Tum ci 3
3
Piyeer na Saaŋ wirɗiɗ lafañ
1Wa raakka mbeh, Piyeer na Saaŋ kaɗta kiima Kooh ŋ Kahan Kooh. Wa nikee jamanooniŋ kiimi na tumse ŋ ɓak noh soos. 2Waam raak ɓooɓa ɓayeeɗa ƴaar lafñiɗ nga, a rimuk rimuk na lafñiŋ ɗe. Mbeh nu nik, a na ɓayse ɓayu, a degu ŋ sero buntaana na woyse "Buntaani-Moɗohngaani" ne a min yalwaan ŋ ɓooɓi na aase ŋ Kahan Kooh.
3Wi a hot Piyeer na Saaŋ heeɗa aase, a meekissa ɓa yalwaan. 4Piyeer na Saaŋ jen iiƴeeɗa ɗe, Piyeer woosa ɗe ne : « Marka ɓoo ! » 5A markeeɗa ɓa baahiɗ, a ammba ne a hey rahse in nga ɓa. 6Piyeer woosa ɗe ne : « Ŋ raakɗi urus ŋ raakɗi haalis, waaye ini ŋ raak, ŋ hey ɗa wa one : Ŋ tiikiŋ Yeesu Kiristaa yiŋ Nasareet, kurka fu tiind ! » 7A ammba ɗe ŋ yaah-ñaahum, a kurkiɗta ɗe, ŋ ɗiska ɗiska kot ciŋ ɗe nikka ndengiɗ tir.
8A kurukka japit, a tufukka, a tiindeeɗa. A hunnda na ɓa, a aassa Kahan Kooh, a tiindeeɗa, a gongtiɗkeeɗa, a yakɗeeɗa Kooh. 9Ɓooɓa jen hotta ɗe tiindeeɗa, a gidmeeɗa Kooh. 10Ɓa inhissa ɗe ne a yi meeɗ ɓoof, a yalwaanee ŋ buntaana na woyse "moɗohngaani" ŋ Kahan Kooh, weɗ ɓa jaahɗoh, ɓa feyuusa ŋ ini raak.
Woo kiŋ Piyeer
11Ƴaara lafñee nikka ŋoɗiɗ ŋ Piyeer na Saaŋ, ɓooɓa jen feyuusa, ɓa faɗsukka ɗiska ɓi Piyeer nikee ŋ ɗiska na woyse Perngaŋ-Suleymaan ngaŋ Kahan Kooh. 12Wa Piyeer hot ineem, a woosa mboolnda ne : « Israayel ci, wa ye tah ɗu feyuusa ŋ inii, wa ye tah ɗu markee ɓoo ? Ɗu liiɓ ne wa hatiliŋ ɓoo, wala nupi ɓoo nup Kooh tah ƴaarii wir po a tiinde e ?
13Koohiŋ Ibrahiima na Isaahha na Yaŋhooɓa, Koohiŋ caac ciŋ ɓoo, teeɓohiɗ yaki surgaaniŋ ɗe Yeesu yak. Te e ɗu eɗoh ɗe, ɗu taasukka ɗe ŋ fiki Pilaat yi tufkee ŋ kot faɗis ɗe. 14Ɗu taaskiɗ Yi hool wuu Kooh te a yurahha, ɗu kiimmba Pilaat ne, ɗu faɗsiɗu apoh ɓo'.#Macce 27:11-27; Maarko 15:1-15; Luk 23:3-25; Saaŋ 18:28–19:16 15Ɗu apɗukiɗ Heɗ kipes ki, waaye Kooh hultiɗiɗ ɗe. Ɓoo nak, ɓoo miniɗ seede ineem.
16Kosi ɓoo kos Yeesu, weɗ tah woo ki ɓoo woo ŋ tiikiŋ ɗe onnda ƴaari ɗu na hote yii te ɗu inahha ɗe, hatil po a minnda tufuk ndengiɗ. E tiikiŋ Yeesu, na kosi puloh nga ɗe, on ƴaari wir jameet findi ɗu hotoha an.
17Ɗiski wa nik ndii ɓaah ciŋ ngo, ŋ inhiɗ ne ɗu tum Yeesu ineem ŋ inhaaɗi, ɗu na kilifaaciŋ ɗu. 18Waaye Kooh raakiɗta ineem ne ini a woyee maañiɗ taamboh ŋ woo ciŋ woosuuɗ ci jen raak, ne Mucɗohi a gapohee joyiɗ raak miskiɗ.
19Mbaa ɓoƴsohaat pesohaaɗ, ɗu wiiruk ŋ Kooh ne a moos bakaaɗ ciŋ ɗu. 20Ŋ ineem, Heɗ ɓoo hey ɗu one ɓi jamano iɗsiɗkoha, a woosoh ɗu Mucɗohi a tanɗee ɗu maañiɗ, Yeesu. 21Waaye ɗiski wa nik, Eel ci joyiɗ daliɗ Yeesu po jamanooni in ci jen doknohsan as, findi Kooh woyoha maañiɗ taamboh ŋ woo ciŋ woosuuɗ ciŋ ɗe hooliɗ ci.
22Laam Musaa woyeen ne : “ Heɗi, Koohiŋ ɗu, hey ɗu woosohe Woosuuɗ findiiso, a pulohan cuuɓiŋ ɗu, sikɗukaat in ci a woyan ɗu jen. 23Te ɓo' nu sikɗukɗi Woosuuɗeem ɗah, a hey pulɗasse ŋ cuuɓiŋ Kooh, a apu.#Lewiici 23:29; Rohƴiɗi 18:15,19 ” 24Woosuuɗ ci woo jen, ina amboh ŋ Samuwel#1 Samuwel 1:20–25:1 po ɓi taamb nga ɗe, findi ɓa hend jen, namiɗ yegɗoh mbeh ci ɓoo na pese cii.
25E ɗu lam woosuuɗ ceem, ambtiɗohi Kooh tufkiɗee na caac ciŋ ɗu, wa wuu ɗu wi a woyee Ibrahiima ne : “ Ŋ hey barke'ɗe cuuɓ ciŋ kehƴi jen taamboh ŋ ɓi na hee rimkohe nga ɗa. ” 26Kooh koc woos surgaaniŋ ɗe nga ɗu, a woosiɗ ɗe ne a barke'iɗ ɗu, a tum po yaa nu nga ɗu ɗah eɗ finho tumohaaɗ ciŋ ɗe moɗaaɗiici. »
Currently Selected:
Tum ci 3: YM
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc
Tum ci 3
3
Piyeer na Saaŋ wirɗiɗ lafañ
1Wa raakka mbeh, Piyeer na Saaŋ kaɗta kiima Kooh ŋ Kahan Kooh. Wa nikee jamanooniŋ kiimi na tumse ŋ ɓak noh soos. 2Waam raak ɓooɓa ɓayeeɗa ƴaar lafñiɗ nga, a rimuk rimuk na lafñiŋ ɗe. Mbeh nu nik, a na ɓayse ɓayu, a degu ŋ sero buntaana na woyse "Buntaani-Moɗohngaani" ne a min yalwaan ŋ ɓooɓi na aase ŋ Kahan Kooh.
3Wi a hot Piyeer na Saaŋ heeɗa aase, a meekissa ɓa yalwaan. 4Piyeer na Saaŋ jen iiƴeeɗa ɗe, Piyeer woosa ɗe ne : « Marka ɓoo ! » 5A markeeɗa ɓa baahiɗ, a ammba ne a hey rahse in nga ɓa. 6Piyeer woosa ɗe ne : « Ŋ raakɗi urus ŋ raakɗi haalis, waaye ini ŋ raak, ŋ hey ɗa wa one : Ŋ tiikiŋ Yeesu Kiristaa yiŋ Nasareet, kurka fu tiind ! » 7A ammba ɗe ŋ yaah-ñaahum, a kurkiɗta ɗe, ŋ ɗiska ɗiska kot ciŋ ɗe nikka ndengiɗ tir.
8A kurukka japit, a tufukka, a tiindeeɗa. A hunnda na ɓa, a aassa Kahan Kooh, a tiindeeɗa, a gongtiɗkeeɗa, a yakɗeeɗa Kooh. 9Ɓooɓa jen hotta ɗe tiindeeɗa, a gidmeeɗa Kooh. 10Ɓa inhissa ɗe ne a yi meeɗ ɓoof, a yalwaanee ŋ buntaana na woyse "moɗohngaani" ŋ Kahan Kooh, weɗ ɓa jaahɗoh, ɓa feyuusa ŋ ini raak.
