Lewiƒuɔ Ɔda Bubo 4
4
Likpidi Buti Taakyiɛ Buvele Akpala
1Amu na Unwoti ɔ́su Mose ɔnini, 2“Tásu Israel kadi bekyuli ƒui anini, ‘Ɔƒɛni kalɛ ɔdi ɔdubɔƒiɔ na tati tati ɔsu na ɔbla ala ani lɛlɔ na líbo-mii ɔda ɔdi.
3“ ‘Si ɔkpane ɔni na bése-nwu likpo na ɔdi na úti bɔƒiɔ úboku bekyuli ƒui lɛlɔ ni, ɔlɛka uti ɔmantɛ akɔ ɔgyani ubete Unwoti. Na ɔlɛka ɔnu ka akɔ ɔmmɔ use sɛɛn na útasɔ kesii kadi asa beti babla likpidi butitaakyiɛ akpala ammɔ na likpidi lɛni na ɔ́bla ɔsu. 4Ɔdubuti ɔmantɛ akɔ ɔgyani ɔmmɔ uboku Unwoti Adi Kevo kammɔ kayakun na Unwoti anumi. Na uti enu ɔsia akɔ ɔmmɔ lili uti ɔtina ka ɔmmɔ na úti unyene nwuna likpidi kenye Na ɔmmɔ kama na badu akɔ ɔmmɔ na Unwoti anumi.
5“ ‘Ɔƒɛni ɔkpane unengudi ɔmmɔ ɔdubuti akɔ ɔmmɔ ubugya ɔdi na uti uboku Unwoti Adi Kevo kammɔ kemmo. 6Na ɔkya ubugya ɔmmɔ lɛnimi ɔkuna uwi Unwoti Adi Kevo kammɔ kakpakɔ bule kɔdi kɔmmɔ anumi maatɛ. 7Na uti ubugya ɔmmɔ ɔdi ususu ebuo ese ani nlɛ oloƒui lɛkpabi lɛni nnye Unwoti anumi na Unwoti Adi Kevo kemmo mmɔ lɛlɔ. Na akɔ ɔmmɔ ubugya ɔkladi ƒui ni, ɔkpane ɔmmɔ ɔdubuti uwi lɛkpabi lɛni nnye Unwoti Adi Kevo kammɔ kayakun kenye mmɔ kalɔ.
8“ ‘Ɔmmɔ kama na udie ebuo ɔni na béti bábabla likpidi butitaakyiɛ akpala mmɔ lɛmwi ƒui ku lɛni mma kaƒɔ ala ammɔ lɛlɔ ku lɛni nkya-nwu kaƒɔ kemmo lɛnɔ use sɛsɛɛ. 9Na ɔdubudie akabi anyɔ ammɔ ku kasɔma lɛmwi ku akɔ ammɔ kawɔlɔkɔ kammɔ lɛnɔ. 10Na ɔmɛni útavumanaku ekpo ani na beedie na ɔmantɛ akɔ ɔgyani iye uledi lɛlɔ si baabla unwi bɔbla akpala. Na ala amɛni na ɔdi ka ɔkpane uti ɔbla ogya akpala bɔkyula ƒui ute-mi na bɔkyula lɛkpabi lɛlɔ.
11“ ‘Nsu ɔdubɔsala ebuo ɔmmɔ ɔku ku lɛna lɛkladi ƒui ku nwuna lili ku lɛgba ku kaƒɔ ala ku nwuna liƒi ku ala ani nkya-ni kemmo ƒui. 12Na ala ani ƒui nébu ni, ɔlɛka balɛku-nya bana keliekɔ mmɔ besienku kama ƒui na kesii kani na bédie bése sɛsɛɛ beewi ala ani na bákyula mmɔ ntɔ. Na mmɔ na badubo ogya ɔbambadi bɔsala na bakyula ala ammɔ ƒui na kesii kani na ntɔ bɔmmɔ buwi mmɔ.
13“ ‘Na si ɔƒɛni kalɛ kadi kammɔ ƒui naaagyi asa na bábla lɛla lɛdi na báta bénye Unwoti ɔda bubo bɔdi lɛlɔ ni, ɔdi-ma bɔƒiɔ ina ka bátati asa na bábla-ni. 14Si bábanu likpidi lɛmmɔ báti ni, na ɔlɛka kadi kammɔ ƒui beti ɔmantɛ akɔ beboku na bababla likpidi butitaakyiɛ akpala. Na ɔdi ka beti-nwu beboku Unwoti Adi Kevo anumi. 15Mmɔ na kadi benengu bammɔ ƒui badubuti bana enu basia akɔ ɔmmɔ lili na Unwoti anumi. Na beti batina ka ɔmmɔ na béti beenyene bana kenye. Ɔmmɔ kama na badu-nwu na Unwoti anumi mmɔ.
16“ ‘Na ɔdi ka ɔkpane unengudi ɔmmɔ uti akɔ ɔmmɔ ubugya ɔdi uboku Unwoti Adi Kevo kammɔ kemmo. 17Na uti nwuna lɛnimi ɔkya na ɔkuna uwi kakpakɔ bule kɔdi kɔni nƒa mmɔ kenye na Unwoti anumi maatɛ. 18Ɔdubuti ubugya ɔmmɔ ɔdi ususu ese ani nlɛ lɛkpabi lɛni nnye Unwoti Adi Kevo kammɔ kemmo lɛlɔ na Unwoti anumi. Na uti ubugya ɔkladi uwi lɛkpabi lɛni lɛlɔ na baakyula akpala mmɔ lɛlɔ na linye Unwoti Adi Kevo kammɔ kayakun kenye. 19Na ɔdubudie ebuo ɔmmɔ lɛmwi ƒui ɔkyula na lɛkpabi lɛmmɔ lɛlɔ. 20Na kalɛ kani na ɔkpane ɔmmɔ ɔ́blaku akɔ ɔni na úti ɔ́bla likpidi lili buvele akpala mmɔ ni, lɛni kani geen na ɔlɛka ɔblaku ɔmɛni lɛnɔ. Ulu ɔmɛni lɛlɔ na ɔdubɔsia na uvele-mi na lidie kɔtu bɔni na bana lɛlɔ. Na liti bana ekpidi lɛkyiɛ-ma. 21Ɔmmɔ kama na beti akɔ ɔmmɔ balɛku bana keliekɔ mmɔ besienku kama ƒui batákyula kalɛ kani na bábla udeedi. Na ɔmmɔ ndi kadi ƒui likpidi butitaakyiɛ akpala.
22“ ‘Na si ɔtɔnkune ɔdi nábla likpidi lɛdi na ɔ́ƒiɔ Unwoti nwuna Katɔti ɔda bubo bɔdi ina útati ni, ɔ́ƒiɔ. 23Na si kama na báya na ɔ́ti likpidi lɛni na ɔ́bla ni, ɔlɛka uti ketukpa kani nse sɛɛn na kátasɔ uboku aani nwuna akpala etela. 24Ukyuli ɔmmɔ ɔdubuti enu ɔsia ketukpa kammɔ lili uti ɔtina ka aka na úti uunyene lɛlɔ kenye. Ɔmmɔ kama na ɔdu-ka na kesii kani na baadú bebuo taakyula teete-mi mmɔ. Na ndubɔƒɔ lite-nwu aani likpidi lili buvele akpala. 25Ɔƒɛni ɔkpane ɔmmɔ ɔdubuti lɛnimi ɔ́kya ebuo ɔni na úti úboku ka ubabla likpidi lili buvele akpala mmɔ ubugya kemmo na uti ususu ese ani nlɛ lɛkpabi lɛni lɛlɔ na baakyula bebuo mmɔ lɛlɔ. Na ubugya ɔkladi ni, ɔdubuti uwi lɛkpabi lɛmmɔ kalɔ. 26Na ebuo ɔmmɔ lɛmwi ƒui ni, ɔdubuti-ni ɔkyula na lɛkpabi lɛmmɔ lɛlɔ aani kalɛ baakyula unwi bɔbla lɛmwi. Ulu ɔmɛni lɛlɔ na ɔkpane ɔmmɔ ɔdubɔsia na ɔbla likpidi kɔtu bɔni budie akpala na lidie likpidi kɔtu bɔni biala na ukyuli ɔmmɔ lɛlɔ na liti-nya lɛkyiɛ-nwu.
