Israelƒuɔ Bɔlɛ 5
5
Mose Ku Aaron Bésie Ƒarao Kesii
1Amu na Mose ku Aaron bésie Ƒarao kudɔ na básu-nwu banini, “Unwoti ɔni ndi Israelƒuɔ Katɔti ɔnini, ‘Te mina bekyuli kuƒi na beteesie ketele kemmo na batádi limeyi bete-mi.’ ”
2Amu na Ƒarao úye-ma ɔnini, “Ɔma ndi Unwoti ɔmmɔ na ɔlɛka linu-nwu litemi na lite kuƒi na Israelƒuɔ batɔlɔ? Lɛɛɛgyi Unwoti ɔmmɔ, na lɛɛɛdubo bɔya na batɔlɔ.”
3Amu na Mose ku Aaron bédie kenye banini, “Hebriƒuɔ Katɔti nédie lɛlɔ ɔ́tina-bu. Na ɔƒaani ni, te-bu kuƒi na buti emeyi atɛ busie ketele kemmo na butábla akpala bute bula Unwoti Katɔti. Na si bútabla akpala ammɔ ni, ɔdubɔya na ɔlɛ ubo-bu lɛlɔ na bukpi iye ɔdubɔya na kekpo kadi kebo-bu lɛlɔ na badu-bu kede kede.”
4Amu na Egyipteƒuɔ ɔga úye Mose ku Aaron ɔnini, “Bi ɔsu na bɛɛyɔ́ ka bekyuli bammɔ bada kabla bɔbla baya? Binwini bitátaabla bina kabla pla!” 5Na ɔ́su-ma ɔnini, “Amii ɔlati bɛɛnu ka bimomo bitulo Egyipteƒuɔ, bi ɔsu na ɔƒɛni na bɛɛsu-ma na bada kabla bɔbla baya?”
6Limeyi lɛmmɔ kani ni, Egyipteƒuɔ ɔga úbo bekyuli bani mɔɔnu Israelƒuɔ kabla bablane lɛlɔ ku bana benengu ɔda ɔnii, 7“Bɛda keti kani na kabla bablane bammɔ baasála ku lɛti lɛmmɔ bute bɛya na ama alati beteekulo alakpi ammɔ. 8Nsu bitaya na baƒana bana atimbɔ bumomo bɔni na beekúlo kuuku mmɔ. Israelƒuɔ bamɛni bébo kɔkɔsɔ, anwuɔsu na benye-mi lɛlɔ banii nte-ma kuƒi na beteesie batábla akpala bete bana Katɔti. 9Anwuɔsu bɛya na benye kabla kammɔ lɛlɔ kpakplaa bebu na bada atu bedie bana ɔkɔ etemila ammɔ bene lɛlɔ.”
10Amu na lɛlɔ banune bamɛni ku bana batɔnkune bésie bátásu Israelƒuɔ ka Ɔga Ƒarao ɔnii, “Nsɔ lɛɛɛdubo-mii keti kani biiti teekulo atimbɔ mmɔ bɔwia bute. 11Amii alati bisie bitáwia ala ammɔ. Na kesii kani na bɛdubo ala ammɔ bɔkɛ ɔkya bina kudɔ. Nsu atimbɔ bumomo bɔni na biikúlo limeyi ɔɔɔdi ka ɔƒana munu munu.” 12Anwuɔsu Israelƒuɔ bákɛ Egyipte kalɔ kesi biala baawia alakpi lidu lidu lɛni beti bekulo atimbɔ ammɔ. 13Na lɛlɔ banune bammɔ beenye kabla bablane bammɔ lɛlɔ taasu-ma banini, “Bikulo atimbɔ bumomo bɔni na bɔɔwia aani kudeedi kalɛ!” 14Nsu kawɔlɔkɔ ka bánu ka atimbɔ ammɔ étedu kudeedi adi ni, lɛlɔ banune bammɔ béye-ma banini, “Bi? Bukulo na bítakana atimbɔ bumomo bɔni na bɔɔwia bukulo?” Na bébo-ma kugyiimi kaduɛ.
15Ɔmɛni ɔsu Israelƒuɔ kabla bablane batɔnkune bésie Ɔga Ƒarao kudɔ na bétéye-nwu banini, “Bi ɔsu na aaní-bu kɔtu lɛni? 16Bétete abu ƒula kabla bablane keti kani na bukulo atimbɔ, nsu benye-bu lɛlɔ banini, ‘Bikulo atimbɔ ammɔ!’ Na beebó-bu, nsu bana kudɔ na ɔ́si.”
17Amu na Ƒarao údie kenye ɔnini, “Bakɔsɔne na bɛdi, anwuɔsu na bɛɛbla kɔkɔsɔ ala! Na bɛɛsu taasia kama bɛnii, ‘Bɛya na busie butábla akpala bute Unwoti.’ 18Binwini kɔnakunwi biteesie bitátaabla bina kabla. Na mɔɔsu-mii nnii, ukyuli biala ɔɔɔdubo-mii keti kadi bute, nsu ɔlɛka bikulo atimbɔ bumomo bɔni kani na básu-mii kudeedi.”
19Mmɔ na Israelƒuɔ kabla bablane batɔnkune bammɔ bánu báti ka béduo ɔgbankpi kemmo na uwi ɔni na básu-ma banini, “Útalɛ ka bɛƒana atimbɔ ammɔ bumomo bɔni na biikúlo limeyi ndi limeyi mmɔ.” 20Uwi ɔni bási baalɛ́ Ƒarao kudɔ ni, básiaku Mose ku Aaron na ulu lɛlɔ ka benye bágya-ma. 21Mmɔ na batɔnkune bammɔ básu-ma banini, “Unwoti ɔdubɔtɛku-mii litemi! Amii néti-bu bínwini bekyuli bani muuƒí Ƒarao ku nwuna benengu livo yayaaya, na utulo ka bɛ́kya-ma kewii kɔnu ka badu-bu muedi.”
Mose Ɔ́kpali Unwoti
22Amu na Mose únwini úsie útákpali Unwoti na úye-nwu ɔnini, “O Unwoti, bi ɔsu na éti lɛbibo éboku ƒula bekyuli lɛlɔ lɛni? Ɔmɛni ɔsu na átala-mi? 23Ɔ́si uwi ɔni na lísie Ƒarao kudɔ ńtátɛmiku-nwu na ƒula lɛnyi kemmo ni, lɛbibo kani na uuti taasia bekyuli bamɛni lɛlɔ na étedie-ma ɔdi lɛlɔ.”
Currently Selected:
Israelƒuɔ Bɔlɛ 5: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Israelƒuɔ Bɔlɛ 5
5
Mose Ku Aaron Bésie Ƒarao Kesii
1Amu na Mose ku Aaron bésie Ƒarao kudɔ na básu-nwu banini, “Unwoti ɔni ndi Israelƒuɔ Katɔti ɔnini, ‘Te mina bekyuli kuƒi na beteesie ketele kemmo na batádi limeyi bete-mi.’ ”
2Amu na Ƒarao úye-ma ɔnini, “Ɔma ndi Unwoti ɔmmɔ na ɔlɛka linu-nwu litemi na lite kuƒi na Israelƒuɔ batɔlɔ? Lɛɛɛgyi Unwoti ɔmmɔ, na lɛɛɛdubo bɔya na batɔlɔ.”
3Amu na Mose ku Aaron bédie kenye banini, “Hebriƒuɔ Katɔti nédie lɛlɔ ɔ́tina-bu. Na ɔƒaani ni, te-bu kuƒi na buti emeyi atɛ busie ketele kemmo na butábla akpala bute bula Unwoti Katɔti. Na si bútabla akpala ammɔ ni, ɔdubɔya na ɔlɛ ubo-bu lɛlɔ na bukpi iye ɔdubɔya na kekpo kadi kebo-bu lɛlɔ na badu-bu kede kede.”
4Amu na Egyipteƒuɔ ɔga úye Mose ku Aaron ɔnini, “Bi ɔsu na bɛɛyɔ́ ka bekyuli bammɔ bada kabla bɔbla baya? Binwini bitátaabla bina kabla pla!” 5Na ɔ́su-ma ɔnini, “Amii ɔlati bɛɛnu ka bimomo bitulo Egyipteƒuɔ, bi ɔsu na ɔƒɛni na bɛɛsu-ma na bada kabla bɔbla baya?”
