Yeremia 35
35
Bɛtɛya Lɛla Lɛdi Bɛsiku Rekabiƒuɔ Lɛla Lɛni Nálɛku-ma Lɛlɔ
1Uwi ɔni na Ɔga Yehoiakim ɔdi ɔga na Yuda ni, Unwoti ɔ́su-mi ɔnini, 2“Sie na atásu Rekabiƒuɔ kɔdua bekyuli anii bebo na bɛsa na kakpakɔ lɛtɔ lɛni na ɔƒɛnyi mmɔ ɔdi kemmo. Na si bébo ni, na ete-ma ntɛ bɔdi na bani.”
3Anwuɔsu lísie kɔdua kɔmmɔ unengu ɔni baalɔ banii Yaasania kudɔ na ńtálɔ-nwu ku nwuna kɔdua kɔmmɔ banana ƒui. 4Lɛ́kpanku-ma líboku kakpakɔ kaduli kemmo na lítiku-ma lísienku ɔtɔ ɔni mma batɛyane bani nsiaku Igdalia ubidi Kenye Udiene Hana ɔdi lɛlɔ. Ɔtɔ ɔmɛni ɔdi katu taasia ɔtɔ ɔni nsia kakpakɔ kammɔ bakpane benengu akɔ unwi ɔni baalɔ Maaseia ɔdi lɛlɔ.
5Amu na lɛ́gyu ntɛ ku lɛkyami bonwu lɛdi lɛ́lɛ-ma anumi na liti lɛɛƒɛɛ lɛnɔ líse-mu kudɔ na lɛ́su Rekabiƒuɔ bammɔ nnini, “Bɛni ntɛ bɔmmɔ bɔdi.”
6Mmɔ na bédie kenye banini, “Oowo! Bula kɔdua ɔti kuuku ɔni ndi Rekab ubidi Yonadab úbo-bu ɔda ɔdi ɔnini, ‘Ɔdi utani ntɛ bɔdi kudii,’ na ɔdi ka bɔdi-mu lɛlɔ. 7Na ɔ́su-bu lɛnɔ ɔnini, ‘Bitatu lɛtɔ na bitesie adingyii mmo bɔdi lɛnɔ. Mmomu biteelie taata ɔ́si likpo linwi úsie likpo bamba. Na si bɛ́di ɔmɛni lɛlɔ ni, bɛdubulie ngba gyɔlɔɔ.’ 8-10Na bula kɔdua bɔɔdi Yonadab ɔda bubo bɔmɛni lɛlɔ uwi biala. Na úti úbalɛ ɔmwi limeyi lɛmɛni lɛlɔ ni, abu ku bula beleku ku bebi bananabi ku belekubi ƒui bulani ntɛ na bulatu lɛtɔ lɛnɔ teelie-ni kemmo na bulesie adingyii mmo lɛnɔ. Na adi kevo kemmo kani na buulie uwi ndi uwi. 11Na uwi ɔmɛni kemmo kani na úbebo úte ka bulie Yerusalem, ɔsika Ɔga Nebukadnesar ku nwuna bekpone béƒie aku kalɔ kani náka kámana ƒui báƒɔ.”
12-13Amu na Unwoti ɔ́su-mi ɔnii nsu Yudaƒuɔ ku Yerusalemƒuɔ ɔnini, “Ami Unwoti Ɔyikune Ƒui, Israel Katɔti, mɔɔwia ka bɛtɛya lɛla lɛdi 14bɛsiku Rekabiƒuɔ kɔdua bekyuli lɛlɔ. Bana ɔti kuuku Yonadab ɔ́su nwuna bawɔ ɔnii batani ntɛ bɔdi kudii. Na úti úbalɛ ɔmwi limeyi lɛmɛni lɛlɔ ni, baadi ɔda bubo bɔmmɔ lɛlɔ. Nsu amii amu ni, lɛ́ɛtɛmiku-mii kɔlɛ kɔlɛ, nsu bíni bɛnii bilenu na bɛdi mina etemila lɛlɔ! 15Bíni bɛnii bilenu mina kenye bediene bani mɔɔsu-mii uwi ndi uwi banini, ‘Bɛda alaekpidi bɔbla bɛya na bɛda baƒiɔ lɛnɔ bɔkpa bɛya! Na bise kalɔ biteenu Unwoti litemi na bitaadi-ni lɛlɔ na ɔdubɔya na bilie kalɔ kani na úti úte bina bati kuuku mɛni lɛlɔ.’ 16Rekabiƒuɔ bénu bana ɔti kuuku Yonadab ɔda ɔni na úbo-ma na baadi-nwu lɛlɔ. Nsu amii bítenu mina litemi na bɛdi-ni lɛlɔ. 17Ami ndi bina Unwoti Katɔti Ɔyikune Ƒui, na mɔɔsu-mii kpakplaa ka si bítenu-mi litemi na binwini kayi ni, ɔgbankpi bonwu ɔdi ɔdubo-mii lɛlɔ. Na ka bíni-mi ɔsu ni, ɔgbankpi ɔmmɔ ɔdubo-mii buyu bɔtu. Ami Unwoti násu.”
Unwoti Úse Rekabiƒuɔ Kenye Kadi
18Ɔmmɔ kama ni, Unwoti ɔ́su-mi ɔnii nsu Rekabiƒuɔ kɔdua bekyuli ɔnini,
“Ami ndi Unwoti Ɔyikune Ƒui, Israel Katɔti. Ka bínu bina ɔti Yonadab litemi na bɛ́di-ni lɛlɔ ɔsu ni, 19líse-mii kenye ka bina kɔdua bekyuli badubo mina kabla bablane bunwini na bilekpi bilása kudii.”
Currently Selected:
Yeremia 35: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