27“ ‘Ɔƒɛni si Israel kadi akɔ ukyuli ɔdi nátati asa na ɔ́bla lɛla lɛdi ɔ́ƒiɔ Unwoti ɔda bubo bɔdi ni, ɔ́ƒiɔ na ɔmmɔ ɔsu. 28Na si ɔdi údie nwuna likpidi lɛni na ɔ́bla mmɔ ɔ́tina-nwu ni, na ɔlɛka uti ese uledi ɔni nse sɛɛn na útasɔ uboku na likpidi lɛni na ɔ́bla lili. 29Ɔdubuti enu ɔsia ebuo ɔni na úti úbo ubete mmɔ lili. Ɔmmɔ kama na badu ebuo ɔmmɔ na kesii kani na badubo akpala bɔkyula ɔdi ɔmmɔ bɔbla. 30Na ɔkpane ɔmmɔ ɔdubuti lɛnimi ɔkya ubugya ɔmmɔ kemmo na uti ususu ese ani nlɛ bɔkyula lɛkpabi lɛlɔ mmɔ na uti ubugya ɔkladi uwi lɛkpabi lɛmmɔ kalɔ. 31Mmɔ ni, ɔdubudie ebuo ɔmmɔ lɛmwi ƒui aani kalɛ na bédie unwi bɔbla akpala ebuo ɔmmɔ lɛmwi. Na ɔkpane ɔmmɔ ɔdubuti ɔkyula. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ. Ulu ɔmɛni lɛlɔ na ɔkpane ɔdubɔsia na ɔbla akpala na udie likpidi kɔtu bɔni na ukyuli ɔmmɔ lɛlɔ.
32“ ‘Nsu si koƒonu ubi na úti úboku ubabla likpidi lili buvele akpala ammɔ ni, ɔlɛka uboku koƒonu kuledi kɔni nse sɛɛn na kútasɔ kesii kadi. 33Ɔdubuti enu ɔsia likpidi bɔkyiɛ ebuo ɔmmɔ lili, na badu-ku na ɔmmɔ kama na beti babla likpidi bɔkyiɛ ɔdi ɔmmɔ. 34Ɔkpane ɔmmɔ ɔdubuti lɛnimi ɔkya ubugya ɔmmɔ kemmo na uti ususu ese ani nlɛ lɛkpabi lɛmmɔ lɛlɔ. Na uti ubugya ɔkladi ɔmmɔ ƒui uwi lɛkpabi lɛmmɔ kalɔ. 35Ɔmmɔ kama badubudie lɛmwi lɛmmɔ ƒui aani kalɛ na beedie koƒonu ubi ɔni na béti bábabla unwi bɔbla akpala kalɛ. Na ɔkpane ɔmmɔ ɔdubuti ɔbla akpala bɔkyula na lɛkpabi lɛmmɔ lɛlɔ. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ. Ulu ɔmɛni lɛlɔ na ɔkpane ɔmmɔ ɔdubɔsia na ɔbla akpala na udie kɔtu bɔni na ukyuli ɔmmɔ lɛlɔ.’ ”
Currently Selected:
Lewiƒuɔ Ɔda Bubo 4: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Lewiƒuɔ Ɔda Bubo 4
4
Likpidi Buti Taakyiɛ Buvele Akpala
1Amu na Unwoti ɔ́su Mose ɔnini, 2“Tásu Israel kadi bekyuli ƒui anini, ‘Ɔƒɛni kalɛ ɔdi ɔdubɔƒiɔ na tati tati ɔsu na ɔbla ala ani lɛlɔ na líbo-mii ɔda ɔdi.
3“ ‘Si ɔkpane ɔni na bése-nwu likpo na ɔdi na úti bɔƒiɔ úboku bekyuli ƒui lɛlɔ ni, ɔlɛka uti ɔmantɛ akɔ ɔgyani ubete Unwoti. Na ɔlɛka ɔnu ka akɔ ɔmmɔ use sɛɛn na útasɔ kesii kadi asa beti babla likpidi butitaakyiɛ akpala ammɔ na likpidi lɛni na ɔ́bla ɔsu. 4Ɔdubuti ɔmantɛ akɔ ɔgyani ɔmmɔ uboku Unwoti Adi Kevo kammɔ kayakun na Unwoti anumi. Na uti enu ɔsia akɔ ɔmmɔ lili uti ɔtina ka ɔmmɔ na úti unyene nwuna likpidi kenye Na ɔmmɔ kama na badu akɔ ɔmmɔ na Unwoti anumi.
5“ ‘Ɔƒɛni ɔkpane unengudi ɔmmɔ ɔdubuti akɔ ɔmmɔ ubugya ɔdi na uti uboku Unwoti Adi Kevo kammɔ kemmo. 6Na ɔkya ubugya ɔmmɔ lɛnimi ɔkuna uwi Unwoti Adi Kevo kammɔ kakpakɔ bule kɔdi kɔmmɔ anumi maatɛ. 7Na uti ubugya ɔmmɔ ɔdi ususu ebuo ese ani nlɛ oloƒui lɛkpabi lɛni nnye Unwoti anumi na Unwoti Adi Kevo kemmo mmɔ lɛlɔ. Na akɔ ɔmmɔ ubugya ɔkladi ƒui ni, ɔkpane ɔmmɔ ɔdubuti uwi lɛkpabi lɛni nnye Unwoti Adi Kevo kammɔ kayakun kenye mmɔ kalɔ.
