari fu inah ne a ɗu ɓaah ? » 14Waaye ƴaara loffa ɗe ne : « Ya ɓa tum ɗa kilifaaniŋ ɓoo na atte'ohiŋ ɓoo ? Fu waaɗ to nam ap findi fu apoh ƴaariŋ Misraaci e ? » Musaa inahha ne ina a tum inhuuɗ, a neƴƴohha. 15Firawnaana kerahhaa, a waaɗta ɗe ap, waaye a saandohha kur kaŋ Majaan.
Musaa ŋ kur kaŋ Majaan
Wa Musaa ree Majaan, a ɓoof ŋ sero naac. 16Waam seeƴkiɗohaŋ Majaan raakeen kuɓu cafaƴ yasna-kanak. Ɓa kaɗta naaca, ɓa neyya hongol ca, ne ɓa aniɗ pe' ca na mbaal caŋ baab ɓa. 17Waaye ɓi niiɗoh hayya, aannja ɓa na ɗoopaat caŋ ɓa. Weɗi Musaa kurkoh, hirippa ɓa, a anɗiɗta ɓa ɗoopaat ca.
18Wa komaakca ɓitiɓ ca haad, Rewyel#2:18 Rewyel : a nikee seeƴkiɗoh ŋ Majaan ; a namissiɗ teeku Yetoro. Marka saar 3, aaya 1. baab ɓa woosa ɓa ne : « Ca' ! Wa ye tah ɗu teella hay woti ? » 19Ɓa loffa ɗe ne : « A ƴaar gen Misra a yi tos ɓoo ŋ niiɗoh ci, a yi neyiɗ ɓoo sah, a aniɗta ɓoo ɗoopaat ci. » 20A woosa ɓa ne : « A nde ƴaara ? Wa ye tah ɗu faɗta ɗe ndaam ? Kaɗaat ɗu ɓeeɗkaa ɗe a ñam na ɓoo book ! »
21Ŋ mirndaani Musaa teyɗukka nik ŋ kahan ƴaara, yeem onnda ɗe ɓitiɓ, kuɓkiŋ ɗe na woyse Sefora. 22A raakka na ɗe kuɓu ƴaar, a woosa ne : « Ŋ genohaah ŋ kur jaambur. » Weɗ tah, a teekka kuɓka Geersom#2:22 Geersom Tiikiŋ "Geersom" na "genohaah" ceɗ mand ŋ peɗeem heber..
23Musaa nikka ŋ Majaan in maañiɗ po buuraŋ Misra ŋ jamanoonaam kaannda. Israayel ca rissa ŋ ñaam kaŋ ɓa, ɓa iineeɗa, ɓa leehkeeɗa ; leehuk caŋ ɓa ne ɓa naafu, reesa ŋ Kooh. 24Kooh kerahha ca, a naandsukka ambtiɗohiŋ ɗe na Ibrahiima na Isaahha na Yaŋhooɓa. 25A marakka ŋ Israayel ca, a inahha ini ɓa nikoh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc