Israelƒuɔ Bɔlɛ 24
24
Katɔti Ɔ́lɛ Bunyimi Bɔmmɔ Ugyii
1Amu na Unwoti ɔ́su Mose ɔnini, “Awɔ ku Aaron ku Nadab ku Abihu ku Israel benengu liti ku aavlanyɔ bammɔ bɛkɔ bibo kɔbi katɔ mɛni na bebenye kɔƒɛlɛ kesii kadi na bakpa-mi. 2Nsu awɔ Mose lɛti pɛ mɔɔní ede ami Unwoti kudɔ mɛni, ama batakpɛ betebo.”
3Amu na Mose únwini úsie bekyuli bammɔ kudɔ na útásu-ma Unwoti ɔda ɔni na úbo-ma ƒui. Amu ka ɔ́su-ma ɔ́wɔlɔ ni, bekyuli bammɔ ƒui bédie kenye banini, “Búnu lɛla biala na Unwoti ɔ́su, na bɔdubo ɔda bubo bɔmmɔ ƒui lɛlɔ bɔdi.”
4Ɔmmɔ kama Mose únweni Unwoti ɔda bubo bɔmmɔ lɛla biala úse.
Mose ɔ́ta ɔtanta tutuutu na ɔ́tu lɛkpabi ɔ́lɛ kɔbi kɔmmɔ kaƒɔna, na úti atakpɛ leevu-anyɔ úse lɛkpabi lɛmmɔ kudɔ. Na lɛkpabi linwi biala linye lite Israel adua leevu-anyɔ ammɔ. 5Mmɔ na Mose ɔ́tala bakloƒu badi na bádu ɔmantɛ bakɔ bakɔdi badi bákyula bábla unwi bɔbla akpala béte Unwoti. 6Amu na Mose úle bebuo bammɔ ubugya kemmo inyɔ na úti kakɛ úwi lɛkyami kemmo. Na ɔ́kuna kakɛ kakladi lɛnɔ úwi lɛkpabi lɛmmɔ lɛlɔ. 7Ɔmmɔ kama ɔ́ka Unwoti Bunyimi Kedee Ɔku kemmo etemila úte bekyuli bammɔ. Amu na bekyuli bammɔ básu banii, “Bɔdubo lɛla biala na Unwoti ɔ́su-bu bɔbla bɔsiaku lɛni kani, na bunu-nwu litemi.”
8Amu na Mose úti ubugya ɔni nwi lɛkyami kemmo mmɔ na ɔ́kuna uwi bekyuli bammɔ. Na ɔ́su-ma ɔnini, “Ɔmɛni ndi ubugya ɔni mɔɔbala bunyimi bɔni na Unwoti unyimiku-mii uwi ɔni na úti ɔda bubo bɔmmɔ úte-mii.”
9Amu na Mose ku Aaron ku Nadab ku Abihu ku Israel benengu liti ku aavlanyɔ bammɔ bésie kɔbi kɔmmɔ lili, 10na bánu Israelƒuɔ Katɔti. Na kesii kani na nwuna lɛgba lɛnya ni, use aani ulu ɔni na béti sika atabi ani baalɔ Saƒaya bákya bávi na uukeye aani kayaa. 11Nsu Katɔti útabla Israel batɔnkune bamɛni lɛla lɛdi, mmomu bánu Katɔti, na bádi na báni.
12Amu na Unwoti ɔ́su Mose ɔnini, “Kɔ bo, na ebelie-mi kudɔ na kɔbi lili mɛni, na ndubo atabi ani lɛlɔ na línweni ɔda bubo bɔmmɔ lɛ́sia buti bute-ɔ ka eti atina-ma.”
13Mmɔ na Mose ku nwuna ubunkune Yosua báyu ulu na Mose ɔ́kɔ úsie Katɔti kɔbi lili mmɔ. 14Asa na Mose watɔlɔ ni, ɔ́su benengu bammɔ ɔnini, “Bɛsɔ bilie mɛni útédu ka búnwini búbo. Na si ɔdi ku ɔdi bakɛ litemi lɛdi ni, Aaron ku Hur bakya-mii kudɔ mɛni. Bebo kuƒi ka batɛ-ni bete-mii.”
15Uwi ɔni na Mose ɔ́kɔ úsie Sinai kɔbi kɔmmɔ lili ni, liƒlukutu lɛ́ƒɔ kɔbi kɔmmɔ lɛlɔ ƒui. 16Na Unwoti bukeye bonwu búbaƒɔ Sinai kɔbi kɔmmɔ lɛlɔ. Na emeyi aku sɔɔn na liƒlukutu lɛmmɔ lɛ́kya kɔbi kɔmmɔ lɛlɔ mmɔ. Na limeyi maatɛdi ni, Unwoti ɔ́kpali Mose ɔ́siku liƒlukutu lɛmmɔ kemmo. 17Na Israelƒuɔ bani nnye kalɔ baanu teemene ni, Unwoti bukeye bɔmmɔ buse-ma aani ogya bonwu ɔni mɔɔkyula ala na kɔbi kɔmmɔ eli. 18Na Mose úduo liƒlukutu lɛmmɔ kemmo ka ɔ́kɔ úsela kɔbi kɔmmɔ lili. Na ɔ́kya kɔbi kɔmmɔ lɛlɔ emeyi aavlene usien ku ɔƒɛ.
Currently Selected:
Israelƒuɔ Bɔlɛ 24: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Israelƒuɔ Bɔlɛ 24
24
Katɔti Ɔ́lɛ Bunyimi Bɔmmɔ Ugyii
1Amu na Unwoti ɔ́su Mose ɔnini, “Awɔ ku Aaron ku Nadab ku Abihu ku Israel benengu liti ku aavlanyɔ bammɔ bɛkɔ bibo kɔbi katɔ mɛni na bebenye kɔƒɛlɛ kesii kadi na bakpa-mi. 2Nsu awɔ Mose lɛti pɛ mɔɔní ede ami Unwoti kudɔ mɛni, ama batakpɛ betebo.”
3Amu na Mose únwini úsie bekyuli bammɔ kudɔ na útásu-ma Unwoti ɔda ɔni na úbo-ma ƒui. Amu ka ɔ́su-ma ɔ́wɔlɔ ni, bekyuli bammɔ ƒui bédie kenye banini, “Búnu lɛla biala na Unwoti ɔ́su, na bɔdubo ɔda bubo bɔmmɔ ƒui lɛlɔ bɔdi.”
4Ɔmmɔ kama Mose únweni Unwoti ɔda bubo bɔmmɔ lɛla biala úse.
Mose ɔ́ta ɔtanta tutuutu na ɔ́tu lɛkpabi ɔ́lɛ kɔbi kɔmmɔ kaƒɔna, na úti atakpɛ leevu-anyɔ úse lɛkpabi lɛmmɔ kudɔ. Na lɛkpabi linwi biala linye lite Israel adua leevu-anyɔ ammɔ. 5Mmɔ na Mose ɔ́tala bakloƒu badi na bádu ɔmantɛ bakɔ bakɔdi badi bákyula bábla unwi bɔbla akpala béte Unwoti. 6Amu na Mose úle bebuo bammɔ ubugya kemmo inyɔ na úti kakɛ úwi lɛkyami kemmo. Na ɔ́kuna kakɛ kakladi lɛnɔ úwi lɛkpabi lɛmmɔ lɛlɔ. 7Ɔmmɔ kama ɔ́ka Unwoti Bunyimi Kedee Ɔku kemmo etemila úte bekyuli bammɔ. Amu na bekyuli bammɔ básu banii, “Bɔdubo lɛla biala na Unwoti ɔ́su-bu bɔbla bɔsiaku lɛni kani, na bunu-nwu litemi.”
8Amu na Mose úti ubugya ɔni nwi lɛkyami kemmo mmɔ na ɔ́kuna uwi bekyuli bammɔ. Na ɔ́su-ma ɔnini, “Ɔmɛni ndi ubugya ɔni mɔɔbala bunyimi bɔni na Unwoti unyimiku-mii uwi ɔni na úti ɔda bubo bɔmmɔ úte-mii.”
9Amu na Mose ku Aaron ku Nadab ku Abihu ku Israel benengu liti ku aavlanyɔ bammɔ bésie kɔbi kɔmmɔ lili, 10na bánu Israelƒuɔ Katɔti. Na kesii kani na nwuna lɛgba lɛnya ni, use aani ulu ɔni na béti sika atabi ani baalɔ Saƒaya bákya bávi na uukeye aani kayaa. 11Nsu Katɔti útabla Israel batɔnkune bamɛni lɛla lɛdi, mmomu bánu Katɔti, na bádi na báni.
12Amu na Unwoti ɔ́su Mose ɔnini, “Kɔ bo, na ebelie-mi kudɔ na kɔbi lili mɛni, na ndubo atabi ani lɛlɔ na línweni ɔda bubo bɔmmɔ lɛ́sia buti bute-ɔ ka eti atina-ma.”
13Mmɔ na Mose ku nwuna ubunkune Yosua báyu ulu na Mose ɔ́kɔ úsie Katɔti kɔbi lili mmɔ. 14Asa na Mose watɔlɔ ni, ɔ́su benengu bammɔ ɔnini, “Bɛsɔ bilie mɛni útédu ka búnwini búbo. Na si ɔdi ku ɔdi bakɛ litemi lɛdi ni, Aaron ku Hur bakya-mii kudɔ mɛni. Bebo kuƒi ka batɛ-ni bete-mii.”
15Uwi ɔni na Mose ɔ́kɔ úsie Sinai kɔbi kɔmmɔ lili ni, liƒlukutu lɛ́ƒɔ kɔbi kɔmmɔ lɛlɔ ƒui. 16Na Unwoti bukeye bonwu búbaƒɔ Sinai kɔbi kɔmmɔ lɛlɔ. Na emeyi aku sɔɔn na liƒlukutu lɛmmɔ lɛ́kya kɔbi kɔmmɔ lɛlɔ mmɔ. Na limeyi maatɛdi ni, Unwoti ɔ́kpali Mose ɔ́siku liƒlukutu lɛmmɔ kemmo. 17Na Israelƒuɔ bani nnye kalɔ baanu teemene ni, Unwoti bukeye bɔmmɔ buse-ma aani ogya bonwu ɔni mɔɔkyula ala na kɔbi kɔmmɔ eli. 18Na Mose úduo liƒlukutu lɛmmɔ kemmo ka ɔ́kɔ úsela kɔbi kɔmmɔ lili. Na ɔ́kya kɔbi kɔmmɔ lɛlɔ emeyi aavlene usien ku ɔƒɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.