8“ ‘Ɔmmɔ kama na udie ebuo ɔni na béti bábabla likpidi butitaakyiɛ akpala mmɔ lɛmwi ƒui ku lɛni mma kaƒɔ ala ammɔ lɛlɔ ku lɛni nkya-nwu kaƒɔ kemmo lɛnɔ use sɛsɛɛ. 9Na ɔdubudie akabi anyɔ ammɔ ku kasɔma lɛmwi ku akɔ ammɔ kawɔlɔkɔ kammɔ lɛnɔ. 10Na ɔmɛni útavumanaku ekpo ani na beedie na ɔmantɛ akɔ ɔgyani iye uledi lɛlɔ si baabla unwi bɔbla akpala. Na ala amɛni na ɔdi ka ɔkpane uti ɔbla ogya akpala bɔkyula ƒui ute-mi na bɔkyula lɛkpabi lɛlɔ.
11“ ‘Nsu ɔdubɔsala ebuo ɔmmɔ ɔku ku lɛna lɛkladi ƒui ku nwuna lili ku lɛgba ku kaƒɔ ala ku nwuna liƒi ku ala ani nkya-ni kemmo ƒui. 12Na ala ani ƒui nébu ni, ɔlɛka balɛku-nya bana keliekɔ mmɔ besienku kama ƒui na kesii kani na bédie bése sɛsɛɛ beewi ala ani na bákyula mmɔ ntɔ. Na mmɔ na badubo ogya ɔbambadi bɔsala na bakyula ala ammɔ ƒui na kesii kani na ntɔ bɔmmɔ buwi mmɔ.
13“ ‘Na si ɔƒɛni kalɛ kadi kammɔ ƒui naaagyi asa na bábla lɛla lɛdi na báta bénye Unwoti ɔda bubo bɔdi lɛlɔ ni, ɔdi-ma bɔƒiɔ ina ka bátati asa na bábla-ni. 14Si bábanu likpidi lɛmmɔ báti ni, na ɔlɛka kadi kammɔ ƒui beti ɔmantɛ akɔ beboku na bababla likpidi butitaakyiɛ akpala. Na ɔdi ka beti-nwu beboku Unwoti Adi Kevo anumi. 15Mmɔ na kadi benengu bammɔ ƒui badubuti bana enu basia akɔ ɔmmɔ lili na Unwoti anumi. Na beti batina ka ɔmmɔ na béti beenyene bana kenye. Ɔmmɔ kama na badu-nwu na Unwoti anumi mmɔ.
16“ ‘Na ɔdi ka ɔkpane unengudi ɔmmɔ uti akɔ ɔmmɔ ubugya ɔdi uboku Unwoti Adi Kevo kammɔ kemmo. 17Na uti nwuna lɛnimi ɔkya na ɔkuna uwi kakpakɔ bule kɔdi kɔni nƒa mmɔ kenye na Unwoti anumi maatɛ. 18Ɔdubuti ubugya ɔmmɔ ɔdi ususu ese ani nlɛ lɛkpabi lɛni nnye Unwoti Adi Kevo kammɔ kemmo lɛlɔ na Unwoti anumi. Na uti ubugya ɔkladi uwi lɛkpabi lɛni lɛlɔ na baakyula akpala mmɔ lɛlɔ na linye Unwoti Adi Kevo kammɔ kayakun kenye. 19Na ɔdubudie ebuo ɔmmɔ lɛmwi ƒui ɔkyula na lɛkpabi lɛmmɔ lɛlɔ. 20Na kalɛ kani na ɔkpane ɔmmɔ ɔ́blaku akɔ ɔni na úti ɔ́bla likpidi lili buvele akpala mmɔ ni, lɛni kani geen na ɔlɛka ɔblaku ɔmɛni lɛnɔ. Ulu ɔmɛni lɛlɔ na ɔdubɔsia na uvele-mi na lidie kɔtu bɔni na bana lɛlɔ. Na liti bana ekpidi lɛkyiɛ-ma. 21Ɔmmɔ kama na beti akɔ ɔmmɔ balɛku bana keliekɔ mmɔ besienku kama ƒui batákyula kalɛ kani na bábla udeedi. Na ɔmmɔ ndi kadi ƒui likpidi butitaakyiɛ akpala.