6Limeyi lɛmmɔ kani ni, Egyipteƒuɔ ɔga úbo bekyuli bani mɔɔnu Israelƒuɔ kabla bablane lɛlɔ ku bana benengu ɔda ɔnii, 7“Bɛda keti kani na kabla bablane bammɔ baasála ku lɛti lɛmmɔ bute bɛya na ama alati beteekulo alakpi ammɔ. 8Nsu bitaya na baƒana bana atimbɔ bumomo bɔni na beekúlo kuuku mmɔ. Israelƒuɔ bamɛni bébo kɔkɔsɔ, anwuɔsu na benye-mi lɛlɔ banii nte-ma kuƒi na beteesie batábla akpala bete bana Katɔti. 9Anwuɔsu bɛya na benye kabla kammɔ lɛlɔ kpakplaa bebu na bada atu bedie bana ɔkɔ etemila ammɔ bene lɛlɔ.”
10Amu na lɛlɔ banune bamɛni ku bana batɔnkune bésie bátásu Israelƒuɔ ka Ɔga Ƒarao ɔnii, “Nsɔ lɛɛɛdubo-mii keti kani biiti teekulo atimbɔ mmɔ bɔwia bute. 11Amii alati bisie bitáwia ala ammɔ. Na kesii kani na bɛdubo ala ammɔ bɔkɛ ɔkya bina kudɔ. Nsu atimbɔ bumomo bɔni na biikúlo limeyi ɔɔɔdi ka ɔƒana munu munu.” 12Anwuɔsu Israelƒuɔ bákɛ Egyipte kalɔ kesi biala baawia alakpi lidu lidu lɛni beti bekulo atimbɔ ammɔ. 13Na lɛlɔ banune bammɔ beenye kabla bablane bammɔ lɛlɔ taasu-ma banini, “Bikulo atimbɔ bumomo bɔni na bɔɔwia aani kudeedi kalɛ!” 14Nsu kawɔlɔkɔ ka bánu ka atimbɔ ammɔ étedu kudeedi adi ni, lɛlɔ banune bammɔ béye-ma banini, “Bi? Bukulo na bítakana atimbɔ bumomo bɔni na bɔɔwia bukulo?” Na bébo-ma kugyiimi kaduɛ.
15Ɔmɛni ɔsu Israelƒuɔ kabla bablane batɔnkune bésie Ɔga Ƒarao kudɔ na bétéye-nwu banini, “Bi ɔsu na aaní-bu kɔtu lɛni? 16Bétete abu ƒula kabla bablane keti kani na bukulo atimbɔ, nsu benye-bu lɛlɔ banini, ‘Bikulo atimbɔ ammɔ!’ Na beebó-bu, nsu bana kudɔ na ɔ́si.”
17Amu na Ƒarao údie kenye ɔnini, “Bakɔsɔne na bɛdi, anwuɔsu na bɛɛbla kɔkɔsɔ ala! Na bɛɛsu taasia kama bɛnii, ‘Bɛya na busie butábla akpala bute Unwoti.’ 18Binwini kɔnakunwi biteesie bitátaabla bina kabla. Na mɔɔsu-mii nnii, ukyuli biala ɔɔɔdubo-mii keti kadi bute, nsu ɔlɛka bikulo atimbɔ bumomo bɔni kani na básu-mii kudeedi.”
19Mmɔ na Israelƒuɔ kabla bablane batɔnkune bammɔ bánu báti ka béduo ɔgbankpi kemmo na uwi ɔni na básu-ma banini, “Útalɛ ka bɛƒana atimbɔ ammɔ bumomo bɔni na biikúlo limeyi ndi limeyi mmɔ.” 20Uwi ɔni bási baalɛ́ Ƒarao kudɔ ni, básiaku Mose ku Aaron na ulu lɛlɔ ka benye bágya-ma. 21Mmɔ na batɔnkune bammɔ básu-ma banini, “Unwoti ɔdubɔtɛku-mii litemi! Amii néti-bu bínwini bekyuli bani muuƒí Ƒarao ku nwuna benengu livo yayaaya, na utulo ka bɛ́kya-ma kewii kɔnu ka badu-bu muedi.”
Mose Ɔ́kpali Unwoti
22Amu na Mose únwini úsie útákpali Unwoti na úye-nwu ɔnini, “O Unwoti, bi ɔsu na éti lɛbibo éboku ƒula bekyuli lɛlɔ lɛni? Ɔmɛni ɔsu na átala-mi? 23Ɔ́si uwi ɔni na lísie Ƒarao kudɔ ńtátɛmiku-nwu na ƒula lɛnyi kemmo ni, lɛbibo kani na uuti taasia bekyuli bamɛni lɛlɔ na étedie-ma ɔdi lɛlɔ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.