Agba 4
4
Lɛnunda Lɛ́ƒɔ Kuye Litulo Lɛla Biala
1Mina bebi, bise atu na binu ami bina ɔti ɔda bubo.
Bise atu na bɛkɛ ala kalɔ bunu.
2Ala ani ndi etemila geen na áƒɔ kuye
na mɔɔtina-mii.
Anwuɔsu bitenwini kama bitakya-nya.
3Uwi ɔni na ndi ɔnamu na lɛ́kya mina ɔti kaduli,
na ami kani ndi mina uni ubi ɔnanabi ni,
4Ɔ́tina-mi ala na ɔ́su-mi ɔnini,
“Ƒie mina etemila da kpakplaa ku ƒula kayi ƒui.
Di mina ɔda bubo lɛlɔ na adubulie ngba.
5Nu ka ebo lɛnunda ku ala kalɔ bunu.
Na tayiƒala mina etemila iye edeyi-nya kudɔ
esie kesii bamba.
6Tenwini kama takya lɛnunda, na lɛdubo-ɔ bɔgyumana.
Yɔ lɛnunda na lɛdubo-ɔ lɛlɔ bɔnu.
7Lɛla linengudi ƒui lɛni na ɔlɛka awia ndi lɛnunda.
Ina ka ɔdanku ƒula lɛla biala ni,
nu ka ebo ala kalɔ bunu
na lɛla biala na aabla kemmo.
8Ya lɛnunda lɛ́ƒɔ-ɔ kuye geen
na lɛdubɔkɔliku-ɔ katɔ.
Kya-nwu kɔgbu na ɔbu ɔdubɔkya-a lɛlɔ.
9Ɔdubudi lɛka lɛni mɔɔdia bɔnu ɔsia-a lili
na akɛ kagabwa kani muukeye.”
10Ubi, nu-mi litemi na aƒɔ lɛla lɛni na mɔɔsu-ɔ.
Ɔmmɔ ɔdubɔya na elie ngba na akwa emomo-ɔ.
11Lɛnunda lilu na mɔɔtina-a.
Na lɛtɔnku-ɔ lɛsiaku lilu lɛbuni lɛlɔ.
12Na si akɛ eesié ni, elekpuulo.
Na si usi lɛnɔ na akɛ eekeli ni, alatutu.
13Da mina ala ani na lɛ́tina-a na tanyonu-mu
Da-mu kaduɛ, ɔsika ala ammɔ ndi ƒula ngba.
14Tasiaku balalane lɛgba kanyakɔ.
Na tasia lilu lɛni na bekyuli bekpidi bakɛ.
15Die-ma kasiakɔ ƒui atu na tasia mmɔ munu munu
Sɔ bana lilu ƒui lɛlɔ
na enwini asia ƒula kasiakɔ bamba.
16Ɔsika bekyuli bekpidi balátuna bɔtɛ talɛɛ
útédu ka bábla likpidi.
Likyulikpi bɔbla liiyú-ma lɛlɛlɛ wetédu ka
bebile ukyuli ɔdi ngba.
17Ulikplu bɔbla búnwini-ma adila,
na kalala bɔbla ndi bana ntu bɔni na baaní!
18Ukyuli ɔni nse siin kavinkɔ keekeye
aani ɔtanta kadi kani négye kadubo
na keekeye teebu utédu ka ɔbla nwaa ƒui.
19Nsu bekyuli bekpidi kavinkɔ aka kese
aani ubu ɔni nse suu geen.
Na balati lɛla lɛni mɔɔyá na beetulo taagbanta.
20Ubi, nu lɛla lɛni mɔɔsu-ɔ kaduɛ.
Na ƒula kasusu kasia litemi biala lɛlɔ geen.
21Taya na mina etemila avi-ɔ anu.
Mmomu ya na eduo-ɔ kayi kemmo geen.
22Ɔsika adi ngba ete ukyuli ɔni nákɛ-nya,
na aayá na awɔ ukyuli umodi ɔmmɔ aakɛ́ ɔlɔkplu.
23Na lɛla lɛni ntulo ƒui ni,
da ƒula kayi kemodi kammɔ kaduɛ,
ɔsika ngba libiɔ lɛni mɔɔyu ntu kadi.
24Ya na kɔyalɛtɛ kusie kama ƒui na ƒula kudɔ
Na etemila ani muusé lɛlɔ ƒui atalɛ-ɔ kenye.
25Taanu ƒula anumi ligeen uwi biala si akɛ,
na ƒula anumi asia kesii kani na ésela kani.
26Sia ƒula kasiakɔ anu kaduɛ ka kese-ɔ siin
asa na ánya ésela.
Nu ka ɔdi ulu kpakplaa na ulegyiileku-ɔ.
27Tedeyi tesie kɔmii iye kɔdianu.
Na edie ƒula ɔgba na likpidi bɔbla kemmo.
