Israelƒuɔ Bɔlɛ 35
35
Mose Úbo Israelƒuɔ Ɔda Na Lɛnwuna Limeyi Lɛlɔ
1Amu na Mose ɔ́lɔ Israelƒuɔ ƒui ɔ́sala na ɔ́su-ma ɔnini, “Ɔmɛni na Unwoti ɔɔsu-mii ka bɛbla. 2Ɔnii bibo emeyi aku ka biti bɛbla bina kabla. Nsu limeyi maatɛdi lɛlɔ ni, bɛbla-ni kedee bite Unwoti na ɔdi utabla kabla kadi. Na si ukyuli ɔdi ɔ́bla kabla kadi lɛnwunameyi lɛlɔ ni, ɔlɛka badu-nwu. 3Na ɔdi utasala ogya muedi lɛnwunameyi lɛlɔ.”
Akpala Buti Busienku Unwoti
4Amu na Unwoti ɔ́su Mose ɔnini, 5“Kɔ lɛsa te Israelƒuɔ na asu-ma na beti akpala beboku-mi. Na aƒɔ akpala ammɔ ɔdi biala kudɔ eboku-mi kalɛ na ɔ́si-nwu kayi kemmo kalɛ. Na akpala ani na adubo bɔƒɔ mmɔ ndi sika ugyiedi ku ɔƒualadi ku abuala egyiedi, 6ku unwo buluu ku ugyiedi ɔni náƒɔ kuye adi kpɛtɛ kpɛtɛ ku bese linwini, 7ku baƒonu lɛku lɛni na békpeyi na bákya-ni kuvo na lígyie kaduɛ, ku ketu kemmo bebuo lɛku ku akasia ligyii kpakplaa, 8ku asogya nnɔmii, ku ugyulo ƒɛƒɛɛ ɔni na baakya likpose nnɔmii kemmo ku oloƒui ƒɛƒɛɛ, 9ku sika atabi udu ɔdi na baalɔ onis ku ana lidu bamba ani na baaka taamana ɔkpane unengudi awu kedee ku lɛdiku lɛni muubi-nwu kayi.”
Kɔlɛmii Kɔni Badubuti Batu Katɔti Kevo Kasakɔ
10Amu na Mose ɔ́su bekyuli bani ƒui nda kɔnu kemmo kabla ka bebo na babla kabla kani Katɔti úbo-ma ɔda. 11Na batu Kevo Kasakɔ ku kɔdi ku abalala na bawia kugyikɛ ku abuala ku ligyii akpa nina aka. 12Na bawia ala na batu Bunyimi Adaka ku nwuna ligyii ku likpidi kɔtu bɔni budie libila ku kakpakɔ bule kɔdi kɔni beeti taaƒla-nwu anumi. 13Na babla ala kasiakɔ ku nwuna ligyii lɛni baagyú-nwu ku ala ani na baasia-nwu lɛlɔ ku Katɔti bodobodo kedee ɔni muusé-nwu anumi. 14Na babla asogya kalɛkɔ ku nwuna lɛlɔ ala ku nnɔmii bɔni na badubo buteewi asogya ɔmmɔ kemmo teese. 15Na batu oloƒui bɔkyula lɛbi ku nwuna ligyii ku likpose nnɔmii oloƒui ku kevo kayakun lɛduni. 16Na beti kugyikɛ na babla bɔkyula lɛkpabi ku ntɔ bɔƒɔ lɛbuala ku nwuna bɔgyu ligyii ku nwuna lɛlɔ ala. Na beti abuala egyiedi babla lɛkyami lɛni kemmo badubo asogya butaaƒɔ ku nina ɔka. 17Na babla aduni bete kevo kaduli kammɔ ku kana akpa ku ana ɔka, ku aduni ani na baaƒala kayakun. 18Na bawia ewele ku kɔbuli kɔni ndubɔda kevo ku kaduli kammɔ akpa. 19Na bawia adi na bédi Aaron lɛwu sɛsɛɛ ku nwuna bebi lɛwu lɛni na badubo butaakya taabla bakpane kabla.
Israelƒuɔ Béti Bana Akpala Béte
20Amu na bekyuli bammɔ bátɔlɔ Mose kudɔ. 21Na ukyuli biala kubiti kɔ́da-nwu. Na bani nátuna ku kaƒɔ ƒaa béti etela bésienku Unwoti ka beti batu Kevo Kasakɔ kammɔ ku akpala lɛlɔ ala ku bakpane lɛwu kedee lɛmmɔ ƒui. 22Na banana ku beleku bani mɔɔyɔ́ ni, bédie bana kaƒɔ ƒaa na beti bana sika ugyiedi ala ani baakya ɔkwɛ ku atu ku animi ku ana udu besienku Mose. Na bákɔliku-nya katɔ bátina Katɔti bébo-nya kudu. 23Na bani ƒui na bébo linwo buluu ku ligyiedi lɛni náƒɔ kuye ku adi kpɛtɛ kpɛtɛ iye bese linwini iye baƒonu lɛku lɛni békpeyi na bákya-ni kuvogyie iye ɛpu bebuo lɛku ni, béti-ni béboku. 24Na bani mbo sika ɔƒualadi ku abuala egyiedi ku bani mbo akasia kugyikɛ kɔni ndubɔdia bute kabla kammɔ lɛnɔ béti béboku Unwoti. 25Na beleku bani lɛnɔ ngyi budi béti bana linwo buluu ku ligyiedi lɛni náƒɔ kuye ku adi kpɛtɛ kpɛtɛ béboku. 26Na béti bana bese linwini bédi ala lidu béboku. 27Na batɔnkune bammɔ béboku onis atabi ani náƒɔ kuye ku ana lidu bamba ani na badubɔka bamana ɔkpane unengudi awu kedee ku lɛdiku lɛni muubi-nwu kayi lɛlɔ. 28Na básɔ béboku nnɔmii kede kede, ku ugyulo ƒɛƒɛɛ ɔni na baakya likpose nnɔmii kemmo ku oloƒui ƒɛƒɛɛ. 29Na Israelƒuɔ beleku ku banana bédie kayi ƒaa na béti ala pii bésienku Unwoti ka beti babla kabla kani na Unwoti ɔkɛnku Mose lɛlɔ úbo-ma ɔda mmɔ.
Besaleel Ku Oholiab Lɛlɔ Kɔtɛ
30Amu na Mose ɔ́su Israelƒuɔ bammɔ ɔnini, “Unwoti údie Besaleel ɔni ndi Uri ubidi na ɔdi Hura uwɔ ɔni nási Yuda kaba kemmo. 31Na ɔ́ya na nwuna kɔyu kɔƒɔ-nwu lɛlɔ kemmo ku lɛnunda ku lɛlati, na úte-nwu kɔnu kemmo kabla lidu lidu. 32Na ɔdubo sika ugyiedi ku ɔƒualadi ku abuala egyiedi buti bɔbla kɔlɛmii lidu lidu. 33Na ɔdubo atabi bɔbwɛ bɔtu, na ɔnwi ligyii, na ɔbla enu kabla abunidi lidu lidu. 34Na Unwoti úte anwu ku Oholiab ɔni ndi Ahisamak ubidi na ɔ́si Dan kaba kemmo kasusu ka béti ala ani na Unwoti úte-ma mmɔ batina bekyuli bamba. 35Ɔ́ya na nwuna kɔyu kɔ́ƒɔ bekyuli bamɛni lɛlɔ kemmo kalɛ bakana na banwi ala lidu lidu na bataa ala lidu lidu na beti linwo buluu ku ligyiedi lɛni náƒɔ kuye ku adi kpɛtɛ kpɛtɛ bedi ala lidu lidu. Na bagyi bana kabla kaduɛ.”
Currently Selected:
Israelƒuɔ Bɔlɛ 35: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Israelƒuɔ Bɔlɛ 35
35
Mose Úbo Israelƒuɔ Ɔda Na Lɛnwuna Limeyi Lɛlɔ
1Amu na Mose ɔ́lɔ Israelƒuɔ ƒui ɔ́sala na ɔ́su-ma ɔnini, “Ɔmɛni na Unwoti ɔɔsu-mii ka bɛbla. 2Ɔnii bibo emeyi aku ka biti bɛbla bina kabla. Nsu limeyi maatɛdi lɛlɔ ni, bɛbla-ni kedee bite Unwoti na ɔdi utabla kabla kadi. Na si ukyuli ɔdi ɔ́bla kabla kadi lɛnwunameyi lɛlɔ ni, ɔlɛka badu-nwu. 3Na ɔdi utasala ogya muedi lɛnwunameyi lɛlɔ.”
Akpala Buti Busienku Unwoti
4Amu na Unwoti ɔ́su Mose ɔnini, 5“Kɔ lɛsa te Israelƒuɔ na asu-ma na beti akpala beboku-mi. Na aƒɔ akpala ammɔ ɔdi biala kudɔ eboku-mi kalɛ na ɔ́si-nwu kayi kemmo kalɛ. Na akpala ani na adubo bɔƒɔ mmɔ ndi sika ugyiedi ku ɔƒualadi ku abuala egyiedi, 6ku unwo buluu ku ugyiedi ɔni náƒɔ kuye adi kpɛtɛ kpɛtɛ ku bese linwini, 7ku baƒonu lɛku lɛni na békpeyi na bákya-ni kuvo na lígyie kaduɛ, ku ketu kemmo bebuo lɛku ku akasia ligyii kpakplaa, 8ku asogya nnɔmii, ku ugyulo ƒɛƒɛɛ ɔni na baakya likpose nnɔmii kemmo ku oloƒui ƒɛƒɛɛ, 9ku sika atabi udu ɔdi na baalɔ onis ku ana lidu bamba ani na baaka taamana ɔkpane unengudi awu kedee ku lɛdiku lɛni muubi-nwu kayi.”
Kɔlɛmii Kɔni Badubuti Batu Katɔti Kevo Kasakɔ
10Amu na Mose ɔ́su bekyuli bani ƒui nda kɔnu kemmo kabla ka bebo na babla kabla kani Katɔti úbo-ma ɔda. 11Na batu Kevo Kasakɔ ku kɔdi ku abalala na bawia kugyikɛ ku abuala ku ligyii akpa nina aka. 12Na bawia ala na batu Bunyimi Adaka ku nwuna ligyii ku likpidi kɔtu bɔni budie libila ku kakpakɔ bule kɔdi kɔni beeti taaƒla-nwu anumi. 13Na babla ala kasiakɔ ku nwuna ligyii lɛni baagyú-nwu ku ala ani na baasia-nwu lɛlɔ ku Katɔti bodobodo kedee ɔni muusé-nwu anumi. 14Na babla asogya kalɛkɔ ku nwuna lɛlɔ ala ku nnɔmii bɔni na badubo buteewi asogya ɔmmɔ kemmo teese. 15Na batu oloƒui bɔkyula lɛbi ku nwuna ligyii ku likpose nnɔmii oloƒui ku kevo kayakun lɛduni. 16Na beti kugyikɛ na babla bɔkyula lɛkpabi ku ntɔ bɔƒɔ lɛbuala ku nwuna bɔgyu ligyii ku nwuna lɛlɔ ala. Na beti abuala egyiedi babla lɛkyami lɛni kemmo badubo asogya butaaƒɔ ku nina ɔka. 17Na babla aduni bete kevo kaduli kammɔ ku kana akpa ku ana ɔka, ku aduni ani na baaƒala kayakun. 18Na bawia ewele ku kɔbuli kɔni ndubɔda kevo ku kaduli kammɔ akpa. 19Na bawia adi na bédi Aaron lɛwu sɛsɛɛ ku nwuna bebi lɛwu lɛni na badubo butaakya taabla bakpane kabla.