Woo kiŋ Piyeer
11Ƴaara lafñee nikka ŋoɗiɗ ŋ Piyeer na Saaŋ, ɓooɓa jen feyuusa, ɓa faɗsukka ɗiska ɓi Piyeer nikee ŋ ɗiska na woyse Perngaŋ-Suleymaan ngaŋ Kahan Kooh. 12Wa Piyeer hot ineem, a woosa mboolnda ne : « Israayel ci, wa ye tah ɗu feyuusa ŋ inii, wa ye tah ɗu markee ɓoo ? Ɗu liiɓ ne wa hatiliŋ ɓoo, wala nupi ɓoo nup Kooh tah ƴaarii wir po a tiinde e ?
13Koohiŋ Ibrahiima na Isaahha na Yaŋhooɓa, Koohiŋ caac ciŋ ɓoo, teeɓohiɗ yaki surgaaniŋ ɗe Yeesu yak. Te e ɗu eɗoh ɗe, ɗu taasukka ɗe ŋ fiki Pilaat yi tufkee ŋ kot faɗis ɗe. 14Ɗu taaskiɗ Yi hool wuu Kooh te a yurahha, ɗu kiimmba Pilaat ne, ɗu faɗsiɗu apoh ɓo'.#Macce 27:11-27; Maarko 15:1-15; Luk 23:3-25; Saaŋ 18:28–19:16 15Ɗu apɗukiɗ Heɗ kipes ki, waaye Kooh hultiɗiɗ ɗe. Ɓoo nak, ɓoo miniɗ seede ineem.
16Kosi ɓoo kos Yeesu, weɗ tah woo ki ɓoo woo ŋ tiikiŋ ɗe onnda ƴaari ɗu na hote yii te ɗu inahha ɗe, hatil po a minnda tufuk ndengiɗ. E tiikiŋ Yeesu, na kosi puloh nga ɗe, on ƴaari wir jameet findi ɗu hotoha an.
17Ɗiski wa nik ndii ɓaah ciŋ ngo, ŋ inhiɗ ne ɗu tum Yeesu ineem ŋ inhaaɗi, ɗu na kilifaaciŋ ɗu. 18Waaye Kooh raakiɗta ineem ne ini a woyee maañiɗ taamboh ŋ woo ciŋ woosuuɗ ci jen raak, ne Mucɗohi a gapohee joyiɗ raak miskiɗ.
19Mbaa ɓoƴsohaat pesohaaɗ, ɗu wiiruk ŋ Kooh ne a moos bakaaɗ ciŋ ɗu. 20Ŋ ineem, Heɗ ɓoo hey ɗu one ɓi jamano iɗsiɗkoha, a woosoh ɗu Mucɗohi a tanɗee ɗu maañiɗ, Yeesu. 21Waaye ɗiski wa nik, Eel ci joyiɗ daliɗ Yeesu po jamanooni in ci jen doknohsan as, findi Kooh woyoha maañiɗ taamboh ŋ woo ciŋ woosuuɗ ciŋ ɗe hooliɗ ci.
22Laam Musaa woyeen ne : “ Heɗi, Koohiŋ ɗu, hey ɗu woosohe Woosuuɗ findiiso, a pulohan cuuɓiŋ ɗu, sikɗukaat in ci a woyan ɗu jen. 23Te ɓo' nu sikɗukɗi Woosuuɗeem ɗah, a hey pulɗasse ŋ cuuɓiŋ Kooh, a apu.#Lewiici 23:29; Rohƴiɗi 18:15,19 ” 24Woosuuɗ ci woo jen, ina amboh ŋ Samuwel#1 Samuwel 1:20–25:1 po ɓi taamb nga ɗe, findi ɓa hend jen, namiɗ yegɗoh mbeh ci ɓoo na pese cii.
25E ɗu lam woosuuɗ ceem, ambtiɗohi Kooh tufkiɗee na caac ciŋ ɗu, wa wuu ɗu wi a woyee Ibrahiima ne : “ Ŋ hey barke'ɗe cuuɓ ciŋ kehƴi jen taamboh ŋ ɓi na hee rimkohe nga ɗa. ” 26Kooh koc woos surgaaniŋ ɗe nga ɗu, a woosiɗ ɗe ne a barke'iɗ ɗu, a tum po yaa nu nga ɗu ɗah eɗ finho tumohaaɗ ciŋ ɗe moɗaaɗiici. »
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc