LOMA 16

Ko Alofaaga Totino o Paulo

1E fakailoa atu ne au ki a koutou a te tuagane o tatou ko Fipe, tela se tiakono o te Ekalesia i Kenikelea. 2Ke talia ne koutou a ia i te igoa o te Aliki, me se mea 'tau eiloa o fai ne Kelisiano, kae fesoasoani foki ki a ia i so se mea e manako a ia ki ei mai i a koutou; i te mea i a ia se fafine ne fesoasoani ki te tokoukega o tino e pela foki mo au.

3 # Galu 18.2 Ko alofa atu au ki a Pisila mo Akuila, ne tino ne galue fakatasi matou i te galuega a Keliso Iesu, 4kola ne tuku atu o la ola mo oku. Au e fakafetai ki a laua, e se ko au fua, kae pela katoa Ekalesia o fenua fakaatea. 5Ko alofa atu foki au ki te Ekalesia tela e potopoto sale i te la fale.

Oku alofaaga foki mō toku taugasoa pele ko Epaineto, tela ko te tino muamua eiloa ne talitonu ki a Keliso i Asia. 6Oku alofaaga foki ki a Malia, tela ne galue malosi mō koutou. 7Oku alofaaga foki ki a Aneloniko mo Iunia, ne tino o toku fenua kola ne fale puipui fakatasi matou, kae e iloa 'lei eiloa ne apositolo, kae ne mua foki laua i a au o fai mo Kelisiano.

8Oku alofaaga foki ki a Amepelia, ko toku taugasoa pele i te mafutaga a te Aliki. 9Oku alofaaga foki ki a Upano, se tino ne galue fakatasi mo matou i te galuega a Keliso, pela foki ki a Sataku, ko toku taugasoa pele. 10Oku alofaaga foki ki a Apele, tela ko iloa tonu tena fakamaoni ki a Keliso. Alofa atu foki mo latou kola e aofia i loto i te kaiga o Alisopulo. 11Alofaaga foki ki a Helotiona, se tino o toku fenua, pela foki ki taina Kelisiano i te kaiga o Nakiso.

12Oku alofaaga foki ki a Tufaina mo Tufosa, kola e ga'lue foki i te galuega a te Aliki, pela foki ki toku taugasoa pele ko Peseti, tela ko uke ana galuega ne fai mo te Aliki. 13#Male 15.21E 'moli atu foki oku alofaaga ki a Lufo, se tino galue 'lei i te galuega a te Aliki, pela foki ki tona matua, tela ne atafai mai ki a au e pela eiloa au mo sena tama. 14Oku alofaaga foki ki a Asugelito, Fegona, Helama, Patelopa, mo Helemea ei, mo nisi taina ake Kelisiano e 'nofo mo latou. 15Alofaaga foki ki a Filoloko mo Iulia, pela foki ki a Neleu mo tona tuagane, pela foki ki a Olumepa mo Kelisiano katoa kola e 'nofo fakatasi mo latou.

16Ke fakatalofa atu koutou ki so se tino i te sogi tapu. Ko a'lofa atu katoa a Ekalesia a Keliso ki a koutou.

Ko Polopolokiga Fakapalele a Paulo

17Oku taina, au e fakamolemole atu ki a koutou, ke fakaeteete koutou mai tino kola e fakatupu ne latou te finauga mo te faigata, me e 'teke ki akoakoga kola ne akoakogina ei koutou; ke faka'mao koutou mai i a latou. 18Me ko latou kola e amioga pena, e se tavini latou ki a Keliso te tou Aliki, kae tavini eiloa ki olotou manako ma'sei, i te gali olotou pati mo lauga fakakolekole, e fakaloiloi ei ne latou mafaufauga o tino va'lea. 19A tino katoa, ko oti ne 'logo i te otou fakamaoni ki te tala 'lei, kae lifu faeloa au ki a koutou mō te feitu tenei. Au e manako ke 'poto koutou ki mea 'lei, kae ke valea ki mea masei. 20Ka ko te Atua tela ko te pogai o te filemu, ke lakalaka ne ia Satani i lalo otou vae.

Ke i a koutou katoa te alofa tauanoa o te tou Aliki ko Iesu Keliso.#16.20: I nisi lomiga e fakaseai ne latou a te foaiupu tenei.

21 # Galu 16.1 Ko alofa atu foki Timoteo, se tino ne galue maua; pela foki mo Lukio, Iasona mo Sosepatelo, ne tino o toku fenua.

22Ko au ko Tesio, ko te failautusi o te tusi tenei, ko alofa atu foki au ki a koutou i te Aliki.

23 # Galu 19.29; 1Koli 1.14; 2Timo 4.20 Ko alofa atu a toku tausi ko Kaio, pela foki te Ekalesia katoa ki a koutou. Ko alofa atu foki ki a koutou Elata te teu tupe o te fa'kai, pela foki te tou taina ko Kuata.#16.23: I nisi lomiga e fakaopoopo te foaiupu e 24: Ke ia koutou katoa te alofa tauanoa o te tou Aliki ko Iesu Keliso. Amene; Ko nisi lomiga e fakaopoopo te fakamunaga tenei mai tua o te foaiupu 27.

24(Ke i a koutou katoa te alofa tauanoa o te tou Aliki ko Iesu Keliso. Amene.)

Ko te 'Talo Fakamanuia

25Ki a ia tela e mafai ne ia o fakamalosi koutou ki taku Tala 'Lei mo taku folafolaga i a Iesu Keliso, e tusa eiloa mo te fakaasiga o mea 'funa kola ne 'funa faka'galo i tausaga e uke. 26Tenei ko fakaasi mai i tusitusiga fakapelofeta, ka ko fakailoa atu foki ki te lalolagi katoa e alatu i fakatonuga a te Atua, ko te mea ko tino ke talitonu kae faka'logo.

27Ke i te Atua poto e tokotasi te vikiga e se gata mai, e alatu i a Iesu Keliso! Amene.#16.27: I nisi lomiga e isi i ei a foaitau konei 25-27 konei mo mai i tua o te 14.23; kae ko nisi lomiga e isi ia latou, kae fakasae mai i tua o te 14.23; kae tasi te lomiga e isi i ei kae fakasae mai tua o te 15.33.

Currently Selected:

LOMA 16: Tusi Tapu

Highlight

Copy