Bumomo Bɔka 17
17
Aaron Ugyii Ɔdadi Ɔ́ta
1Amu na Unwoti ɔ́sɔ ɔ́su Mose ɔnini, 2“Kɔ lɛsa na asu Israelƒuɔ kaba leevu-inyɔ bammɔ ɔtɔnkune biala na ɔnwi ugyii ɔdadi unwi. Na enweni ɔdi biala lɛnyi asia nwuna ugyii lɛlɔ. 3Na enweni Aaron lɛnyi asia Lewiƒuɔ ugyii lɛlɔ, ɔsika kɔdua biala ɔtɔnkune ɔdi ka ugyii unwi use-nwu. 4Na eti ligyii lɛmmɔ etése Unwoti Adi Kevo kemmo na Bunyimi Adaka ɔmmɔ anumi kesii kani na mɔɔsiáku-mii. 5Na ukyuli ɔni na lɛ́ƒuna ni, nwuna ugyii ɔdubo bɔta budie evete. Na ulu ɔmɛni lɛlɔ na ndubɔsia na Israelƒuɔ badaku-ɔ unyeƒi bɔkya baya na lɛda kalaka kamɛni udu bunu lɛya.”
6Ɔmmɔ ɔsu Mose ɔ́kɔ litemi lɛmmɔ lɛsa úte Israelƒuɔ na bana kaba batɔnkune bammɔ ɔdi biala úti nwuna ugyii ɔdadi úboku Mose. Na ligyii lɛmmɔ ƒui lɛdi leevu-inyɔ. Na Aaron ugyii ɔdadi lɛnɔ ubunku. 7Na Mose úti ligyii lɛmmɔ úsienku Unwoti Adi Kevo kammɔ kemmo na úti-ni útése Bunyimi Adaka ɔmmɔ anumi.
8Ka kadi kégye ni, Mose úsie Unwoti Kevo kemmo na ka ɔ́nu ni, na Aaron ugyii ɔni nnye nte Lewiƒuɔ mmɔ ɔ́ta na údie evete ku anwula na ɔ́nwu ebi. 9Mmɔ na Mose ɔ́la ligyii lɛmmɔ ƒui ɔ́siku Unwoti anumi na úti-ni úsienku Israelƒuɔ kudɔ. Na ɔtɔnkune biala ɔ́nu nwuna ugyii údie.
10Na Unwoti ɔ́su Mose ɔnini, “Sɔku Aaron ugyii tése Bunyimi Adaka ɔmmɔ anumi. Na ugyii ɔmmɔ ɔdubɔbla likposela ute Israelƒuɔ batuɔkplune. Na ɔdubɔya na bada bɔdɔ na bana lɛlɔ kemmo na mina lɛlɔ baya kalɛ na balása bukpi ƒui.” 11Na Mose ɔ́bla ɔ́sia kalɛ kani Unwoti úbo-nwu ɔda.
12Mmɔ na Israelƒuɔ bammɔ básu Mose banini, “Bɔdubo bukpi! Bɔ́yii ɔƒɛni amu! Bula ƒui bɔyii! 13Na ukyuli biala mani mede Unwoti Adi Kevo kammɔ muedi ɔdubukpi. Ɔmmɔ ɔsu bula ƒui bɔdubo bukpi?”
Currently Selected:
Bumomo Bɔka 17: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