Israelƒuɔ Béti Bana Akpala Béte
20Amu na bekyuli bammɔ bátɔlɔ Mose kudɔ. 21Na ukyuli biala kubiti kɔ́da-nwu. Na bani nátuna ku kaƒɔ ƒaa béti etela bésienku Unwoti ka beti batu Kevo Kasakɔ kammɔ ku akpala lɛlɔ ala ku bakpane lɛwu kedee lɛmmɔ ƒui. 22Na banana ku beleku bani mɔɔyɔ́ ni, bédie bana kaƒɔ ƒaa na beti bana sika ugyiedi ala ani baakya ɔkwɛ ku atu ku animi ku ana udu besienku Mose. Na bákɔliku-nya katɔ bátina Katɔti bébo-nya kudu. 23Na bani ƒui na bébo linwo buluu ku ligyiedi lɛni náƒɔ kuye ku adi kpɛtɛ kpɛtɛ iye bese linwini iye baƒonu lɛku lɛni békpeyi na bákya-ni kuvogyie iye ɛpu bebuo lɛku ni, béti-ni béboku. 24Na bani mbo sika ɔƒualadi ku abuala egyiedi ku bani mbo akasia kugyikɛ kɔni ndubɔdia bute kabla kammɔ lɛnɔ béti béboku Unwoti. 25Na beleku bani lɛnɔ ngyi budi béti bana linwo buluu ku ligyiedi lɛni náƒɔ kuye ku adi kpɛtɛ kpɛtɛ béboku. 26Na béti bana bese linwini bédi ala lidu béboku. 27Na batɔnkune bammɔ béboku onis atabi ani náƒɔ kuye ku ana lidu bamba ani na badubɔka bamana ɔkpane unengudi awu kedee ku lɛdiku lɛni muubi-nwu kayi lɛlɔ. 28Na básɔ béboku nnɔmii kede kede, ku ugyulo ƒɛƒɛɛ ɔni na baakya likpose nnɔmii kemmo ku oloƒui ƒɛƒɛɛ. 29Na Israelƒuɔ beleku ku banana bédie kayi ƒaa na béti ala pii bésienku Unwoti ka beti babla kabla kani na Unwoti ɔkɛnku Mose lɛlɔ úbo-ma ɔda mmɔ.
Besaleel Ku Oholiab Lɛlɔ Kɔtɛ
30Amu na Mose ɔ́su Israelƒuɔ bammɔ ɔnini, “Unwoti údie Besaleel ɔni ndi Uri ubidi na ɔdi Hura uwɔ ɔni nási Yuda kaba kemmo. 31Na ɔ́ya na nwuna kɔyu kɔƒɔ-nwu lɛlɔ kemmo ku lɛnunda ku lɛlati, na úte-nwu kɔnu kemmo kabla lidu lidu. 32Na ɔdubo sika ugyiedi ku ɔƒualadi ku abuala egyiedi buti bɔbla kɔlɛmii lidu lidu. 33Na ɔdubo atabi bɔbwɛ bɔtu, na ɔnwi ligyii, na ɔbla enu kabla abunidi lidu lidu. 34Na Unwoti úte anwu ku Oholiab ɔni ndi Ahisamak ubidi na ɔ́si Dan kaba kemmo kasusu ka béti ala ani na Unwoti úte-ma mmɔ batina bekyuli bamba. 35Ɔ́ya na nwuna kɔyu kɔ́ƒɔ bekyuli bamɛni lɛlɔ kemmo kalɛ bakana na banwi ala lidu lidu na bataa ala lidu lidu na beti linwo buluu ku ligyiedi lɛni náƒɔ kuye ku adi kpɛtɛ kpɛtɛ bedi ala lidu lidu. Na bagyi bana kabla kaduɛ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.