22“ ‘Na si ɔtɔnkune ɔdi nábla likpidi lɛdi na ɔ́ƒiɔ Unwoti nwuna Katɔti ɔda bubo bɔdi ina útati ni, ɔ́ƒiɔ. 23Na si kama na báya na ɔ́ti likpidi lɛni na ɔ́bla ni, ɔlɛka uti ketukpa kani nse sɛɛn na kátasɔ uboku aani nwuna akpala etela. 24Ukyuli ɔmmɔ ɔdubuti enu ɔsia ketukpa kammɔ lili uti ɔtina ka aka na úti uunyene lɛlɔ kenye. Ɔmmɔ kama na ɔdu-ka na kesii kani na baadú bebuo taakyula teete-mi mmɔ. Na ndubɔƒɔ lite-nwu aani likpidi lili buvele akpala. 25Ɔƒɛni ɔkpane ɔmmɔ ɔdubuti lɛnimi ɔ́kya ebuo ɔni na úti úboku ka ubabla likpidi lili buvele akpala mmɔ ubugya kemmo na uti ususu ese ani nlɛ lɛkpabi lɛni lɛlɔ na baakyula bebuo mmɔ lɛlɔ. Na ubugya ɔkladi ni, ɔdubuti uwi lɛkpabi lɛmmɔ kalɔ. 26Na ebuo ɔmmɔ lɛmwi ƒui ni, ɔdubuti-ni ɔkyula na lɛkpabi lɛmmɔ lɛlɔ aani kalɛ baakyula unwi bɔbla lɛmwi. Ulu ɔmɛni lɛlɔ na ɔkpane ɔmmɔ ɔdubɔsia na ɔbla likpidi kɔtu bɔni budie akpala na lidie likpidi kɔtu bɔni biala na ukyuli ɔmmɔ lɛlɔ na liti-nya lɛkyiɛ-nwu.
27“ ‘Ɔƒɛni si Israel kadi akɔ ukyuli ɔdi nátati asa na ɔ́bla lɛla lɛdi ɔ́ƒiɔ Unwoti ɔda bubo bɔdi ni, ɔ́ƒiɔ na ɔmmɔ ɔsu. 28Na si ɔdi údie nwuna likpidi lɛni na ɔ́bla mmɔ ɔ́tina-nwu ni, na ɔlɛka uti ese uledi ɔni nse sɛɛn na útasɔ uboku na likpidi lɛni na ɔ́bla lili. 29Ɔdubuti enu ɔsia ebuo ɔni na úti úbo ubete mmɔ lili. Ɔmmɔ kama na badu ebuo ɔmmɔ na kesii kani na badubo akpala bɔkyula ɔdi ɔmmɔ bɔbla. 30Na ɔkpane ɔmmɔ ɔdubuti lɛnimi ɔkya ubugya ɔmmɔ kemmo na uti ususu ese ani nlɛ bɔkyula lɛkpabi lɛlɔ mmɔ na uti ubugya ɔkladi uwi lɛkpabi lɛmmɔ kalɔ. 31Mmɔ ni, ɔdubudie ebuo ɔmmɔ lɛmwi ƒui aani kalɛ na bédie unwi bɔbla akpala ebuo ɔmmɔ lɛmwi. Na ɔkpane ɔmmɔ ɔdubuti ɔkyula. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ. Ulu ɔmɛni lɛlɔ na ɔkpane ɔdubɔsia na ɔbla akpala na udie likpidi kɔtu bɔni na ukyuli ɔmmɔ lɛlɔ.
32“ ‘Nsu si koƒonu ubi na úti úboku ubabla likpidi lili buvele akpala ammɔ ni, ɔlɛka uboku koƒonu kuledi kɔni nse sɛɛn na kútasɔ kesii kadi. 33Ɔdubuti enu ɔsia likpidi bɔkyiɛ ebuo ɔmmɔ lili, na badu-ku na ɔmmɔ kama na beti babla likpidi bɔkyiɛ ɔdi ɔmmɔ. 34Ɔkpane ɔmmɔ ɔdubuti lɛnimi ɔkya ubugya ɔmmɔ kemmo na uti ususu ese ani nlɛ lɛkpabi lɛmmɔ lɛlɔ. Na uti ubugya ɔkladi ɔmmɔ ƒui uwi lɛkpabi lɛmmɔ kalɔ. 35Ɔmmɔ kama badubudie lɛmwi lɛmmɔ ƒui aani kalɛ na beedie koƒonu ubi ɔni na béti bábabla unwi bɔbla akpala kalɛ. Na ɔkpane ɔmmɔ ɔdubuti ɔbla akpala bɔkyula na lɛkpabi lɛmmɔ lɛlɔ. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ. Ulu ɔmɛni lɛlɔ na ɔkpane ɔmmɔ ɔdubɔsia na ɔbla akpala na udie kɔtu bɔni na ukyuli ɔmmɔ lɛlɔ.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.