Hosea 2
2
1“Anwuɔsu ƒula banwani bananabi ni, ya na balɔ-ma banii, ‘Mina badi,’ na aya na balɔ ƒula banwani belekubi banii, ‘Kɔnyana bɔnu.’
Unwoti Ɔ́su Úse Ka Ɔdubɔni Israel Kɔtu
2“Bɛtɛmiku bina uni!
Bɛlɛ-nwu kaduɛ!
Ina ka ɔsɔ ɔɔɔdi mina ulekudi,
na ami Unwoti lɛnɔ nsɔ lɛɛɛdi ɔgyani.
Bivele-nwu na ɔda lɛyalɛ ku lɛsɔnɔdi lɛmmɔ ɔya
na ɔda-mi kama bɔlɛ ɔya.
3Si ɔɔɔdi lɛni ni, ndubudie-nwu lɛlɔ ala
na ɔsɔ ɔkɛ utaavi aani kalɛ na báwɔ-nwu ku kasɔngya.
Na ndubɔya na ɔta ɔbla aani kalɔ kakwiidi
kani na ntu bɔ́sa-ka kemmo ƒui kede kede
na ukpi na utukwɛ ɔsu.
4Na lɛɛɛdubo amii nwuna bebi lɛnɔ kɔnyana bɔnu,
ɔsika nwuna lɛsɔnɔdi lɛmmɔ kemmo na ɔ́wɔ-mii.
5Bina uni útada udu buni.
Útaalɛ-mi kama,
na ɔ́su ɔnini, ‘Ndubɔsiaku mina basɔnɔ kama,
ɔsika ama muute-mi adila ku ntu
ku adala abuni ku ana lidu bamba lɛnɔ ku nnɔmii ƒɛƒɛɛ ku ntɛ buni.’
6Ami Unwoti ndubuti liyu lɛti lɛti lɛgyi ɔban lɛkya-nwu
na litile-nwu ulu kɔsiakɔ ƒui na ɔsɔ ulákɛ kuƒi kɔdi.
7Na ɔdubo usi bukeli bɔsiaku nwuna bayɔne, nsu ulásiaku-ma.
Na ɔdubɔwia-ma ɔnɔ na ulanu-ma.
Ɔmmɔ kama ɔdubɔsu ɔnini,
‘Ndubɔsɔ linwini lisie mina ɔgyani ɔkukudi kudɔ,
ɔsika ala ádianku-mi uwi ɔmmɔ kemmo
étulo kalɛ na use-mi ɔƒaani.’
8Nsu útati ɔnii antabi ku kamu ku ntɛ buni bɔmmɔ ƒui ni,
adi etela ani nási-mi kudɔ.
Na nwuna sika ugyiedi ku ɔƒualadi ƒui ni, ami néte-nwu
na anwu na ɔda uuyé ala taakpa Baal baƒiɔ.
9Anwuɔsu ndubo ala ammɔ ƒui buƒie bɔƒɔ
edula ku egyiibi ammɔ ƒui ɔsɔ ulanu-nya uléde.
Na liƒie mina adala abuni ku ana lidu bamba lɛmmɔ lɛƒɔ,
adala ani na uubi lɛlɔ mmɔ.
10Na ndubudie-nwu kasɔngya
na nwuna bayɔne anumi.
Na ɔdi ulakana-nwu bɔƒɔ.
11Na ndubukulo Israel emeyi buni bɔdi kenye.
Kɔbuli kɔwɔdi bɔlɛ o-o,
Lɛnwunameyi o-o, ku emeyi buni abambadi ƒui kenye kadubo buklo.
12Uleku ɔmɛni ɔ́su ɔnini, ‘Mina basɔnɔ néte-mi
adingyii mmo bɔni na mbo
ka lɛ́ya na ami ku-ma bɔ́tɛ ɔsu.’
Nsu ni, ami Unwoti ndubo-mu bubile ƒui
na lɛya na bɔta bunwini lɛku
na bebuo bakun ala ammɔ bebile ƒui.
13Na ndubo-nwu kɔtu bɔni
na uwi ɔni na úti ɔ́kpa Baal baƒiɔ
na ɔ́kyula oloƒui úte-nwu kenye.
Na ndubo-nwu kɔtu bɔni na
uwi ɔni kemmo na údie-mi atu na ɔ́yiƒala-mi
na úye kɔkwɛnimi ku asɛɛ lidu ɔ́kya atu ku limɔ
ka ɔɔwia ka nwuna basɔnɔ bataayɔ-nwu ɔsu.
Ami Unwoti nébimi kenye lɛ́su,
na ndubo bɔbla bɔsiaku lɛni!
14“Anwuɔsu ɔƒaani ni,
ndubo-nwu bɔtɔlɔ buɛɛ buɛɛ
butákya kalɔ kakwiidi kemmo na lɛdɔdɔ-nwu.
15Na ndubɔsɔku nwuna adingyii mmo lite-nwu.
Na lɛbibo ɔkwalɛ ɔni kemmo na ala ékpoku-nwu
ɔdubo bunwini Lɛnunsia Ɔkwalɛ.
Na ɔdubɔtuna ute-mi ɔnii, ‘Ɛɛn,’
aani kalɛ na ɔ́bla uwi ɔni na ɔdi ugblebi
na ɔ́si ɔɔlɛ́ Egyipte kalɔ lɛlɔ.
16“Líse-nwu kenye ɔ́si limeyi lɛmmɔ lɛlɔ
ka ɔdubɔlɔ-mi nwuna ɔgya na ɔɔɔdi Ati.
17Na nsɔ lɛɛɛdubo bɔya na ɔkpali Baal ɔni kalɔ ndi Ati.
18Na ndubɔtuna na ulie ku keyi buɛɛ.
Na beƒiebuo ku baasɛ bekpidi basɔ baaadubo-nwu bukpoku
iye badi basɔ bata ku ekpola bebekpoku-nwu lɛnɔ.
19Ndubɔƒɔ-nwu aani mina uleku utidi ɔ́si ɔƒɛni
úsela uwi ƒui.
Na nwuna buti kayu kani na ndubɔƒɔ ndi ka lɛbla lɛla biala siin lite-nwu
na lɛdi mina litemi lɛlɔ ulu lɛlɔ,
na mina bɔyɔ bɔsɔ bulavumana na ntaabla-nwu lɛƒɔndia.
20Na lɛɛɛdubo mina litemi kama bɔlɛ kudii.
Na ɔmmɔ ɔdubɔya na ɔnu ami nwuna Unwoti ɔti.
21“Ndubɔtuna lite-nwu limeyi lɛmmɔ lɛlɔ na lɛlɛmi kayaa
na kayaa lɛnɔ kenu-mi lɛdi na kete ntu na kalɔ kayɔ.
22Na si Yesreel ɔ́kpali-mi ni, ndubɔya na antabi ku egyiibi lidu
adia na ɔkwalɛ ɔmmɔ kemmo.
23Na ndubɔnu-nwu kɔnyana anwu ɔni na nka lɛ́lɔ nnii kɔnyana tanu.
Na ama banii na nka nnii baaadi mina badi ni,
badubunwini mina badi.
Na ama lɛnɔ badubɔsu banii, ‘Awɔ ndi bula Katɔti.’ ”
Currently Selected:
Hosea 2: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
