Yona 2
2
Yona Ɔ́kpali Katɔti
1Uwi ɔni na Yona ɔkya kabɛ kamɛni kaƒɔ kemmo na ɛpu ntu kalɔ ni, ɔ́kpali nwuna Unwoti Katɔti na ɔ́su ɔnini, 2“Na mina kɔnyana buwulo kemmo ni, O Unwoti, lɛ́kpali-ɔ na énu-mi bɔkpali. Na líwulo lívele ƒula kebunku ɔ́siku kekpine, na énu-mi bɔkpali. 3Édie-mi ákya ɛpu ntu kalɔ kalɔ ƒui likpo lɛni ntu bɔ́ka bɔ́mana-mi, na ɛpu únwini avlɔvɔ na eebó-mi teesienku lɛƒɛnyi lɛni ƒui. 4Lɛ́bu nnii áyila-mi udu ƒui na ƒula anumi, na nsɔ lɛɛɛdubo ƒula kakpakɔ kedee bɔnu kudii. 5Ɛpu ntu búƒie-mi na ɛpu ntu kemmo, na alakpi lɛnɔ ákwɛ aka amana-mi lɛlɔ ƒui. 6Lɛ́yu lísie ɛpu ntu kalɔ kalɔ na abi enengudi ƒui kalɔ kesii kani na lɛ́bu nnii bébo-mi lɛkpu bákya uwi ƒui. Nsu awɔ Unwoti mina Katɔti áda-mi édie éboku ngba.
7“Uwi ɔni na lɛ́bu nnii mina ngba bɔ́sa ƒui ni, lɛ́kpali-ɔ, na awɔ mina Unwoti énu mina bɔkpali na ƒula kakpakɔ kedee mmɔ. 8Bani mɔɔkpá baƒiɔ ku bani neeebo kɔsia kɔdi bénwini kama bákya awɔ ɔni mɔɔbla-ma lɛƒɔndia. 9Nsu ami ndubɔtu lɛnu limwi-ɔ na liti akpala lite-ɔ na lɛdi mina linyese lɛlɔ! Ɔsika ngba bɔƒɔ bɔɔsí Unwoti kudɔ.”
10Amu na Unwoti údie lɛdi ka kabɛ kammɔ kadala Yona úbewi ketudɔ. Na úbo lɛni.
Currently Selected:
Yona 2: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Yona 2
2
Yona Ɔ́kpali Katɔti
1Uwi ɔni na Yona ɔkya kabɛ kamɛni kaƒɔ kemmo na ɛpu ntu kalɔ ni, ɔ́kpali nwuna Unwoti Katɔti na ɔ́su ɔnini, 2“Na mina kɔnyana buwulo kemmo ni, O Unwoti, lɛ́kpali-ɔ na énu-mi bɔkpali. Na líwulo lívele ƒula kebunku ɔ́siku kekpine, na énu-mi bɔkpali. 3Édie-mi ákya ɛpu ntu kalɔ kalɔ ƒui likpo lɛni ntu bɔ́ka bɔ́mana-mi, na ɛpu únwini avlɔvɔ na eebó-mi teesienku lɛƒɛnyi lɛni ƒui. 4Lɛ́bu nnii áyila-mi udu ƒui na ƒula anumi, na nsɔ lɛɛɛdubo ƒula kakpakɔ kedee bɔnu kudii. 5Ɛpu ntu búƒie-mi na ɛpu ntu kemmo, na alakpi lɛnɔ ákwɛ aka amana-mi lɛlɔ ƒui. 6Lɛ́yu lísie ɛpu ntu kalɔ kalɔ na abi enengudi ƒui kalɔ kesii kani na lɛ́bu nnii bébo-mi lɛkpu bákya uwi ƒui. Nsu awɔ Unwoti mina Katɔti áda-mi édie éboku ngba.
7“Uwi ɔni na lɛ́bu nnii mina ngba bɔ́sa ƒui ni, lɛ́kpali-ɔ, na awɔ mina Unwoti énu mina bɔkpali na ƒula kakpakɔ kedee mmɔ. 8Bani mɔɔkpá baƒiɔ ku bani neeebo kɔsia kɔdi bénwini kama bákya awɔ ɔni mɔɔbla-ma lɛƒɔndia. 9Nsu ami ndubɔtu lɛnu limwi-ɔ na liti akpala lite-ɔ na lɛdi mina linyese lɛlɔ! Ɔsika ngba bɔƒɔ bɔɔsí Unwoti kudɔ.”
10Amu na Unwoti údie lɛdi ka kabɛ kammɔ kadala Yona úbewi ketudɔ. Na úbo lɛni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.