Lewiƒuɔ Ɔda Bubo 3
3
Ɔda Bubo Na Unwi Bɔbla Akpala Ɔdi Lɛlɔ
1“ ‘Si ɔdi úti ɔmantɛ akɔ ɔgyani iye uledi úboku ka ubabla unwi bɔbla akpala ni, ɔlɛ ka ɔƒuna ebuo ɔni nse sɛɛn na útasɔ kesii kadi uboku ami Unwoti anumi. 2Na uti nwuna enu ɔsia ebuo ɔmmɔ lili uti ɔtina ka ɔmmɔ na úti únyene nwuna lɛlɔ kenye. Ɔmmɔ kama na badu ebuo ɔmmɔ na Unwoti Adi Kevo kammɔ kenye. Na Aaron bebi bananabi bakpane bammɔ beti ubugya ɔmmɔ bakuna bewi lɛkpabi lɛmmɔ lɛlɔ bamana. 3Na ebuo ɔni na úti ubabla unwi bɔbla akpala ammɔ kaƒɔ kemmo lɛmwi ku lɛmwi lɛni mma kaƒɔ ala ammɔ lɛlɔ ƒui ni, ɔdubuti ute na bakyula bete-mi. 4Na ɔmmɔ ubunku akabi ammɔ ku lɛmwi lɛni mma-nwu lɛlɔ ku kasɔma lɛmwi ku akɔ ammɔ kenye kakɛ. 5Na Aaron bebi bananabi bammɔ badubuti basia ekyweni ani mɔɔda mmɔ lɛlɔ na ɔkywi. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.
6“ ‘Nsu si bese ku baƒonu na ɔdanku úboku ka ubabla unwi bɔbla akpala ɔdi ɔmmɔ ute-mi ni, ɔkana uboku ebuo ɔgyani iye uledi. Nsu ɔnu ka use sɛɛn na útasɔ kesii kadi. 7Na si koƒonu ubi na ɔda ɔnii uuti uboku aani nwuna akpala ni, ɔlɛka uti uboku mina anumi. 8Na ɔdubuti enu ɔsia-ku lili na ɔmmɔ kama na ɔdu-nwu na Unwoti Adi Kevo kammɔ kenye. Na Aaron bebi bananabi bammɔ badubuti ubugya ɔmmɔ bakuna bewi lɛkpabi lɛmmɔ lɛlɔ bamana. 9Na koƒonu ubi ɔni na ɔdanku úboku úbabla unwi bɔbla akpala ammɔ ni, ɔdubudie kuna lɛmwi lɛni ndanku nwuna ɔka ku kasɔma likubi lɛmwi ku kaƒɔ ala lɛmwi lɛni mma-nwu lɛlɔ ku kaƒɔ kemmo lɛmwi lɛmmɔ ƒui. 10Na udie akabi anyɔ ammɔ ku lɛmwi lɛni mma-nwu lɛlɔ ku kasɔma lɛmwi ku akɔ ammɔ kawɔlɔkɔ mmɔ. 11Na ɔkpane ɔdubuti ala amɛni kakɛ kadi ɔkyula na lɛkpabi lɛlɔ. Na ɔmmɔ ɔdubɔbla ogya akpala bɔkyula ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ aani kalɛ na lɛdila liimó ukyuli.
12“ ‘Ɔƒɛni si ese na ɔdanku úboku ubabla akpala ammɔ ni, ɔlɛka uti uboku Unwoti anumi. 13Na ɔdubuti enu ɔsia-nwu lili. Na nwuna kama na ɔdu-nwu na Unwoti Adi Kevo kammɔ anumi, na Aaron bebi bananabi bammɔ bakuna ubugya ɔmmɔ bewi lɛkpabi lɛmmɔ lɛlɔ bamana. 14Na ese ɔni na úti úboku ka ubabla akpala ammɔ ute Unwoti ni, ɔdubudie lɛmwi lɛni mma-nwu kaƒɔ ala ammɔ lɛlɔ ku kaƒɔ kemmo ƒui, 15na ɔdubudie akabi anyɔ ammɔ ku lɛmwi lɛni mma-nwu lɛlɔ ku kasɔma lɛmwi ku akɔ ammɔ kawɔlɔkɔ mmɔ. 16Na ɔkpane ɔdubuti ala amɛni kakɛ ɔkyula na lɛkpabi lɛlɔ. Na ɔmmɔ ɔdubɔbla ogya akpala bɔkyula ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ aani kalɛ lɛdila liimó ukyuli. Unwoti mbo lɛmwi biala.
17“ ‘Na ɔmɛni ɔdi ɔda ɔni na muubó-mii úti úsela bina kaba kaba kemmo bawɔ ƒui akɔ. Na kesii biala bɛdubulie ƒui ni, bitadi lɛmwi lɛdi biala iye ubugya biala.’ ”
Currently Selected:
Lewiƒuɔ Ɔda Bubo 3: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
