Yesaia 35
35
1Lɛlɔ lɛdubɔyɔ kalɔ kakwiidi kani mɔɔwia ntu
na kaládia lɛla lɛdi,
ɔsika egyiibi lidu lɛdubɔlɛ linye-ka lɛlɔ ƒui
na alɛ anwula ku ebiti.
2Kalɔ kakwiidi kammɔ ala ƒui adubɔlɛ anwula
ani mɔɔtina ka lɛlɔ lɛɛyɔ́-ka,
na beteebo kudu ku lɛlɔyɔ kɔvanu.
Na kalɔ kammɔ ala ƒui adubɔlɛ enye ataanwami
aani Lebanon abi akumiɔ.
Na eteekeye aani Karmel Kɔbi iye Saron Ɔkwalɛ.
Na banu kalɛ na Unwoti Katɔti lɛgadi liikeye.
3Bɛkya bekyuli bani na enu áƒɛ-ma
na bábla kpɛtɛ kpɛtɛ ogya,
na bani na bana akɔnkɔ áyɔ na aatɔ́ ayu ɔkplu.
4Na bɛsu bani na ɔtɔtɔ ɔɔgyú-ma bɛnini,
“Bise kayi na bɛda bɔyia bɛya,
ɔsika bina Katɔti ɔdubo na ubedie-mii
na udie bina bekisine kasi ute-mii.”
5Na mmɔ ni, banumbwɛne badubɔnu
na batutine benu.
6Na bani na báƒɛ bewi kalɔ badubɔta
na baƒulu ku lɛlɔyɔ aani bakwa.
Na bamumu linyemi kɔbuli kɔƒɛnimi
na bebo kudu ku lɛlɔyɔ.
Na ntukpa bɔlɛ bɔsia bɔvi kalɔ kakwiidi kammɔ kemmo.
7Kɔnwinimi kɔni náƒɔ ogya mmɔ kɔdubunwini lɛba
na abiɔ alɛ kalɔ kakwiidi kammɔ kemmo ekpo ekpo.
Na kesii kani na beƒukutu bátaatɛ
kadubunwini kesii kani na livo
ku ketudɔ alakpi lidu lɛdubɔkwɛ.
8Ulu unengudi ɔdubɔsia kalɔ kammɔ kemmo,
na badubɔlɔ-nwu banii Ulu Kedee.
Na bekyuli bani neeese sɛɛn
baaadubo ulu ɔmmɔ lɛlɔ basia.
Na badɔlɔdi ku belikplune balasia-nwu lɛlɔ.
9Gyata ɔdi ɔɔɔdubo mmɔ bɔkya
na eƒiebuo ɔdi lɛnɔ ulasia mmɔ.
Mmomu bekyuli bani kani na Unwoti ɔ́ya na bákɛ bɔƒɔ
kani ndubɔsia mmɔ betéduo ɔma.
10Na bani na Unwoti ɔ́ƒɔ mmɔ kani ndubɔsia mmɔ
na beteedie lɛnu na betéduo Yerusalem.
Na lɛlɔyɔ ebiti ndubɔbla bana kagabwa
kani na badububi lili.
Na badubɔdi limeyi na bakɛ lɛlɔyɔ,
ɔsika ala ani muukpóku-ma
ku ɔlɛ bunu biala kenye kadubukulo.
Currently Selected:
Yesaia 35: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Yesaia 35
35
1Lɛlɔ lɛdubɔyɔ kalɔ kakwiidi kani mɔɔwia ntu
na kaládia lɛla lɛdi,
ɔsika egyiibi lidu lɛdubɔlɛ linye-ka lɛlɔ ƒui
na alɛ anwula ku ebiti.
2Kalɔ kakwiidi kammɔ ala ƒui adubɔlɛ anwula
ani mɔɔtina ka lɛlɔ lɛɛyɔ́-ka,
na beteebo kudu ku lɛlɔyɔ kɔvanu.
Na kalɔ kammɔ ala ƒui adubɔlɛ enye ataanwami
aani Lebanon abi akumiɔ.
Na eteekeye aani Karmel Kɔbi iye Saron Ɔkwalɛ.
Na banu kalɛ na Unwoti Katɔti lɛgadi liikeye.
3Bɛkya bekyuli bani na enu áƒɛ-ma
na bábla kpɛtɛ kpɛtɛ ogya,
na bani na bana akɔnkɔ áyɔ na aatɔ́ ayu ɔkplu.
4Na bɛsu bani na ɔtɔtɔ ɔɔgyú-ma bɛnini,
“Bise kayi na bɛda bɔyia bɛya,
ɔsika bina Katɔti ɔdubo na ubedie-mii
na udie bina bekisine kasi ute-mii.”
5Na mmɔ ni, banumbwɛne badubɔnu
na batutine benu.
6Na bani na báƒɛ bewi kalɔ badubɔta
na baƒulu ku lɛlɔyɔ aani bakwa.
Na bamumu linyemi kɔbuli kɔƒɛnimi
na bebo kudu ku lɛlɔyɔ.
Na ntukpa bɔlɛ bɔsia bɔvi kalɔ kakwiidi kammɔ kemmo.
7Kɔnwinimi kɔni náƒɔ ogya mmɔ kɔdubunwini lɛba
na abiɔ alɛ kalɔ kakwiidi kammɔ kemmo ekpo ekpo.
Na kesii kani na beƒukutu bátaatɛ
kadubunwini kesii kani na livo
ku ketudɔ alakpi lidu lɛdubɔkwɛ.
8Ulu unengudi ɔdubɔsia kalɔ kammɔ kemmo,
na badubɔlɔ-nwu banii Ulu Kedee.
Na bekyuli bani neeese sɛɛn
baaadubo ulu ɔmmɔ lɛlɔ basia.
Na badɔlɔdi ku belikplune balasia-nwu lɛlɔ.
9Gyata ɔdi ɔɔɔdubo mmɔ bɔkya
na eƒiebuo ɔdi lɛnɔ ulasia mmɔ.
Mmomu bekyuli bani kani na Unwoti ɔ́ya na bákɛ bɔƒɔ
kani ndubɔsia mmɔ betéduo ɔma.
10Na bani na Unwoti ɔ́ƒɔ mmɔ kani ndubɔsia mmɔ
na beteedie lɛnu na betéduo Yerusalem.
Na lɛlɔyɔ ebiti ndubɔbla bana kagabwa
kani na badububi lili.
Na badubɔdi limeyi na bakɛ lɛlɔyɔ,
ɔsika ala ani muukpóku-ma
ku ɔlɛ bunu biala kenye kadubukulo.
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.