Nahum 2
2
Niniwe Ɔdubo Kalɔ Bubo
1Ukyuli ɔdi ɔdubo ubekpo awɔ Niniwe, na ugyingya-a kede kede. Anwuɔsu nye ƒula kɔgyumanakɔ kpakplaa kɔmmɔ kemmo kaduɛ na ataanu ulu! Na aklibi lɛlɔ ete kekpo na atina ƒula lɛnanabi! 2Ɔsika Unwoti ɔɔyɔ́ ka ɔsɔku Israel kadi kani na bana bekisine báƒɛ béwi kalɔ ku bana adingyii kɔgba, na bébile-ma ƒui unyene bana kenyekɔ na basɔ beteekeye.
3Na bekpone bayikune bamɛni bada ala egyiedi, na ala ani mɔɔgyumana-ma kayi lɛnɔ égyie. Na bana bapɔnkɔ kɛɛkɛ uukeye aani ogya unyemi na ɔɔtu anumi. Na bapɔnkɔ bani ndubo kɛɛkɛ lɛmɛni bɔni benye baabla gyegyengye ka bese kalɔ ku bukpo. 4Na bapɔnkɔ bammɔ badanku kɛɛkɛ lɛmmɔ beekeliku taavinku ɔma ɔmmɔ lɛblɔnu lɛlɔ ƒui teesie taasɔ ku usi momoomo na liikeye taabwɛ ogya aani kalɛ na kayaa kaabwɛ ogya.
5Na bana bekpone unengu ɔdi údie lɛdi úte bekpone bani na ɔ́ƒuna mmɔ, na békeli bésela ɔma unengudi ɔmmɔ kowodu kudɔ, nsu bakɛ beetulo. Na atakpɛ ani na beebó taavialaku kowodu kɔmmɔ eli taabayula ɔsu ni, báwia ala bagyumana lɛlɔ. 6Na ketu bonwu kani ntu nábala Niniwe ɔma ɔba kenye mmɔ bɔ́bwɛ bɔ́lɛmi, na bɔɔyu teeduo ɔga kesii na ɔ́ya na ɔga kaduli kábwɛ. 7Niniwe anumi éwi kalɔ, na báni beleku ɔga ɔmmɔ bátɔlɔku, na nwuna lɛlɔ banune belekubi bammɔ beewulo kɔnyana taabla aani kalɛ na babloduma beedumo, na béƒie eli bada ku kɔnyana. 8Niniwe use aani libiɔ lɛni na bátu na lɛ́bwɛ na nina ntu bɔɔlɛ́ taatɔlɔ, ɔsika kɔvanu kɔda kesi kesii banini, “Bitatɔlɔ! Bitatɔlɔ!” Nsu lɛni kani na ukyuli biala ɔ́vi ɔɔlɛ́ ɔma ɔmmɔ kemmo. 9Na bekisine bekpone bammɔ baava taasu banini, “Akɛla lidu lidu lɛ́ƒɔ ɔma ɔmmɔ kemmo tɛtɛɛtɛ. Bíyu nwuna sika ɔƒualadi bɛ́tɔlɔku, na bíƒie nwuna sika ugyiedi bɛƒɔ! 10Niniwe ɔdi ɔ́sa ɔƒɛni amu! Bábwɛ ɔma ɔmmɔ, na liƒu bonwu líƒie bekyuli bammɔ na benye baatɔ́ kpakpaakpa, na bana anumi ábla ƒuƒuu na bɔyia ɔsu.”
11Bi nálɛku ɔma ɔmɛni lɛni? Kuuku ni, na nka beli-nwu ƒaa betulo bagyata bayikune bani ntɛ bana atabi libu kemmo na balayia ku lɛla, ɔsika ɔdi ulakana-ma bɔni bude. 12Ama nse aani bagyata bammɔ bani muuƒie bana bebuokpana taatɔlɔku teetéte bana bebi na bakun.
13Niniwe, Unwoti Katɔti Ɔyikune Ƒui ɔ́ta únye-ɔ lɛlɔ na ɔdubo ƒula bapɔnkɔ kɛɛkɛ lɛmmɔ ƒui bɔkyula ku ogya. Na bina bebi bani nási baakɔ́ aani bagyata bebi bina kalɛ kani ni, ɔdubɔya na bekpone badi bebo babadu-ma ƒui kede kede. Na bɛsɔ biladi bekyuli badi lɛlɔ iye bɛtala batu badi bɛkya-ma na bitaakya-ma liƒu lɛdi na kalɔ lɛlɔ kesii kadi.
