Esekiel 9
9
Bádu Baƒiɔ Bakpane
1Na ala amɛni kama ni, línu ka Unwoti údie lɛdi momoomo ɔnini, “Amii bani na báƒuna bése ka bɛkyula ɔma unengudi ɔmɛni ni, bibo Yerusalem mɛni ku bina ekpola!” 2Amu na lɛ́nu banana ɛku badi ka bási kayakun katɔdi kammɔ bálɛ na bada ekpola ekpidi. Na ukyuli maatɛdi ɔdi ɔsiaku-ma na ɔkya awu ƒuala ƒuala gyɔlɔɔ na ɔda ala ani na ɔkana na uti unweni ala. Na bekyuli bammɔ béduo bésie kakpakɔ kemmo na béténye lɛbuala ligyiedi lɛbi lɛmmɔ kudɔ.
3Ɔmmɔ kama ni, Katɔti bukeye bɔmmɔ bɔ́ta bebweyi bani na bávɔ bényene kakpakɔ mmɔ na bebo avwi mmɔ lɛlɔ. Na búnwini búsie kayakun mmɔ. Na Unwoti ɔ́su ukyuli ɔni na ɔkya awu gyɔlɔɔ mmɔ ɔnini, 4“Sie vi ɔma Yerusalem ɔmmɔ ƒui kemmo na abla likposela asia ukyuli biala geen na alaekpidi ani na baabla na ɔma ɔmɛni kemmo aadá-nwu ɔƒɛ lɛtɛntɛ.”
5-6Amu na únwini na ɔ́su nkyuli ɛku bakladi ɔnini, “Bɛsiaku-nwu kama na bɛdu ukyuli biala na uuubo likposela lɛmmɔ na nwuna lɛtɛntɛ. Na bitanu ɔdi biala kɔnyana! Bɛdu banana ku beleku ku bawɔne ku bana bebi. Bise kalɔ bɛsiku mina kakpakɔ kemmo mɛni, nsu bɛsia anumi kaduɛ na biládu ukyuli ɔni na ubo likposela lɛmmɔ na nwuna lɛtɛntɛ.”
Kɔnakunwi ni, banana bammɔ bádu batɔnkune bani nnye kakpakɔ ɔtɔ kemmo mmɔ.
7Ɔmmɔ kama ni, Unwoti ɔ́su-ma ɔnini, “Bibile kakpakɔ kammɔ ekisila na bɛla bekpine bammɔ bɛsiaku lɛlɔ na kakpakɔ kaduli geen kammɔ kemmo mmɔ. Bɛsɔ bitebile uwi ɔdi bise kabla kalɔ!” Bátɔlɔ mmɔ na bése kalɔ baadú Yerusalemƒuɔ bammɔ. 8Na ami lɛti nébu mmɔ na uwi ɔmmɔ kemmo, anwuɔsu líbo kalɔ na lívele Unwoti nnini, “Bi ɔsu na aabla ala amɛni udu? Bubo na ƒula kɔnyi kúbo kɔ́vi kútédu kesii kani na ɔya na Yerusalemƒuɔ ƒui bekpi?”
9Amu na Unwoti údie kenye ɔnini, “Israel ku Yuda kadi bekyuli bábla ekpidi ani ndi ekisila geen. Na bekyuli badune béyii kalɔ kammɔ kemmo na Yerusalem alati ni, kalala kábɔ mmɔ geen na baakali ka lídie-ma atu ɔsu naaanu ala ani na baabla. 10Anwuɔsu lɛɛɛdubo-ma kɔnyana bɔnu iye liti lɛkyiɛ-ma lɛnɔ. Ndubo-ma kɔtu bɔni na ala ani na bábla kenye.”
11Uwi útetu asa na ukyuli ɔni nkya awu gyɔlɔɔ mmɔ únwini úbo na úbasu ɔnini, “Lɛ́bla lɛla lɛni na ásu-mi anii mbla.”
Currently Selected:
Esekiel 9: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
