Tesalonikaƒuɔ 1 1
1
Buugyele-mii
1Ami Paulo ku Silivano ku Timoteo búnweni ɔku ɔmɛni buute amii bani ndi Katɔti ku Blɔti Yesu Kristo badi na Tesalonika. Na bɔɔkpali katɔ bɔnii Blɔti lɛƒɔndia ku keyi buɛɛ kasiaku-mii.
Bɔɔgyá Katɔti Enu Ka Bíti Lɛlɔ Bíte-nwu
2Bɔɔgyá Katɔti enu na bina lili. Na uwi biala si bɔɔkpali katɔ ni, buuvele lɛnɔ na bina lili. 3Na buláyiƒala Katɔti bɔsu kalɛ na bɛda bina bɔƒɔtaadi bɛɛbla kabla. Bɔɔsu lɛnɔ kalɛ na biibunku bekyuli na bɔyɔ kemmo, na bɛsia Blɔti Yesu Kristo anu kpakplaa.
4Banwa, bɔgyi ka Blɔti ɔɔyɔ́-mii geen na ɔ́ƒuna-mii aani nwuna badi. 5Na litemi buni lɛni búbasu-mii ni, ɔɔɔdi kenyekplu kani na kadi. Mmomu kadanku Katɔti Kɔyu ɔyikun budie taatina ɔni na bɔ́ya na bɛ́ti ka sɔsɔ na ɔdi. Bɔgyi ka bɛ́nu kalɛ na bɔ́da bula lɛlɔ na bina akɔ, na ɔmɛni ɔdi bina kebunku. 6Na sɔsɔ ni, amii lɛnɔ bɛ́tɛya-bu na bɛsiaku Blɔti udu kama. Na ina ka biibó abi muedi ni, bɛ́ƒɔ litemi lɛmɛni ku ebiti ani na Katɔti Kɔyu kúte-mii.
7-8Ɔmɛni ɔsu na baƒɔtaadine bani nkya Makedonia ku Akaia kalɔ lɛlɔ ƒui ni, baanu-mii taatɛya. Nsu ɔɔɔdi Blɔti litemi lɛmɛni lɛti néegyingya lɛ́si-mii kudɔ lísie Makedonia ku Akaia ƒui. Mmomu bina Katɔti bɔƒɔtaadi lɛnɔ bɔ́ɔƒɔ kesi kesii. Na ɔɔɔdi abu nsɔ masu lɛla lɛdi, ɔsika bekyuli ƒui béenu-ni. 9Na ama alati mɔɔtɛmi taasiku kalɛ na bɛ́ƒɔ-bu uwi ɔni na búbo-mii kudɔ ku kalɛ na bɛ́da baƒiɔ bɔkpa bɛ́ya, na bíti lɛlɔ bíte Katɔti ɔni lɛti mbo ngba. 10Na binye bɛgya Ubidi Yesu ɔni na ɔ́gyila ɔ́lɛku bekpine akɔ, na úbo uli ngba ku Katɔti, na ɔsɔ ɔdubɔsi Katɔ Ɔga Ɔma mmɔ ubo. Yesu ɔmɛni kani ndubɔkana na ɔƒɔ-bu ɔlɛku kɔtu bɔni bɔni na Katɔti ɔdubute ekpidi bablane ƒui kemmo.
Currently Selected:
Tesalonikaƒuɔ 1 1: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Tesalonikaƒuɔ 1 1
1
Buugyele-mii
1Ami Paulo ku Silivano ku Timoteo búnweni ɔku ɔmɛni buute amii bani ndi Katɔti ku Blɔti Yesu Kristo badi na Tesalonika. Na bɔɔkpali katɔ bɔnii Blɔti lɛƒɔndia ku keyi buɛɛ kasiaku-mii.
Bɔɔgyá Katɔti Enu Ka Bíti Lɛlɔ Bíte-nwu
2Bɔɔgyá Katɔti enu na bina lili. Na uwi biala si bɔɔkpali katɔ ni, buuvele lɛnɔ na bina lili. 3Na buláyiƒala Katɔti bɔsu kalɛ na bɛda bina bɔƒɔtaadi bɛɛbla kabla. Bɔɔsu lɛnɔ kalɛ na biibunku bekyuli na bɔyɔ kemmo, na bɛsia Blɔti Yesu Kristo anu kpakplaa.
4Banwa, bɔgyi ka Blɔti ɔɔyɔ́-mii geen na ɔ́ƒuna-mii aani nwuna badi. 5Na litemi buni lɛni búbasu-mii ni, ɔɔɔdi kenyekplu kani na kadi. Mmomu kadanku Katɔti Kɔyu ɔyikun budie taatina ɔni na bɔ́ya na bɛ́ti ka sɔsɔ na ɔdi. Bɔgyi ka bɛ́nu kalɛ na bɔ́da bula lɛlɔ na bina akɔ, na ɔmɛni ɔdi bina kebunku. 6Na sɔsɔ ni, amii lɛnɔ bɛ́tɛya-bu na bɛsiaku Blɔti udu kama. Na ina ka biibó abi muedi ni, bɛ́ƒɔ litemi lɛmɛni ku ebiti ani na Katɔti Kɔyu kúte-mii.
7-8Ɔmɛni ɔsu na baƒɔtaadine bani nkya Makedonia ku Akaia kalɔ lɛlɔ ƒui ni, baanu-mii taatɛya. Nsu ɔɔɔdi Blɔti litemi lɛmɛni lɛti néegyingya lɛ́si-mii kudɔ lísie Makedonia ku Akaia ƒui. Mmomu bina Katɔti bɔƒɔtaadi lɛnɔ bɔ́ɔƒɔ kesi kesii. Na ɔɔɔdi abu nsɔ masu lɛla lɛdi, ɔsika bekyuli ƒui béenu-ni. 9Na ama alati mɔɔtɛmi taasiku kalɛ na bɛ́ƒɔ-bu uwi ɔni na búbo-mii kudɔ ku kalɛ na bɛ́da baƒiɔ bɔkpa bɛ́ya, na bíti lɛlɔ bíte Katɔti ɔni lɛti mbo ngba. 10Na binye bɛgya Ubidi Yesu ɔni na ɔ́gyila ɔ́lɛku bekpine akɔ, na úbo uli ngba ku Katɔti, na ɔsɔ ɔdubɔsi Katɔ Ɔga Ɔma mmɔ ubo. Yesu ɔmɛni kani ndubɔkana na ɔƒɔ-bu ɔlɛku kɔtu bɔni bɔni na Katɔti ɔdubute ekpidi bablane ƒui kemmo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.