Currently Selected:
Nahum 2: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Nahum 2
2
Niniwe Ɔdubo Kalɔ Bubo
1Ukyuli ɔdi ɔdubo ubekpo awɔ Niniwe, na ugyingya-a kede kede. Anwuɔsu nye ƒula kɔgyumanakɔ kpakplaa kɔmmɔ kemmo kaduɛ na ataanu ulu! Na aklibi lɛlɔ ete kekpo na atina ƒula lɛnanabi! 2Ɔsika Unwoti ɔɔyɔ́ ka ɔsɔku Israel kadi kani na bana bekisine báƒɛ béwi kalɔ ku bana adingyii kɔgba, na bébile-ma ƒui unyene bana kenyekɔ na basɔ beteekeye.
3Na bekpone bayikune bamɛni bada ala egyiedi, na ala ani mɔɔgyumana-ma kayi lɛnɔ égyie. Na bana bapɔnkɔ kɛɛkɛ uukeye aani ogya unyemi na ɔɔtu anumi. Na bapɔnkɔ bani ndubo kɛɛkɛ lɛmɛni bɔni benye baabla gyegyengye ka bese kalɔ ku bukpo. 4Na bapɔnkɔ bammɔ badanku kɛɛkɛ lɛmmɔ beekeliku taavinku ɔma ɔmmɔ lɛblɔnu lɛlɔ ƒui teesie taasɔ ku usi momoomo na liikeye taabwɛ ogya aani kalɛ na kayaa kaabwɛ ogya.
5Na bana bekpone unengu ɔdi údie lɛdi úte bekpone bani na ɔ́ƒuna mmɔ, na békeli bésela ɔma unengudi ɔmmɔ kowodu kudɔ, nsu bakɛ beetulo. Na atakpɛ ani na beebó taavialaku kowodu kɔmmɔ eli taabayula ɔsu ni, báwia ala bagyumana lɛlɔ. 6Na ketu bonwu kani ntu nábala Niniwe ɔma ɔba kenye mmɔ bɔ́bwɛ bɔ́lɛmi, na bɔɔyu teeduo ɔga kesii na ɔ́ya na ɔga kaduli kábwɛ. 7Niniwe anumi éwi kalɔ, na báni beleku ɔga ɔmmɔ bátɔlɔku, na nwuna lɛlɔ banune belekubi bammɔ beewulo kɔnyana taabla aani kalɛ na babloduma beedumo, na béƒie eli bada ku kɔnyana. 8Niniwe use aani libiɔ lɛni na bátu na lɛ́bwɛ na nina ntu bɔɔlɛ́ taatɔlɔ, ɔsika kɔvanu kɔda kesi kesii banini, “Bitatɔlɔ! Bitatɔlɔ!” Nsu lɛni kani na ukyuli biala ɔ́vi ɔɔlɛ́ ɔma ɔmmɔ kemmo. 9Na bekisine bekpone bammɔ baava taasu banini, “Akɛla lidu lidu lɛ́ƒɔ ɔma ɔmmɔ kemmo tɛtɛɛtɛ. Bíyu nwuna sika ɔƒualadi bɛ́tɔlɔku, na bíƒie nwuna sika ugyiedi bɛƒɔ! 10Niniwe ɔdi ɔ́sa ɔƒɛni amu! Bábwɛ ɔma ɔmmɔ, na liƒu bonwu líƒie bekyuli bammɔ na benye baatɔ́ kpakpaakpa, na bana anumi ábla ƒuƒuu na bɔyia ɔsu.”
11Bi nálɛku ɔma ɔmɛni lɛni? Kuuku ni, na nka beli-nwu ƒaa betulo bagyata bayikune bani ntɛ bana atabi libu kemmo na balayia ku lɛla, ɔsika ɔdi ulakana-ma bɔni bude. 12Ama nse aani bagyata bammɔ bani muuƒie bana bebuokpana taatɔlɔku teetéte bana bebi na bakun.
13Niniwe, Unwoti Katɔti Ɔyikune Ƒui ɔ́ta únye-ɔ lɛlɔ na ɔdubo ƒula bapɔnkɔ kɛɛkɛ lɛmmɔ ƒui bɔkyula ku ogya. Na bina bebi bani nási baakɔ́ aani bagyata bebi bina kalɛ kani ni, ɔdubɔya na bekpone badi bebo babadu-ma ƒui kede kede. Na bɛsɔ biladi bekyuli badi lɛlɔ iye bɛtala batu badi bɛkya-ma na bitaakya-ma liƒu lɛdi na kalɔ lɛlɔ kesii kadi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.