Currently Selected:
Agba 4: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Agba 4
4
Lɛnunda Lɛ́ƒɔ Kuye Litulo Lɛla Biala
1Mina bebi, bise atu na binu ami bina ɔti ɔda bubo.
Bise atu na bɛkɛ ala kalɔ bunu.
2Ala ani ndi etemila geen na áƒɔ kuye
na mɔɔtina-mii.
Anwuɔsu bitenwini kama bitakya-nya.
3Uwi ɔni na ndi ɔnamu na lɛ́kya mina ɔti kaduli,
na ami kani ndi mina uni ubi ɔnanabi ni,
4Ɔ́tina-mi ala na ɔ́su-mi ɔnini,
“Ƒie mina etemila da kpakplaa ku ƒula kayi ƒui.
Di mina ɔda bubo lɛlɔ na adubulie ngba.
5Nu ka ebo lɛnunda ku ala kalɔ bunu.
Na tayiƒala mina etemila iye edeyi-nya kudɔ
esie kesii bamba.
6Tenwini kama takya lɛnunda, na lɛdubo-ɔ bɔgyumana.
Yɔ lɛnunda na lɛdubo-ɔ lɛlɔ bɔnu.
7Lɛla linengudi ƒui lɛni na ɔlɛka awia ndi lɛnunda.
Ina ka ɔdanku ƒula lɛla biala ni,
nu ka ebo ala kalɔ bunu
na lɛla biala na aabla kemmo.
8Ya lɛnunda lɛ́ƒɔ-ɔ kuye geen
na lɛdubɔkɔliku-ɔ katɔ.
Kya-nwu kɔgbu na ɔbu ɔdubɔkya-a lɛlɔ.
9Ɔdubudi lɛka lɛni mɔɔdia bɔnu ɔsia-a lili
na akɛ kagabwa kani muukeye.”
10Ubi, nu-mi litemi na aƒɔ lɛla lɛni na mɔɔsu-ɔ.
Ɔmmɔ ɔdubɔya na elie ngba na akwa emomo-ɔ.
11Lɛnunda lilu na mɔɔtina-a.
Na lɛtɔnku-ɔ lɛsiaku lilu lɛbuni lɛlɔ.
12Na si akɛ eesié ni, elekpuulo.
Na si usi lɛnɔ na akɛ eekeli ni, alatutu.
13Da mina ala ani na lɛ́tina-a na tanyonu-mu
Da-mu kaduɛ, ɔsika ala ammɔ ndi ƒula ngba.
14Tasiaku balalane lɛgba kanyakɔ.
Na tasia lilu lɛni na bekyuli bekpidi bakɛ.
15Die-ma kasiakɔ ƒui atu na tasia mmɔ munu munu
Sɔ bana lilu ƒui lɛlɔ
na enwini asia ƒula kasiakɔ bamba.
16Ɔsika bekyuli bekpidi balátuna bɔtɛ talɛɛ
útédu ka bábla likpidi.
Likyulikpi bɔbla liiyú-ma lɛlɛlɛ wetédu ka
bebile ukyuli ɔdi ngba.
17Ulikplu bɔbla búnwini-ma adila,
na kalala bɔbla ndi bana ntu bɔni na baaní!
18Ukyuli ɔni nse siin kavinkɔ keekeye
aani ɔtanta kadi kani négye kadubo
na keekeye teebu utédu ka ɔbla nwaa ƒui.
19Nsu bekyuli bekpidi kavinkɔ aka kese
aani ubu ɔni nse suu geen.
Na balati lɛla lɛni mɔɔyá na beetulo taagbanta.
20Ubi, nu lɛla lɛni mɔɔsu-ɔ kaduɛ.
Na ƒula kasusu kasia litemi biala lɛlɔ geen.
21Taya na mina etemila avi-ɔ anu.
Mmomu ya na eduo-ɔ kayi kemmo geen.
22Ɔsika adi ngba ete ukyuli ɔni nákɛ-nya,
na aayá na awɔ ukyuli umodi ɔmmɔ aakɛ́ ɔlɔkplu.
23Na lɛla lɛni ntulo ƒui ni,
da ƒula kayi kemodi kammɔ kaduɛ,
ɔsika ngba libiɔ lɛni mɔɔyu ntu kadi.
24Ya na kɔyalɛtɛ kusie kama ƒui na ƒula kudɔ
Na etemila ani muusé lɛlɔ ƒui atalɛ-ɔ kenye.
25Taanu ƒula anumi ligeen uwi biala si akɛ,
na ƒula anumi asia kesii kani na ésela kani.
26Sia ƒula kasiakɔ anu kaduɛ ka kese-ɔ siin
asa na ánya ésela.
Nu ka ɔdi ulu kpakplaa na ulegyiileku-ɔ.
27Tedeyi tesie kɔmii iye kɔdianu.
Na edie ƒula ɔgba na likpidi bɔbla kemmo.
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.