Hosea 14

Binwini Bisie Unwoti Kudɔ

1Israel, sɔ nwini bo ƒula Unwoti Katɔti kudɔ. Ɔsika likpidi lɛ́ya na ébuli. 2Nwini sie ƒula Unwoti Katɔti kudɔ na etévele-nwu na asu anini, “Ti bula ekpidi kyiɛ-bu, na aƒɔ bula linugya bumwi bɔni ndi akpala ani na búti buute-ɔ. 3Asiria ulakana-bu bɔƒɔ, na kekpo bapɔnkɔ kɛɛkɛ lɛnɔ ulakana-bu bubunku. Anwuɔsu bɔsɔ bulákpa baƒiɔ bani na bɔ́vɔ, ɔsika awɔ Unwoti mɔɔnu bekpinebi kɔnyana.”

Unwoti Úse Kenye Ka Ɔdubuti Ekpidi Ɔkyiɛ

4“Israelƒuɔ, amii néni-mi, nsu mina kɔnyi kɔ́yɔ-mi. Ndubo-mii bɔbwi na lɛyɔ-mii na bɔyɔ bɔmmɔ buuubo kawɔkɔ. 5Na ndubuse lite-mii aani amii ani mɔɔyu na bɛlɛ lili aani egyii anwula ani muubimi na bidie ligyiitu aani kugyii kalɛ. 6Na bɛdubudie kɔgba na kusie ɔgyu na kɔdia bɔnu aani ntɛ kugyii kalɛ. Na ɔnyi ɔni na egyii ammɔ anwula adubudie ni, adubunwenyi ƒɛƒɛɛ aani Lebanon lɛku kemmo egyii kalɛ. 7Bɛdubɔkɛ ɔƒɛ na mina ɔyuli kalɔ. Na bina edula alɛ lili. Bɛdubuwi anwula pii aani ntɛ adingyii kemo na bɛƒɔ lɛnyi aani ntɛ bɔni nási Lebanon. 8Israel, die ƒula lɛƒiɔkpa atu na ndubunu ƒula buvele na lɛnu-ɔ lɛlɔ. Ami ɔlati ndi kugyii kɔni muukeye mmɔ. Na ami ndubɔya na bɛnwu ebi pii.

9“Si bɛdi banundane ni, bɛdubunu ala ani mɔɔsu-mii mɛni kalɔ. Ami ndi bina Unwoti ɔni ndanku-mii mɔɔsiaku ulu ɔbuni lɛlɔ. Na si bínu-mi litemi ni, bɔdubusie aani bavinkpana. Nsu si bɛɛbla ulikplu ala ni, bɛdubo butulo na bibuli.”

Currently Selected:

Hosea 14: lef

Highlight

Copy

Compare