Malakai 3
3
Unwoti Úse Kenye Ka Ɔtu Ɔdi Ɔdubo
1“Ami, Unwoti Ɔyikune Ƒui, ndubɔtala ɔtu ɔdi na ɔklibi ulu use ute-mi. Na kɔnakunwi Unwoti ɔni ulu na binye bɛɛnu ni, ɔdubɔda ɔlɛ na nwuna kakpakɔ kemmo. Ɔtu ɔni na bɛɛwia mmɔ ɔ́si ɔdubo ku mina linyese. Na ɔkɛ ulu ɔdubo ɔƒaani.”
Ala Ƒui Adubɔbla Awɔdi
2Limeyi lɛni na Unwoti webo ni, ɔdubuse aani ogya lɛyu lɛni kemmo na baaƒɔ sika, iye ɔkwayɛ ɔni mbo ɔbi. Na ukyuli biala ɔɔɔdubo bɔkana na unye-nwu anumi iye unye ɔsiaku-nwu. 3Unwoti ɔdubo Lewi bebi ku bawɔ lɛlɔ bɔƒɔ na babla sɛɛn aani sika ɔƒualadi iye ugyiedi. Na ɔmmɔ kama na beti akpala ani nse sɛɛn beboku Unwoti. 4Na Yudaƒuɔ ku bani nkya Yerusalem ƒui akpala adubɔƒɔ-nwu anu aani kalɛ kani na úse uwi ɔni nábavi.
Biteyu Katɔti Na Lɛkwɛ Kemmo
5Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui. 6Yakob bebi ku bawɔ, ami ndi Unwoti Ɔyikune Ƒui ɔni naaavumana uwi ɔdi. Anwuɔsu na ńtayila-mii udu ńtedie ƒui 7ina ka bíni na bilenu-mi litemi ɔ́si bina bati kuuku uwi ƒui. Nsu si bínwini bíbo-mi kudɔ ni, ami lɛnɔ ndubunwini libo-mii kudɔ. Nsu buye na biiye bɛnini, ‘Dɛ na bɔdubɔkana na bunwini bubo-ɔ kudɔ?’ 8Amii bekyuli bamɛni ni, biiyú ami, bina Katɔti.
“Nsu mɛni lɛnɔ buye na biiye bɛnini, ‘Dɛ na buuyú-ɔ?’
“Na bɛgyi nwaa ka akpala ani na beeti teeboku-mi ku ala lɛkpa leevudi lɛni ndi ami ɔdi ni, biiyú-nya. 9Na ɔmmɔ ɔsu na ewida asiaku kalɔ kammɔ ƒui. 10Ami ndi Unwoti Ɔyikune Ƒui, na nnye-mii anumi mɔɔsu-mii nnii bɛkɔku-mi bɛnu na biti ala lɛkpa leevudi lɛmmɔ ƒui bibese-mi kaduli ala kesekɔ, na adila emomo-mi kɔduli. Na ndubɔlɛmi kayaa na mina kusɛ kusɛ ubo-mii lɛlɔ ɔsia kama aani kalɛ na ɔnantu ɔɔna. 11Ndubutile baalɔlɔ kuƒi na basɔ belebile-mii ala na ada bɔnwu aya. 12Na kɔlɔ ƒui bekyuli ɔdi biala ɔdubɔsu kalɛ na líte-mii kusɛ kusɛ ku kalɛ na bina kalɔ kadia.
13“Bɛ́tɛmi enyekpi bonwu bonwu bɛ́siku-mi lɛlɔ, nsu ɔƒaani buye na biiye bɛnini, ‘Bi na bɔ́su o-o?’
14“Binu lɛla lɛni na bɛ́su bɛnini, ‘Kɔdɔlɔ na kɔdi-bu ka bunye butaakpali Unwoti Ɔyikune Ƒui. Bi kɔsia geen na bɔɔkɛ́ si bunye bɔɔbu-nwu na bɔkɛ ku kɔnyana bɔɔví uwi biala? 15Bɛnu kalɛ na lɛlɔ lɛɛyɔ́ bekyuli bani náta bénye-nwu lɛlɔ. Na ala aatɛku ukyuli biala na unye ɔɔbla likpidi na ina békpoku Katɔti bánu muedi na lɛla lɛdi lilábla-ma.’ ”
Unwoti Kama Bɔsiaku Siin Ɔdanku Lɛyuƒɔla
16Bekyuli bani ƒui mɔɔsiaku Unwoti ulu siin lɛlɔ bése kalɔ baatɛmi taasiku litemi lɛmɛni lɛlɔ. Na ka Unwoti ɔ́nu lɛla lɛni mɔɔlɛ́ ni, ɔ́ya na bénweni-ma anyi bákya nwuna ɔku kemmo. 17Mmɔ na Unwoti Ɔyikune Ƒui ɔ́su ɔnini, “Amii bekyuli bamɛni bɛ́ƒɔ-mi kuye geen, na si uwi ɔni na líbo mbatɛ litemi ni, ndubo-mii bɔgyumana kalɛ kani na bawɔne baagyumana bana ubi ɔni muunú-ma litemi. 18Na bekyuli badubɔnu kavumana kani nkya bekyuli bani muunú-mi litemi na baabla ala ulu siin lɛlɔ ku bani néni-mi na baabla ekpidi ntɛ.”
Currently Selected:
Malakai 3: lef
Highlight
Share
Copy
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.