Yohane 3 1
1
1Ɔkpana ɔyɔne Gaio, ami baƒɔtaadine unengu muunweni ɔku ɔmɛni lite-ɔ. Mɔɔyɔ́-ɔ na litemi geen lɛmmɔ kemmo.
2Ɔkpana ɔbuni, mɔɔkpali katɔ nnii lɛla biala lɛtɛ lite-ɔ kaduɛ na akɛ ɔlɔkplu aani kalɛ na ebo ɔlɔkplu na kɔyu kemmo. 3Lɛlɔ lɛ́yɔ-mi geen uwi ɔni na banwani badi bébo na bábasu-mi kalɛ na aadi litemi geen lɛmmɔ lɛlɔ aani kalɛ na ngyi ka asiaku-ni kama. 4Lɛla biala lilayɔ-mi kaƒɔ teetulo ɔni na muunú ka mina bebi basiaku litemi geen lɛmmɔ kama.
Baƒɔtaadine Bémwi Gaio
5Mina ɔkpana buni, ka aanu banwa baƒɔtaadine ina ka badi badi baƒɔ bani na aaagyi muedi ɔsu ni, aabla ala ulu lɛlɔ teete Katɔti. 6Baƒɔ bammɔ bábasu baƒɔtaadine bani nkya mɛni kalɛ na aayɔ́-ma. Anwuɔsu muuvele-ɔ nnii bunku-ma na bakɛ ala ani ƒui na baawia na bana ulu busie kemmo aani kalɛ na ɔ́manku-ma aani Katɔti kabla bablane. 7Ɔsika bése bana ulu busie kalɔ na Kristo kabla bɔbla kemmo, na bátaƒɔ kebunku kadi bátasiku bekyuli bani nátaƒɔ bátadi kudɔ. 8Ɔmɛni ɔsu ni, abu Kristoƒuɔ ɔlɛka bubunku bekyuli bamɛni udu kalɛ na bunyeku-ma na bugyingya Kristo litemi geen lɛmmɔ.
Yohane Ɔ́su Lɛla Lɛdi Na Diotreƒe Ku Demetrio Lɛlɔ
9Línweni ɔku ɔdi líte ƒula baƒɔtaadine lɛkpa lɛmmɔ. Nsu ka Diotreƒe ɔɔyɔ́ ka ɔtalaku lɛlɔ katɔ aani ɔtɔnkune na mmɔ ɔsu ni, ulábu lɛla lɛni na abu batalane bɔɔsu. 10Si líbo ni, ndubudie-nwu keyi na lɛla lɛni na ɔ́bla lɛlɔ ku ala ekpidi ani na ɔɔsu tasiku-bu lɛlɔ ku ɔkɔ ɔni na ɔ́nyi ɔ́sia-bu. Nsu ɔmmɔ lɛti bɔbla bútabɔ-nwu. Ɔsika ulátuna ɔnii ɔɔƒɔ́ banwa si bébo. Na uutile bekyuli bamba bani mɔɔyɔ́ ka baƒɔ-ma lɛnɔ kuƒi, na ɔɔbɔku-ma teedie lɛkpa lɛmmɔ kemmo.
11Mina ɔkpana ɔyɔne, tasiaku likpidi bɔbla kama. Mmomu siaku lɛbuni bɔbla kama. Na ukyuli biala ɔni mɔɔbla lɛbuni ni, ɔdi Katɔti ɔdi. Nsu ukyuli ɔni mɔɔbla ala ekpidi ni, ɔɔɔgyi Katɔti.
12Na Demetrio anwu ni, ukyuli biala ɔɔlɔ-nwu lɛnyi buni. Na kalɛ na bɔɔnu litemi geen lɛmmɔ na nwuna lɛlɔ kemmo ni, úte-nwu lɛnyi buni. Na abu lɛnɔ bɔɔlɔ-nwu lɛnyi buni. Na bɛgyi ka lɛla lɛni na bɔɔsu lise lɛni.
Yohane Ɔ́kada-ma
13Mbo ala pii na lɛsu-mii, nsu naaayɔ ka linweni ala ammɔ limene-ɔ. 14Mɔɔwia ka libo-ɔ kudɔ uwi klukui kemmo na bɔtɛmi anumi ku anumi.
15Lɛ́wɔ mɛni. Keyi buɛɛ kasiaku-ɔ. Bakpana bani nkya mɛni ƒui beegyele-ɔ kaduɛ. Lɔ bakpana bani nkya mmɔ anyi unwi unwi na egyele-ma ete-mi.
Currently Selected:
Yohane 3 1: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.